Контакт

Македонија

Заев и Царовска: Креиравме социјална реформа која целосно ја менува грижата за ранливите групи

Објавено пред

„Тргнавме од определбата да создаваме праведно општество, кое вистински се грижи за намалување на социјалната нееднаквост во општеството и креиравме социјална реформа која целосно го менува начинот на кој се грижиме за ранливите групи граѓани и значително ја зголемуваме финансиската помош што ја добиваат“, рече во изјавата за медиумите претседателот на Владата, Зоран Заев, кој денеска заедно со министерката за труд и социјална политика, Мила Царовска, и со директорката на ЈУ Меѓуопштински центар за социјална работа, Наташа Станојевиќ, имаше средба со корисници на социјална помош и социјални работници.

Средбата беше организирана за да се чујат граѓаните и нивните пораки за мерките од социјалната реформа и за нејзината реализација според нашите очекувања.

„Тргнавме од определбата да создаваме праведно општество, кое вистински се грижи за намалувањето на социјалната нееднаквост во нашата земја. Креиравме социјална реформа, која целосно го менува начинот на кој се грижиме за ранливите групи граѓани и значително ја зголемува финансиската помош што ја добиваат најсиромашните. Новиот систем овозможува поддршка, обуки и советувања за да може секој човек исто така да почне да работи“, рече премиерот Заев.

Реформите во социјалната и детската заштита ги правевме многу внимателно, истакна на средбата премиерот Заев, со цел да ги опфатиме сите ранливи категории и да овозможиме еднакви шанси за секое дете бидејќи тоа е определбата на оваа Влада и таква држава заслужуваат нашите граѓани.

„Оваа реформа, што ја направивме оваа година, и веќе шест месеци можеме да кажеме дека ги дава резултатите, опфаќа повеќе од 120.000 граѓани. Важно е да се каже дека со социјалната пензија или државната пензија веќе опфативме 4 илјади корисници, што значи дека полека ги достигнуваме таргетите. Образовниот и детскиот додаток ги даваат своите резултати, тие ги дополнуваат приходите на семејството сè со цел идните генерации да ги стимулираме да излезат од сиромаштија преку образование“, истакна министерката Мила Царовска.

Таа додаде дека со социјалната реформа се воведува и нов начин на работа на социјалните центри. Лицата во социјален ризик добија семеен социјален работник, кој ќе работи директно со нив сè до извлекување од ризикот во кој се наоѓаат.

Директорката на ЈУ Меѓуопштински центар за социјална работа, Наташа Станојевиќ, нагласи дека новиот систем овозможува поддршка, обуки и советување за да може секој човек да почне да работи и дека граѓаните веќе ги чувствуваат придобивките од социјалната реформа.

Овие придобивки ги потенцираа и корисниците на социјална помош, кои рекоа дека новите реформи со зголемената финансиска поддршка и особено мерките за стекнување квалификации за вработување, им отвораат реални шанси да се извлечат од наследената сиромаштија.

На средбата беше кажано дека вкупно 27.000 семејства во моментот ја примаат гарантираната минимална помош, 27.130 деца земаат детски додаток, образовниот додаток го користат 8.678 деца, а со мерката социјална пензија се опфатени 4.148 возрасни лица. Се очекува овие бројки да продолжат да растат.



©Makfax.com.mk Доколку преземете содржина од оваа страница, во целост сте се согласиле со нејзините Услови за користење.

Македонија

ВМРО-ДПМНЕ: Царовска и луѓето околу неа создадоа хаос

Објавено пред

Прес-конференцијата за реализација на Оперативен план за вработување за 2019 година е доказ и потврда за хаосот кој го создадоа Мила Царовска и луѓето околу неа.Сите постапки започнати од 2018 година, а поврзани со активните мерки и политики за вработување се без вистинска анализа на пазарот на труд, без консултации со работодавците, без анализа на индивидуалните планови за вработување на невработените лица и нивно профилирање, без сериозен пристап при димензионирање на мерките, без календар за реализација на Оперативниот план за вработување и без обука за вработените за имплементација на Оперативниот план односно нејасни и неприменливи оперативни упатства, се вели во реакцијата на ВМРО-ДПМНЕ за наводите изнесени од Мила Царовска за Оперативниот план за вработување.

