Контакт

Македонија

Кривична пријава за загрозување на сигурноста и ширење на расистички и ксенофобичен материјал преку социјалната мрежа „Фејсбук“  

Објавено пред

СВР Скопје во соработка со Секторот за компјутерски криминал и дигитална форензика при Министерството за внатрешни работи до Основно јавно обвинителство во Скопје ќе поднесе кривична пријава против 38- годишниот А.Н. од скопско Коњари, поради споделена објава-коментар на социјалната мрежа Фејсбук со која предизвикал загрозување на сигурноста на пратеници во Собранието и поради ширење на расистички и ксенофобичен материјал по пат на компјутерски систем односно поради основано сомнение за сторено кривично дело по чл.144 „Загрозување на сигурност“ и по чл.394-г „Ширење на расистички и ксенофобичен материјал по пат на компјутерски систем“ од Кривичниот законик на Република Македонија, соопшти полицијата.

Од МВР додаваат дека по претходно издадена наредба од Основен Суд Скопје 1 Скопје, на 21 октомври годинава извршен е претрес на дом и други простории кај лицето А.Н. при што се пронајдени и одземени предмети во интерес на истрагата, а А.Н. е повикан на службен разговор во полициска станица.

Од полицијата додаваат дека секторот за компјутерски криминал и дигитална форензика и понатаму ќе продолжи со активностите со цел санкционирање на ваквите случаи, а до грашаните упатија апел доколку се изложени на вакви закани или сведочат вакви закани, истите да ги пријават во најблиската полициска станица.



©Makfax.com.mk Доколку преземете содржина од оваа страница, во целост сте се согласиле со нејзините Услови за користење.

Македонија

Мицкоски пред европратениците Чолош и Ќучук: Најсериозен проблем е високата корупција

Објавено пред

Претседателот на ВМРО-ДПМНЕ, Христијан Мицкоски, заедно со потретседателот Александар Николоски и меѓународниот секретар Тимчо Муцунски денеска остварија средба со европратениците од политичката група „Обнова на Европа“ Дачијан Чолош и Илхан Ќучук.

На средбата се разговараше за актуелните политички случувања во државата, проблемите и европската перспектива.

Мицкоски истакна дека најсериозен проблем со кој се соочува нашата држава е високата корупција, притоа посочувајќи низа нерасчистени корупциски афери и скандали во кои, како што рече, вмешани се високи функционери на владејачката партија СДСМ, што, пак, претставува аргумент повеќе за противниците на проширувањето на Унијата.

„Претседателот на ВМРО-ДПМНЕ им го напомена на соговорниците и насилното носење на Законот за Jавно обвинителство кој треба да послужи за амнестија на криминалот на власта изминативе три години“, велат од ВМРО-ДПМНЕ за средбата.

Соговорниците се согласни дека Македонија нема друга алтернатива освен членството во ЕУ.

Мицкоски потенцираше дека по изборите на 12 април новата Влада предводена од ВМРО-ДПМНЕ ќе се занимава со суштински реформи на полето на правосудството и има план како да ја стави нашата држава на брзата трака за членство во Европската Унија.

Соговорниците се согласија дека фер и демократски изборен процес е клучен за иднината на државата и дека од особена важност е граѓаните слободно да можат да ја изразат својата волја.

Прикажи повеќе...

Македонија

Димитров со европратениците Чолош и Ќучук: Со посетата испратен е сигнал за поддршка за преговорите со ЕУ

Објавено пред

Министерот за надворешни работи, Никола Димитров, се сретна со европратениците од политичката група „Обнова на Европа“ – Дачијан Чолош (Романија, претседавач со групата во ЕП) и Илхан Ќучук (Бугарија, известител за Северна Македонија и член на АФЕТ).

Министерот Димитров се заблагодари за интензивната поддршка на Европскиот парламент во изминатиот период во однос на политиката за проширување на ЕУ со земјите од Западен Балкан и добивањето на заслужената одлука за почеток на пристапни преговори со Северна Македонија.

Информираше за последните внатрешно-политички случувања во земјата, во пресрет на предвремените парламентарни избори и за последните остварени реформски активности. Ја истакна важноста од позитивниот исход на мартовскиот состанок на Европскиот совет, не само за Северна Македонија, туку и за целиот регион.

