Македонија
Единствена Македонија: Новата Влада е понижување за Македонците од етнички, патриотски, религиски и професионален аспект

Новоизбраната Влада е голем срам и понижување за Македонија и Македонците гледано од етнички, патриотски, религиски, стручен и професионален аспект, велат од партијата Единствена Македонија на Јанко Бачев.
Гледано од етнички аспект, велат од паријата, во новата Влада мнозинство се министри од други етнички заедници со доминантна улога на дури 10 министри Албанци и уште неколку од помали етнички заедници. Според законот, Владата одлуките ги донесува со мнозинство гласови, што, како што се додава, значи дека македонскиот народ во својата матична држава добива второстепена улога во управувањето.
„Гледано од патриотски и национален аспект, во Владата доминираат личности што се директни учесници во најголемото злосторство врз македонскиот народ со бришење на името, идентитетот, историјата и традицијата на македонскиот народ. Религиски глеадно, во новата Влада доминираат министри со неправославна вероисповед во доминантно православна Македонија. Конечно, кадровскиот состав во Владата е со многу слаб стручен и професионален потенцијал, во која доминираат сервилни и полтронски личности кои се поставени на тие позиции врз основа на партиски калкулации, а не врз основа на знаење, способност, достигнување и работни компетенции, со исклучок на министерот за правда, што е поинтересно – во безбедносните и во ресорите за борба против високиот криминал и корупцијата се поставени партиски кадри заглавени во корупција, што значи дека државата и понатаму ќе ја водат длабоко корумпирани личности“, велат од партијата на Бачев.
Единствена Македонија останува на ставот дека е потребно да дојде народна власт, со силна национална и патриотска определба, која знае, може и смее, како што наведуваат од партијата, да ги поништи антимакедонските договори и да води борба против корупцијата вистински, а не лажно и профитерски, како што тоа го прави марионетската влада на СДСМ и ДУИ.
©Makfax.com.mk Доколку преземете содржина од оваа страница, во целост сте се согласиле со нејзините Услови за користење.

Македонија
Од септември 15 проценти повисоки плати во образованието, договориле МОН и СОНК

Министерот за образование и наука, Јетон Шаќири, информира дека со СОНК ги прифатиле предлозите на медијаторот во однос на сите отворени теми и причините за штрајкот во образованието.
„И двете страни се согласивме да ги прифатиме предлозите на медијаторот, кои се вклучени во преговарачкиот процес, во однос на сите теми што беа отворени и причините за штрајк во образованието. Повисоки плати во образованието ќе има, освен порамнувањето што го донесовме со минималната плата, се договоривме за зголемување на платите за сите вработени во образованието за 15 проценти“, истакна Шаќири.
Додаде дека нема да има кратење на платите во месецот кога се штрајкуваше.
„Нема да има кратење за времето кога се штрајкуваше. Најдовме целосно разбирање и ќе се исплатат целосни плати за април. Ги допрецизиравме работите и за колективните договори“, нагласи ресорниот министер по средбата со претседателот на СОНК, Јаким Неделков.
Изрази благодарност до родителите, наставниците и до учениците, кои имале разбирање за овој процес.
Зголемувањето, како што беше најавено, треба да се очекува од септемвриската плата.
Претседателот на СОНК, Јаким Неделков, потврди дека овој предлог на медијаторот ќе важи и со Министерството за труд и социјална политика.
Македонија
Утврденa делегацијата за стратешкиот дијалог со САД

Владата, на денешната 45-та седница, ја разгледа и усвои информацијата за почеток на стратешкиот дијалог меѓу Македонија и Соединетите Американски Држави.
За координатор на процесот за стратешки дијалог меѓу Македонија и САД е определен министерот за надворешни работи Бујар Османи, кој на 2 јуни ќе ја предводи делегацијата на отворањето на процесот во Вашингтон, во чиј состав ќе бидат и министерката за одбрана, Славјанка Петровска, министерот за економија, Крешник Бектеши, и министерката за култура, Бисера Костадиновска-Стојчевска, соопштија владините служби.
„Стратешкиот дијалог претставува подигнување на односите на повисоко ниво со САД и е од особено значајно во контекст на актуелните безбедносни закани. Во рамките на дијалогот ќе бидат опфатени теми од билатералните односи за соработка во економијата, трговијата, образованието, транспортот, енергетиката, климатските промени, демократскиот развој, борбата против корупција, владеењето на правото, како и безбедносните сегменти од соработката, од миграцијата, борбата против тероризмот, па сѐ до справување со организираниот и меѓународен криминал“, е наведено во владиното соопштение.
Дијалогот, како што е појаснето, ги опфаќа и актуелните безбедносни состојби, соработката на двете земји како НАТО-партнери, аспирациите на Македонија за зачленување на ЕУ, претстојното претседавање на земјата со ОБСЕ, заложбите на земјата во рамките на самитот за демократија на претседателот Бајден и други теми од интерес, е нагласено во дописот.
Македонија
Поглаварите на МПЦ и на СПЦ задутре на заедничка литургија во Белград

Српската православна црква на својата веб-страница официјално објави дека на 19 мај, во соборниот храм „Свети Сава“ во Белград, српскиот патријарх Порфириј и архиепископот охридски и македонски Стефан ќе служат литургија на помирување, „со која ќе се воспостави литургиско и канонско причестување на двете сестрински цркви со одлука на Собранието на СПЦ“, се вели во официјалното соопштение од СПЦ.
Литургијата, како што пренесуваат и српските медиуми, ќе почне во 9 часот, а ќе служат сите архијереи на двете цркви.
Според написите, патријархот Порфириј ги повикал верниците во што поголем број да присуствуваат на архијерејската литургија.
Соборот на СПЦ вчера соопшти дека прифаќа статус на најширока можна автономија за Македонската православна црква, односно целосна внатрешна самостојност, која ѝ е доделена уште во 1959 година.