Според партијата, Агенцијата за вработување и МТСП, наместо да бидат мост помеѓу понудата и побарувачката, тие го зголемија јазот и со нивната нестручност, импровизација и политиканство, мотивираа многу граѓани да побегнат од Македонија, а за жал поголемиот број од нив се млади.

„Оперативниот план за 2018 година, Владата го изгласа на 28.02.2018, првиот оглас се објави дури на 15.03.2018 година, додека првите договори со невработени лица се потпишаа втората половина на месец мај. Пропуштивте да им понудите помош на невработените и работодавците во првиот квартал од 2018 година додека во последните два квартали од 2018 година, немате скоро никаква понуда на активни мерки за вработување.

Во 2019 година е поразителна исто така, еден месец порано го донесовте Оперативниот план но затоа сите огласи започнаа и завршија во еден месец, три пати го ревидиравте планот заради „доброто” планирање, првите договори за самовработувањето се потпишаа дури во месец септември, се објавуваа огласи (најскапите мерки) кои траеја по неколку часа и строго беа резервирани за активисти и роднини на СДСМ.Единствената вистина влегува во оние преостанатите 1.4% и е точен податок за процентот на реализацијата на парите од Оперативниот план и сте во мртва трка со Фондот за иновации.

„Искусната“ Мила Царовска, единствениот успех со кој може да се пофали е уништувањето на активната мерка практиканство, мерка која беше прогласена за најуспешна врз основа сериозна и професионално спроведена анализа (за жал единствена) за успешност на мерките на Агенција за вработување. Со донесување на Законот за практиканство кој не донесе очекувани резултати, кој е надвор од рамките на системскиот Закон за работните односи и неусогласен со Законот за безбедност и здравје при работа, непотребно се уништува, најуспешната активна мерка „Практиканство“. Мила Царовска не смее да зборува за реализација и успешност на мерките за вработување, кога ниту еднаш и од никого не е извршен надзор ниту каква било контрола над спроведување на мерките од Оперативниот план, освен административна, од канцеларија(одјава/пријава на корисници на активни мерки).

Директорката на Агенција за вработување Билјана Јовановска се фали за тимска работа и позитивна енергија, а ниту еднаш не присуствувала на колегиум во министерството, од тројца овластени синдикални претставници во АВРМ, од двата синдикати кои постојат во Агенција за вработување им има изречено пет откази и едно распоредување, по препорака од Владата. За „позитивната“ енергија кај вработените во АВРМ ќе дознаваме дополнително, за сега знаеме само дека во Агенција се работат многу работи, но не и имплементација на активните мерки и политики за вработување.Младинска гаранција која исто така се спомна на прес- конференцијата е нереална мерка и фикција, се користи за популистички пароли а во основа не постои, нема определено буџет, опфат на корисници, услови и слично. Едноставно секое младо лице кога ќе се пријави во Агенција за вработување, се евидентира како дел од младинска гаранција. Доколку истото лице се вработи кај било кој работодавец без да користи било каква мерка, повторно се евидентира и се прикажува како успешна приказна на Мила Царовска“, се вели во соопштението.

Според партијата, Обнова на Македонија ќе ја врати вистинската улога на институциите и ќе креира политики кои ќе бидат врз основа на сериозни анализи на пазарот на труд, мост помеѓу понудата и побарувачката. Ќе димензионира мерки врз основа на професионално профилирани и кариерно водени невработени лица со наменски насочени мерки кои ќе ја зголемат нивната вработливост и ќе ги направат атрактивни на пазарот на труд односно за работодавците.

„МТСП и АВРМ ќе подржуваат единствено одржливи и долгорочни работни места со пристојни плати и услови за невработените лица. Заев, Царовска и СДСМ се виновни за поразите, измамите и криминалите. На 12 април следува одговорност. Заев никогаш повеќе“, се вели во реакцијата.

Прикажи повеќе...

