Контакт

Македонија

Ковачевски: Општинските раководства ќе се бираат непосредно, исто како и претседателот на партијата

Објавено пред

Кандидатот за претседател на СДСМ, Димитар Ковачевски, вечерва оствари средба со членовите и активистите на СДСМ во Кочани каде што се дебатираше за унапредување на внатрепартиската демократија.

dobivaj vesti na viber

Тој истакна дека развојот на демократијата е во директна корелација со унапредување на внатрепартиската демократија и тој како претседател ќе се залага секој член на партијата да има глас и моќ да избира и одлучува на локално ниво.

„За да ги избереме најдобрите и најпочитувани луѓе на локално ниво, потребно е членовите на партијата од секоја општина да може да бираат и да одлучуваат. Како иден претседател, ќе инсистирам локалните раководства, исто како и претседателот на партијата, да се бираат непосредно. Гласот на секој член и активист мора да биде слушнат и испочитуван“, порача пред членовите Ковачевски.

Тој рече дека СДСМ е единствена целосно дигитализирана партија која располага со систем за брзо непосредно гласање. Ковачевски рече дека идното раководство, доколку тој биде претседател, системот ќе го унапреди и користи за да им се овозможи на партиските членови да бираат локални раководства, но и да гласаат за други важни прашања на внатрепартиски референдуми.

„СДСМ е дигитализирана партија со ефикасен систем за брзо и исплатливо организирање внатрепартиски гласања и референдуми. Ова планирам да го унапредиме и користиме при носење на одлуките. В недела ја барам поддршката за да изградиме систем каде сечиј глас е слушнат и испочитуван“, заклучи Ковачевски.



©Makfax.com.mk Доколку преземете содржина од оваа страница, во целост сте се согласиле со нејзините Услови за користење.

Македонија

Стефанова очекува тројцата бизнисмени од „Империја“ да бидат осудени: Да им се одзеде имотната корист

Објавено пред

Обвинителката Лиле Стефанова е децидна дека ќе докаже оти тројцата бизнисмени кои не се спогодија за „Империја“, се виновни за делата кои ги сториле. Таа пред судот посочи дека за предметот имало обемна истрага во која се собрани голем број докази. Стефанова му посочи на судот дека очекува осудителна пресуда. Таа побара судот да им ја одзеде и имотната корист.

dobivaj vesti na viber

„Обвинителниот акт против обвинетите Цветан Панделески, Зоранчо Митревски и Јованче Тасковски, за кривичните дела кои се наведени е резултат на една обемна и долготрајна истрага. Во оваа постапка, предмет на истражување беа повеќе осомничени лица, повеќе кривични дела сторени во подолг временски период, а дел од обвинетите кои беа предметот во таа истрага го завршија предметот со внесување на пресуди врз основа на спогодби. За обвинетите кои се предмет на ова обвинение, по завршување на истрагата, иако дел беа под истрага и за други кривични дела, Јавното обвинителство собра доволно докази за да очекува осудителна пресуда за дејствијата кои се опишани во диспозитивот на обвинението“, кажа обвинителката Стефанова.

Таа во детали раскажуваше кои од фирмите на обвинетите, колку приход добиле, со како што рече, сторувањето на кривичните дела.

„Пред судот ќе изведам повеќе материјални и вербални докази од кои судот со сигурност ќе ја утврди фактичката состојба од обвинителниот акт. Преку материјалните докази и исказите на сведоците, ќе се утврди дека, обвинетите Цветан Панделески и Зоранчо Митревски заедно со осудениот Ванче Мијалчев, ги искористиле своите ингеренции во АД Бетон Штип, па прибавиле значителна имотна корист за правни лица на кои тие биле сопственици“, додаде Стефанова.

Обвинителката тврди дека ќе докаже и како Панделески и Митровски, ги префрлале парите за кои знаеле дека се од сторени кривични дела.

