Контакт

Македонија

ДУИ демантира дека има врска со пукањето во Мала Речица

Објавено пред

Демократската унија за интеграција (ДУИ) во соопштение до медиумите ги демантира информациите дека во нејзиното седиште во Мала Речица имало пресметка или инцидент.

„Демократската унија за интеграција и денес, како и секој друг ден, продолжува со своите вообичаени активнопсти. Ја демантираме секоја информција во врска со тоа дека денес во ДУИ имало пресметка или инцидент. Ние како политички субјект немаме и не може да имаме одговорност за инцидентетите што немаат врска со Демократката унија за интеграција и за неа“, се вели во соопштението на ДУИ.

Македонија

Ахмети: Никој да не се плаши од првиот премиер Албанец, ние го земаме делот што ни припаѓа

Објавено пред

На промоција на кандидатот за премиер на Република Северна Македонија под број 9 кој е предложен од Демократската унија за интеграција беше присутен и претседателот на партијата, Ахмети, кој на почеток рече дека ова е голем собир бидејќи тука се заедно Липково и Куманово, иако во вонредни околности тие секогаш биле заедно.

Ахмети истакна дека се ставени во движење не само земјата и регионот, туку и меѓународни центри, бидејќи правдата е на наша страна и целата врева се крева поради тоа што ние излеговме со
наше правно и легитимно барање за премиер Албанец.

„Наместо да се радуваат, другите се налутија и се разочараа. Наместо да ја поздрават, тие ја исмеваат. Ние знаеме дека кога се вознемируваат другите имаат голема мака, но не треба толку да се грижат затоа што со премиерот Албанец ќе се зголеми лојалноста на Албанците кон државата, со премиерот Албанец ќе се зајакне интегритетот и суверенитетот на државата, ние не го земаме делот на другиот бидејќи никогаш не сме сакале нешто што не било наше, туку нашиот дел за кој сме пролеале крв“, истакна Ахмети.

Во продолжение на неговиот говор пред граѓаните на Куманово рече дека е загрижен од македонските политичари, но и од претседателите на албанските политички партии кои реагираа за идејата на премиерот Албанец во РСМ.

„Нашите сограѓани Македонци ме разочараа бидејќи беднаш се исшлашија од идејата за премиер Албанец истакнувајќи дека Албанец не може да биде премиер во РСМ. Од дедо и прадедо со документ ни ја оставија земјата и заедно со Сонцето ние сме тука и никој не може да негира едно легитимно право кое самиот Господ го познава. Како можеше да се избере претседателот на Собранието Албанец и токму тие говореа дека не може да стане, министерот за одбрана Албанец, министерот за внатрешни работи Албанец, претседателот на Врховниот суд Албанец и ништо лошо не ѝ се случи на ова земја, напротив процесите се движат напред, Европа е Европа на различностите. За следниот мандат гледам многу ветувања, но за тој мандат треба една работа да ветува македонската страна, дека ова земја
ќе стане членка на Европската Унија и за членство на нашата земја во европското семејство треба да се направат длабоки реформи во правото, да се спроведе ветинг, да се бориме против криминалот и корупцијата и ова може да го направи еден премиер Албанец, истакна Ахмети.

На крај од неговиот говор, Али Ахмети рече дека ДУИ гледа изградени вредности, вредности кои знаат да менаџираат и управуваат, затоа се бара целосна албанска поддршка во Република Северна Македонија и на другите заедници, иако порано не е кажано и не е негирано дека со наша издвоена победата на националната борна и тие ги добија нивните права.

Прикажи повеќе...

Македонија

Зибери: Задолжителни часови по албански јазик е прашање на еднаквост

Објавено пред

Денеска, во дворот на училиштето „Хасан Приштина“ во Чаир, кандидатот за премиер Насер Зибери и носителот на листата изборната единица два, Арбр Адеми, остварија средба со учителите и наставниците, за да ги слушнат нивните потреби и да разговараат за можностите за подобрување на квалитетот на образованието, особено еднаквоста во образованието.

„Мојата заложба во текот на првите 100 дена како премиер Албанец предвидува исто така и подобрување на иднината на нашите млади. Ќе го направиме задолжително предучилишно образование и ќе обезбедиме градинки во секоја општина“- рече Насер Зибери, додавајќи дека задолжителното предучилишно образование гарантира еднакво образование за сите деца без оглед на нивниот социјален статус и им помага на новите семејства што е научно докажано, и дека предучилишното образованието придонесува за образовните кариери на децата и го намалува социјалниот јаз.

Кандидатот за премиер, Насер Зибери, се осврна и на задолжителното воведување на албанскиот јазик од 5-то одделение.

