Контакт

Македонија

Заев до борците од НОБ: Благодарение на вашиот подвиг денес ја имаме Република Северна Македонија

Објавено пред

Премиерот Зоран Заев се обрати на настан по повод 73 години од основањето на Сојузот на борците, како дел од серијата свечености со кои годинава се одбележува јубилејот – 80 години од Народното востание.

Заев пред присутните, меѓу кои и министерката за труд и социјална политика, Јагода Шахпаска, претседателот на Главниот одбор на сојузот, Никола Стојаноски, и потпретседателот Борко Зафировски, бројни членови и поддржувачи, во Домот на Армијата изрази длабока благодарност за подвигот на борците и непроценливото дело кое го оставиле, а тоа е, како што рече, македонската државност, како вековен стремеж за многу генерации.

„Благодарение на храбрите борци на НОБ водени од начелата за правда, солидарност и еднаквост, денес сите ние Македонци, Албанци, Турци, Власи, Срби, Роми, Бошњаци и сите други, имаме патриотска должност да се обединиме во создавањето на едно праведно општество. Едно и еднакво општество за сите во кое ќе владеат принципите на правда, одговорност и еднаквост“, истакна Заев и додаде дека во темелот на македонската државност се вградени заложбите, напорите и саможртвата на огромен број генерации на борци, кои не се штеделе себеси, ниту својата младост и своите животи.

Премиерот нагласи дека овие борци без разлика на пол, вера, убедување и народност, но водени од желба за подобар живот, одважно и недвосмислено застанале на вистинската страна на историјата, во тие бурни и преломни времиња.

„Благодарение на овој подвиг денес ја имаме Република Северна Македонија, меѓународно призната држава со сите постулати на државност, членка на Обединетите нации со кристална и недвосмислена потврда за македонскиот јазик и за македонскиот идентитет“, посочи Заев.

Тој кажа дека секоја генерација е должна да го понесе својот дел од товарот во борбата за праведно општество и дека борбата на сегашните генерации е да обезбедат развиена, безбедна и силно меѓународно интегрирана држава, во која младите ќе имаат просперитетна иднина.

„Горди сме на нашето учество во големата светска антифашистичка коалиција. Денес Северна Македонија е дел од моќното НАТО-семејство, споделувајќи ги демократските вредности. Нашата држава стана фактор за стабилност во регионот и извозник на безбедност. Оваа генерација направи непоколеблив избор и силно ја потврди определбата за напредок и благосостојба во европското семејство, во Европската Унија меѓу напредните нации. Водени од светлиот пример кои ни го оставивте, борките и борците, ја продолжуваме грижа, заштита и унапредување за нашиот мајчин јазик и нашиот македонски идентитет“, нагласи премиерот.

Заев истакна дека Владата останува и понатаму посветената на поддршката на Сојузот на борците во негувањето на традициите и на, како што рече, светлите датуми од Народноослободителната борба.

На премиерот во оваа пригода му беше доделена Благодарница за особен придонес во афирмацијата на Сојузот на борците и придонес во заедничкиот пат кон современа и просперитетна држава.

Македонија

Македонија на листата на безбедни земји за патување во Австрија

Објавено пред

Три балкански држави се најдоа на австриската листа на безбедни земји за патување.

Австриското Министерство за здравство ги објави имињата на 11 нови земји кои се вклучени во ранг листата на сигурни држави по прашањето на пандемијата од коронавирусот. Ова ќе им овозможи полесно патување на нивните граѓани во Австрија, пренесуваат агенциите.

Новиот декрет на Министерството за здравство на Австрија стапува на сила од утре, па граѓаните на Албанија, Северна Македонија и Србија ќе можат да патуваат во оваа европска земја.

Покрај споменатите балкански земји, на списокот на безбедни земји се додадени и САД, Хонг Конг, Јапонија, Макао, Саудиска Арабија, Тајван, Тајланд и Виетнам.

Граѓаните на овие земји ќе можат да влезат во Австрија со потврда за вакцинација или негативен ПЦР тест, или лекарско уверение за претходно прележан Ковид-19.

Австрија на овој начин ја спроведува одлуката на амбасадорите на Европската Унија од минатата недела, пренесуваат медиумите.

