Контакт

Македонија

Заев на онлајн средба со Шарл Мишел: Вложеното и оствареното нè прави подготвени за преговорите со ЕУ

Објавено пред

Најважните приоритети на Република Северна Македонија во актуелниот период е да биде усвоена Рамката за преговори со ЕУ од страна на Европскиот совет и одржувањето на првата меѓувладина конференција на земјата со ЕУ до крајот на годината под претседателството на Германија, беше истакнато на разговорот на премиерот Зоран Заев со претседателот на Европскиот совет, Шарл Мишел, што беше организиран онлајн и во кој учествуваа и заменик-претседателот на владата за европски прашања, Никола Димитров, и министерот за надворешни работи, Бујар Османи.

Од Владата соопштија дека на онлајн средбата со претседателот на Европскиот совет, Шарл Мишел, било констатирано дека позитивниот исход за одржување на првата меѓувладина конференција ќе биде поттик за побрзи домашни реформи, како и позитивен сигнал за регионот со што ќе се потврди европската перспектива на Западен Балкан, како една од целите за проширување на ЕУ.

„Вложено е многу од двете страни и исто толку многу е остварено што нè прави, како земја, подготвени за преговорите по поглавја за целосно и безусловно исполнување на нашата ЕУ-агенда“, рекол Заев.

Тој во разговорот потенцирал дека приоритети на Владата за следниот период се понатамошното унапредување на агендата за реформи на ЕУ на инклузивен начин, со вклучување на опозицијата во Парламентот и со активно учество на граѓанското општество и меѓународните партнери.

На онлајн средбата било нагласено дека постигнатите важни резултати во зајакнувањето на независноста на судството, донесувањето на Законот за јавно обвинителство, како и конечните пресуди за случаи на корупција и организиран криминал, вклучително и на високо ниво, дополнително се подобриле и како такви се констатирани и во годишниот извештај на Европската комисија за Северна Македонија.

„Северна Македонија ќе ги засили своите напори и ќе донесе понатамошни опипливи и одржливи резултати во клучните реформски области, особено во областа на владеењето на правото, вклучително и борбата против организираниот криминал и корупцијата“, рекол премиерот.

Заев истакнал и дека Владата е посветена на спроведување на обврските од Договорот од Преспа и од Договорот за добрососедство и пријателство со Бугарија и дека сите преостанати прашања ќе се затворат низ билатерални средби и во пријателска атмосфера.

Мишел на онлајн средбата потсетил дека еден од неговите први приоритети кога го презеде мандатот во ЕС, беше интеграцијата на Западен Балкан во ЕУ, и во таа насока високо ја оценил посветеноста Влада и на граѓаните на Северна Македонија во остварувањето европските стандарди во сите области, вклучувајќи го и усогласувањето на националните надворешни политики со оние на ЕУ.

Македонија

СДСМ: За јазикот и идентитетот не се преговара и не може да се преговара

Објавено пред

За јазикот, за идентитетот не се преговара, ниту може да се преговара. Македонскиот јазик и македонскиот идентитет се потврдени и признаени, велат од Социјалдемократскиот сојуз на Македонија преку соопштение.

СДСМ реагира на обвинувањата на ВМРО-ДПМНЕ по интервјуто на премиерот Зоран Заев за БГНЕС, коментирајќи дека опозициската патија предводена од Христијан Мицкоски нема кредибилитет да зборува за Народно ослободителната борба и партизаните.

„Партијата која идеологијата ја градеше со понижување на НОБ, на борците, партизаните, менување на нивното значење, бришење менување на имиња на улици, булевари и установи кои беа именувани по македонски партизани, партија која за време на режимот, ги исфрли на улица живите борци и ги остави без простории, нема никаков кредибилитет да зборува за НОБ и партизаните. Ништо ново од Мицкоски и ВМРО-ДПМНЕ. Секогаш, во сите клучни моменти за европската иднина, Мицкоски излегува во јавноста и се обидува да ги поткопува државните позиции, да ја кочи државата, да шири лаги и да подгрева тензии во јавноста. Но граѓаните одамна не веруваат во хистеријата што ја шири Мицкоски. Мицкоски нема чувство за тоа што е државен или национален интерес затоа што се води исклучиво од партискиот интерес. Затоа беше казнет од граѓаните и затоа уште долго ќе остане во опозиција“, наведе СДСМ.