„Благодараност за посетата во овој клучен период со што се испраќа сигнал за поддршка за отворањето на пристапните преговори со ЕУ, препознавајќи го значењето на моментот како и сè она што земјата го стори на патот кон ЕУ“, рече Димитров.

Претседателот Чолош на Димитров му ја презентираше усвоената политика на пратеничката група во ЕП „Обнова на Европа“ во однос на проширувањето со земјите од Западен Балкан. Соговорниците разменија мислења и околу можноста за вклученост на Регионот во рамки на Конференцијата „Иднината на Европа“.

Прикажи повеќе...

Македонија

Џафери: Собранието ги исполни реформските приоритети, на ред е ЕУ да постапи по заслуга

Објавено пред

Претседателот на Собранието, Талат Џафери, денеска оствари средба со европратениците Дачиан Чолос, претседател на Групата Обнови ја Европа и Илхан Ќучук, известител во Европскиот парламент за Република Северна Македонија.

Џафери изрази задоволство од средбата со пријатели и поддржувачи на нашите евроатлантски аспирации и благодарност за донесувањето на Резолуцијата на Европскиот парламент во октомври минатата година, со која се бара отпочнување на преговори за Република Северна Македонија и Република Албанија.

Тој исто така го поздрави одржувањето на Конференцијата на претседатели на парламенти од Западен Балкан под покровителство на претседателот Сасоли, со која уште еднаш се докажаа напорите на Европскиот парламент да го заземе местото на претставник на граѓаните, особено во наметнувањето на своите одлуки врз европските институции. Џафери го пофали и одржувањето на Жан Моне дијалогот и споделувањето на искуствата со европските пратеници, како значајна алатка за унапредување на парламентарниот политички дијалог во Собранието на Република Северна Македонија.

Европратеникот Чолос нагласи дека доаѓа во пријателска посета на Република Северна Македонија, со цел споделување на искуства и давање подрршка на нејзините евроинтегративни процеси. Според него, преговорите не треба да бидат исклучиво политички, бирократски и административни, бидејќи интеграцијата е пред сѐ за доброто на граѓаните. Доколку Унијата сака одредена земја да се реформира и успешно да се интегрира во неа, таа не може земјата да ја држи настрана, туку мора да го отвори патот за интеграција и повеќе да ги вклучи младите во тој процес. Споделувањето на мислењата и искуствата од оваа посета ќе бидат соодветно пренесени не само во Европскиот парламент, туку и во Комисијата и Советот, истакна Чолос. Тој го пофали претседателот Џафери за неговото водење на Собранието во текот на овој мандат, не само во однос на процесот на донесување закони, туку и во носењето на комплексни и тешки политички решенија.

Двајцата соговорници изразија надеж дека Република Северна Македонија наскоро ќе ги почне преговорите за членство во Европската унија, бидејќи тоа одамна го заслужила и дека граѓаните, и покрај сите тешкотии и застои, треба да се наградат за нивните децениски аспирации и нивната висока поддршка за членство во Унијата.

Прикажи повеќе...

Најново

Топ4 часа

(Видео) Сеопфатното сексуaлно образование ќе превенира и скандали како „Јавна соба“

Порнографските материјали на малолетници дистрибуирани преку групата „Јавна соба“ на апликацијата „Телеграм“, бременост кај малолетнички, насилство базирано кон оние со...

Македонија6 часа

Спасовски: Владата разгледува две можни решенија за надминување на кризата со пасошите

Владата разгледува две можни решенија за надминување на пасошката криза, односно „Веридос“ што е можно побрзо да ги испорача обрасцирте...

Македонија6 часа

(Видео) Коалиција Села – Гаши: Ќе го победиме Ахмети, ние стоиме на зборот за разлика од ДУИ

Под мотото „Држава за сите“, Алијанса за Албанците на Зијадин Села и Алтернатива на Африм Гаши ќе настапат заедно на...

Македонија7 часа

Мицкоски: Идната коалиција ќе биде на база на програма, а не на победник со победник

Претседателот на ВМРО-ДПМНЕ, Христијан Мицкоски, одговарајќи на новинарски прашања најави дека доколку ВМРО-ДПМНЕ победи на изборите, тоа не мора да...