Од воведувањето на ограничувачки мерки, влезот на границите во Австрија беше оневозможен за граѓаните на одредени земји за туристички цели. Само оние кои имаа дозволи за престој или посебни причини можеа да влезат во Австрија, прво само со негативен ПЦР тест и задолжителен десетдневен карантин, а од скоро без карантин доколку се вакцинирани.

Прикажи повеќе...

Македонија

Атина гневна зошто Заев на „Твитер“ напишал македонска фудбалска репрезентација

Објавено пред

Грција го замрзнува ратификувањето на меморандуми за соработка со Северна Македонија поради објава на премиерот Зоран Заев на „Твитер“ за фудбалската репрезентација, во која не го користи уставното име на државата, пишува грчкиот весник „Катимерини“.

Во спорниот „твит“ кој ја налути грчката влада, премиерот Заев во понеделникот напиша дека фудбалскиот натпревар го следи заедно со холандскиот премиер и дека без оглед на резултатот, дава поддршка на „македонската фудбалска репрезентација“.

Според официјална Атина, ова претстава непочитување на договорот од Преспа бидејќи Заев не го употребил уставното име на државата – Северна Македонија.

„Катимерини“ пишува дека станува збор за три меморандуми кои парламентот требало да ги ратификува идниот месец, но дека сега процесот ќе биде одложен, најверојатно, за септември, а можеби и за подоцна.

Повикувајќи се на владини извори, весникот објави дека грчката влада не може да „замижи пред двојната игра на соседите“, потенцирајќи дека „изминатиов период имало неколку инциденти поврзани со Договорот“.

„Бараме целосна имплементација на договорот од Преспа и неговиот дух и го повикуваме господинот Заев да се воздржи од реторика на поделби, особено во чувствително прашање како што е фудбалот“, рече владината портпаролка Аристотелија Пелони.

Прикажи повеќе...

Македонија

(Видео) Андоновски: Три години Заев лаже за датумот, со него нема европска иднина

Објавено пред

Три години празни ветувања дека сме го добиле датумот и дека отпочнуваме преговори со Европската Унија, три години разочарувања за граѓаните. Заев вети – Заев излажа, истакна на денешната прес конференција, Стефан Андоновски, член на ИК на ВМРО-ДПМНЕ.

Според него, уште пред три години, Заев ветил дека ќе си поднесе оставка доколку не почнеме преговори со ЕУ.

„Поминаа три полни години од сликата во авионот со која Заев не убедуваше дека веќе преговараме со ЕУ. Денес се случи она за што три години предупредуваме, а тоа е дека датумот за преговори со Европската Унија е недостижен додека е Заев на власт. За жал Македонија останува и пред портите на ЕУ, и национално понижена“, вели Андоновски.

Андоновски оценува дека постојат и две лоши тенденции.

„Едната е дека Заев крие што предлагал за македонскиот јазик и историја додека коленичел во Софија. Никој не знае кое е новото национално понижување на кое тој е подготвен да се согласи. Заев на овој начин трајно ги минира позициите на Македонија. И второто е што никој во македонската дипломатија не лобира за Македонија. Македонија овие денови требаше да има претставници во европските метрополи. Да бараат поддршка од сите европски лидери. Затоа што ние имаме европски пријатели, но со нив никој не комуницира. Но, европска поддршка за владина корупција не постои и не може да се бара“, додава членот на ИК на ВМРО-ДПМНЕ.

Андоновски вели дека заради Заев довербата на граѓаните во политиката е на историскиот минимум.

Потенцира дека неговата партија и во наредниот период ќе продолжи да лобира Македонија да го добие своето заслужено место помеѓу партнерите од Европската Унија.

Прикажи повеќе...

Најново

Македонија21 минута

Македонија на листата на безбедни земји за патување во Австрија

Три балкански држави се најдоа на австриската листа на безбедни земји за патување. Австриското Министерство за здравство ги објави имињата...

Македонија56 минути

Атина гневна зошто Заев на „Твитер“ напишал македонска фудбалска репрезентација

Грција го замрзнува ратификувањето на меморандуми за соработка со Северна Македонија поради објава на премиерот Зоран Заев на „Твитер“ за...

