Министерството за труд и социјална политика соопштува дека согласно со Законот за празниците („Службен весник на РМ„ бр.21/98 и 18/07), 27 јануари 2021 година (среда), Свети Сава е неработен ден за граѓаните припадници на српската заедница во Република Северна Македонија.

Истовремено, Министерството за труд и социјална политика на граѓаните припадници на српската заедница им го честита празникот Свети Сава.

Oд утре (26.01.2021 година) почнува етапната исплата на јануарските пензии. Министерството за труд и социјална политика информира дека пензиите ќе бидат исплатени предвреме и етапно, со цел да се овозможи поголема заштита на пензионерите во услови на опасност од коронавирусот КОВИД-19.

Подигнувањето на пензиите преку филијалите и експозитурите на банките за пензионерите кои не користат картички ќе се реализира во четири групи, според висината на пензијата:

– Во вторник, на 26.01.2021 година исплата на пензии со висина до 11.000 денари;
– Во среда на 27.01.2021 година исплата на пензии во висина од 11.001 денари до 14.000 денари;
– Во четврток на 28.01.2021 година исплата на пензии во висина од 14.001 денари до 18.000 денари;
– Во петок, на 29.01. 2021 година исплата на пензии во висина над 18.000 денари.

„ Пензионерите кои користат платежна картичка, поврзана со сметката на која се префрлува пензијата, со парите можат да располагаат од вторник 26 јануари. Тие можат да ја подигнат пензијата на банкомат, да ги користат средствата за плаќање во трговската мрежа или за електронски плаќања. Етапното процесирање на пензиите ќе овозможи спроведување на препораките и мерките за спречување и ширење на вирусот, со оглед на тоа што пензионерите како возрасна група се најранливи“ соопшти МТСП.

Министерството укажува дека пензиите се сигурни на сметките на корисниците, пензискиот систем е стабилен и функционира без проблеми. Оттаму апелираат до пензионерите да се придржуваат до распоредот за исплати, затоа што етапната исплата е направена со цел да се намали метежот пред банките и можностите за загрозување на личното и јавното здравје.

Претседателот на Владата Зоран Заев и градоначалникот на Општина Гази Баба, Борис Георгиевски, ја пуштија во употреба новата спортска сала во рамки на ОУ „Вера Јоциќ“, во населба Хиподром, Општина Гази Баба.

Во претходниот мандат на Владата, старите бараки на основното училиште „Вера Јоциќ“ беа заменети со нова, модерна училишна зграда за 600 ученици.

„ Една година подоцна, во услови на пандемијата со КОВИД-19 ја завршивме и изградбата на спортската сала на училиштето. Повеќе од 10 години учениците немаа функционална спортска сала, а наставата ја одржуваа во училишниот хол. Новата сала е на површина од 650 м2 комплетно опремена со спортска опрема и реквизити, санитарни јазли, соблекувални со туш кабини. Објектот е енергетски ефикасен со овозможен пристап за лица со попреченост. Со спортската сала се комплетира функционалноста на основното училиште „Вера Јоциќ“ кое беше завршено оваа година низ неговите ходници се исполни џагорот на децата, на радост на нивните родители и на другите граѓани на општината“, информираше премиерот Заев.

Како што истакна градоначалникот Георгиевски, новата сала има целосна спортска опрема, реквизити, соблекувални со санитарни јазли и туш кабини. Ова е енергетски ефикасен објект поврзан и на топловодната мрежа.

„ Гази Баба во едно минато време беше целосно заборавена од институциите, но сега имаме сигурен партнер во Владата, со која работиме заедно во интерес на граѓаните. Како градоначалник на Општина Гази Баба сум благодарен на големата поддршка која општината ја има од страна на Владата во реализација на зацртаните проекти“, заклучи градоначалникот Георгиевски.

Заев нагласи дека една од стратегиските определби на Владата е поддршката на единиците на локалната самоуправа за нивна целосна финансиска независност.

„ Повеќе од десет години учениците немаа функционална спортска сала, а наставата ја одржуваа во училишниот хол. Новата сала е на површина од 650 м2 комплетно опремена со спортска опрема и реквизити, санитарни јазли, соблекувални со туш кабини. Објектот е енергетски ефикасен со овозможен пристап за лица со попреченост“ рече Заев.

Тој додаде дека заедно со Електрани на Северна Македонија, односно со нивната подружница „Енергетика“ околу 1.000 домаќинства и деловни објекти ќе се приклучат на мрежата за топловодно греење во Хиподром и во повеќе други населени места.

Станува збор за инвестиција вредна околу 600 илјади евра која ќе се реализира во следните две до три години.

Со ова проширување на топловодната мрежа во Гази Баба се очекува голем бенефит за граѓаните како што се намалување на потрошувачката на струја за домаќинствата приклучени на системот, стабилно и современо загревање на домовите, како и намалување на причинителите на аерозагадувањето.