Контакт

Македонија

Меркел се возеше во „мерцедесот“ на Груевски

Објавено пред

Германската канцеларка, Ангела Меркел при денешната посета на Македонија се возеше со „мерцедесот“ вреден 600 илјади евра набавен од страна на претходната влада за кој експремиерот Никола Груевски беше осуден на 2 годишна затворска казна.

На владиниот „мерцедес ЕС 600 Гард“, можеше да се забележат мониторите на задните седишта и останатата опрема за која јавноста слушна како Груевски ги нарачува преку телефонски разговор. „Макфакс“ потврда за тоа дека се работи за истиот „мерцедес“ доби од едно од лицата кои денеска ја обезбедуваа германската канцеларка. Исто така забележлива беше промената на регистарските таблички на луксузниот автомобил од СК-2936-АЦ во СК-4047-АП.

Актуелната Влада првично рече дека автомобилот ќе биде продаден, а со парите ќе се купат амбулантски возила, но веднаш потоа излегоа со изјава дека не смеат да го прават тоа поради судските постапки. Останува прашањето дали „мерцедесот“ по завршување на постапките ќе се продава по иста цена која беше наведена или по поголема бидејќи во него се возеа генералниот секретар на НАТО, Јенс Столтенберг, канцеларката Ангела Меркел и останати високи државници.

Покрај експремиерот, за набавка на овој автомобил беше осуден и поранешниот заменик министер за внатрешни работи на 6 и пол години затворска казна, а за истиот случај под називот „Тенк“ се води постапка и против поранешната министерка Гордана Јанкуловска.

Германската канцеларка денеска покрај средбата со премиерот Зоран Заев, оствари средба и со лидерот на ВМРО-ДПМНЕ, Христијан Мицкоски. Таа јавно ги повика граѓаните на Република Македонија на 30 септември да излезат на референдумот и да го дадат допринос за иднината на државата.

Виктор Јованов

Македонија

Викендов започнува зимското сметање на времето

Објавено пред

Летното сметање на времето во 2020 годинава завршува на 25 октомври (недела) во 3 часот по полноќ, така што со поместување за еден час наназад времето во 3 ќе се смета како 2 часот, информираат од Бирото за метрологија.

Од таму потсетуваат и дека одлуката за денот и моментот на воведувањето, и денот и моментот на завршувањето на летното сметање на времето во 2020 година е објавена во „Службен весник на Република Северна Македонија“, број 79 од 26. март.

Прикажи повеќе...

Македонија

Обвинение за поранешниот градоначалник​ на општина Чашка

Објавено пред

Основното јавно обвинителство Велес поднесе обвинение против поранешниот градоначалник на општина Чашка за злоупотреба на службената положба и овластување. Тој е осомничен дека ја оштетил Општината за над 1,3 милиони денари.

„Обвинетиот на 17.12.2015 година во име на општината склучил договор со Агенцијата за финансиска поддршка на земјоделството и руралниот развој, за исплата и користење на средства во висина од 14.486.226 денари од Програмата за финансиска поддршка на руралниот развој 2015, наменети за реконстуркција на делницата од локалниот пат с. Мокрени – место викано Теовски Уши. Вкупниот потребен износ средства за реконстуркција на патот биле 17.093.747 денари со вклучен ДДВ кој паѓал на товар на општината. Потоа, на 10.12.2015 година обвинетиот во име на општината, по спроведена постапка, склучил Договор за јавна набавка на работи со ГД Изгрев инженеринг ДООЕЛ Велес и извршил уплата на авансни средства во висина од 2.897.245 денари кои претходно Агенцијата ги исплатила на општината“, се наведува во соопштението.

Откако изведувачот ги завршил градежните работи и доставил завршна ситуација на градбата, обвинетиот како градоначалник на општината бил должен да изврши уплата на целиот долг. Но, иако согласно одредбите од договорот со Агенцијата, било забрането општината како корисник на средства од Агенцијата за финансика поддршка на земјоделството и руралниот развој да врши нивна пренамена, обвинетиот од доделените наменски средства за реконстукција на патот уплатил 5.777.855 на изведувачот, а останатите средства во висина од 5.315.369 денари ги искористил за подмирување на други тековни обврски на општината.