„Обвинетите постапувале по веќе создаден план за стекнување на противправен имот. Иако знаеле дека градежно земјиште е лоцирано во Центар, кое било во сопственост на правно лице, немало одобрение за градба, нема проценка на уделот, земјиштето веќе било дадено под хипотека за кредит од Стопанска банка АД Битола, ги искористиле своите овластувања и на седница на одборот на директори, потпишале записник со предлог одлука за добивање на зделка со заинтересирана страна, да се откупат уделите на правното лице Омега Билдинг, кое како единствен имот го имал ова земјиште“, посочи Стефанова.

Во вториот дел на обвинителниот акт се опфатени берзанскиот брокер Јованче Тасковски, заедно со Цветан Панделевски.

„Наликува на сложена измама од највоск вид за која судот сигурно ќе го убедиме, при што успеале да измамат долгогодишен стопанственик и да заработат милионски суми. Ќе докажеме дека Ненад Јосифовиќ, Јордан Камчев и обвинетите Јованче Тасковски, заедно со Цветан Панделевски со намера да прибават противпривна имотна корист, со лажно прикажување на факти, како соизвршители, ја довеле во заблуда оштетената Кираца Трајковска, да презема дејствија со кои си нанела значителна имотна штета на себе и правното лице, а притоа, биле искористени и поголем број акционери на правното лице ‘Ферпшед’. Од доказите кои ќе ги изведеме, судот ќе се увери дека обвинетите знаејќи дека акциите од‘Ферпшед’ кои ги поседувала Трајковска и правното лице, се заложени да се земе кредит од Комерцијална банка и Еуростандард банка, истите не се во можност да ги сервисираат своите обврски. Јордан Камчев со претходен договор со Цветан Панделевски, имале цел акциите на Кираца и правното лице, да бидат продадени Штеријо Наков. Знаејќи дека Кирацата Трајковска нема да се согласи со таквата продажба, ја довеле во заблуда дека ќе и помогнат за исплата на кредитот, а таа да помогне на правно лице од странство“, кажа Стефанова.

Објаснуваше и што направил обвинетиот брокер Тасковски.

„Обвинетиот Јованче Тасковски ги оневозможил акционерите слободно да тргуваат со акциите. И затоа нагло пораснала цената на слободните акции на Фершпед. За да ги земат акциите по помала цена од таа на берзата, создале план, по кој постапиле и акциите кои ги имала Кираца Трајковска и правното лице, ги запишале како основачки влог на ново правно лице, а притоа, Панделевски продолжил да купува акции од Фершпед. Па во неработен ден, во просториите на брокерската куќа во присуство на Тасковски, Јосифовиќ и нотарот Сашо Писаровски, Кираца Трајковска добила документација за потпишување, со која се основа ново правно лице. За управител го поставиле Ненад Јосифовиќ, а со документацијата дале да потпише и документација за отуѓување на правното лице. Следниот ден, правното лице бил пренесен на правното лице ‘Син фајненс ДООЕЛ’, правен следбеник на друга фирма. Правното лице било користено на неговата сметка да биде пренесена имотната корист“, додаде таа.

Прикажи повеќе...

Македонија

За извозот да не ги поскапи јајцата, Бектеши ќе обврзе прво да се обезбедат јајца за дома

Објавено пред

Забрана на извозот на јајца ќе донесе санкции за државата, па затоа не се разгледува како опција, но за да се спечи скок на цените, министерот за економија Крешник Бектеши вели дека ќе ги обврзат производителите одреден процент да одвојат за домашниот пазар, доколку сакаат да имаат извоз. За ограничувањето со проценти, министерот вели дека Владата ќе одлучи утре, истовремено со замрзнувањето на цените на јајцата и оризот.

dobivaj vesti na viber

„Се зголемува извозот на јајца. Зголемена е побарувачката од други држави со поголеми цени од нашиот пазар. Ако донесеме одлука за забрана на извозот тоа ќе биде спротивно на договорите ЦЕФТА и ЕУ и ќе имаме санкции. За да ги зачуваме цените утре нема да донесеме само одлука за замрзнување на цените туку ќе го обврземе производството за да се обезбеди домашниот пазар. Процентуално ќе се прави извозот. Ќе се ограничи колку може како производство да излезе надвор од Македонија“, вели министерот Бектеши.