„Законот за јазиците е донесен од страна на Собранието на Република Северна Македонија, а албанскиот јазик, сега веќе е официјален јазик во земјата. Ова е најважното достигнување за нас Албанците“, посочи Зибери.

За време на посетата, носителот на листата на изборната единица два, Арбр Адеми, истакна дека ќе се инвестира во образовната инфраструктура, во изградбата и реновирањето на градинките и училиштата во албанските населби, проекти за кои посочи дека дел се веќе во тек. „Да изградиме
еднаква инфраструктура, училишта и модерни градинки, дури и во населбите што се изоставени во однос на инфраструктурата долги години“ – истакна Адеми.

 

Прикажи повеќе...

Македонија

Спасовски од Шуто Оризари: Направивме пресврт, сега сме општество што им помага на сиромашните

Објавено пред

Направивме пресврт и разлика, од општество во кое 11 години се газеше врз достоинството на луѓето станавме општество во кое се помага на сиромашните и ранливите, држава која се стреми сите да имаат и да уживаат еднакви права, истакна претседателот на Владата, Оливер Спасовски, кој заедно со заменик-министерот за животна средина и просторно планирање, Јани Макрадули, денеска извршија увид во работите на училиштето „Браќа Рамиз и Хамид“ во општина Шуто Оризари.

Во изјавата за медиумите премиерот Спасовски истакна дека Владата во изминатите три години покажа што значи вистинска грижа за сите граѓани подеднакво.

„Покажавме дека македонското општество и нашите граѓани можат да бидат и солидарни и грижливи, дека може да се помогне на секоја индивидуа или заедница на која тоа ѝ е потребно. Социјалната помош ја зголемивме за 300 отсто и неколкукратно го зголемивме опфатот на корисници. Воведовме детски и образовен додаток за поефикасна борба против детската сиромаштија. Минималната плата ја зголемивме од 9.000 на 14.500 денари. Го решивме проблемот со стечајците, денес околу 12.000 стечајни работници добиваат по 8.000 денари до нивно пензионирање“, потенцираше премиерот Спасовски.

Тој нагласи дека солидарно се бориме и против последиците на коронавирусот и дека сите погодени од корона-кризата добиваат институционална и солидарна помош.

„Направивме пресврт и разлика, од општество во кое 11 години се газеше врз достоинството на луѓето и станавме општество во кое се помага на сиромашните и ранливите, држава која се стреми сите да имаат и да уживаат еднакви права. Обезбедивме силна имплементација на политиките кои го помагаат вклучувањето на ранливите категории граѓани во општествените процеси и во институциите на општеството. Една од тие политики е квалитетното инклузивно образование за сите.

Денеска, овде, во општина Шуто Оризари, ја следиме таа трансформација во општинското основно училиште ‘Браќа Рамиз и Хамид’. Гледаме како се остварува стремежот и визијата на општинските власти, со поддршка на Владата, училиштето ‘Браќа Рамиз и Хамид’ да биде во првите редови на сите општествени трансформации и да прерасне во модерно училиште, училиште по мерка на секое дете, училиште на 21 век“, акцентираше премиерот Спасовски.

Тој образложи дека во континуитет во текот на 2018, 2019 и 2020 година се направени сериозни реконструкции и промени за да се создадат соодветни услови за работа во училиштето, како за учениците, така и за наставниот кадар и сите вработени, сè со цел подобрено и непречено одвивање на наставата.

„Општина Шуто Оризари доби поддршка и од Планот за чист воздух за 2019 година за промена на старите прозорци и врати во зградата на општината, со цел да се подобри енергетската ефикасност на објектот, со што се овозможи заштеда на топлинска енергија, како и заштеда на општинските буџетски средства. Дополнително од Планот за чист воздух, за општина Шуто Оризари се издвоени 500.000 денари за хортикултурно уредување и реконструкција на дворната површина со зелена површина во ОУ ‘Браќа Рамиз и Хамид’”, објасни премиерот Спасовски.

Тој потенцираше дека континуитетот продолжува и оваа година, дека во наредните месеци ќе почне изградбата на нова фискултурна сала, хортикултурно уредување на внатрешните и останатиот дел од надворешните паркови и зелени површини, ќе се замени стариот училиштен инвентар со нов и ќе се опремат училниците и кабинетите со современа технологија и смарт табли.

