Во рамки на посетите на општините низ Македонија, генералниот секретар на СДСМ, Александар Кирацовски во текот на вчерашниот ден беше со граѓаните на Берово, Пехчево, Делчево и Македонска Каменица, а во изминатите денови се сретна и со граѓаните Пробиштип и Свети Николе.

На отворената граѓанска трибина во Берово, Кирацовски рече дека СДСМ, како владејачка партија партија има огромна чест, но и обврска да работи за доброто на сите граѓани. Кирацовски додаде дека реалните показатели ја потврдуваат успешноста на економките политики на Владата предводена од СДСМ.

„Последна потврда е фактот дека во првите три месеци во Македонија се влезени 235 милиони евра странски инвестиции. Тоа е повеќе отколку за цела 2017 година и е рекордно најмногу инвестиции во првото тромесечие во последните 12 години. Тоа покажува дека економијата е раздвижена, а Македонија чекори напред. Повеќе инвестиции значат повеќе пари за граѓаните. Берово и беровчани најдобро знаат што значи пријателство со соседите и како тоа позитивно се одразува врз економијата“ рече Кирацовски.

На средбите со граѓаните од Делчево и Пехчево, Кирацовски изрази жалење што опозициската ВМРО-ДПМНЕ се уште е заглавена во матрицата на Никола Груевски, со кого граѓаните одамна расчистија.

„Не гледаме никаква разлика, Мицкоски го следи патот на Груевски. Некои сакаат земјава да се врати назад. Но, граѓаните избраа напредок. Македонија одлучно чекори напред кон економски раст, повисоки плати и просперитетна иднина како членка на ЕУ и НАТО каде што Македонија вредносно и цивилизациски припаѓа“ рече Кирацовски.

Генералниот секретар na СДСМ, придружуван од организациониот секретар Миле Зечевиќ, и денеска продолжува со средбите со граѓаните ширум Македонија.