Македонија
Забрането е нехумано однесување кон коњите – АХВ почна кампања за подигнување на јавната свест
Агенцијата за храна и ветеринарство (АХВ) денес почна со реализација на кампањата за подигнување на јавната свест за благосостојбата на работните коњи, како дел од приоритетите од Стратегијата за благосостојба на животните. Во рамки на оваа кампања изработен е едукативен аудио и видеоспот, постер на македонски, албански и ромски јазик и билборди кои ќе бидат поставени во Скопје, Тетово, Битола, Штип и Прилеп.
Кампањата за благосостојба на работните коњи е една од компонентите на кампањите за подигнување на јавната свест за благосостојбата на животните, со која во рамки на проектот „Подобрена имплементација на законодавството во делот на здравјето на животните, безбедноста на храната и фитосанитарната област и соодветните информациски системи” се опфатени и фармските животни, зголемување на контролата на популацијата бездомни животни преку зајакнување на одговорното сопствеништво, за благосостојба на животните за време на транспорт, благосостојба на кокошките несилки и за благосостојбата на животните при колење.
Проектот е вреден 1,6 милиони евра и се реализира со финансиска поддршка од Европската Унија во рамки на ИПА 2015. Агенцијата за храна и ветеринарство е носител на активностите на овој проект, кои се реализираат во соработка со Фитосанитарната управа, Државната фитосанитарна лабораторија и Државниот инспекторат за земјоделство при Министерството за земјоделство, шумарство и водостопанство.
Почетокот на кампањата е со заедничкиот состанок кој денес Агенцијата го одржа со претставници од Министерството за внатрешни работи, Заедницата на единиците на локалната самоуправа – ЗЕЛС, Град Скопје, Општина Шуто Оризари и Коњичкиот клуб Бравадос – Скопје. На состанокот се дискутираше за клучните аспекти, потенцијалните решенија и потребата од подигнување на свеста на сопствениците на коњи кои ги користат за влеча, превоз и работа, но пред сè за потребата од унапредување на здравствената заштита и благосостојбата на оваа категорија животни, која претставува и сериозен сообраќаен и безбедносен проблем на патиштата, особено во урбаните средини. Недоволната грижа за овие животни влијае директно на нивното здравје и работна способност, а сериозно ја загрозува и благосостојбата, не само на животните туку и на нивните сопственици, бидејќи коњите претставуваат ресурс за остварување приход и преживување на многу семејства.
За оваа категорија животни, до Агенцијата за храна и ветеринарство се упатуваат голем број претставки од страна на невладините организации, но и од граѓаните кои алармираат за негрижа за здравјето и благосостојбата на работните коњи. Животните често се во лоша здравствена кондиција, се доведуваат и до изнемоштеност. За жал, и покрај спроведените инспекциски постапки, состојбата со заштитата на овие категории животни засега е непроменета.
Прашањата за заштитата и благосостојбата на животните во Република Северна Македонија е уредена со Законот за заштита и благосостојба на животните и со подзаконски акти. Законската регулатива во овој дел е целосно усогласена со Европската. Законските обврски за заштита и благосостојба на коњите, кои се однесуваат на сопствениците и одгледувачите, регулирани се со Законот за заштита и благосостојба на животните, со Кривичниот законик, со членот 233 кој се однесува на измачувањето на животни. Ова прашање го регулираат и законите од областа на безбедноста во сообраќајот и комуналните закони.
За чување и употреба на работните коњи, согласно Законот за заштита и благосостојба на животните неопходно е да бидат исполнети минимум услови. Животните не смее да се изложени на глад и жед, да се заштитени од неудобност и да се сместени во средина која е соодветна за нивниот вид. Тие треба да бидат заштитени и од болка, повреда или болест, неминовно е да им се овозможи нормално однесување, а неминовно е да се води сметка и да не бидат изложени на страв и вознемиреност.
На коњите треба редовно да им се обезбеди свежа вода за пиење и храна со соодветна хранлива вредност, хигиенски исправна и соодветна за нивната возраст заради одржување на здравјето, физиолошките потреби и работната кондиција. Во случај кога коњите не се во добра здравствена состојба, или покажуваат промени во однесувањето, сопственикот и/или одгледувачот без одлагање треба да преземе мерки да ја утврди и отстрани причината. Доколку преземените мерки не покажуваат ефекти, сопственикот и/или одгледувачот треба веднаш да повика ветеринар.
