Новите екоавтобуси на гас, од германската компанија „МАН“ од денеска почнаа да возат по улиците во Скопје. Од Градот соопштија дека возачите коишто ги возат новите автобуси на линиите 2, 5, 15 и 57, имале стручна обука од сертифициран возач од Хрватска.

„Новите автобуси се енергетско ефикасни, во согласност со последните технолошки трендови во оваа индустрија и ги задоволуваат стандардите за емисија на Euro 6. Овој тип на автобуси е прогласен за екоавтобус за 2016 година во Европа, а во Германија ја поседува ознаката „Син ангел“ бидејќи емитуваат значително помалку ЦО2 и речиси воопшто не го загадуваат воздухот“, соопштија од Град Скопје.

Еден зглобен автобус чини 334.500 евра, а единечен 268.900 евра.

Во моментот на улиците на Скопје возат 25 нови екоавтобуси на гас од кои 20 се единечни и пет зглобни, а во текот на месецот ќе пристигнат и преостанатите осум автобуси што се дел од договорот што го потпиша Градот за набавка на 33 нови екоавтобуси.

Од Градот Скопје велат дека еден екоавтобус заштедува до 25.000 евра гориво на годишно ниво, односно во споредба со потрошувачката на старите дизел автобуси, овие автобуси трошат речиси двојно помалку гориво, што дополнително ќе ги намали трошоците на ЈСП, а истовремено го намалува и загадувањето на животната средина преку издувни гасови.

Од Градот велат дека двокатните кинески автобуси кои биле набавени пред осум години чинеле премногу, а се со лош квалитет и секојдневно се расипуваат, а ЈСП има проблем поради непостоење овластен застапник, а со тоа и сервисна и техничка поддршка.

Граѓаните се сигурни со концептот Едно општество за сите, гласот за ДУИ е глас за ВМРО-ДПМНЕ и тие се опасност, истакна носителот на листа во ИЕ2, Оливер Спасовски во тетовското село Сараќино.

„Денес е слобода и ние се грижиме за сите подеднакво. Граѓаните се сигурни со овој концепт. ВМРО-ДПМНЕ и ДУИ се грижат само за себе, личните и партиските интереси и тие се опасност. Само политичари кои се грижат за сите граѓани може да донесат добро на оваа држава“, рече Спасовски.

Тој најави дека водечки концепт и во следниот мандат останува враќањето на парите кај граѓаните.

„Вложуваме во идината и сигурноста на сите категории граѓани. Најавувам дека во следните 4 години ќе отвориме 80% од поглавјата за интеграција во ЕУ, а за 5 – 6 години ќе го затвориме преговарачкиот процес. Од европските фондови обезбедуваме 2,5 милијарди евра за државата. Тоа се повеќе пари за справување со здравствената ситуација, за новата развојна економија, за поголема социјална помош, за канализации, патишта, водоводи. Тоа се европски пари за европски стандарди дома и опцијата за 15 јули е јасна. СДСМ и коалицијата Можеме нуди луѓе кои земјата ја изнесоа на прав пат – да продолжиме по овој пат. ВМРО-ДПМНЕ ги нуди луѓето на Груевски, Мицкоски, Мисајловски, кои нудат обнова на режимот и тие мора да одат во опозиција да се обноват одвнатре исто како и ДУИ кои излегоа со национализам зашто немаат што да им понудат на граѓаните“, рече Спасовски.

Тој рече дека гласањето на 15 јули ќе биде со целосна заштита.

„Се носи голема одлука. Ако не излеземе на изборите, тоа е глас за Груевски, Мицкоски и ВМРО-ДПМНЕ, за обновен режим наместо сигурна иднина, за закани по слободата, за бели палати и мермер, а не за парите кај граѓаните, за меѓународна изолација наместо членство во НАТО и ЕУ.
Гласот за ДУИ е глас за ВМРО-ДПМНЕ. СДСМ е сигурност, Мицкоски и ВМРО-ДПМНЕ се опасност. Заокружете број 3, за сигурна иднина на сите во нашата држава“, повика Спасовски нс средбата со жители на тетовското село Сараќино.

Бараме поддршка од текстилците, за да обезбедиме минимална плата од 20.000 денари и недела да биде неработен ден за сите, изјави од Штип, генералниот секретар на СДСМ и ностел на листата во ИЕ 3, Љупчо Николовски. Тој додаде дека ВМРО-ДПМНЕ носи опасност и поништување на се што досега било постигнато.

„Се обврзуваме, тука од Штип, од градот којшто навистина е познат по заштитата на работничките права, дека ќе продолжи растот на минималната плата. До крајот на следниот мандат таа ќе достигне 20.000 денари, предвидуваме раст од 40 проценти. Она што го предизвикавме во овој период, раст на платите во сите сектори, доведе и до зголемување на просечната плата, таа ќе продолжи да расте до 34.000 денари. Особено ме радува што беше прифатен нашиот концепот кој ќе биде воведен веднаш по формирањето на новата политичка влада во август, а тоа е концептот недела неработен ден. Многу малку време употребуваме за нашите семејства, навистина недела треба да е ден за семејството, ден за нашите најблиски и тоа им го должиме на работничките, на работниците“, рече Николовски.

Тој побара поддршка од работниците.