Контакт

Македонија

Мицкоски : Криминалот во „Рекет“ не е можен без поддршка на Заев

Објавено пред

Изминатиов период криминалниот октопод кој управува со власта ја фрла Македонија на колена.
Македонските граѓани, сите ние ја имаме судбината да ја живееме онаа фраза што важеше за некои држави на Балканот од минатото, „секоја држава има своја мафија, само нашата очигледно си има своја држава“, изјави на прес-конференција лидерот на ВМРО-ДПМНЕ, Христијан Мицкоски.

Според него, случајот „Рекет“ не е причината за тоа, тоа е само последицата. Причините се многу подлабоки и тие одат до врвот на власта. Разголената власт покажува дека не е само во прашање неспособноста на премиерот или неспособноста на владата, туку дека немаме систем. Тој е нападнат од силна криминална ерозија до тој степен што системот не функционира, имаме згазени закони и имаме згазено обвинителство коешто исто така не функционира. Имаме конкретни примери каде владата и премиерот се ставени во функција да заштитуваат криминал.

„Со голема внимателност и загриженост го следев развојот на настаните и веќе е сосема сигурно дека од оваа власт, институциите, премиерот Зоран Заев не може да се очекува разврска на овој криминал затоа што истите тие се силно инкриминарани од истиот, тие се инфицирани од криминалот што ни се покажа како на тацна. Можам да донесам неколку заклучоци, и тоа,  силата на осомничените за делото за кое се товарат во случајот ‘Рекет’ доаѓа од власта на Зоран Заев и неговите луѓе. Тука е Катица Јанева, која и денес го води компромитираното СЈО, а треба дополнително да се испита и улогата на сите други обвинители помошници во целиот случај на изнуда, како и можноста за постоење на други вакви случаи. Во овој октопод се и Фрики, Кики, Шеки, Зоки, Поки и останатите коишто упорно остануваат недопрени.
Иако Катица Јанева тврдеше, цитирам, „ниту свесно, ниту несвесно имам каква било конотација со случајот ‘Рекет’“, се покажа дека не ја говорела вистината. Односно нејзините зборови кои можеа да се чујат од снимката, цитирам, ‘немој да се грижиш, сè ќе биде ОК’, упатени на жртвата на која вршеле рекет покажува силноа вмешаност на СЈО и нејзиниот прв човек во овој криминал.

Факт број три, ќе потсетам на мислењето на Заев за Катица. Тој тврдеше дека верува во нејзините способности, во нејзината личност и дека е човек со капацитет. Потоа Јанева сака со закон да ја унапреди во републички обвинител, а другите обвинители помошници на Јанева исто така со истиот закон ги предлага и сè уште опстојува на тој предлог да се дел од новото обвинителството со кое истиот овој човек Зоран Заев предложи да управува Русковска. Воедно предлага и префрлање во тој сектор на целокупната администрација, соработници и истражители итн. кои сега работат во СЈО, а кои знаеме дека се изврзани роднински и претставуваат школски пример за непотизам, директно или индиректно со Катица Јанева и другите обвинители помошници на Катица Јанева. Ќе повторам, со закон истите сака да ги префрли во новото обвинителство без да има јасна недвосмислена, јавна постапка и секој оној којшто се чувствува подготвен да може да конкурира за истите тие позиции”, рече Мицкоски.

Според него, сомнежот е дека криминалот во „Рекет“ од вакви размери не е можен без поддршка на Зоран Заев.

„Сомнежите се дека Заев го штити овој криминал, а тоа го темелам на следново: Катица Јанева не е во притвор, а истата може да избега, може да влијае на сведоците и може како прв човек на СЈО да го повтори делото. Сведоци сме дека истото ова обвинителство барало притвор и за несразмерно помали случаи што ги воделе. Но во овој момент тоа отсуствува. Се разбира, Катица Јанева е само продолжена рака на главниот во овој октопод.

Второ Зоран Заев  е свесен дека меѓународниот сојуз на еден од обвинетите важи на извесен начин за чедо на СДСМ. Во тие структури се луѓе од оваа партија, а сомневањата се дека тоа е параванот и за многу други случаи на криминал, уцени, изнуда и рекет. Трето, од почетокот тврдев и сè уште тврдам, Заев во моментите кога ќе го притисне оваа афера со евидентни докази е во состојба да се откаже од сите, само да се спаси себеси. Некои велат Катица е следната, јас тоа го пишував во едно мое фејсбук-обраќање до сега, но тоа во овој момент за граѓаните во Република Македонија значи само уште еден криминалец помалку на слобода.