Економија7 часа

Запленети 113 килограми тутун и 415 кутии цигари во Скопје и Тетово

Царинската управа во соработка со Државниот пазарен инспекторат, денеска во две акции во Скопје и Тетово заплени 113 килограми тутун...

Топ8 часа

Шверцери на мигранти признаа вина, условно се казнети и ќе бидат протерани од земјава

По поднесен обвинителен акт од страна на Основното јавно обвинителство за гонење организиран криминал и корупција за предметот во кој...

Македонија9 часа

(Видео) Падна пресуда за „Змиско око“ – четворица вработени на патарините починале за време на историското судење

По 13 години низ судските лавиринти, денеска падна првостепената пресуда за веќе историскиот случај „Змиско око“. Претходно, во два наврата...

Македонија10 часа

Работниците од Кина што влегоа во државата немаат коронавирус, но ќе поминат 14 дена во карантин

Двете лица од Кина, кои се работно ангажирани од кинеската компанија „Синохидро“, а кои вчера пристигнаа во државата, немаат симптоми...

Македонија11 час

(Видео) Русковска: Адвокатите на обвинетите за организирање на 27 април предлагаат по 300 сведоци

Шефицата на Основното јавно обвинителство за организиран криминал, Вилма Русковска, по денешното рочиште за судење на организаторите на 27 април,...

Македонија12 часа

Судење за „Монструм“: Ахмети имал информации дека момчињата не биле само убиени, туку масакрирани

Лидерот на ДУИ, Али Ахмети, го почна своето денешно сведочење во случајот „Монструм“ претставувајќи се како пратеник. „За овој грозоморен...

Забава12 часа

Ѓоковиќ објави екстремен предизвик на „Инстаграм“

Српскиот тенисер Новак Ѓоковиќ објави нов предизвик на „Инстаграм“ по капењето во ледена река.   View this post on Instagram...

Свет13 часа

Дуња Мијатовиќ е против екстрадицијата на Асанж во САД

Основачот на „Викиликс“, Џулијан Асанж, не треба да биде екстрадиран во САД затоа што тоа би имало ужасен ефект врз...

Регион13 часа

Јамајка демантира дека го признала Косово

Министерката за надворешни работи на Јамајка, Камина Џонсон Смит, ја демантира изјавата на косовскиот претседател Хашим Тачи дека државата ја признала...

Свет14 часа

Нови 889 случаи на заразени од коронавирус во Кина

Во Кина се забележани 889 новопотврдени случаи на заразени од коронавирус и 118 починати. Од смртните случаи, 115 се во...

Свет14 часа

Во април почнуваат клиничките тестирања на вакцината против коронавирусот

Кон крајот на април ќе почнат клиничките испитувања на вакцината против коронавирусот, од кој во Кина починаа повеќе од 2.000...

Свет14 часа

(Видео) Украинци пречекани со камења дома кога беа евакуирани од Кина

Украинци евакуирани од кинескиот град Вухан биле пречекани од револтираните мештани, кои со камења мавале по автобусите што се упатиле...

Македонија1 ден

Истрага за две лица по акцијата во која беше запленет кокаин во Сарај

Заврши распитот на лицата што вчера вечерта беа приведени во акцијата во селото Крушопек, Општина Сарај, по добиени сознанија за...

Топ1 ден

Момче прободено со нож, уапсена девојка осомничена за обид за убиство

Дваесет и тригодишен државјанин на Турција синоќа бил пронајден на излез од Гостивар, на магистралниот пат кон Тетово, со повреда од...

Топ1 ден

(Видео) Кокаинот од Колумбија бил скриен во банани, приведени се четири лица

МВР соопшти детали за запленетиот килограм кокаин по потекло од Колумбија, кој беше запленет во полициска акција во селото Крушопек...

Македонија1 ден

Јовановски до Русковска: Не се дери, ти ги знаеме гласовните способности

Половина час пред судот, првообвинетиот за „Рекет“, Бојан Јовановски, образложува зошто треба да му биде заменета мерката притвор со домашен....

Досие