Македонија
,,Македонија блокира“: Заев е во паника штом го пушта Тортевски да прави инциденти
„Македонија блокира” соопшти дека ,,најостро го осудува вчерашниот смислен обид на човекот кој им служи на сите режими од 1990, адвокатот Александар Тортевски, да испровоцира инциденти со народот кој секојдневно протестира против уставните измени”.
,,Очигледно Зоран Заев почнува да го фаќа паника од решеноста на македонскиот народ да го спречи да избрише сè што е македонско и затоа прави очајнички обид со советникот на специјалното обвинителство, Александар Тортески, да прави наменски инциденти”, се вели во соопштението.
„Македонија блокира“ изразува ,,згрозеност од вулгарните навреди на Тортевски како човек со изгубено национално чувство кои ги упати спрема македонскиот народ иако токму од македонските даночни обврзници секој месец зема по 1 000 евра хонорар од СЈО”.
,,Го повикуваме Зоран Заев да се вразуми и да не провоцира оти работите лесно може да излезат до контрола, дотолку повеќе, блокадите продолжуваат до финалната одлука – или марионетската власт ќе избрише сè што е македонско или Македонија ќе победи”, се наведува во соопштението.
Од видеото што вирално се споделува на каналот „Јутјуб“ може да се види дека адвокатот сакал да помине со возилото преку булеварот 11 Октомври, но демонстрантите не му го дозволиле патувањето.
©Makfax.com.mk Доколку преземете содржина од оваа страница, во целост сте се согласиле со нејзините Услови за користење.
Македонија
Одлуки за учество на припадници на Армијата на вежби во Германија, Бугарија, Косово
Владата на денешната седница донесе и повеќе одлуки на предлог на Министерството за одбрана, меѓу кои и за испраќање на припадници на Армијата на Република Северна Македонија за учество на вежбата „BEYOND HORIZON 24“, во Република Бугарија, за испраќање на припадници на Армијата на Република Северна Македонија за учество во НАТО операцијата „КФОР“ во Република Косово и за испраќање на припадници на Армијата на Република Северна Македонија за учество на вежбата „Combined Resolve 24-2“ во Сојузна Република Германија.
Македонија
Личните документи ќе можат да се подигнат и в среда, извести МВР
Во пресрет на претстојните Претседателски и Парламентарни избори што ќе се одржат утре, Министерството за внатрешни работи ги известува граѓаните дека Одделот за граѓански работи, односно сите отсеци за управни работи на оваа организациона единица при МВР на 08.05.2024 ќе работат за издавање на лични документи со работно време од 08.00 до 19.00 часот.
„Исто така ги известуваме граѓаните дека сите барања за лични карти кои се поднесени до 03.05.2024 година, се веќе изготвени и граѓаните можат да ги подигнат“, соопшти МВР.
Македонија
Пронајдени три полуавтоматски пиштоли и 139 куршуми, ОЈО Велес отвори истрага за недозволено држење оружје
Основното јавно обвинителство Велес донесе Наредба за спроведување истражна постапка против едно лице за кривично дело – Неовластено изработување, држење, посредување и тргување со оружје или експлозивни материи од член 396 став 5 во врска со став 3 на Кривичниот законик.
„При претрес во домот на осомничениот во селото Мелница, општина Чашка, полицијата пронашла поголемо количество оружје и муниција – три полуавтоматски пиштоли и 139 куршуми со различен калибар. За осомничениот поднесен е предлог за определување мерка притвор“, соопшти Обвинителството.
ОЈО Велес продолжува да постапува и да презема дејствија за проверка на сомненијата за изборен поткуп во однос на овој осомничен и на уште едно лице во велешко кај кое во текот на вчерашниот ден беа извршени претреси, се додава во соопштението.