Македонија
Левица: Судството на Кацарска пресуди во корист на градежната мафија за „Треска”

Со соопштение денеска се огласи и Левица, а во контекст на нивната иницијатива за преиспитување на ДУП-от кај поранешната фабрика „Треска“. Оттаму во соопштението што го пренесуваме во целост велат:
Заробениот Уставен суд, под водство на Кацарска, минатата недела ја отфрли иницијативата за преиспитување на ДУП-от кај поранешната фабрика „Треска” – со што го бетонизира последниот слободен простор во Центар и пресуди во интерес на градежните компании „Голден Арт” и „Мега Акустик”.
Експресната одлука на Уставен суд во корист на градежната мафија укажува за кого работат уставните судии! Потсетуваме дека Уставниот суд дури сега оформи предмет за Преспанскиот договор и за таканаречениот Закон за двојазичност – под изговор дека нема доволен број на судии?! Очигледно ова не важи кога е во прашање профитот на градежната мафија.
Ова е втор пат Уставниот суд да ги штити интересите на градежните компании. Првата скандалозна одлука, со која Уставниот суд го загрози јавниот интерес на жителите на општина Центар, е кога го укина мораториумот за градба и ја легализира бетонизацијата на нашата општина!
Скандалозниот ДУП за бетонизација на просторот кај поранешната фабрика ,,Треска” беше донесен за време на ДПМНЕ во 2012 година, додека Герасимовски од СДС го реализира овој незаконски и неуставен урбанистички план. Бидејќи ДУП се носи на секои пет години, Герасимовски наместо да иницира носење нов ДУП – одлучи да издаде решенија по катастрофалниот План од 2021 година.
Ова последно парче слободен простор за Центарци го узурпира градежната мафија, благодарение на цела коруптивна мрежа, составена од стечајни судии, советници, градоначалници, Обвинителство и Уставен суд.
Левица ќе ги искористи сите механизми за да се сочува последното зеленило во Центар!
©Makfax.com.mk Доколку преземете содржина од оваа страница, во целост сте се согласиле со нејзините Услови за користење.

Македонија
Времето денеска ќе биде сончево и многу топло, од утре засилен северен ветер, пороен дожд и грмежи

Времето денеска ќе биде сончево и многу топло со мала до умерена локална облачност. Ќе дува слаб до умерен ветер од јужен правец. Минималните температури ќе се движат од 11 до 19, а максималните од 26 до 38 степени.
Во Скопје, сончево и многу топло со мала до умерена облачност. Ќе дува слаб со умерен ветер од јужен правец. Минималната температура ќе биде 17, а максималната ќе достигне 38 степени.
УХМР информира дека од утре времето ќе биде сончево со мала до умерена облачност. Ќе дува умерен до засилен северен ветер, а дневната температура ќе опадне за 3 до 5 степени. Во попладневните часови ќе има услови за локална појава на нестабилност со пороен дожд и грмежи.
Македонија
Земјотресот на Света Гора почувствуван и во Македонија

Силниот земјотрес на Света Гора почувствуван и во југоисточниот дел на Македонија.
„Телеметриската сеизмолошка мрежа на Република Северна Македонија, на сеизмолошките станици инсталирани ширум нашата територија, одржувани од Сеизмолошката опсерваторија при Природно-математичкиот факултет во Скопје, денес 7 јуни 2025 година регистрираа серија на земјотреси чии епицентри потекнуваат од соседна Република Грција.
Според досегашните податоци со кои располага опсерваторијата, почувствуван е земјотресот во 14 часот и 46 минути чиј епицентар се наоѓа 290 km југоисточно од Скопје, со Рихтерова локална магнитуда M L 5.2.
Земјотресот беше почувствуван во југоисточниот дел на Републиката со интензитет од III степени според Европската макросеизмичка скала“, известија од Сеизмолошката опсерваторија.
Македонија
АХВ го одбележа 7 Јуни – Светски ден на безбедна храна

Aгенцијата за храна и ветеринарство и оваа година се приклучи и ја поддржува глобалната иницијатива и го одбележа 7 јуни, Светски ден на безбедна храна. Со едукативен и спортско рекреативен настан наменет за граѓаните и децата, денес, во паркот Авионче во скопската населба Ново Лисиче на присутните им беа поделени едукативни флаери за безбедноста на храната, а за најмалите се одржаа спортско-рекреативни игри преку кои се афирмираше безбедноста на храната и нејзиното значење.
На 10 јуни, во вторник, со поддршка и во соработка со Европската агенција за безбедност на храната – ЕФСА, Агенцијата за храна и ветеринарство ќе одржи настан за подигнување на јавната свест за безбедноста на храната на која ќе учествуваат реномирани претстставници од EFSA, од научните и други институции поврзани со прашпања кои се однесуваат на производството на храна и нејзината безбедност.
Годинашното мото на Светскиот ден на безбедна храна – 7 јуни е „Науката во акција“ и тоа денес не потсетува на важноста на науката како основна алка од синџирот на безбедна храна. Едноставно, тоа е дел без кој не се може и кој ги создава основите за креирање на политиките за безбедност на храната од страна на институциите, како што е и Агенцијата за храна и ветеринарство.
Преку едукативниот спортско рекреативен настан кој се одржа денес и настанот кој во соработка со EFSA ќе се одржи во вторник, АХВ и годинава активно работи на подигнување на свеста на граѓаните за важноста на безбедноста на храната и за превенирање и управување со ризиците со цел унапредување на нивното здравје.