Контакт

Македонија

Маричиќ: Ќе се направат законски измени за да се воведе дигитализација на судството

Објавено пред

Министерот за правда, Бојан Маричиќ, во воведното обраќање на јавната расправа за предлог-измените на Законот за парнична постапка, кажa дека покрај намалувањето на висината на паричната казна за учесниците во постапките, со овие измени се отвора и законска можност за дигитализација на работењето на судовите.

„Судот може да одлучи рочиштето да се одржи на далечина, односно онлајн или, пак, на тој начин да се изведат одделни докази. Огромна новина е можноста која се отвора да се одржуваат јавни расправи по електронски пат, по оценка на судот, а во случај на постоење опасност од одлагање или кога постојат правни или стварни пречки. Снимката од рочиштето или изведениот доказ претставува записник во електронска форма. Воедно, електронската достава на документи е поедноставена. Законот го усогласува поднесокот во електронска форма и податоците и доказната сила на документите во електронска форма со што се поедноставува електронската достава“, кажа Маричиќ.

Министерот за правда процесот на дигитализација на судовите го најави веднаш по стапувањето на функцијата. Поддршка на воведувањето на дигитална технологија во работата на судовите веќе најавија од Европската Унија и други пријателски земји.

Од Министерството за правда наведоа дека овој предлог-закон е резултат на опсежна јавна расправа, а бројните коментари и забелешки беа прифатени и вградени во текстот на законот.

Македонија

Ѓорѓија Сајкоски ќе биде на чело на изборниот штаб на ВМРО-ДПМНЕ за локалните избори

Објавено пред

Извршниот комитет на ВМРО-ДПМНЕ го назначи генералниот секретар Ѓорѓија Сајкоски за претседател на Републичкиот изборен штаб за претстојните локални избори.

Воедно, извршниот комитет разговараше и за актуелната политичко-економска ситуација  и заклучи дека државата тоне во секој поглед, институциите се крахирани со изгубена доверба кај граѓаните, а пандемијата ги коси граѓаните заради неспособноста на власта.

„Во Република Македонија владее непочитување на правото и заштита на криминалот од страна на власта, додека пак наместо криминалците, во затворите гнијат неправедно затворени граѓани. Извршниот комитет донесе заклучок да го поддржи настанот најавен на 25 април, кој не е во наша организација, а по повод неправедно затворените уставобранители со драконски казни. Овој настан треба да помине во демократски и мирен чин. Воедно и потенцираме дека се оградуваме од секакви инциденти доколку произлезат од уфрлени провокатори на истиот настан“, наведе ВМРО-ДПМНЕ.

Извршниот комитет најостро ги осудува последните случувања, потенцирајќи ја аферата „Мафија“. Оттука велат дека власта на СДСМ од Република Македонија направила мафијашка држава, а на чело на државата владее картелот Заеви кој е вмешан во секој криминал кој се случува. Оставките се неизбежни, а кривичната одговорност треба да биде испорачана, смета ВМРО-ДПМНЕ.

Прикажи повеќе...

Македонија

Нови 1.092 случаи на заразени, починаа 32, а оздравеа над 2.000 лица

Објавено пред

Во последните 24 часа се направени 5.569 тестирања, а регистрирани се 1.092 нови случаи на Ковид-19 во:
Скопје – 452, Битола – 85, Куманово – 80, Прилеп – 49, Кавадарци – 45, Велес – 41, Струмица – 36, Охрид – 33, Тетово – 30, Штип – 27, Кичево – 22, Гостивар и Кочани – по 21, Гевгелија – 18, Струга – 15, Ресен – 13, Радовиш – 11, Делчево – 10, Дебар и Берово – по 8, Свети Николе, Крива Паланка и Пробиштип по 7, Дојран – 6, Неготино, Виница, Богданци и Демир Хисар – по 5, и Валандово, Македонски Брод и Македонска Каменица – по 4, Демир Капија – 3, Крушево и Пехчево по – 2, Кратово – 1.