Забрането е предизвикување болка, страдање или повреди, сурово и нехумано однесување кон коњите! Забрането е присилување на животните на работа која го надминува нивниот физиолошки капацитет, здравствена или кондициона способност.
©Makfax.com.mk Доколку преземете содржина од оваа страница, во целост сте се согласиле со нејзините Услови за користење.
Македонија
Лимани: Непријавувањето на насилството од страна на жртвите е еден од најсериозните проблем
Министерот за социјална политика, демографија и млади, Фатмир Лимани учествуваше на панел дискусија по повод почетокот на 16 дена активизам против родово базирано насилство во организација на Агенциите на ООН во земјава, под слоганот: „Нема Оправдување: Преземете акција за ставање крај на насилството врз жените и девојчињата!“
Почетокот на кампањата се одбележа со отворена дискусија за значењето на заедничкото делување против родово базираното насилство, проследено со проекции на кратки видеа, како и моќната уметничка изложба „Лузни на издржливост, гласови на надеж“ од Мартина Спасовска во Музеј на град Скопје.
Во своето излагање пред присутните Лимани се осврна на клучните чекори потребни за да се подобри одговорот на насилството врз жените и семејното насилство со фокус на меѓуинституционалната соработка. Притоа, нагласи дека насилството се случува во сите делови на општеството, во секоја култура и социјална група и претставува злоупотреба на моќта, кој има разорувачки, физички, емоционален, финансиски и социјален ефект на жените и девојчињата. Како и дека за жал, се уште многу жени и девојчиња страдаат во сенка, не знаејќи за своите права и помошта која може да ја добијат од страна на релевантните институции и организации.
„Една мудрост вели – во стварноста, реалноста е поинаква! Оваа мисла ми дојде на ум следејќи ги последните бројки за насилството врз жените и семејното насилство кои ја отсликуваат 2024 година (јануари-септември), отприлика вака: Ново евидентирани случаи 1.439 жртви, од нив жени 1.040, мажи 227 и деца 172! Ако на ова ја додадеме и темната непријавена бројка на жени кои трпат насилство, си даваме за право постојано да говориме дека – нема оправдување: да преземеме акција за ставање крај на насилството врз жените и девојчињата!“ порача Лимани.
Тој посочи дека, институциите согласно националната легислатива имаат мандат за преземање на предвидените мерки и механизми на заштита, со поединечни овластувања кои се точно определени, како и обврските и одговорноста за постапување. Тој упати на важноста од постапувањето со должно внимание за интересите и потребите на жртвата од страна на институциите при преземањето мерки за превенција и заштита на жените жртви на насилство и семејно насилство.
„Еден од најсериозните проблеми е непријавувањето на насилството од страна на жртвите, што е најчесто резултат од недовербата во институциите, односно од недоволната сензибилност на службените лица од различни сектори кои постапуваат во случаите на насилство врз жени и семејно насилство,“ рече Лимани.
На прашањето до каде сме како држава во оваа област по 30 години од усвојувањето на Пекиншката декларација за акција, Лимани се осврна на сите стратешки документи кои нашата држава ги има усвоено, како Конвенцијата за спречување и борба против насилството врз жените и домашното насилство (2017 год.), Законот за спречување и заштита од насилство врз жени и семејно насилство (2021 год.), измени и дополнувања на Кривичниот закон, Протокол за меѓусебна соработка на надлежни субјекти за преземање мерки за превенција, спречување и заштита од насилство врз жени и семејно насилство, Програма за реинтеграција на жртви на насилство. Тој посочи дека, во следниот период министерството ќе се фокусира на изготвување на осумгодишна Национална стратегија за спречување и заштита од насилство врз жени и семејно насилство, со Акциски план за спроведување на предвидените мерки и активности од стратегијата.
„Приоритет на Министерството за социјална политика, демографија и млади и Владата на Република Северна Македонија е да имаме ефикасна постапка за заштита на жените жртви на насилство и семејно насилство, нивна реинтеграција во системот, како и да обезбедиме превенција во насока на намалување на насилството,“ порача Лимани.
Македонија
Ковачки, Сали и Петровска учествуваа на 70. годишна сесија на Парламентарното собрание на НАТО
На 70. годишна сесија на Парламентарното собрание на НАТО, која се одржува од 22 до 25 ноември 2024 година во Монтреал, Канада, учествува Делегација од Собранието на Република Северна Македонија во состав: Драган Ковачки, шеф на Делегација и пратениците Беким Сали и Славјанка Петровска, членови на Делегацијата.