Прикажи повеќе...

Македонија

Пендаровски: Постои дилема дали државниот врв настапува единствено во спорот со Бугарија

Објавено пред

Спорот со Бугарија може да се реши само ако доследно се почитува и македонскиот и бугарскиот народ и со избегнување на опасната стапица на историскиот ревизионизам, вели претседателот, Стево Пендаровски, во интервју за Дојче Веле кое утре ќе биде објавено во целост.

Пендаровски коментира дека го гледал интервјуто на премиерот, Зоран Заев за бугарската новинска агенција БГНЕС, а во дел од коментарите на македонската јавност забележал дека е присутна дилемата дали државниот врв настапува единствено во однос на ова витално национално прашање.

Во делот од интервјуто што го објави Дојче Веле, Пендаровски изјавува дека со Заев се согласни дека некои личности и настани можат да се слават од обете страни, но дека македонскиот народ има своја посебна историја, исто како што има и бугарскиот народ.

Заев во интервјуто за БГНЕС вчера рече дека Пендаровски е посветен на договорите со соседите, а изјавата на шефот на државата дека односот на Софија кон Скопје е наследство од режимот на Тодор Живков, ја препиша на неискуството.

Прикажи повеќе...

Македонија

Опозицијата бара оставка од Заев поради вчерашното интервју

Објавено пред

Опозициската ВМРО-ДПМНЕ бара оставка од премиерот Зоран Заев, поради ставовите изнесени во интервјуто за бугарската новинска агенција БГНЕС.

Од ВМРО-ДПМНЕ утрово преку соопштение велат дека Заев е срам за државата, а после изнесените антидржавни ставови оставката е неминовен чекор.

„Нема Македонец кој не се срами од додворувањето на Заев кон бугарската влада на штета на македонските интереси. Зоран Заев го продава македонскиот идентитет, јазик и историја. Зоран Заев се откажа од Гоце Делчев-црвената линија на македонскиот идентитет. Од среде Скопје Заев кажа дека бугарите биле ослободители во втората светска војна, и со тоа ги израмни македонските партизани со бандити. Зоран Заев се откажа и ја погази жртвата на Орце Николов, Раде Јовчевски Корчагин, Стив Наумов, Вера Јоциќ, Борка Талески, Методија Андонов Ченто, и плејада други знајни и незнајни јунаци кои животот го положија за слободна Македонија“, велат од ВМРО-ДПМНЕ.

Партијата порача дека Заев не треба да чека народот да го смени, туку треба самиот веднаш да си даде оставка.

Лидерот на ВМРО-ДПМНЕ, Христијан Мицкоски, вчера повика на протест за одбрана на црвените линии во преговорите со Бугарија, што ќе се одржи денеска во 18 часот, од СЦ Борис Трајковски до Владата. Протестот, поради запазување на здравјето поради коронакризата, ќе биде со автомобили.

Прикажи повеќе...

Најново

Македонија1 час

СДСМ: За јазикот и идентитетот не се преговара и не може да се преговара

За јазикот, за идентитетот не се преговара, ниту може да се преговара. Македонскиот јазик и македонскиот идентитет се потврдени и...

Топ2 часа

Запленета марихуана во Струшко, приведен дилер од Албанија

Полицијата вчера заплени марихуана во Струшко и приведе дилер од Албанија по претходно добиени оперативни сознанија. Од МВР информираат дека...

Македонија2 часа

Пендаровски: Постои дилема дали државниот врв настапува единствено во спорот со Бугарија

Спорот со Бугарија може да се реши само ако доследно се почитува и македонскиот и бугарскиот народ и со избегнување...

Македонија2 часа

Опозицијата бара оставка од Заев поради вчерашното интервју

Опозициската ВМРО-ДПМНЕ бара оставка од премиерот Зоран Заев, поради ставовите изнесени во интервјуто за бугарската новинска агенција БГНЕС. Од ВМРО-ДПМНЕ...

