Македонската претставничка на Евровизија, Тамара Тодевска сепак заврши на седмото место на „Евровизија“ и прво место според гласовите на жири комисијата.

На интернет страницата на Евровизија е објавено дека е констатиран пропуст во гласањето на белоруското жири, а среќната вест ја објави и Тамара Тодевска на нејзиниот профил на „Фејсбук“.

„Каква прекрасна вест. ЕБУ само што потврди дека поради грешка во Белоруското гласање, нашата земја е всушност прва од жири и седма во финалето на Евровизија. Не можам да ви опишам колку сум среќна! Ве сакам сите!“, напиша Тамара.

ВМРО-ДПМНЕ втор ден лаже и измислува непостоечки случаи, договорените тендери се одлика на нивното криминално владеење, реагира СДСМ, по обвинувањата изнесени од страна на опозицијата на прес-конференција, а се однесуваат на тоа дека невенчаниот сопруг на министерката Мила Царовска добил тендер вреден 967.600 денари за изнајмување опрема за висинско набљудување.

„Град Скопје и официјално ги демнатира лагите на ВМРО-ДПМНЕ. Според официјалните информации, соработката со посочената компанија е остварена законски. На јавен повик за јавна набавка, на кој можат да учествуваат сите компании кои ги исполнуваат условите, избрана е посочената компанија како најсоодветна, регуларно и низ сите законски прописи. ВМРО-ДПМНЕ заборава дека истата компанија соработувала со Град Скопје и во минатото, во време кога градоначалник е Коце Трајановски. Тој факт дополнително ги побива лажните вести на опозициската партија.

ВМРО-ДПМНЕ веќе не може преку лаги и невистини не може да ги манипулира јавноста и граѓаните, никој повеќе не верува во нивните измислици“, се наведува во реакцијата на СДСМ.

Павле Богоевски веќе нема кредибилитет да ги претставува граѓаните во Собранието на Република Македонија и заради тоа мора да си поднесе неотповиклива оставка, порача портпаролот на ВМРО-ДПМНЕ, Наум Стоилковски, на прес-конференција.

Само така, рече Стоилковски, ќе се овозможи професионална и непристрасна истрага за тоа од кого нарачувал „половина“ и таа да му биде убаво спакувана.

„Веруваме дека на тој начин ќе се открие нарко-синџирот што дејствува низ Скопје. Само така СДСМ може да покаже дека Македонија станува европска држава, каде постои одговорност. Само така ќе направиме исчекор во однос на минатото кога сите кокаински афери, особено со СДСМ на власт остануваа без разрешница“, рече Стоилковски.

Според него, аферата со Павле Богоевски  не смее да се сведе на помилувања и да си помине со јавни префрлазња на топката помеѓу МВР и ОЈО или да се сведе на гонење свиркачи.

„Тоа е јасна политика на неказнивост, на своеволие и поддршка на трговијата со наркотици! Тоа не се ниту европски, ниту НАТО, ниту прозападни вредности. Богоевски мора да сноси одговорност, а Заев Спасовски и Јовески мора да заминат поради поддршка на очигледна недвосмислена трговија и врски со криминални кланови“, додаде Стоилковски.