Македонија
Единствена Македонија: Заев знае за вооружени Албанци во државата, но не презема ништо

Зоран Заев вчера ја шокираше јавноста со изјавата дека за време на немилите настани во Собранието на 27 април, лани, по мобилен телефон добивал информации дека од „Бит Пазар“ се тргнати вооружени Албанци кон Собранието да ги бранат пратениците на ДУИ и Зијадин Села, стои во денешното соопштение на политичката партија Единствена Македонија.
Оттаму истакнуваат дека за нив како партија и за македонскиот народ е крајно опасно што премиерот не го применува правото и не презема ништо за да ги разоружа нелегално вооружените Албанци во земјата.
„Ако за така краток рок постоела вооружена албанска група која се мобилизирала да го нападне Собранието лани на 27 април, а притоа Заев тоа го знае и цела една година ништо не презема, се поставува прашањето дали Зоран Заев ги сместува сите албански партии во владата во обидот за конечна пресметка со македонскиот народ, а нелегалното оружје на вооружените албанци ќе послужи за таа цел“, јавно прашуваат од Единствена Македонија.
Политичката партија во соопштението го предупредува премиерот да не влегува во опасна авнтура против македонскиот народ, оти, како што велат, многу бргу Македонија ќе биде ослободена од окупаторската марионетска власт во државата, заедно со нејзините странски газди.
„Единствена Македонија ќе победи и сите кои учествувале во политиките на антимакедонска и антидржавна основа, ќе одговараат“, се наведува во партиското соопштение.
©Makfax.com.mk Доколку преземете содржина од оваа страница, во целост сте се согласиле со нејзините Услови за користење.

Македонија
Од денес пуштен во употреба магистралниот пат Охрид-Св.Наум, најави Владата

Македонија се гради. Денес официјално ќе биде пуштен во употреба магистралниот пат Охрид-Св.Наум во должина од 24,3 километри, најавуваат од Владата.
Вредноста на проектот за реконструкција на овој патен правец, како што е појаснето во официјалното соопштение изнесуваше 11,7 милиони евра.
„Ова значи дека по речиси 4 децении, не само охриѓани, туку голем број на граѓани ширум државата, но и туристи ќе можат да патуваат од Охрид до манастирскиот комплекс Св. Наум, но и до соседна Република Албанија, по нов патен правец.
Овие капитални проекти го подобруваат не само туристичкиот, туку и економскиот напредок и развој во Македонија.
Владата работи и создава дела за просперитет на Македонија“.
Македонија
Без вода дел од Кисела Вода

Регионалниот центар за управување со кризи на Град Скопје, по добиеното известување од ЈП Водовод и канализација, информира дека денеска поради изведување на водоводен приклучок на водоводна мрежа со пречник од Ф-150 мм на улицата Христо Татарчев бр. 47, прекинато водоснабдување ќе имаат корисниците од истата улица и кулите – Расдник, oпштина Кисела Вода.
Водоснабдувањето ќе биде прекинато од 09:00 часот до завршување на работните активности.
Македонија
Сончево и топло, максималната температура ќе достигне до 34 степени

Времето денеска ќе биде сончево и топло со мала локална облачност. Ќе дува слаб до умерен, а наместа долж Повардарието повремено засилен ветер од северен правец. Минималната температура ќе биде во интервал од 9 до 19, а максималната ќе достигне од 27 до 34 степени.
Во Скопје, сончево и топло. Ќе дува умерен, во делови од котлината повремено засилен ветер од северен правец. Минималната температура ќе се спушти до 17, а максималната ќе достигне до 34 степени.
Времето во наредните денови
Во следните денови времето ќе биде стабилно, претежно сончево и топло. Ќе дува умерен, во сабота наместа долж Повардарието повремено засилен северен ветер.