Македонија

Изменет сообраќаен режим за Водици

Објавено пред

Поради манифестациите за верскиот празник Водици, Одделението за безбедност на патниот сообраќај при СВР Скопје утре ќе воведе посебен режим на сообраќај на одредени сообраќајници во централното градско подрачје на Скопје, како и во општините Ѓорче Петров, Аеродром и населбата Хром.

Во периодот од 10.00 часот, па до завршување на манифестацијата по повод Водици, во центарот на Скопје ќе бидат затворени за сообраќај улиците „Филип Втори Македонски“ до булеварот „Гоце Делчев“ и од Кеј „13 Ноември“ до булеварот „Кочо Рацин“.

Во општината Ѓорче Петров од 10.00 часот црковната литија ќе се движи почнувајќи од црквата „Свети Петар и Павле“, десно по булеварот „Партизански одреди“, десно по улицата „Ѓорче Петров“, лево по улицата „Васил Чакаларов“, како и од црквата „Свети Пантелејмон“ по улицата „Демир Трајко“ и лево по улицата „Васил Чакаларов“ до Железничкиот мост на реката Вардар.

Во општина Аеродром од 10.00 часот за сообраќај ќе биде затворен локалниот пат кон с. Лисиче.

Министерството за внатрешни работи апелира до граѓаните да ги почитуваат наредбите што ги издаваат полициските службеници.

Прикажи повеќе...

Македонија

(Видео) Ѓорѓиевски: За советник во БЈБ поставен човек осомничен за помагање при криумчарење мигранти

Објавено пред

„Криминалот е заштитен знак на СДСМ, а криминалците си помагаат едни на други.Лица поврзани со СДСМ осомничени за тежок криминал, наместо да се соочат со правдата, добиваат награди.Последниот пример е прераспределувањето на поранешниот началник на штипската полиција Љупчо Трајковски на позицијата советник во Бирото ја јавна безбедност. Да потсетиме за Љупчо Трајковски се води судски процес заради помагање при криумчарење на мигранти“, изјави Орце Ѓорѓиевски – член на ИК на ВМРО-ДПМНЕ.

Според него, да биде апсурдот уште поголем новоназначениот советник Трајковски сега е дел од Бирото за јавна безбедност кое меѓу другото има надлежност и врз секторот за гранични работи, миграции и криминалистичка полиција.

„Со други зборови ова е како да се постави дилер во Одделот за недозволена трговија со наркотици. Замислете за советник во БЈБ е поставен човек кој, според обвинението наплаќал по 200 евра од возило со мигранти и ги известувал криумчарите на кои места биле полициските патроли. Класична злоупотреба на службената должност и срам за полицијата.

Ова е кадровската политика на Заев, Спасовски и Славјанка Петровска. Полицијата наместо заштитник на граѓаните, се претвори во соучесник во криминалот.Какви совети ќе му дава осомничениот на директорот на БЈБ ? Дали со унапредување на Трајковски му се дава нова можност за криминал? Дали тој треба да остварува контакт со подземјето во пресрет на изборите во корист на СДСМ и Зоран Заев лично?Бараме Директорот на Бирото за јавна безбедност се откаже од услугите и да го разреши Трајковски од позицијата советник. Истовремено мора да има одговорност и за лицата кои не го санкционирале и дистанцирале од позициите во полицијата за да не влијае на доказите и сведоците во случајот кој што се води против него“, додаде тој.

Прикажи повеќе...

Најново

Свет19 минути

Седум планинари исчезнаа во лавина во Непал

Најмалку четворица јужнокорејци и тројца непалски водичи исчезнаа во лавина на популарната патека за планинарење во Непал, соопштија властите.         ...

Култура1 час

Џејми Ли Кертис за „Медена земја“ твитна: Колку совршен филм, воодушевена сум

Македонскиот документарец номиниран за два оскари, „Медена земја“ ги освои симпатиите и на познатите холивудски актерски имиња. What a perfect...

Економија2 часа

Луксембург – земја со најголема минимална плата во ЕУ

Минималната месечна плата во Луксембург се зголеми на 1 јануари и сега изнесува 2,14 илјади евра. Дури и пред ова...