„Грижата за најмладите останува во врвот на приоритетите и на Општината и на Владата. Над 450 деца Роми чиишто семејства се во социјален ризик се ослободени од плаќање партиципација за посетување на градинка, во рамки на блок-дотациите што локалните самоуправи ги добиваат од Министерството за труд и социјална политика. Раниот детски развој е основата за понатамошниот развој и едукација на секој поединец и токму затоа во изминатите три години посветено и силно работевме на вложување во раниот детски развој. Инвестирано е во вкупно 43 градинки, а истовремено се јакнат и професионалните компетенции на воспитувачите, преку различни програми, но и со зголемување на платите. Само во текот на мината година платите на вработените во градинките се зголемени за 26 проценти“, ја акцентираше грижата и за најмладите од страна на Владата премиерот Спасовски.

„Независно од оваа програма, дополнителни 6.000.000 денари од буџетот на Министерството за труд и социјална политика се наменети за внатрешно опремување на нова детска градинка ‘8 Април’ во Општина Шуто Оризари. Со овие, и со други проекти во образовните и другите политики за еднаков пристап за развој на општеството, системски ја решаваме инклузијата на деца Роми со вклучување на единиците на локална самоуправа, како дел од зацртаните цели од Националната стратегија за Роми“, финално потенцираше во својата изјава премиерот Спасовски.

Заменик-министерот за животна средина и просторно планирање, Јани Макрадули, се осврна на планот за чист воздух и енергетска ефикасност на државните и јавни установи имплементиран преку Министерството за животна средина и просторно планирање и во ова училиште.

„Она што е важно е дека ова хортикултурно уредување е опремено со системот ‘капка по капка’ и садењето е со плодородни дрвја бадеми и лешници за да можат децата и визуелно да учат. Преку планот за чист воздух оваа година ќе интервенираме во здравствениот дом овде во Шуто Оризари во вредност од 230.000 денари. Би сакал да потсетам за овој пост ковид-период и заложбата која ја имаат сите земји во Европа да нема државна зграда да не е енергетски ефикасна и што загадува е практично истата заложба што ја имаме и ние. Со милион денари е интервенирано кон општината Шуто Оризари за енергетска ефикасност со што ќе се зголеми за 30 проценти ефикасноста и така ќе одиме во сите јавни и државни установи во следниот период бидејќи тоа е најдобриот начин да се справиме со аерозагадувањето, а во рамки на борбата со аерозагадувањето планирано е поставување  мерна станица која што ќе ги детектира вредностите. Во овој момент во градот Скопје последната зимска сезона на претходната Влада во однос на оваа за 60 проценти е намалено во просек загадувањето по број на денови и по максимална и минимална концентрација“, истакна Макрадули.

Претседателката на Советот на Општина Шуто Оризари, Фатима Османовска, истакна дека ако една помала заедница е обесправена во однос на мнозинството и не може да ги ужива сите права во општеството, исчекорот напред е можен само со унапредување на образованието на таа заедница и затоа сме должни сите заедно да вложуваме во обезбедување услови за мотивација на децата и младите и нивно вклучување и останување во образовниот систем.

„Токму затоа инвестираме во нова најмодерна по европски терк детска градинка и во целосна реконструкција на едно од најголемите училишта во Република Северна Македонија, нашето ‘Браќа Рамиз и Хамид’. За децата и младите образовните и воспитните институции да ги чувствуваат како свој втор дом. Врвен приоритет и понатаму ќе ни бидат училиштата, сè додека не видиме цели генерации излезени од ова училиште, високообразовани, успешни бизнисмени, професори, лекари, политичари. Нудиме решенија за развој на заедницата, преку урбанизација на општината, првпат по 25 години. Секое домаќинство да има пристап до патишта проектирани и изведени по највисоки стандарди. Секое домаќинство да има безбеден дом од поплави и затоа следниот голем проект заедно со Владата ќе ни биде опфатот со атмосферска канализација на населбата во местата кои не се опфатени, во вредност од 1,5 милиони евра“, потенцираше Османовска.

Таа изрази уверување дека заедно со Владата ќе се продолжи на развивање наменски мерки, за младите, децата, пензионерите и вработените.

„Образован, вработен Ром со свој дом. Тоа е нашето мото за работа и како локална самоуправа сите наши ресурси ги насочувавме и ќе продолжиме да ги насочуваме со една цел – да бидеме и ние како заедница дел од едното општество за сите“, финално истакна во својата изјава Османовска.

Прикажи повеќе...

Најново

Македонија53 минути

Нови 120 заболени и четворица починати oд Ковид-19 во земјава

Министерството за здравство информира дека во последните 24 часа се направени 954 тестирања, а регистрирани се 120 нови случаи на...

Македонија1 час

Ако има потреба ќе бидат воведени рестриктивни мерки, велат Спасовски и Филипче

Ако има потреба ќе бидат препорачани и воведени рестриктивни мерки. Вака техничкиот премиер Оливер Спасовски и министерот за здравство, Венко...