Регистрирани се 2.003 оздравени пациенти од: Скопје – 1.145, Кавадарци – 147, Охрид – 101, Неготино – 81, Струга – 71, Куманово – 57, Прилеп – 53, Битола и Велес по – 43, Тетово – 34, Штип -32, Гостивар – 27, Струмица – 26, Гевгелија – 23, Делчево – 17, Крива Паланка – 15, Кичево – 14, Кочани – 10, Берово и Демир Капија по – 9, Ресен – 7, Свети Николе и Радовиш по – 6, Пробиштип, Валандово, Богданци и Македонски Брод по – 5, Виница и Крушево по – 3 и Дојран – 1.

Пријавени се вкупно 32 починати лица: 10 од Скопје (91г , 83г , 65г , 79г , 2 лица по 74г, 72г, 70г, 63г и 60г), по 2 починати пациенти од Куманово ( 73г и 65г), Прилеп (90г и 81), Тетово (77г И 74г), Гостивар (78г и 48г), Кавадарци (70г и 46г), Гевгелија (66г и 61г) и Виница (67г и 64) и по 1 починат пациент од Битола (88г), Берово (76г), Велес (81г), Крива паланка (61г), Неготино (61г), Охрид (81г), Свети Николе (70г) и Штип (64г). Сите пациенти се починати во болнички услови.

Направени се 5.569 тестови преку: ИЈЗ-673, ЦЈЗ Скопје-124, ЦЈЗ Битола-107, Клиника за инфективни болести и фебрилни состојби-1, Судска медицина-8, лабораторија болница Козле-16, УК Пулмологија со алергологија–11, ГОБ 8-ми Септември-0, Институт за микробиологија–69, МАНУ-154, Жан Митрев (Филип Втори)-260, Авицена-368, Биотек-473, Систина-338, лабораторија Лаор-1044, Синлаб – 209, Ремедика-99, Плодност – 78, Генеа – 8, ЈЗУ и ПЗУ (рапид тест) – вкупно 1.529.

Досега во земјата се направени вкупно 666.091 тестирања на Ковид-19.

Вкупната бројка на Ковид-дијагностицирани лица во нашата земја од почетокот на епидемијата изнесува 141.157, бројката на оздравени пациенти е 115.433, на починати е 4.182, а бројот на активни случаи изнесува 21.542.

Според епидемиолошки анализи во моментов, дистрибуцијата по градови е следна:

Скопје 62.909, активни 10.139
Куманово 7.599, активни 1.257
Прилеп 7.583, активни 1.061
Тетово 6.680, активни 695
Битола 5.289, активни 1.326
Велес 4.976, активни 847
Гостивар 4.842, активни 526
Кавадарци 4.806, активни 624
Штип 4.553, активни 492
Охрид 4.516, активни 831
Струмица 3.601, активни 522
Струга 2.803, активни 241
Кочани 2.452, активни 305
Кичево 2.226, активни 318
Неготино 2.051, активни 279
Гевгелија 2.029, активни 419
Свети Николе 1.363, активни 141
Крива Паланка 1.142, активни 99
Ресен 1.129, активни 242
Радовиш 1.000, активни 155
Берово 939, активни 131
Делчево 894, активни 97
Дебар 888, активни 63
Пробиштип 733, активни 79
Виница 684, активни 102
Валандово 589, активни 100
Крушево 449, активни 122
Богданци 444, активни 76
Демир Капија 385, активни 60
Демир Хисар 347, активни 55
Кратово 342, активни 28
Македонски Брод 331, активни 49
Пехчево 241, активни 25
Македонска Каменица 216, активни 14
Дојран 126, активни 22

Прикажи повеќе...

Македонија

(Видео) Разбиена група на нарко-дилери, запленета дрога во вредност над 800 илјади евра

Објавено пред

Полицијата разбила организирана криминална група на нарко-дилери, пришто приведени се 6 лица, а запленета е дрога во вредност од над 800 илјади евра.

Од МВР сооштија дека е поднесена е кривична пријава против Д.Ј.(35) од Струмица, А.У.(45) од Скопје. М.З.(29) од Куманово, М.С.(36) од Битола, К.С.(46) од Прилеп, Г.К.(25) од Скопје, поради неовластено производство и пуштање во промет наркотични дроги, психотропни супстанции и прекурсори.

Осомничените, меѓу кои има и полициски службеник, биле затекнати со марихуана со вкупна тежина од 199, 444 килограми.