На утрешната седница Владата ќе ги замрзне цените на јајцата и на оризот. Министерот Бектеши уверува дека нема да се дозволи цените да скокнат поради Велигден и Рамазан Бајрам.

Цените на брашното и шеќерот, пак, ќе се следат. Владата очекува да се намалуваат, но доколку трговците не го направат тоа, ќе има замрзнување на цените и за брашното и шеќерот.

Прикажи повеќе...

Македонија

Ковачевски на одбележување на 78-годишнината од основањето на Црвениот крст: Хуманоста да ја покажуваме на дело

Објавено пред

Претседателот на Владата на Република Северна Македонија, Димитар Ковачевски, денеска, присуствуваше и се обрати на одбележувањето на Денот на основањето на Црвениот Крст на Република Северна Македонија, кој годинава одбележува 78 години од постоењето.

dobivaj vesti na viber

Во рамките на одбележувањето на годишнината на Црвениот крст на Република Северна Македонија, се одржа и донаторска акција за собирање на помош за настраданите подрачја од катастрофалните земјотреси во Турција и Сирија.

На настанот присуствуваа и министри во Владата на Република Северна Македонија, пратеници, претставници на дипломатскиот кор, претставници на меѓународни организации, претставници на локалната самоуправа, претставници на компании, како и поддржувачи на Црвениот крст.

Целта на денешната донаторска акција беше да се обезбедат вкупно 1 милион евра, што и се постигна, со што се заокружи хуманитарната помош за Турција и Сирија, за чии настрадани подрачја досега се обезбедени над 960.000 евра, а доставена е и хуманитарна помош во материјални добра во вкупна вредност од над 91.000 евра.

„Седумдесет и осум години хуманитарност, солидарност, пожртвуваност, издржливост, ублажување на страдањето на луѓето и пружање рака секаде и секому. А, со истото несебично залагање за овие трајни вредности, посакувам Црвениот крст да продолжи уште многу, многу години“, порача премиерот Ковачевски, во неговото обраќање за време на одбележувањето на седумдесет и осум годишнината од основањето на Црвениот Крст на Република Северна Македонија.

Тој потсети на досегашната помош за настраданите подрачја, нагласувајќи дека Владата издвоила близу 100.000 евра помош за помош на настраданите во катастрофалниот земјотрес во Турција, при што, повеќе институции биле задолжени за испраќање тимови со соодветна опрема, на кои им изрази благодарност.

Зборувајќи за општата поддршка на Црвениот Крст на Република Северна Македонија, премиерот, исто така, потенцираше дека Владата донела одлука и за одобрување на буџетски средства за 2022 година, во износ од над 243.000 евра, како финансиска помош за делување при итни состојби.

Додека, годинава, како што нагласи премиерот, Владата, донела одлука за финансирање на Годишната програма на Црвениот Крст на Република Северна Македонија, за која е предвиден износ од над 130.000 евра, како и средства за обезбедување на трошоци за проектни активности, кои не се покриени од страна на донатори, во висина од близу 98.000 евра и средства во висина од над 32.000 евра за реализација на Проект за одмор и рекреација на деца од семејства со социјален ризик и деца корисници на посебен додаток за летен распуст 2023 година.

Премиерот Ковачевски упати повик до сите граѓани да се вклучат во денешната донаторска хуманитарна акција за помош на настраданите подрачја од земјотресите во Турција и Сирија.

„Мисијата на Црвениот крст на нашата држава е да работи на спречување и ублажување на човековото страдање, заштита на животот и здравјето, унапредување на социјалната состојба, обезбедување почит и достоинство за човековото битие, а особено во случај на несреќи и катастрофи, како и да го промовира меѓународното хуманитарно право и хуманите вредности, како и да поттикнува доброволно ангажирање и постојано подготвување за давање помош, како и универзално чувство за солидарност и хуманост.

Ваквите заложби се нагласени во визијата на оваа хуманитарна организација, каде се вели дека таа делува, поттикнува и промовира хумани вредности за навремено да одговори на современите хуманитарни предизвици.