На пленарната седница ѝ претходеше одржување на постојаните комитети на ова собрание, на чиј дневен ред се разгледуваа повеќе извештаи и предлог-декларации, за усвојување на седницата. Парламентарците ја потврдија нивната силна поддршка на Украина и потребата за воена, финансиска и хуманитарна помош, како и правото за легитимна само-одбрана, согласно принципите на Обединетите нации. Истовремено, беше поддржана актуелната адаптација на НАТО согласно новите стратешки предизвици, со апел до земјите да ги зголемат трошоците до одбраната над 2% од БДП за подобар придонес кон колективната одбрана.
Во однос на зголеменото поврзување на автократските сили ширум светот, особено Русија, Кина, Иран, Северна Кореја и Белорусија и нивните стратегии за поткопување на демократските вредности, единствен беше ставот за засилено делување и унапредувањето на заедничките активности на земјите од Алијансата, со цел подобро справување со овие закани по модерните општества и граѓаните. Во тој контекст, членките беа повикани исто така целосно да ги спроведуваат постојните и секундарните санкции и да вршат поголема контрола во извозот на воена технологија. Регионот на Западен Балкан и Црното Море, како и глобалниот југ, беа детектирани како можни точки за дестабилизација и надворешни влијанија од трети страни и од тие причини, беше постигната согласност за зајакнување на поддршката на НАТО преку заеднички активности со овие земји. Пратениците го поздравија унапредувањето на соработката со партнерите на Алијансата кои споделуваат заеднички вредности и нивната поголема вклученост во активностите на Парламентарното собрание на НАТО.
Шефот на Делегацијата Драган Ковачки, на учеството на Постојаниот комитет на ПС на НАТО, ги извести и покани своите колеги за нашата иницијатива да бидеме домаќини на следниот состанок на Комитетот во април идната година во Скопје, во годината кога ќе ја одбележиме 5-годишнината од влезот на земјата во НАТО како 30-ти сојузник. Настанот ќе биде можност уште еднаш да ја потврдиме нашата посветеност кон исполнување на целите и да понудиме наши искуства и капацитети за одбранбени и воени прашања важни за овој дел на крилото на НАТО, посочи Ковачки.
На пленарната седница, свои пригодни обраќања имаа: Џастин Трудо, премиер на Канада, Руслан Стефанчук, претседавач на Врховната Рада на Украина, Рејмонде Гање, спикер на Сенатот на Канада и Борис Руге, в.д. заменик-генерален секретар на НАТО. Беа усвоени пет резолуции и препораки за владите на земјите членки на НАТО: Идно докажување на Алијансата и поддршка на Украина со победа, Зајакнување на интегрираната воздушна и ракетна одбрана на НАТО, Борба против сексуални насилства за време на конфликт, Галванизирање на технолошката предност за поддршка на просперитетот и безбедноста на Алијансата и Искористување на можностите за одговорна употреба на вештачка интелигенција во воениот домен. Парламентарното собрание избра ново раководство на сесијата, со Маркос Перестрело де Васконселос од Португалија за претстедател и пет потпретседатели: Џули Деровиц од Канада, Сер Алек Шелбрук од Обединетото Кралство, Мико Савола од Финска, Агнес Вадаи од Унгарија и Јохан Вадерфул од Германија. На Аврил Хејнс, првата жена директор на Националното разнузнавање на САД, и беше доделена наградата Жени за мир и безбедност на ПС на НАТО за 2024 година.
Македонија
61-годишна жена го роди своето прво бебе на Клиниката за гинекологија
61-годишна жена го роди своето прво дете на Клиниката за гинекологија.
Жената се породила пред неколку дена и важи за најстарата жена што го родила своето прво дете во Македонија.
Според информациите, мајката и бебето се во стабилна состојба.
Детето е зачнато преку ин витро процедура.
Спречен шверц на цигари, облека и хардверски делови, како и нелегален влез на илегални мигранти од Иран и Сиера Леоне
Во текот на изминатата недела мобилни тимови и царински службеници на граничните премини спречија обиди за криумчарење на поголема количина...
Средба на лидерот на СДСМ, Филипче, со претседателката Сиљановска-Давкова
Денеска, ќе се одржи работна средба помеѓу претседателот на СДСМ, Венко Филипче, и претседателката на државата, Гордана Сиљановска-Давкова, извести СДСМ....
