Македонија
Мизрахи: Омразата која постои мора да се победи, ќе донесеме еднаквост меѓу сите

Рашела Мизрахи, кандидат за пратеник на листата на кандидати од ВМРО-ДПМНЕ и коалицијата во втората изборна единица, денеска пред Музејот на македонската борба се осврна на тоа дека мора да се победи омразата која постои.
„Често пати се слуша призвук на антисемитизам во Република Македонија. За мене малку погласно од јануари годинава. Моето семејство е дојдено во Република Македонија по прогонот во 1492 од Шпанија, значи старо скопско семејство. Никогаш не се чувствував поинаква, никогаш не ми беше спомнато зошто моето е вакво или онакво, или дали сум поинаква која е мојата верска или национална припадност. Напротив се чувстував како една од сите и сеуште се чувствувам исто“, рече Мизрахи.
Таа даде и одговор и објаснување за тоа што е антисемитизам.
„Антисемитизам е она кога омразата и гневот ќе преминат во лудило, а лудилото ќе премине во пандемија. Важно е да зборуваме за антисемитизам, затоа што во основа е омраза која ги поткопува темелите на демократијата и им се заканува на слободните граѓани. Тоа значи дека антисемитизмот не ги афектира само Евреите, ги афектира сите затоа велиме дека тој почнува со Евреите, но никогаш не завршува со нив“, порача Мизрахи и додаде дека е длабоко благодарна на ситекои изреагирале на, како што рече, бурно инсценираните политички напади врз неа.
©Makfax.com.mk Доколку преземете содржина од оваа страница, во целост сте се согласиле со нејзините Услови за користење.

Македонија
Центар го изгласа новиот ДУП за кај Дом на градежници – предвидена поголема површина за зеленило

Советот на општина Центар го изгласа новиот Детален урбанистички план (ДУП) Градска четврт Ц 04 – Дом на градежници.
Како што информираат општинските власти, се работи за градска четврт која во голем дел е реализирана и голем дел од објектите се задржуваат во постојна состојба.
„Во споредба со стариот ДУП кој предвидува 4.043 метри квадратни парковско зеленило, новиот план има вкупно 5.889 метри квадратни парковско зеленило, со што речиси 13% од површината на четвртта е под парковско зеленило. Наместо да се проширува, евидентиран е постојниот паркинг и задржан е во сегашната состојба, а зголемен е процентот на зеленило и дрвореди. Наместо како што стариот план предвидува, изградба на паркинг на веќе постоечко детско игралиште, детското игралиште со површина од 408 метри квадратни во новиот план е зачувано, како и постојниот паркинг околу него, наместо изведба на паркинг на целата површина. Согласно новиот план, сите нови објекти мора да го обезбедат неопходниот број паркинг места во своја парцела. Избришан е еден објект за колективно домување кој според стариот план би се градел на државно земјиште, а во новиот план заменет е со локален парк од 262 метри квадратни и пешачка патека. Стариот план предвидува заеднички подземен паркинг за дел од парцелите, воедно предвидена е пристапна улица на местото на пешачката патека ‘Кај Маршалот’. Со новиот план секој објект треба засебно да предвиди паркирање. За објектите од внатрешноста на блокот се предвидува пристап преку пасажи од улицата Максим Горки, со што се задржува пешачката патека ‘Кај Маршалот’ и истата нема да стане улица за автомобили“, се наведува во соопштението за одлуката.
Македонија
(Видео) Костадинов: Со законските измени сакаме да добиеме независни и стручни совети на МРТВ и АВМУ

Пратеникот на СДСМ Костадин Костадинов денеска на прес-конференција изјави дека преку измените на предлог-законот за аудио и аудиовизуелни медиумски услуги, Советот на АВМУ ќе добие независен, професионален и стручен состав и оти целта за поднесување на овој предлог од страна на пратениците на владејачкото мнозинство е реформата и професионализација на медиумските регулаторни тела.
Костадинов обвини дека изборот на членови на Советот на АВМУ како и членовите на Програмскиот совет на Националната радио-телевизија премногу долго се одложуваше поради, како што кажа, неразумни блокади од страна на ВМРО-ДПМНЕ. Според измените на законот, изборот на овие членови би бил со 61 глас, но постапката би била иста – инклузивна, транспарентна и отчетна. Така ќе се гарантира професионалност и независност.
„Зад овие блокади се кријат само партиски интереси и политика на отпор кон реформи и професионални институции“, изјави Костадинов.
Тој вели дека не знае зошто не е закажана комисијата на која ќе бидат разгледани измените на Законот, што се носат по скратена постапка. На прашањето дали има разговори со опозициската ВМРО-ДПМНЕ, изјави дека не би рекол оти има такво нешто.
За реакциите на здруженијата на новинарите и синдикатот за менувањето на законот, рече дека заедничка цел на сите е професионалзиација и департизација на регулаторните тела.
„Добро е што имаме заедничка цел со здруженијата, а тоа е конечно да се спроведе една таква реформа, професионализација и департизација на едни така важни регулаторни тела. Ќе повторам дека три години имавме можност конечно да ја спроведеме. За жал, додека ВМРО-ДПМНЕ ја водеше Комисијата за избори и именувања немавме успешен оглас во однос на АВМУ и Програмскиот совет на МРТВ. Јас ги уверувам граѓаните, особено медиумските работници дека воопшто не треба да стравуваат дека наводно влегуваме во сива зона затоа што веќе имаме докажано дека во еден транспаретен процес сме избирале едни многу важни тела во оваа држава“, рече Костадинов, одговарајќи на новинарско прашање.
Останува, повтори тој, јавната дебата за изборот на членовите на овие тела и смета дека можност за учество ќе имаат сите.
„Но, секако дека нема да дозволиме повторно ВМРО-ДПМНЕ само заради лични хирови да ги опструира така важните процеси“, рече Костадинов.
Македонија
Најави за отворање нова група по денешните апсења за „Јавна соба“

Администраторите на „Јавна соба“ најавуваат отворање на нова група по денешните апсења на едно лице во Битола и едно лице во Велес поради овој случај со незаконско споделување и ширење на експлицитни фотогорафии, преку платформата „Телеграм“.
Кусо време откако министерот за внатрешни работи Оливер Спасовски јави за апсењата, групата почна да се полни со една иста порака во која стои известување дека е направена нова група, а администраторот повикува да му пишуваат во приватна порака за да им ја испрати.
Министерот Спасовски денеска извести дека се уапсени две лица за случајот „Јавна соба“, а по него премиерот Зоран Заев преку социјалните мрежи, извести дека испратиле категорични барања до социјалната мрежа „Телеграм“ да ја избрише групата „Јавна соба“ со предупердување дека ако тоа не се случи, можно е блокирање на платформата во земјава.
- Книги1 месец
Македонски лекар ја објави последната исповед на Јосип Броз Тито
- Македонија3 месеци
Излезе од затвор Панче Ангелов, напаѓачот на Шекеринска од 27 април
- Македонија2 месеци
МЖСПП: Мечкиното грозје важен ресурс, кој треба грижливо да го собираме
- Црна хроника2 месеци
Млада девојка од Штип пронајдена мртва во нејзиниот дом
- Македонија2 месеци
(Видео) Отстранети два нелегално изградени објекта во општина Центар
- Спорт3 месеци
Гетџи: По мечот со Хабиб, мојата мајка конечно ќе може да се пензионира
- Македонија1 месец
Возачот на „бентлито“ што „влета“ на плоштад казнет со 45 евра, објавена фотографија од записникот
- Свет3 месеци
Нова студија – кај болните од Ковид-19 пред температура се јавуваат други два симптома