Последен таков предизвик беа земјотресите во Турција и Сирија, кои беа и повик до сите нас повторно да ја покажеме нашата солидарност и хуманост. Тоа го направија и граѓаните, компаниите, Црвениот крст, како и Владата на Република Северна Македонија“, рече премиерот, порачувајќи дека преку ваквите донаторски акции ја покажуваме солидарноста на дело.

Генералниот секретар на Црвениот Крст на Република Северна Македонија, Саит Саити истакна:

„Денес несомнено работата на Црвениот Крст е порелевантна и попотребна од кога било, затоа што светот денес потсетува на брод кој плови по немирно море, со многу нееднаквости, експлоатирање, омаловажување, застрашување, војни, природни катастрофи и миграции на луѓе како резултат на економски, политички, социјални и климатски состојби. Основна причина која ги означува сите овие состојби е недостаток на хуманост и почит“, рече генералниот секретар на Црвениот Крст, Саит Саити, во обраќањето на годишнината од основањето на организацијата.

Потенцирајќи ја соработката со институциите, корпоративниот сектор, партнерите и донаторите во земјава и странство, Саити се заблагодари на сите оние кои се вложиле и ја поддржале организацијата.

„Хуманоста и солидарноста продолжуваат да бидат наша водилка и инспирација во обид да направиме позитивна разлика во животот на луѓето“, додаде Саити.

Амбасадорот на Република Турција во Република Северна Македонија, Хасан Мехмет Секизќок изрази благодарност за помошта на Република Северна Македонија за Турција.

„Обединети во едно срце, јавните институции, невладиниот сектор, бизнис заедницата, образовните институции, млади и возразни, сите помагаа за настраданите од погодените региони. Не може да ги вратиме назад изгубените животи…Но, со сета можна сила ќе работиме за закрепнување на раните на оваа природна катастрофа. Одново ќе ги изградиме разурнатите градови и училишта.

Вие ја споделивте нашата голема тага.

Вие, во Вашата моќна солидарност, воедно ја споделувате и надежта на турскиот народ за обновата на погодените региони. Турскиот народ со благодарност ќе се сеќева на Вашата љубов и солидарност“, порача амбасадорот на Република Турција во Република Северна Македонија, Хасан Мехмет Секизќок, во своето обраќање на годишнината од основањето на Црвениот Крст, во рамките на кој настан се организираше и донаторска акција за погодените подрачја во Турција и Сирија.

Прикажи повеќе...

Најново

Свет7 минути

(Видео) Моќна порака на кинескиот претседател во Москва: Кина е подготвена да застане зад Русија

Кинескиот претседател Шји Џинпинг изјави денеска во Москва дека Кина е одлучно подготвена, заедно со Русија, да го поддржи меѓународниот...

Македонија14 минути

За извозот да не ги поскапи јајцата, Бектеши ќе обврзе прво да се обезбедат јајца за дома

Забрана на извозот на јајца ќе донесе санкции за државата, па затоа не се разгледува како опција, но за да...

Македонија2 часа

Костовски: Грешка беше што ја поддржав Арсовска, сега лично се пресметува со мене

Градоначалникот на Бутел, Дарко Костовски, по една и пол година признава дека направил грешка што ја поддржал градоначалничката на Скопје,...

Македонија2 часа

Со 4.500 амандмани опозицијата гo блокира зголемувањето на платите на судиите и обвинителите

Опозициските партии ВМРО ДПМНЕ и Левица денес поднесоа 4.500 амандмани со цел стопирање на 4-те закони со кои се предвидува...

Топ4 часа

Македонецот што загина во сообраќајната несреќа кај Врање имал 25 години, се враќале кон кафеаната поради заборавен телефон

Тешка сообраќајна несреќа се случи вчера на улицата Партизански пат во Врање. Како што пишуваат српските медиуми, во несреќата животот...

Македонија5 часа

(Видео) Судир меѓу четири возила на „Партизанска“, вклучени заштитните перничиња: одекна силен удар

Верижен судир се случи на булеварот Партизански одреди во Карпош 4, спроти трговскиот центар „Антико“. Во несреќата учествуваа четири возила,...

