Македонија
Единствена Македонија побара од Руската православна црква да ја признае автокефалноста на МПЦ – Охридска архиепископија

Политичката партија Единствена Македонија побарала од Руската православна црква признавање на автокефалноста на Македонската православна црква.
Од партијата на Јанко Бачев велат дека таквиот чекор е од големо значење земајќи ја предвид водечката улога на Руската православна црква меѓу православните цркви.
„Врските меѓу Македонската православна црква – Охридска архиепископија со Русија и Руската црква како стари словенски центри се континуирани во текот на вековите и датираат од времето на македонските просветители Кирил и Методиј. Но, од разноразни причини Руската православна црква досега не ја признаваше Македонската православна црква – Охридска архиепископија иако секогаш беше подготвена да им даде православна помош на браќата во Македонија“, наведе партијата преку допис до медиумите.
Единстевна Македонија искрено се надева и ја очекува радосната вест од Руската православна црква да ја исправи историската неправда кон МПЦ-ОА и безусловно да обајви признавање на автокефалноста на Македонската православна црква – Охридска архиепископија.
©Makfax.com.mk Доколку преземете содржина од оваа страница, во целост сте се согласиле со нејзините Услови за користење.

Македонија
Во прекин сообраќајот на патот Охрид-Ресен, воведена забрана за тешки товарни возила на правецот Струга – г.п. Ќафасан

Сообраќајот е во прекин на Магистрален Пат А2 Охрид- Ресен кај превојот Буково, поради случена сообраќајна незгода, информира АМСМ.
Поради врнежи од снег се воведува забрана за сообраќај за тешки товарни возила на патниот правец Струга – г.п. Ќафасан, информираат од ЈП „Македонија пат“. Забраната се воведува од 19:30 часот.
Од 19:45 часот поради врнежи од снег се воведува забрана за сообраќај за тешки товарни возила на патниот правец Тетово – Попова Шапка, а за останатите видови на возила задолжителна е употреба на зимска опрема – (ланци).
Исто така, денеска од 15:25 часот поради врнежи од снег е воведена забрана за сообраќај за тешки товарни возила на патниот правец Гостивар – Кичево преку планинскиот премин Стража и на патниот правец крак Маврово – Дебар.
Од 16:20 часот се воведе забрана за сообраќај за тешки товарни возила на патниот правец Битола – Ресен преку планинскиот превој Ѓавато, а од 17.00 часот забрана за сообраќај за тешки товарни возила на патниот правец Ресен – Охрид преку планинскиот превој Буково.
Како што соопштија од АМСМ, сообраќајот на државните патишта се одвива по претежно влажни коловози, на некои повисоки места во западните и југозападните делови од државата со остатоци од кашест снег на коловозот по интервенција на дежурни екипи на „Македонија пат“
Македонија
(Видео) Снег на Стража

На Стража вечерва врне снег.
АМСМ претходно соопшти дека на сила е забрана за камиони и товарни возила.
Видео: Инфо-Сообраќај
Македонија
Задолжителна зимска опрема на патот Тетово – Попова Шапка

Поради врнежи од снег, на патниот правец Тетово – Попова Шапка од 18 часот е воведена задолжителна употреба на зимска опрема (ланци) за сите видови возила, соопштија денеска од ЈП „Македонија пат“.
Исто така, денеска од 15:25 часот поради врнежи од снег е воведена забрана за сообраќај за тешки товарни возила на патниот правец Гостивар – Кичево преку планинскиот премин Стража и на патниот правец крак Маврово – Дебар.
Од 16:20 часот се воведе забрана за сообраќај за тешки товарни возила на патниот правец Битола – Ресен преку планинскиот превој Ѓавато, а од 17.00 часот забрана за сообраќај за тешки товарни возила на патниот правец Ресен – Охрид преку планинскиот превој Буково.
Од АМСМ велат сообраќајот на државните патишта се одвива по претежно влажни коловози, на некои повисоки места во западните и југозападните делови од државата со остатоци од кашест снег на коловозот по интервенција на дежурни екипи на „Македонија пат“.