Македонија
Жугиќ на прес-конференција рецитираше песна за Шилегов

Советничката на Град Скопје од ВМРО-ДПМНЕ, Јелена Жугиќ, на денешната прес-конференција му посвети неколку стихови на градоначалникот Петре Шилегов, кого го обвини за поскапување на цената на паркинзите.
Неколку стихови во духот на новогодишните празници, најави Жугиќ и продолжи:
„Среде Скопје високо елката ни стои и ја красат играчки од илјадници евра и бои,
И додека народот за егзистенција се бори,
Петре сака од паркирање пари да си брои.
Петре од бајките милно ни се смее и ни вели весело секој нека венее.
Петре, Петре место дарови во криза да реди
тој нашите џебови упорно ги цеди“.
Таа обвини дека во екот на пандемијата, на економскиот колапс и на галопирачкиот раст на сиромаштија, СДСМ и градоначалникот на град Скопје, Петре Шилегов, го поскапеа паркирањето во градот. Жугиќ ги повика градските власти да се вразумат и да ја вратат старата цена на градскиот паркинг, а потешкотиите во работењето на претпријатието да го помогнат од градската каса, не од џебот на граѓаните.
Жугиќ вели дека Шилегов не само што ја зголемил месечната карта во катните гаражи кои се под надлежност на „Градски паркинг“ за 100 проценти, туку ја зголемил и цената за час на зонското паркирање од 10 до 20 отсто во однос на старата тарифа. За секој час паркирање на зонските места, цената на билетот е зголемена за 5 денари.
©Makfax.com.mk Доколку преземете содржина од оваа страница, во целост сте се согласиле со нејзините Услови за користење.

Македонија
Во Македонија 347 нови случаи на Ковид-19, починаа 11 лица

Во последните 24 часа во Македонија се потврдени 347 нови случаи на коронавирус, 11 лица починаа, а 378 оздравеа, соопшти Министерството за здравство.
Направени се 2.013 тестирања, а регистрирани се во: Скопје-179 случаи, Куманово-24, Тетово-14, Прилеп-5, Гостивар-8, Штип-13, Битола-1, Велес-11, Охрид-18, Струмица-7, Кавадарци-13, Струга-4, Кочани-8, Кичево-4, Свети Николе-2, Гевгелија-1, Дебар-4, Ресен-1, Крива Паланка-3, Берово-4, Делчево-10, Пробиштип-5, Виница-1, Богданци-3, Крушево-1, Демир Капија-2, Пехчево-1.
Денеска Институтот за јавно здравје регистрира 378 оздравени пациенти од: Скопје-270, Куманово-13, Тетово-11, Прилеп-15, Гостивар-4, Штип-5, Битола-3, Велес-6, Струмица-9, Кавадарци-8, Струга-1, Кочани-4, Кичево-5, Свети Николе-2, Гевгелија-2, Неготино-4, Ресен-3, Крива Паланка-4, Радовиш-3, Берово-2, Богданци-1, Кратово-1, Крушево-1, и Пехчево-1.
Починати се 11 лица, пет пациенти од Скопје (35, 75, 65, 81 и 74г.), еден пациент од Штип (80г.), еден од Велес (82г.), од Струмица (78г.), од Кавадарци (55г.), еден пациент од Валандово (63г.),и еден пациент од Пехчево (93г.). Еден е починат вон, останатите пациенти се починати во болнички услови.
Вкупната бројка на ковид дијагностицирани во нашата земја од почетокот на епидемијата изнесува 90.471, бројката на оздравени пациенти е 76.423, на починати е 2.779, а бројот на активни случаи изнесува 11.269.
Досега во земјата се направени вкупно 441.134 тестирања на Ковид -19.
Македонија
(Видео) ВМРО-ДПМНЕ бара јавна расправа за реформата во образованието

ВМРО-ДПМНЕ побара да се организира јавна расправа за најавената реформа на системот на основното образование, изјави пратеникот Тимчо Муцунски.
„Лично верувам, дека мнозинството граѓани би се согласиле со ставот дека е потребна реформа на основното образование. Сепак постои дилема, дали патеката, пристапот и методологијата одбрани од страна на Министерството за образование и наука е правилна. Затоа е исклучително важно ова прашање да биде предмет на јавна расправа во Собранието во текот на која ќе имаат можност да се вклучат и еминентни претставници на академската заедница, експерти, а пред се и засегнатите страни како што се наставниците кои најнепосредно ќе бидат вклучени во реализацијата на евентуално прифатениот нов концепт. Токму преку една транспарентна дискусија експертската заедница и јавноста ќе дадат свој придонес за прашањата кои се од големо значење за иднината на Македонија, а тоа е образованието и воспитувањето на младите“, рече тој.
Во недостаток на подготвеност за дијалог, спремност да се слушнат аргументите од било која друга страна и да се организира една ваква јавна расправа од страна на Министерството за образование и наука, додаде Муцунски, наша обврска како пратеници делегирани од граѓаните во Собранието на Македонија е да преземеме конкретен чекор што ќе биде во прилог на унапредување на квалитетот во реформскиот процес во образованието.
„Фактот дека токму експертската јавноста упатува на сериозни недоследности во предложената реформа наведува на сознанието дека е препорачливо и неопходно да им дадеме институционална форма на идните дискусии за ова важно општествено прашање“, рече тој.
Македонија
Казнети 226 возачи во Скопје

Полицијата за еден ден казнила 226 возачи во Скопје.
Министерството за внатрешни работи во текот на вчерашниот ден (22.01.) продолжи со засилените акциски контроли во областа на сообраќајот.
Само на територијата на град Скопје изречени се вкупно 226 мерки, меѓу кои за возење без возачка дозвола 19 санкции, 9 за технички неисправни и нерегистрирани возила, 21 казна за користење на мобилен телефон.
Изречени се четири мерки за возење под дејство на алкохол, 11 санкции за непочитување на брзината на движење и 71 мерка за непрописно паркирани возила.
„Засилените сообраќајни контроли продолжуваат и во наредните денови. Апелираме до граѓаните да ги почитуваат сообраќајните правила и прописи за да ја зголемиме безбедноста во сообраќајот“, велат од МВР.
- Книги1 месец
Македонски лекар ја објави последната исповед на Јосип Броз Тито
- Македонија3 месеци
Излезе од затвор Панче Ангелов, напаѓачот на Шекеринска од 27 април
- Црна хроника2 месеци
Млада девојка од Штип пронајдена мртва во нејзиниот дом
- Македонија2 месеци
МЖСПП: Мечкиното грозје важен ресурс, кој треба грижливо да го собираме
- Економија3 месеци
(Видео) Младите од Струмичко порачуваат – ако не проработи рударскиот комплекс, ќе се иселиме сите
- Македонија2 месеци
(Видео) Отстранети два нелегално изградени објекта во општина Центар
- Спорт3 месеци
Гетџи: По мечот со Хабиб, мојата мајка конечно ќе може да се пензионира
- Македонија1 месец
Возачот на „бентлито“ што „влета“ на плоштад казнет со 45 евра, објавена фотографија од записникот