„На почетокот на овој месец првоосомничениот струмичанец (34), откако пронашол потенцијални купувачи на наркотичната дрога марихуана, договорил неовластена набавка на дрогата со второосомничениот скопјанец (45) кој дрогата ја држел на засега неутврдена локација. Тој ги ангажирал останатите осомничени и тоа 36 годишниот битолчанец неовластено ја пренесе дрогата од неутврдената локација до паркинг простор во с.Радобил, прилепско, а останатите осомничени – 24 годишен скопјанец, 46 годишен прилепчанец и 24 годишен кумановец со возила што тие ги управувале да го придружуваат движењето на возилото со кое се вршело пренесување на наркотичната дрога – марихуана“, велат од Обвинителството.

Купопродажбата била договорена со непознато лице од Грција и требало да се реализира во текот на вчерашниот ден на паркинг просторот во селото Радобил. Првоосомничениот откако со второ осомничениот ги договориле деталите на примопредавањето на дрогата и улогите на останатите осомничени се упатил кон Гевгелија. Наркотичната дрога спакувана во 40 картонски кутии била префрлена од ТМВ марка Ивеко со македонски национални регистарски ознаки во ТМВ комбе Цитроен Џампер со грчки национални регистарски ознаки, а осомничените се упатиле во различни правци. Осомничениот кој го управувал ТМВ марка Ивеко се упатил кон Прилеп, додека останатите осомничени со три патнички моторни возила и ТМВ во кое била дрогата движејќи се во колона еден зад друг се упатиле на магистралниот пат Прилеп-Градско во правец кон Градско. Кога пристигнале на клучката за с.Раец биле запрени од страна на полициски службеници на МВР и по извршениот претрес, лишени од слобода. Во исто време во Прилеп е лишен од слобода осомничениот што го управувал ТМВ марка Ивеко, а во Гевгелија, на бензинска пумпа, бил лишен и првоосомничениот – организатор на криминалната група.

При претресот кај А.У. во стан во Скопје пронајдено е поголемо количество оружје, муниција, гранати, барут и делови за оружје, а при претрес извршен во стан во Битола, кај него се пронајдени 13.600 евра и 50 илјади денари, колекција луксузни часовници, како и документација за фабрики за производство на марихуана во медицински цели.

По наредба на судија во соработка со Комисијата за оценување на исполнетост на условите и контрола за производство на медицински канабис при Министерството за здравство, во текот на ноќта е извршена контрола и во две фабрики за производство на медицински канабис во Прилеп и во Битола, со кои соработувал А.У..

При претрес кај М.З. во Куманово, пронајдени се два пиштола и куршуми, а поголема количина парични средства се пронајдени и при претрес кај К.С. во Прилеп, кој е полициски службеник.

При претресот кај Д.Ј. од Струмица пронајдени и одземени се мобилни телефони и сим картички, парични средства, а при негов личен претрес е пронајдена марихуана. Претрес бил извршен и кај М.С. во Битола, при што биле пронајдени парични средства и обоени банкноти од евра кои потекнуваат од кражба на банкомат.

Сите шест лица се приведени и денеска ќе бидат изведени пред Судија на претходна постапка од Основен кривичен суд, а продолжува интензивна истрага со цел идентификување на други инволвирани лица во неовластена набавка, држење, пренесување и продажба на наркотична дрога.

Истрагата на македонската полиција била спроведена со  поддршка на Американската служба за борба против дрога – ДЕА и траела повеќе месеци.

Прикажи повеќе...

Најново

Македонија59 минути

Нови 1.092 случаи на заразени, починаа 32, а оздравеа над 2.000 лица

Во последните 24 часа се направени 5.569 тестирања, а регистрирани се 1.092 нови случаи на Ковид-19 во: Скопје – 452,...

Македонија3 часа

(Видео) Разбиена група на нарко-дилери, запленета дрога во вредност над 800 илјади евра

Полицијата разбила организирана криминална група на нарко-дилери, пришто приведени се 6 лица, а запленета е дрога во вредност од над...

Свет3 часа

Кина дневно произведува 5 милиони дози вакцини, целта е да достигне 3 милијарди годишно

Кина веројатно ќе произведе три милијарди дози од вакцината против Ковид-19 до крајот на годината, изјави официјален претставник на Националната...