Македонија1 час

Oколу 900 патници поминале низ двата аеродрома кои денеска беа отворени

Околу 900 патници денеска поминале низ скопскиот и охридскиот аеродром, на првиот ден од нивното отворање, по неколкумесечниот застој поради состојбата...

Македонија2 часа

Независна пратеничка група: Мицкоски кочел закони за да штити криминал поради личен интерес

Мицкоски нé лажеше дека се грижи што ќе се уништи партијата, а имал гајле само за некого, свој личен интерес...

Македонија2 часа

Филипче: Воведовме 7 нови лекови за лицата со ретки болести и во услови на Ковид-19

Министерот за здравство, Венко Филипче, се сретна со претставници на Здруженијата на лица со ретки болести во нашата земја, при...

Регион4 часа

Граничниот премин Евзони повторно затворен

Граничниот премин Евзони требаше да биде отворен од денес, но сепак, во краток временски период овој граничен премин беше затворен,...

Македонија4 часа

Кривична пријава и државен карантин за синот на починатата кој учествуваше во инцидентот пред „8 Септември“

Обид насилно да се изнесе тело на почината од коронавирус е причината за инцидентот што вчера се случи во болницата...

Економија4 часа

Игротеките бараат поддршка и протоколи за почеток со работа

Три конкретни мерки за што поскоро отворање и почеток со работа предложи Групацијата на забавни, рекреативни и едукативни дејности и...

Македонија6 часа

Ременски бара обвинителката Русковска да биде изземена од судењето за „Меѓународен сојуз“

Фросина Ременски, третообвинета во случајот „Меѓународен сојуз“, заедно со Бојан Јовановски-Боки 13, бара да се изземе обвинителката Вилма Русковска од...

Македонија6 часа

Лицата со Ковид-19, во самоизолација и хронично болните можат да се пријавуваат за гласање за изборите

Почнува пријавувањето до општинските изборни комисии на лицата со Ковид-19 и во самоизолација, на болните, немоќните и хронично болните за...

Македонија7 часа

Бројот на починати од коронавирус во земјава надмина 300, границите на ЕУ остануваат затворени за македонските граѓани

Земјата со недели се соочува со троцифрени бројки на новозаразени од Ковид-19 на дневна основа, а бројот на починати од...

Свет7 часа

САД ги купија сите залихи на ремдесивир

Сите залихи на лекот ремдесивир, кој е еден од ретките што покажаа позитивни резултати во лекувањето на коронавирусот, се откупени...

Македонија8 часа

Повторно летови од аеродромите во Скопје и во Охрид

Двата аеродрома, во Скопје и во Охрид, од денеска се отвораат за патници, но со строго почитување на протоколите. Заштитните...

Македонија8 часа

Снимател од МРТ ја загуби битката со коронавирусот

Синоќа од коронавирус почина долгогодишниот снимател во албанската редакција на Македонската радио- телевизија, Шенол Ахмети. Неговите колеги на социјалните мрежи...

Забава10 часа

(Видео) Италијански нуркачи два часа спасувале кит заплеткан во нелегални рибарски мрежи

Припадниците на италијанската крајбрежна стража и нуркачите успеале да го ослободат китот што се заплеткал во рибарските мрежи во близина...

Македонија17 часа

Филипче за инцидентот во „8 Септември“: Ова е чин на непочитување на здравствените работници кои се борат за секој човечки живот

Вечерва во Градската општа болница „8 Септември“, докторка беше нападната од семејство на пациентка која по неколку дена болничко лекување...

Топ19 часа

Шестмина приведени поради закани кон докторка во Ковид-центарот во „8 Септември“

Шестмина се приведени вечерва поради закани кон докторка во Ковид-центарот во болницата „8 Септември“ во Скопје. Меѓу нив е и...

Македонија20 часа

Милошоски хоспитализиран на Инфективната клиника поради висока температура

Кандидатот за пратеник од ВМРО-ДПМНЕ, Антонијо Милошоски е примен на Инфективната клиника откако неколку дена имал покачена телесна температура, иако...

Регион22 часа

(Видео) Група лекари ѝ свртеа грб на Брнабиќ во знак на протест во Нови Пазар

Група лекари и медицински персонал во општата болница во Нови Пазар им завртеа грб на српската премиерка Ана Брнабиќ и...

Спорт22 часа

Чистка во Олимпијакос, четворица Американци отпуштени во ист ден!

Грчкиот кошаркарски клуб, Олимпијакос одлучи да ослободи од обврските четири американски кошаркари, во ист ден. Тоа е уште една потврда...

Досие