Македонија
Затворите „Скопје“ и „Идризово“ добија нови директори
На денешната седница, Владата, по предлог на Комисија за именување, ги прифати следните кадровски решенија: Драги Чавдаров е избран за независен и неизвршен член на Одборот на директори на Акционерското друштво за вршење енергетски дејности „Национални енергетски ресурси“ – Скопје во државна сопственост, а Николче Бабовски е разрешен од должноста директор на Агенцијата за финансиска поддршка во земјоделството и руралниот развој и е именуван за вршител на должност директор на Агенцијата за храна и ветеринарство на Република Северна Македонија.
Никица Бачовски е именуван за вршител на должност директор на Агенцијата за финансиска поддршка во земјоделството и руралниот развој, Зоран Атанасов е разрешен од должноста директор на Агенцијата за храна и ветеринарство, Бојан Лазаревски е именуван за вршител на должност директор на Агенцијата за филм, Есад Рахиќ е разрешен од должноста в.д. директор на КПУ „Затвор Скопје“ и е избран за управител на трговското друштво „Нафтовод“ ДООЕЛ Скопје, Филип Андов е именуван за вршител на должност директор на КПУ „Затвор Скопје“, Менфи Илјази е разрешен од должноста директор на Управата за афирмирање и унапредување на културата на припадниците на заедниците на негово барање и е именуван за вршител на должност заменик-координатор на Националниот координативен центар за гранично управување.
Адмир Ујкановиќ е именуван за директор на Управата за афирмирање и унапредување на културата на припадниците на заедниците, Зоран Исајловски е отповикан од управител на трговското друштво „Нафтовод“ ДООЕЛ Скопје, Фатмир Идризи го именува за заменик на директорот во Комисијата за односи со верските заедници и религиозните групи.
Владата ја прифати информацијата за оставката на Зоран Ѓорѓиев од должноста директор на ЈП за стопанисување со државните шуми „Национални шуми“ – Скопје и заклучи да му препорача на Управниот одбор на ЈП за стопанисување со државните шуми „Национални шуми“ – Скопје да ја именува Јулијана Николова за вршител на должноста директор на ЈП за стопанисување со државните шуми „Национални шуми“ – Скопје.
Владата му препорача на Управниот одбор на Јавното претпријатие „Колекторски систем“ за вршител на должноста заменик на директорот да го именува Фатон Положани. Владата му препорача на Управниот одбор на Јавното претпријатие „Национална радиодифузија“ за вршител на должноста заменик на директорот да го именува Мухамед Цури.
По предлог на владината Комисија за именување, врз основа на евалуацијата на апликациите од јавниот повик и врз основа на програмите за работа, Владата прифати Сања Лукаревска да ја именува за директор на Управата за јавни приходи, орган во состав на Министерството за финансии, Иљми Селами да го именува за заменик на директорот на Државниот завод за статистика, Јован Деспотовски да го именува за директор на Дирекцијата за технолошки индустриски развојни зони, Јовица Стојановиќ да го именува за директор на КПУ „Затвор Идризово“, Марјан Спасовски да го именува за директор на Управата за извршување санкции.
Ардијан Муслиу е именуван за директор на Државниот просветен инспекторат, орган во состав на Министерството за образование и наука.
©Makfax.com.mk Доколку преземете содржина од оваа страница, во целост сте се согласиле со нејзините Услови за користење.
Македонија
Првото родено бебе во 2026 е девојче
Првото новороденче во Македонија во Новата 2026 година е женско бебе.
– На ГАК се роди принцеза, соопштија на својата Фејсбук страница од Клиниката за гинекологија и акушерство.
Бебето е родено точно на полноќ на Универзитетската клиника за гинекологија и акушерство.
Македонија
Сообраќајот на државните патишта се одвива непречено, по претежно суви коловози, соопшти АМСМ
Сообраќајот на државните патишта се одвива непречено, по претежно суви коловози.
Од 15.11.2025 година започна законската обврска за задолжително поседување на зимска опрема во возилата, без оглед на моменталната временска состојба. Оваа обврска ќе трае до 15.03.2026 година. Повеќе информации може да прочитате на овој линк.
Интензитетот на сообраќај на патните правци надвор од градските средини е умерен. На граничните премини од македонска страна, нема подолги задржувања за влез и излез од државата.
АМСМ препорачува прилагодена брзина на движење, почитување на поставената сообраќајна сигнализација и внимателно управување со возилата, особено на патиштата низ котлините, речните долини и клисурите, каде има можност од појава на одрони. Ова посебно се однесува за делниците Катланово – Велес, Маврово – Дебар – Струга, Виница – Берово и Кочани – Делчево.
Македонија
Ведро и студено утро, преку денот сончево со умерен ветер
Утрото ќе биде ведро и студено, а во текот на денот претежно сончево. Ќе дува слаб до умерен ветер од југозападен правец.
Минималната температура ќе биде во интервал од -13 до -5, а максималната ќе достигне од -1 до 6 степени.
Денеска времето во Скопје, ќе биде сончево и студено со умерен ветер од јужен правец.
Минималната температура ќе се спушти до -8, а максималната ќе достигне до 3 степени.
Времето во наредните денови
Во петок времето ќе биде променливо облачно и студено со минимални температури насекаде под нулата. Во западните делови ќе има повремени врнежи претежно од снег. Потоа продолжува периодот на променливо облачно и потопло време со повремени локални врнежи од дожд, а на планините од снег. Ќе дува умерен до засилен ветер од јужен правец, а температурите ќе бидат во пораст.