Поради ненаплатениот износ за извршените работи во висина од 8.418.288 денари со вклучен ДДВ, изведувачот повел постапка за присилна наплата на побарувањето. Во текот на извршната постапка, покрај основниот долг, биле наплатени и трошоци за извршување, за адвокатски услуги и за камата за задоцнето плаќање, за кои заклучно со 25.4.2018 година од сметката на општината биле повлечени средства во износ од вкупно 1.357.826 денари, за кои општината е оштетена.

Прикажи повеќе...

Македонија

Спасовски на министерски форум на ЕУ за борба против криминалот и илегалната миграција

Објавено пред

Под покровителство на германското претседателство со Советот на ЕУ, министрите за правда и за внатрешни работи на Германија, заедно со делегација од Европската комисија, преку видеоконференциска врска денеска одржаа состанок со нивните колеги од земјите на Западен Балкан, а македонската страна ја претставуваше министерот за внатрешни работи, Оливер Спасовски.

Како што информираат од ресорното министерство, заедничките дискусии биле насочени на теми поврзани со миграцијата, ефективното гранично управување, заедничката борба против тероризмот и превенцијата од насилниот екстремизам, како и борбата против организираниот криминал.

Спасовски во своето обраќање изразил задоволство што и во овие вонредни околности предизвикани од пандемијата заедничката соработка продолжува.

„Во тој контекст, единствено преку размена на мислења и ставови можеме да креираме заеднички политики за справување со новите предизвици. Пандемијата можеби ја наруши можноста од директни средби, но нашата потреба од соработка во регионот и со нашите партнери од Европската Унија е поизразена од кога и да било претходно“, истакнал министерот.

На состанокот била изразена поддршка и за зголемувањето на регионалната размена на информации во регионот на Западен Балкан.

„Успешната борба против илегалната миграција и криумчарењето мигранти е најдобро рефлектирана во заедништвото и партнерството, кое на дневна основа го применуваат нашите полициски службеници со нивните колеги од земјите од регионот и ЕУ. Оттаму, во оваа пригода би сакал да изразам посебна благодарност до нашите партнери, кои и во овие тешки времиња ги испратија своите полициски службеници на нашата јужна граница за да можат заеднички, со колегите од Република Северна Македонија, да се справуваат со сериозните миграциски предизвици“, рекол Спасовски.

Во однос на тероризмот и насилниот екстремизам, претставниците од ЕУ го поздравиле напредокот постигнат од страна на земјите од Западен Балкан во исполнувањето на целите утврдени во заедничките акциски планови за борба против тероризмот.

Прикажи повеќе...

Најново

Македонија1 час

Обвинение за поранешниот градоначалник​ на општина Чашка

Основното јавно обвинителство Велес поднесе обвинение против поранешниот градоначалник на општина Чашка за злоупотреба на службената положба и овластување. Тој...

Европа2 часа

И покрај дневниот рекорд од над 11.000 заразени, Германците уверени дека вирусот може да се спречи

Централниот германски епидемиолошки институт „Роберт Кох“ денеска ја оцени актуелната епидемиолошка состојба и рекордниот број на новозаразени во земјата од...

Македонија4 часа

Првата меѓувладина конференција ќе биде позитивен сигнал и до регионот, порача Заев на онлајн средба со Борел

Претседателот на Владата, Зоран Заев, придружуван од заменик-претседателот на Владата задолжен за европски прашања, Никола Димитров, и министерот за надворешни...

Регион4 часа

Во Хрватска повеќе од 1.500 новозаболени, десетмина починати во Загреб

Хрватскиот кризен штаб објави нови податоци според кои има повеќе од 1.500 новозаболени од коронавирус, а во Загреб има десетмина...

