Македонија
Заев и Туск очекуваат да се изнајде решение за почеток на преговорите
Во пријателска атмосфера и во искрен разговор вечерва во Брисел се одвиваше средбата меѓу премиерот, Зоран Заев и претседателот на Европскиот Совет, Доналд Туск, информираат од владината прес-служба.
Разговорот за време на средбата го одбележало заедничкото очекување дека лидерите на земјите членки на ЕУ на утрешното заседание ќе прават напори да дојдат до консензуално решение поврзано со почетокот на преговорите за Северна Македонија.

„На средбата беа уште еднаш признаени и потврдени сите успеси што Република Северна Македонија ги постигна во изминатите две и пол години и едногласно беше заклучено дека нашата земја и граѓаните ги исполнија сите услови за донесување одлука за почеток на преговори правејќи храбри чекори и сериозни реформи“, стои во владиното соопштение.
На средбата со Туск исто така учествувале и вицепремиерот Бујар Османи и министерот за надворешни работи, Никола Димитров.
©Makfax.com.mk Доколку преземете содржина од оваа страница, во целост сте се согласиле со нејзините Услови за користење.
Македонија
Трајанова: Над 112 милиони денари за нов клинички центар, зголемени средства за клучни здравствени програми
Пратеничката Моника Трајанова од Пратеничката група на ВМРО-ДПМНЕ изјави дека предлог-буџетот за наредната година предвидува значајни инвестиции во здравството, со цел подобрување на здравјето и благосостојбата на граѓаните.
Трајанова посочи дека се планирани повеќе од 112 милиони денари за изградба на нов клинички центар во Скопје и во Штип, како и 15 милиони денари за болницата во Кичево. Дополнително, предвидени се скоро 370 милиони денари за генерална реконструкција и доградба на јавните здравствени установи низ Македонија.
Пратеничката наведе дека паралелно продолжува систематското финансирање на јавните здравствени установи и голем број целни програми, меѓу кои: 1,08 милијарди денари за лекување на ретки болести, 860 милиони денари за обезбедување инсулин за пациентите, зголемување на превентивните програми за туберкулоза за 2,5 милиони денари, зголемување на програмата за крводарителство за 2 милиони денари.
„Посветеноста на Владата кон здравјето на секој еден е јасна и недвосмислена. Идната, 2026-та, граѓаните добиваат повеќе, а системот станува одржлив“, истакна Трајанова.
Таа додаде дека буџетот обезбедува континуитет на најважните здравствени програми, подобри услови за здравствените работници и поддршка за најранливите преку зголемени средства во клучните програми.
Македонија
Коцевски: Приведени десетина лица од УЈП, се вршат претреси на повеќе локации
Во рамки на предистражна постапка што се води за лица вработени во УЈП и поврзани со дискотеката „Пулс“ во Кочани, денес се приведени десетина лица, а истовремено се вршат претреси на повеќе локации.
„Се работи за лица вработени во УЈП, а за кривични дела допрва ќе видиме, меѓутоа првичните дела се злоупотреба на службена положба и овластување и давање мито“, изјави државниот јавен обвинител Љупчо Коцевски.
Тој додаде дека дел од комуникациите што беа презентирани во јавноста се опфатени во постапката.
Јавниот обвинител ќе предложи мерки, соопшти Коцевски кој засега не сакаше да открие за кои лица се работи, односно на кои позиции биле вработени приведените.
Овој предмет го води кочанското обвинителство.
Македонија
Приведен поранешен раководител на УЈП во акција поврзана со дискотеката „Пулс“
Во полициска акција приведен е поранешен раководител на подружница на УЈП, а опфатени се повеќе службеници и вработени, во рамки на истрага за дискотеката „Пулс“.
Од МВР најавија повеќе детали за подоцна.
„Полициски службеници од СВР Штип, ОВР Кочани во соработка со Одделот за криминалистичка полиција по насоки на ОЈО Кочани преземаат повеќе активности на неколку локации низ државата. По завршувањето на акцијата јавноста ќе биде соодветно известена“, соопшти МВР.