Некои велат дека немало тука да застане, дека не била Катица крајот на оваа борба против организираниот криминал туку ќе продолжела па ќе ги опфатела Кики и Фрики, прашањето било па можеби и Шеки била загрозена и така натаму. Но, никако да дојдеме до главниот, а тоа е токму оној главниот којшто го осмислил и оној за којшто постои сновано сомнение дека го аминувал целиот овој криминал. Четврто, сега е јасно зошто е предлогот на Заев за реформите за обвинителство. Тој сака ова компромитирано СЈО да го преслика во новиот обвинителен сектор. Да добиеме ново СЈО, но со зголемени овластувања за зголемени злоупотреби. Е таков компромис со правдата што ќе произведе неправда нема да помине.

Оттука господинот Зоран Заев е должен да одговори на неколку прашања. Какви докази крие семејството на еден од осомничените, а кои говорат во некои од медиумите од соседството за криминал на власта и Зоран Заев? Кој сè е вклучен во таа белградска врска на мешетари собрани и платени со македонски државни пари? Каде завршува куфер-политиката и кои се луѓето кои на крајот од денот се офајдиле со сумите  што се резултат на куфер-политиката
На што се должи заладувањето на реториката кон Катица Јанева и Бојан Јовановски со кого чести средби имал и Зоран Заев? На што  се мисли кога еден од осомничените ќе каже дека Зоран Заев е информиран за сè? На ова не верувам дека Зоран Заев директно ќе одговори, исто како што не одговори и на моите директни прашања што ги поставив на една прес-конференција на почетокот на овој скандал, затоа што рибата мириса од главата”, рече Мицкоски.

Тој смета дека бранењето на премиерот и неговите експоненти во однос на оваа афера не само што изобилува со невистини, шпекулации и конструкции, туку е и напад и навреда врз интелигенцијата на народот.

„Ќе слушнам, ќе речат случајот ‘Рекет’ бил наместен случај од опозицијата за рушење на правната држава, што е чисто фијаско од одбрана, приказна за мали деца во која ни тие не веруваат, а голем дел велат комичен настап, во случај кога сите го напуштаат бродот на власта што тоне. И треба да знаат дека немаме правна држава, зошто тие ја убија и ја погребаа. А да имавме немаше Катица Јанева да биде на слобода, ќе имавме уште најмалку еден криминалец помалку на слобода,  а главата на октоподот наместо со лисици на рацете да се заканува врз новинари и забошотува скандали. Навреда на интелигенцијата на народот е кога скапо платените со државни пари  пиар-советници го советувале оној кој е глава на октоподот, да излезе и да даде скандалозна изјава, со насока ‘шефе колку повеќе дехидрирате од критика на вашите до скорешни пријатели, a богами и пулени, толку повеќе ќе си ја отргнете вината за вашето замешателство во работите’.

Но, заборавиле дека народот не е со кратко помнење и народот ги знае сите лица и маски на Заев. Ја знае онаа кога со скрстени раце на срцето и со блага насмевка се колне во жицата, во најмилото дека немало да го промени името. Народот ја знае и онаа маска кога Заев е преполн со верба во европските вредности бидејки тој ќе ја донел Македонија во Европа, но народот го знае и она вистинско лице на Зоран Заев како бара мито, како пазарџиски полетно договара поткуп за Вартоломеј, и она негово сурово но искрено лице, на разгневен деспот кому сите гемии му се потонати бидејќи вистините излегуваат на виделина. Сето ова е доказ на немоќ, кој се прикрива со деспотски атак кон слободата и замолкнување на вистината.

И тука без оглед на тоа што некои сакаат да нè направат исти со Заев, само колку да му помогнат и релативизираат неговите скандали, ние не сме ни одблиску исти. И фала на Бога што е тоа така. Различни сме се, и тоа многу. И морам да кажам една искрена, но и поразителна работа, целата ова ситуација мене не ме изнедадува, човекот си е навикнат да се заканува ззшто со прогон владее 3 година, со тортура и поигрување со животи и судбини. И за голема жал, рекетот не е единствениот случај за сомнеж за криминал. Нема ден, а да не добијам порака, да не чујам лично сведоштво од некој бизнисмен, од некоја друга жртва за уцена, притисок или рекет од страна на луѓе од власта. Но за ова во друга пригода.

И додека сето ова се случува, државата влегува во економска и политичка криза. Надвор од зградите на Илинденска број 2 и од Бихаќка владее неправда, сиромаштија и апатија. Со оваа влада секојдневието е дека: дете убива дете, дека еден од убијците на Саздо сè уште е на слобода, истото е и со убиецот на младиот фудбалер кој го загуби животот, Мартин Јанушев. На слобода некаде е и убиецот на Пино Секондо. Наместо во битка со корупцијата, Владата влезе во битка за бришење на шеснаесеткракото сонце, дека Гоце бил друго, а не Македонец. За 3 години илјадници млади луѓе се иселуваат, ама премиерот вели дека сме блескале. Очигледно светот во кој живее Заев не е истиот во којшто живее обичниот Македонец. И еве зошто не сме во Европа и зошто нема датум за преговори за Република Македонија.Падот на оваа власт не е прашање дали ќе се случи туку кога. Едноставно дојдовме до степен кога не постои ниту тронка надеж дека  што било ќе се подобри. Затоа се знае, народот ќе каже доста е на следните предвремени парламентарни избори. И за таквиот пад нема да помогнат ниту аберите од некои кругови на власта за да се прогледало низ прсти за некои случаи или, пак, оние сведоштва првиот крадеше повеќе, ниту, пак, оние обиди за инсталирање на некаква послушна опозиција. ВМРО заедно со народот и секој слободномислечки Македонец ќе ја сруши оваа власт и ќе донесе правда.