Свет3 часа

Меркел: Задолжителни маски и на отворено

Германската канцеларка, Ангела Меркел, објави дека ограничувачките мерки против коронавирусот ќе бидат продолжени најмалку до 20 декември, а можеби и...

Свет3 часа

Трамп одобри помилување на неговиот поранешен советник за национална безбедност

Американскиот претседател Доналд Трамп го одобри помилувањето на неговиот поранешен советник за национална безбедност, генерал Мајкл Флин, што медиумите го...

Македонија14 часа

Мицкоски повика на предупредувачки протест за одбрана на македонските црвени линии

Лидерот на ВМРО-ДПМНЕ, Христијан Мицкоски, преку социјалните мрежи повика на натпартиски протест за одбрана на црвените линии во преговорите со...

Македонија15 часа

1.288 новозаразени од Ковид-19, починаа 39 лица

Министерството за здравство информира дека во последните 24 часа се направени 3.349 тестирања, а регистрирани се 1.288 нови случаи на...

Македонија16 часа

Кај Тумбе Кафе има околу 10.000 гранати од Првата светска војна, уништувањето ќе почне во декември

Дирекцијата за заштита и спасување (ДЗС) соопшти дека во декември ќе започне уништувањето на неексплодираните гранати од Првата светска војна...

Свет16 часа

Кинески експерти тврдат дека коронавирусот не потекнува од Кина

Кинескиот државен весник „Пиполс дејли“ тврди, повикувајќи се на изјави на кинески експерти, дека коронавирусот не потекнува од Вухан, град...

Меѓународен17 часа

Почина Диего Армандо Марадона

Легендарниот аргентински фудбалер, Диего Армандо Марадона (60) почина од срцев удар во родната земја, јавуваат тамошните медиуми. Легендарниот фудбалер починал...

Македонија20 часа

Заев: Бугарија не е фашистичка земја, туку наш пријател

Бугарија не е фашистичка земја, таа е наш пријател, вели претседателот на Владата, Зоран Заев, во интервју за бугарската новинска...

Македонија22 часа

Судот го опомена Бојан Јовановски, одбиено е барањето за изземање на судијката

Претседателот на Кривичниот суд, Иван Џолев, го одби барањето на обвинетиот Бојан Јовановски за изземање на судијката Софче Гаврилова-Ефремова од...

Македонија22 часа

Се очекува зелено светло од Пендаровски за војниците од утре да почнат да ги обезбедуваат болниците

Припадниците на Армијата ќе може уште утре да бидат распределени во здравствените институции, изјави министерката за одбрана, Радмила Шекеринска. „Вчера,...

Култура23 часа

Eкипата на „Медена земја“ тврди: На Атиџе ѝ обезбедивме дом, храна и лекови – здружението „Бекирлија“ и донациите ќе бидат затворени

Екипата на „Медена земја“ реагира по тврдењата што се појавија во јавноста дека Атиџе Муратова е заборавена од сите, без...

Европа1 ден

(Видео) Автомобил удри во оградата на канцеларијата на Меркел

Автомобил управуван од непознато лице удрил во оградата на канцеларијата на германската канцеларка Ангела Меркел во Берлин. Деталите за оваа...

Свет1 ден

Сингапур го искорени коронавирусот

Некогаш имаше најголема стапка на Ковид-19 во Југоисточна Азија, но кога во вторникот пријави 14 дена без нови локални случаи,...

Македонија1 ден

Во ковид-центрите во Скопје за 24 часа хоспитализирани 39 пациенти, слободни уште 20-ина места

Во изминатите 24 часа во ковид-центрите во Скопје хоспитализрани се 39 нови пациенти поради компликации од коронавирусот. Вкупно 486 лица...

Македонија1 ден

(Видео) Пендаровски: Пандемијата покажа дека домот не е најбезбедно место за многу жени и деца

Претседателот на државата, Стево Пендаровски, се вклучи во глобалната кампања „16 дена активизам против родово базирано насилство“ на Обединетите нации,...

Регион1 ден

Од денес стапува во сила полициски час во Црна Гора

Во Црна Гора од денес угостителските и услужните објекти ќе работат од 7 до 18 часот, а забраната за напуштање...

Досие