Свет3 часа

Најлошото допрва доаѓа, алармантно предупредување на научниците за клима

Недостиг на вода, глад, исчезнување на одредени видови животни и растенија, животот на Земјата, неизбежно ќе се трансформира со климатските...

Свет3 часа

Убијците на Кашоги поминале обука во САД, одобрена од Владата

Четворица Саудијци кои учествуваа во убиството на новинарот на „Вашингтон пост“, Џамал Кашоги во Истанбул во 2018 година, поминале обука...

Македонија15 часа

Владата одлучи дека компаниите за превоз можат да возат со полни автобуси

Владата на денешната седница ја прифати препораката на Комисијата за заразни болести да се одобри превоз на патници, со максимален...

Македонија17 часа

Влада: Ахмети не разговарал со СДСМ и Заев за промена на знамето, грбот или химната

Ниту во Владата, ниту во владејачката партија СДСМ, ниту со премиерот Заев не е разговарано за промена на знаме, грб...

Македонија18 часа

Бугарија не ја трга блокадата за Македонија, но го пофали прогресот на Албанија

Бугарија го потврди својот став за европската перспектива на Република Северна Македонија на денешниот редовен состанок на Советот за општи...

Македонија19 часа

13 нови случаи на Ковид-19, починати нема

Министерството за здравство информира дека во последните 24 часа се направени 2.952 тестирања, а регистрирани се 13 нови случаи на...

Македонија1 ден

И во кризната 2020 година општините потрошиле на тендери исто колку и во 2019 година, лидер е Град Скопје

Центарот за граѓански комуникации (ЦГК) ја објави Базата на податоци за јавни набавки на општините во 2020 година според која...

Македонија1 ден

Филипче очекува до крајот на летото да постигнеме колективен имунитет

Министерот за здравство, Венко Филипче очекува до крајот на летото да биде постигнат колективен имунитет. Според планот за имунизација, како...

Свет1 ден

Кубанска вакцина против коронавирус покажа 92,28 проценти ефикасност

Кандидатот за вакцина „Абдала“ против коронавирус, изработена од Куба, која е и прва што се развива во Латинска Америка, покажа...

Свет1 ден

(Видео) Предградие во Чикаго погодено од торнадо

Торнадо погоди густо предградие на Чикаго, оштетувајќи повеќе од 100 куќи. Невремето собори десетици дрвја, а на некои места електричната...

Македонија1 ден

Палмер: Важно е да се забрза пристапувањето на Северна Македонија во ЕУ

Важно е да се забрза пристапувањето на Северна Македонија во Европската Унија, изјави заменик помошникот државен секретар за европски и...

Свет1 ден

СЗО: Половина од сиромашните земји немаат доволно вакцини

Повеќе од половина од посиромашните земји во светот кои примаат вакцини против коронавирус преку програмата за размена „Ковакс“ немаат доволно...

Спорт2 дена

Пандев: Не може ништо да се спореди со овој свет дрес

Горан Пандев заминува од македонската репрезентација, како рекордер со 122 настапи и 38 гола, со остварено ветување за пласман на...

Спорт2 дена

ЕУРО 2020 заврши за Македонија, Холандија и Австрија во осминафиналето

Македонија со 0:3 пораз од Холандија го заврши историскиот настап на ЕУРО 2020, во меч кој носеше големи емоции за...

Спорт2 дена

Моменти за солзи – цела Амстердам арена со поздрав за Пандев

Горан Пандев имаше емотивно збогување со националниот дрес, откако селекторот Игор Ангеловски реши да го повлече од игра во 68....

Македонија2 дена

Нема најава за нови рестрикции по вториот случај на индиски вид во Македонија

Во текот на вчерашниот ден во Македонија беше детектиран и вториот случај на индискиот вид на коронавирусот, но засега нема...

Економија2 дена

Се зголемуваат цените на горивата

Регулаторната комисија за енергетика и водни услуги донесе одлука со која се врши зголемување на малопродажните цени на нафтените деривати...

Европа2 дена

Рекорден дневен број на заразени со Ковид-19 во Москва

Бројот на новоинфицирани oд коронавирус во руската престолнина Москва и нејзината област во изминатите 24 часа достигнал 1.800, што е...

Досие