И не сакам да звучам отсутно и ќе кажам, ги слушам сите ние кои говорат ајде пожестоко, на улица, бунт против оваа власт. Голем дел од овие луѓе ја сакаат Македонија. Ги разбирам и знам дека не им е сеедно и дека срцето им се кине исто како моето кога во сопствената земја својата држава ја гледаат окупирана од неодговорна и неспособна власт и како им се одзема иднината, која е нивно основно човеково право. Но, јас ќе им порачам, ветив битка до последниот здив и стојам на тоа. Но, истовремено ветив победа. ВМРО почна со рушење на оваа неодговорна Власт кое секогаш и не е изразено на начин на којшто дел од нашите сограѓани очекуваат. Но, не со исклучени, ниту масовни протести од тие коишто ВМРО ги организираше, но и од друг тип демократски алатки коишто ќе служат како отпор против оваа неодговорна криминална, октопод, куфер-влада во Република Македонија.

Воедно историјата не учи никогаш да не се избрзува со неодговорни отпори и спротивставувања на силите кои ѝ пркоселе и ја одземале нашата слобода. Воедно следува период кога ќе се одлучува и за европската иднина на Република Македонија, и ВМРО-ДПМНЕ знае дека тоа е невозможна мисија со оваа криминална октопод влада, но не сака да биде никакво алиби при евентуалниот неуспех. Треба да знаеме дека имаме нечесна власт, која, пак, треба да знае, Македонија не е пашалак на Заевци, а народот заробеник на нивниот криминал. Народот и ВМРО-ДПМНЕ ќе победат убедливо, зошто таква победа ни треба, за Македонија да ја обновиме од овој криминален ураган на власта. И одговорност, мора да има одговорност. Немам намера, немам намера повторувам, за никаков компромис со никој кој се огрешил спрема законот без оглед на кого и со кого се работи. А тие кои злоупотребиле народни пари, мала ќе им биде Македонија да се сокријат. Заев е на колена и веќе нема кредибилитет за оваа влада која тоне во сопствениот неуспех. Неговиот пад и заминувањето на оваа влада не е избор на Заев, туку одлука на народот во којашто силно верувам. Октоподот е во слободен пад, доаѓа обнова на Македонија”, додаде Мицкоски.

 



©Makfax.com.mk Доколку преземете содржина од оваа страница, во целост сте се согласиле со нејзините Услови за користење.

Македонија

Села: Покажавме дека доаѓаме во мир

Објавено пред

Претседателот на Алијансата за Албанците и носител на шестата изборна единица Зијадин Села на денешниот завршен митинг им се заблагодари на граѓаните за присуството на овој митинг, уверувајќи ги дека никогаш нема да ја разочара поддршката што ја даваат за промена.

„Оваа кампања им покажа на сите дека доаѓаме во мир, да им донесеме мир и слобода на Албанците. Одговарајќи и на заканите со мир. На овој начин ќе дојдеме дури и по 15 јули. Знам дека не ви е лесно и дека имате тешкотии, но останаа уште неколку дена да ја донесете промената и демократија. Да ставиме крај на 18-годишниот монизам и да го развиеме животот во оваа земја на нашите предци“, рече Села.

Според него, Албанците разбрале кој го донел злото во нивните домови, па затоа се подготвени да ги казнат виновниците на 15 јули.

„Тие забораваат дека 18 години Албанците им го дадоа мечот, а Али со овој меч го распадна албанското семејство на половина. И овие Албанци ќе го земат тој меч и ќе му го дадат на Африм и Зиадин за да можат да градат живот. Потоа излегуваат и велат зошто не за албанскиот премиер. Да, Албанците се за премиер, но вие Али не бевте во можност да му дадете на еден млад Албанец работа а камоли да му дадете премиер “, додаде Села.

Според него, по доаѓањето на власт на коалицијата АА-ААА, ќе се гради заедничка држава за сите во име на целосна еднаквост, ќе се обезбеди правда за Албанците и квалитетни услови за живот.

Прикажи повеќе...