Топ4 часа

Три лица осомничени за силување на 18-годишна девојка во Струмица

Против три лица поднесена е кривична пријава за силување на 18-годишна девојка од Струмичко и за помагање во извршување на...

Македонија6 часа

ВМРО-ДПМНЕ на протест: Од коронавирус починаа 4.150 граѓани, тоа е како преку ноќ да го снема Крушево

Обвинувања за справувањето на власта со состојбата со коронавирусот и пораки за оставка на министерот за здравство, Венко Филипче и...

Македонија8 часа

Вработени во обвинителството, медиумите и инспекциските служби ќе се вакцинираат следната недела

Следната недела ќе почне вакцинирањето на вработените во обвинителството, судовите, инспекциските служби, новинарите и медиумските работници. Со нив, се очекува...

Свет8 часа

„Фајзер” и „Бионтек” бараат нивната вакцина да се користи за деца од 12 до 15 години

Фармацевтската компанија „Фајзер“ и нејзиниот германски партнер „Бионтек“ побарале од Управата за храна и лекови на САД итно проширување на...

Свет9 часа

„Ковакс“ ќе испорача третина од милијарда вакцини до средината на годинава

Меѓународната програма за споделување вакцини „Ковакс“ планира да испорача низ сиромашните земји од светот една третина од милијарда дози вакцини...

Македонија1 ден

Потврдени 1.174 нови случаи на коронавирус во Македонија, починаа 42 лица

Во последните 24 часа во Македонија се потврдени 1.174 нови случаи на коронавирус, починаа 42 лица, а оздравеа 811, соопшти...

Македонија1 ден

Приведен висок полициски службеник, запленета дрога вредна над 800.000 евра

Полицијата заплени дрога вредна над 800.000 евра, а приведен е висок полициски службеник, објави министерот за внатрешни работи, Оливер Спасовски....

Свет1 ден

СЗО: Не препорачуваме комбинирање на вакцини, сè уште немаме доволно податоци

Светската здравствена организација (СЗО) во петокот повтори дека поради недостиг на соодветни податоци не може да даде препорака во врска...

Македонија1 ден

(Видео) Милошоски: Мафијашот Седат Пекер во Скопје бил пречекуван со полициски возила

Додека турската полиција денеска спроведува обемна акција и во Истанбул насекаде го бара меѓународниот мафијаш Седат Пекер, во Скопје тој...

Европа1 ден

Почина принцот Филип, сопругот на кралицата Елизабета

Принцот Филип, сопругот на кралицата Елизабета Втора, почина на 99-годишна возраст. Бакингaмската палата објави дека војводата од Единбург почина во...

Македонија1 ден

Антикорупциска откри случаи на злоупотреби од страна на обложувалници

Државната комисија за спречување на корупција (ДКСК) откри злоупотреба на лични податоци и сомнежи за перење пари од страна на...

Свет1 ден

Почна клиничкото испитување на нова, поевтина вакцина против Ковид-19

Клиничките испитувања на новата вакцина против Ковид-19, чие производство би било поевтино, полесно и побрзо, почнуваат да се спроведуваат во...

Македонија1 ден

Филипче: Деновиве е намален бројот на хоспиталиразни пациенти во болниците

Министерот за здравство, Венко Филипче, по редовната координација со директорите на Клиниките, истакна дека деновиве е намален бројот на хоспитализации во...

Европа1 ден

Оние кои примиле прва доза на „Астразенека“ во Франција, за втората ќе добијат друга вакцина

Француското здравствено тело денес треба да објави дека оние под 55 години кои ја примиле првата доза на „Астразенека“ ќе...

Европа1 ден

Зеленски ги посети војниците во источна Украина: „Се гордеам со вашето херојство“

Украинскиот претседател Володимир Зеленски го посети бојното поле каде се случуваат судири со проруските сепаратисти, а беше поддржан од Берлин,...

Регион1 ден

Србија ги отвора трговските центри и училиштата

На денешната седница на српскиот кризниот штаб е донесена одлука за отворање на трговските центри, но и за враќање на...

Европа1 ден

Италијанскиот премиер: Ердоган е диктатор, тој сакаше да ја понижи Фон дер Лајен

Италијанскиот премиер, Марио Драги, го обвини турскиот претседател Реџеп Таип Ердоган дека неделава сакал да ја понижи претседателката на Европската...

Досие