(Видео) Тошковски: Договорено заемно признавање на возачките дозволи со Обединетите Арапски Емирати
Министерот за внатрешни работи Панче Тошковски од 24 до 27 ноември со делегација на министерството е во работна посета на...
Аналитичари: Русија напредува во Украина со најбрзо темпо од почетокот на војната
Руските сили напредуваат во Украина со своето најбрзо темпо од првите денови на инвазијата, заземајќи површина од половина од поголемиот...
Трамп воведува огромни царини за Кина, Пекинг одговори
Ниту САД, ниту Кина нема да ја добијат трговската војна, одговори кинеската амбасада во Вашингтон во понеделникот на заканата на...
Белата куќа: Бајден ќе присуствува на инаугурацијата на Трамп
Претседателот во заминување Џо Бајден и првата дама Џил Бајден ќе присуствуваат на инаугурацијата на новоизбраниот претседател Доналд Трамп во...
Ердоган: Збеснатата влада на Нетанјаху е како сериски убиец
Турскиот претседател Реџеп Таип Ердоган ги осуди постапките на израелската влада и ги пофали Палестинките за нивната храброст и издржливост,...
Мицкоски: Грчевито се бориме да нема покачување на струјата, но ако мора, еве нека биде во третиот и четвртиот блок
Владата ќе се бори да не дојде до покачување на струјата, ниту за најавените до три проценти по Нова година....
Почина владиката Тимотеј
Дебарско-кичевскиот митрополит Тимотеј починал денеска во болница. Тимотеј неколку дена бил на болничко лекување поради проблеми со срцето, објави „Религија.мк“....
Меџити: ЈСП утре добива шест електрични автобуси, Владата ќе купи уште 120 и ќе им ги донира на општините со цел намалување на загадувањето
Првиот заменик-претседател на Владата и министер за животна средина и просторно планирање, Изет Меџити, оценува дека природата овие денови направи...
Mладо момче со автомобилот излета на патот кон Средно Водно, тешко повредено
Дваесет и двегодишен скопјанец со иницијали М.П., синоќа по 1 часот по полноќ, со автомобилот излетал од локалниот пат за...
Брод полн со туристи потона во Египет
Во раните утрински часови потона туристичкиот брод „Си стори“ со 45 патници во близина на брегот на египетското одморалиште на...
Сменетата изјава на Кешишев нема доказна вредност, рече обвинителката, која тврди дека имаат материјални докази оти Палевски стои зад убиствата
Обвинителството има материјални докази дека Љупчо Палевски-Палчо е сторител на убиствата на Вања и Панче, изјави обвинителката Ана Стојковиќ-Димитровска пред...
(Видео) Снимен моментот на падот на авионот во Литванија, силна експлозија го осветли небото
Безбедносните камери го снимија моментот кога авион се урна недалеку од аеродромот во Литванија. Авионот со четворица членови на екипажот...
Каранфилова-Пановска: Ќе бидам верен соработник во креирањето и спроведувањето на новите политики за промени на СДСМ
Новата Заменик-претседателка на Социјалдемократскиот сојуз на Македонија, Фани Каранфилова-Пановска, на вчерашниот 30-ти Конгрес на СДСМ порача функцијата со себе носи...
Украинците првпат објавија фотографии: Ова е новата ракета на Путин
Објавени се фотографии од остатоците од новата експериментална руска ракета, која беше пробно лансирана во четвртокот погодувајќи фабрика во Украина....
40 потрчковци и неврохирургот на Заев, Филипче, не може да донесат ништо ново и добро ни во СДС ни во Македонија, велат од ВМРО-ДПМНЕ
„Венко Филипче не е ново лице на македонската политичка сцена. Венко Филипче е стар и истрошен лик, облечен во ново...
МЖСПП: Советничката Ирена Витина подобро да се информира пред да изнесува невистини во јавност
Министерството за животна средина и просторно планирање остро реагира на изјавата на советничката на Град Скопје, Ирена Витина, за обезбедувањето...
(Видео) Мафијашка пресметка во ноќен клуб во Мексико, шест мртви и 10 ранети
Најмалку шест лица се убиени, а четворица се тешко ранети во масовно пукање во ноќен клуб во градот Вилахермоза, Мексико,...
(Видео) Пожар во фабрика за воена опрема во Русија
Украински беспилотни летала ја нападнаа фабриката „Тајфун“, дел од рускиот воено-индустриски комплекс, во градот Калуга објави Андриј Коваленко, раководител на...