Македонија5 часа

Ова е список на најсреќните нации во светот: Македонија најнесреќна во регионот

Финска е прогласена за земја со најсреќна популација шеста година по ред, според Светскиот извештај за среќа објавен денеска. Македонија...

Свет5 часа

Институтот за војна: Руското темпо се намалува, Путин се плаши

Во неделниот извештај, Институтот за проучување на војната вели дека можната украинска контраофанзива во близина на Бахмут предизвикува зголемена загриженост...

Свет5 часа

Северна Кореја изведе нуклеарни вежби: Ова е предупредување до непријателот

Војската на Северна Кореја изведе нуклеарни воени вежби симулирајќи нуклеарен контранапад на САД и Јужна Кореја. Вежбите ги надгледуваше севернокорејскиот...

Европа20 часа

Украина за доаѓањето на Путин во Мариупол: Криминалецот секогаш се враќа на местото на злосторството

Рускиот претседател Владимир Путин го посети Мариупол, град кој падна во рацете на Русија минатата година по страшното уништување, прикраднувајќи...

Вести1 ден

(Видео) Вучиќ тврди дека немаат обврски кон Приштина: Се надевам ќе има заедница на српски општини, се плашам дека ќе биде потешко од што мислам

Претседателот на Србија, Александар Вучиќ, пред јавноста објаснуваше зошто ништо не е потпишано со косовската страна. И покрај ова, тој...

Свет1 ден

Германски министер се закани: Ќе го уапсиме Путин ако стапне во Германија

Ќе го уапсиме претседателот на Русија, Владимир Путин, доколку дојде во Германија, изјави германскиот министер за правда Марко Бушман за...

Свет1 ден

(Видео) Путин изведе шоу во Мариупол: Среде ноќ им влезе дома на луѓето, а тие го пречекаа со храна на масата

Рускиот претседател Владимир Путин во текот на ноќта го посети окупираниот украински град Мариупол, кој руската армија прво го уништи,...

Регион1 ден

Петте клучни точки од вчерашните маратонски преговори меѓу Вучиќ и Курти во Охрид

Последната рунда од дијалогот меѓу Белград и Приштина, чиј фокус беше договорот за имплементација на европскиот предлог за Косово, се...

Македонија1 ден

Грчкиот суд ја отфрли тужбата против Центарот за македонски јазик: „Во иднина да се отворат приватни македонски училишта“

Локалниот грчки суд во Леринско ја отфрлил тужбата против Центарот за македонски јазик. Веста ја потврдија од Обединетата македонска дијаспора...

Свет1 ден

(Видео) Расте бројот на загинати во Еквадор: многу луѓе се затрупани, се трага по преживеани

Најмалку 15 загинати и 126 повредени по силниот земјотрес што вчера го погоди Еквадор, соопшти Националната служба за управување со...

Свет1 ден

(Видео) Путин во Мариупол: посети неколку места и разговараше со жителите

Руската новинска агенција РИА Новости објави видео за кое тврди дека го прикажува рускиот претседател Владимир Путин како вози автомобил...

Македонија1 ден

(Видео) Ковачевски: Им честитам на претседателот Вучиќ и премиерот Курти за храброста и визионерството

Претседателот на Владата Димитар Ковачевски им честиташе на српскиот претседател Александар Вучиќ и косовскиот премиер Албин Курти за храброста и...

Регион2 дена

„Бега од потпишување“, посочи Курти за Вучиќ по средбата, па остави ЕУ да најде начин за обврските да бидат обврзувачки

Косовскиот премиер, Албин Курти го обвини претседателот на Србија, Александар Вучиќ дека бега од потпишување на договор, а со цел...

Регион2 дена

Борел обзнани што Косово и Србија прифатиле, што одбиле: Некогаш ѓаволот е во тајмингот

Високиот претставник на Европската Унија (ЕУ) за надворешни работи и безбедносна политика, Жозев Борел, кажа дека има договор помеѓу Белград...