Македонија
Жителите на општините Гази Баба и Аеродром што аплицираа за инвертери до недела да ги предадат старите печки
Жителите на општините Гази Баба и Аеродром што аплицираа за субвенции за набавка на клима инвертери во Град Скопје во текот на продолжениов викенд (денеска, утре и во недела) ќе можат да ги предадат своите стари печки на дрва или на нафта во Вардариште. Акцијата ќе трае од 10 до 16 часот.
Во Град Скопје до вчера се пристигнати 4.800 апликации, а само од општините Гази Баба и Аеродром се пристигнати над 1. 000 апликации на овој јавен повик.
Изминатите викенди, ваква акции за предавање на старите печки кои користат нееколошки енергенси во замена за инвертер клима уреди за затоплување се организираа во општините Сарај, Шуто Оризари и Карпош.
„Значајно е да се нагласи дека во наредните две години, согласно со условите од јавниот повик, градската или државната инспекција може да врши инспекциски надзор на лицата што добиле субвенција, за да се види дали навистина ги користат инвертерите или е направена измама, за што ќе биде поведена постапка за враќање на финансиските средства“, велат од Град Скопје.
Јавниот повик за доделување субвенции за инвертер клима уреди за затоплување на домаќинствата ги опфати граѓаните кои купиле инвертер од 01.01.2020 година, до завршувањето на повикот на 30.11.2020 години или до денот на исцрпување на средствата. На овој повик граѓаните можеа да аплицираат онлајн.
Според условите во повикот, на граѓаните ќе им бидат целосно надоместени трошоците за набавка на инвертер клима уред, но не повеќе од 62.000 денари во нето износ.
Целта на јавниот повик за доделување субвенции за набавка на инвертер клима уреди е да се придонесе за намалување на аерозагадувањето во Скопје преку намалување на бројот на оџаци кои чадат заради загревање на домовите во текот на грејната сезона, односно во зимскиот период.
©Makfax.com.mk Доколку преземете содржина од оваа страница, во целост сте се согласиле со нејзините Услови за користење.
Македонија
Николоски-Тигањ: Фокус на Владата се инфраструктурните проекти, регионот може да напредува преку економската соработка
Заменик претседателот на Владата и министер за транспорт Александар Николоски денеска оствари работна средба со амбасадорката на Хрватска, Нивес Тигањ.
На средбата Николоски ја потенцираше можноста за интензивирање на економската и трговска соработка меѓу Македонија и Хрватска во интерес на двете земји.
Тој ги презентираше инвестициските планови на Владата за изградба и модернизација на патните и железнички Коридори 8 и 10, како дел од европските транспортни мрежи.
Посебен фокус на средбата се стави на изградба на брзата пруга на Коридор 10, како предуслов за брз и ефикасен транспорт на добра кон Централна и Источна Европа, нагасувајќи ја можноста за учество на специјализирани компании од Хрватска во реализација на овој проект.
Двајцата говорници разменија и мислења околу актуелните политички прашања во земјава и регионот, евроинтегративниот процес и стабилноста на Западен Балкан.
Вицепремиерот Николоски и амбасадорката Тигањ ги потврдија одличните односи меѓу Македонија и Хрватска и се согласија истите да продолжат да се оддржуваат на високо ниво во интерес на меѓусебната соработка и пријателство меѓу двете земји.
Македонија
26 малолетници затекнати по 24:00 часот, од нив 14 под дејство на алкохол при контрола во угостителски објект во Свети Николе
Ноќеска во 00.10 часот, полициски службеници од СВР Штип – ОВР Свети Николе, во содејство со инспектори од Дирекција за заштита и спасување, Државен пазарен инспекторат, Управа за јавни приходи, Државен трудов инспекторат и Центар за социјални работи, извршија контрола во угостителски објект во Свети Николе, соопшти МВР.
При контролата, во угостителскиот објект биле затекнати 26 малолетни лица после 24:00 часот, од кои 14 беа под дејство на алкохол.
Според полицијата, по целосно расчистување и документирање на случајот, ќе следуваат соодветни пријави против одговорните лица.
„Воедно, од другите ангажирани инспекциски служби утврдени се низа прекршоци за кои ќе бидат поднесени соодветни поднесоци“.
Македонија
ДПМНЕ со тенденција инфлацијата да ја претвори во нов данок на сиромаштијата, велат од Левицата
Во услови кога државата се соочува со највисокиот просечен раст на трошоците на живот во последните години, Владата предводена од коалицијата ВМРО – ДПМНЕ – ЗНАМ – ВРЕДИ продолжува да тврди дека „инфлацијата е под контрола“, истакнуваат од Левицата.
„Меѓутоа, официјалните податоци и реалноста на секојдневниот живот на граѓаните го демонстрираат спротивното. Само во октомври, споредено со истиот месец лани, забележано е зголемување на цените од 5,17%. Кај категоријата храна и безалкохолни пијалоци растот изнесува значајни 7,25% додека кај рекреација и култура достигнува дури 7,85%. Овие индикатори јасно укажуваат на продолжен и интензивен инфлаторен притисок врз семејниoт буџет. Таквата динамика на цените ја потврдува тезата дека инфлаторниот процес не е ниту привремен, ниту доминантно „увезен“ како што претставува Владата. Напротив, станува збор за длабоко структурен проблем кој произлегува од недоволна економска координација, слаба институционална регулација и отсуство на конзистентни антиинфлаторни политики“.
Владата, додаваат од оваа партија, не успеа да изгради ниту една конзистентна политика за заштита на стандардот на граѓаните и наместо системски мерки гледаме импровизации што траат кратко. Истовремено, како што оценуваат, корпоративните профити растат, а реалната плата за мнозинството граѓани заостанува зад инфлацијата што значи дека работниците се секој месец реално посиромашни.
„Ваквата економска политика не е само неспособност тука таа претставува избор. Избор да се стави профитот на крупниот капитал пред потребите на граѓаните. Избор да се прикриваат слабостите на системот со политички пораки наместо со реални реформи. И избор да се дозволи инфлацијата да се претвори во нов данок на сиромаштијата.
Левица уште еднаш предупредува дека без јасна стратегија за сузбивање на инфлацијата, без воспоставување на вистинска контрола над клучните пазари и без политики што ја штитат реалната вредност на платите, државата ќе продолжи да тоне во спирала на поскапувања и раст на нееднаквоста“.
Според нив, приоритетот треба да биде: економија во служба на граѓаните, а не граѓани во служба на економските интереси на малкумина.