Економија3 часа

Комората на сметководители препорачува: Канцерогените фискални ленти итно да се забранат како во ЕУ

Од 1 јануари годинава во Европската Унија, стапи на сила забраната за употреба на штетната хемиска материја Бисфенол А или...

Свет3 часа

Помпео под притисок да се појави на јавно сослушување за убиството на Сулејмани

Одборот за надворешни работи на Претставничкиот дом на Конгресот на САД испрати обврзувачки повик до државниот секретар Мајк Помпео за...

Спорт4 часа

Михајловиќ: Имав напади на паника во болница, сакав да побегнам низ прозорец!

Екс-српскиот фудбалер, а сега актуелен тренер на калчолигашот Болоња, Синиша Михајловиќ за тв емисијата „Verisimo” раскажа досега непознати детали од...

Свет4 часа

Сменет бразилски министер кој во говор го цитираше Гебелс

Бразилскиот министер за култура е сменет од позицијата, откако што цитираше делови од говор на нацистичкиот шеф на пропаганда Јозеф...

Свет17 часа

Граѓаните од ЕУ нема автоматски да бидат депортирани по брегзитот

Велика Британија нема автоматски да ги депортира граѓаните од Европската Унија кои не побарале да останат во земјата по брегзитот,...

Европа19 часа

Музејот „Лувр“ во Париз затворен поради протести

Музејот „Лувр“ во Париз денеска беше затворен кога десетици демонстранти го блокираа влезот протестирајќи против намерата на француската влада да...

Македонија20 часа

(Видео) Петровска: Погубно за Министерството и граѓаните ќе биде МВР да се претвори во партија

Впечатокот дека се случува хаос во Министерството за внатрешни работи е резултат на избрзаните телеграми од министерот Чулев, вели неговата...

Европа22 часа

Папата за првпат назначи жена на висока позиција во Ватикан

За првпат една жена ќе има висока позиција во Ватикан, бидејќи папата Франциско, поглавар на Римокатоличката црква, ја назначи Франческа...

Свет1 ден

Еден милион морски птици умреле над Тихиот Океан

Дури еден милион морски птици умреле над Пацификот за помалку од 12 месеци, а експертите велат дека е виновна топлата...

Регион1 ден

Грција идната недела ќе добие нов претседател

Грчката влада достави предлог до парламентот за избор на нов претседател на републиката, што ќе се одржи на 22 јануари,...

Топ1 ден

Две деца повредени кога „бе-ем-ве“ излетало на патот Велес – Извор

Вчера во 16:00 часот било пријавено дека на регионалниот пат Велес – Извор, по крстосницата за селото Г.Оризари, патничко возило...

Свет1 ден

(Видео) Кралот на кокаинот доби пиво со неговиот лик и име

Мексиканскиот наркобос Хоакин „Ел Чапо“ Гузман издржува доживотна казна затвор, а неговата ќерка Алехандрина се труди да ја одржи неговата...

Македонија1 ден

Меркел: Северна Македонија и Албанија заслужуваат да ги почнат преговорите со ЕУ

„Северна Македонија и Албанија заслужуваат да ги почнат преговорите со ЕУ, но на тој пат двете земји можат да се...

Македонија1 ден

Усвоени измените во законот за извршување, социјално загрозените нема да плаќаат

Законодавниот дом ги изгласа најновите измени и дополнувања на Законот за извршување кои ги подготви Министерството за правда. Ова е...

Свет1 ден

Премиерот на Украина поднесе оставка

Премиерот на Украина, Олексиј Хончарук, денеска поднесе оставка, јавува „Ројтерс“. Од кабинетот на претседателот на Украина, Володимир Зеленски, соопштуваат дека...

Регион1 ден

Лајчак: Следните месеци клучни за односите помеѓу ЕУ и Западен Балкан

Шефот на словачката дипломатија Мирослав Лајчак изјави дека следните месеци ќе бидат клучни за односите помеѓу Европска Унија и земјите...

Свет1 ден

Земјотрес со јачина од 5,6 степени го погоди Мексико

Земјотрес со јачина од 5,6 степени според Рихтеровата скала утрово е регистриран во јужниот дел на Мексико, кој според медиумите...

Досие