Свет5 часа

99-годишна жена од Шпанија го победи коронавирусот

Кога 99-годишната Флорентина Мартин се заразила со коронавирус во септември, нејзината внука стравувала дека ќе заврши сама на одделот за...

Македонија6 часа

Стевановиќ: Заразените со лесни симптоми да се лекуваат дома

Сите оние кои имаат лесни симптоми да бидат дома, изолирани со симптоматска и витаминска терапија. Да им помогнеме на оние...

Свет6 часа

ФБИ: Иран и Русија се мешаат во претседателските избори

Иран и Русија собраа податоци од американски гласачи за да влијаат на претстојните претседателски избори, соопшти денеска ФБИ, додавајќи дека...

Македонија7 часа

Активни над 6.000 случаи со коронавирус, болниците се полнат

Во моментот како активни се водат 6.069 случаи на коронавирус на целата територија, од кои 2.983 се од Скопје. Само...

Свет19 часа

Починал волонтер што учествувал во тестовите за вакцина против Ковид-19

Бразилската здравствена агенција „Анвиса“ потврди дека починал волонтер што учествувал во испитувања на вакцина против Ковид-19, пренесува агенцијата „Ројтерс“. Станува...

Македонија22 часа

Дванаесетмина починати и нови 641 заразен од Ковид-19

Министерството за здравство информира дека во последните 24 часа се направени 2.688 тестирања, а регистрирани се 641 нов случај на...

Топ23 часа

Кондовец со возило удрил во полицаец и побегнал, нападнати биле и полицајците што го пронашле

Во вечерните часови на 20 октомври, на скопската улица Ѓорче Петров, автомобил „ауди“, управуван од А. А. (26) од село...

Македонија24 часа

Инспекторите ќе можат да ги затвораат кафеаните со новите законски измени

Со новите построги мерки кои се во собраниска процедура инспекторите ќе можат веднаш да ги затвораат угостителските објекти до 30...

Свет1 ден

(Видео) Силен земјотрес го прекина интервјуто на премиерката на Исланд

Силен земјотрес со јачина од 5,6 степени според Рихтеровата скала, за кратко го прекина интервјуто со премиерката на Исланд, Кетрин...

Македонија1 ден

Филипче: Мерките мора да се донесат во најкраток можен рок

Министерот за здравство, Венко Филипче, вели дека обидот на ВМРО-ДПМНЕ за блокада на измените на Законот за заштита на населението...

Македонија1 ден

Владата ги осуди изјавите на Каракачанов: Тие се недолични и недостојни

Владата ги осуди изјавите на бугарскиот министер за одбрана, Красимир Каракачанов, дека би можел да испрати инженерски полк за демонтирање споменици во...

Македонија1 ден

Царовска: Екскурзии годинава нема да се организираат, учениците можат на прошетка до пет километри

Екскурзии оваа година нема да се организираат, испратени се упатства од Бирото за развој на образование, истакна министерката за образование...

Македонија1 ден

Шеќеринска: И ние и Бугарија сме членки на НАТО, ова не е начин на кој треба да комуницираме

Помина времето кога министри за одбрана од нашиот регион можеа да даваат такви изјави, а некој да ги смета за...

Регион1 ден

Нов рекорд во Хрватска – 1.424 нови случаи и 11 починати

Рекордни 1.424 нови случаи на коронавирус се пријавени во последните 24 часаво Хрватска, а 11 лица починале, објави Националниот штаб...

Свет1 ден

Австралија пријави случај на повторна инфекција со коронавирус

Австралиските власти пријавија редок случај на Ковид-19 во Мелбурн, Викторија, станува збор за лице кое било позитивно тестирано во јули....

Македонија1 ден

Македонија, Албанија и Црна Гора добиваат респираторни машини од НАТО

До крајот на овој или следниот месец, НАТО ќе достави респираторни машини во нашата земја со цел да помогне во...

Досие