Македонија

Мицкоски: Тие го селат капиталот, ама им порачувам дека ќе одговара секој кој се огрешил

Објавено пред

Лидерот на ВМРО-ДПМНЕ, Христијан Мицкоски, вечерва од завршниот собир на партијата за овие предвремени парламентарни избори на 15 јули порача дека противникот, СДСМ, паѓа затоа што лажеше. Мицкоски рече дека гласот за Игор Јанушев во ИЕ 3 е и глас за Македонија, а овие избори се крстосница на која одлучуваме за нашата иднина, за Македонија.

„Ова не е обична кампања, ова се избори за тоа каква Македонија сакаме да имаме, друга татковина немаме. А тие имаат, си го селат капиталот затоа ќе им порачам нема компромиси со правдата. Пред законот ќе одговара секој што се огрешил“, рече Мицкоски.

Мицкоски најави дека ВМРО-ДПМНЕ по 16 јули ќе изгради силна држава во која власта ќе работи за народот, најави дека следат промени кои ќе донесат обнова.

„Сега што имаме? Имаме трас-трас судски одлуки, не е живот кога првите луѓе од власта прават рекет, ова е битка на правдата против неправдата. На овие избори ве молам добро да размислите, гласот за ВМРО-ДПМНЕ е за подобро утре и обнова. Од вашата одлука зависи дали ќе заминат тие кои ве разочарале. Со негласање им давате право на оние кои ве разочарале да продолжат со истото. Нема идеална влада, но ви давам збор ќе работиме. Коцкање е кога му давате шанса на оној кој ве разочарал, не верувајте на нивната пропаганда да зборат за минатото, со тоа сакаат да избегаат од нивните грешки“, кажа Мицкоски.

Лидерот на ВМРО-ДПМНЕ рече дека Заев и СДСМ остануваат во минатото и се осврна на она што следи.

„Денес е надојден Вардар ги носи сите злодела, корупцијата… Многу луѓе ни приоѓаат, а јас сакам да кажам дека вратите се отворени на ВМРО-ДПМНЕ за сите. По победата мора да си ја обновиме земјата, не смееме да се помириме со просечноста. Се обврзувам пред вас на обнова која ќе донесе повеќе пристоен живот, повисоки плати, повисоки пензии, ќе донесе време во кое земјоделците ќе имаат достоинството, пред бизнисмените се обврзувам дека ќе има услови за бизнис, ветувам општество во кое ќе има право и правда. Не смееме да дозволиме криминалците да поминат неказнети“, рече Мицкоски.

Тој испрати порака до оние кои се разочарани од политичарите дека не се сите исти.

„Ние сме различни, а ова е последна шанса за спас на Македонија. Да го сопреме губењето на Македонија, затоа гласајте за Македонија, гласајте за број 14. Сега е важно да се слушне вашиот глас. Овој период на кампањата беше моја борба за сите, за Македонија. По 16 јули продолжувам да се борам за Македонија“, порача на крајот во своето обраќање претседателот на ВМРО-ДПМНЕ, Мицкоски.

Прикажи повеќе...

Македонија

Шекеринска: Десет дена пред нападот во Собранието ѝ читав приказна на ќерката на Дурловски

Објавено пред

Десетина дена пред настаните во Собранието, Шекеринска им читала приказна на својата ќерка и ќерката на нејзиниот противкандидат, Игор Дурловски. Ова го истакна таа вечерва од Битола.

Таа пред насобраните Битолчани зборуваше за тоа како ќе го погледне Дурловски кој, како што вели, испратил луѓе за да ги убијат.

„Си реков, ако дојде, во него нема да ја гледам ни мојата крвава расцепена глава, ни неговите раце извалкани со крв, туку ќе ги гледам мојата и неговата ќерка на кои десетина дена пред тоа ми седеа во скутот и им читав приказна“, рече Шекеринска.

Тие, нашите деца заслужуваат повеќе, заслужуваат повеќе од нас, заслужуваат добрина, а не насилство, заслужуваат човечност, а не одмазда, додаде Шекеринска.

Од завршната трибина таа порача граѓаните да гласаат на 15 јули за програма што ќе ја диктира и ќе ја напише истроијата за децата.

Прикажи повеќе...

Најново

Македонија7 часа

Бројот на заболени од коронавирус во земјава надмина 8.000 лица

Од почетокот на пандемијата во Македонија, досега заболеле 8.111 лица, откако само денеска беа регистрирани 136 новозаболени. Според последните информации, вкупната...

Македонија8 часа

Во Скопје има 1.830 активни случаи, најмногу во Чаир, Гази Баба и Аеродром

Во Скопје во моментов има 1.830 активно заболени лица од ковид-19. Според информациите по општини, најголем број од заболените се...

Топ8 часа

Бегајќи од полиција скокнал во Вардар, а по него во реката влегол и полицаецот кој се повредил

Бркотница се случувала вчера во Скопје, кога 33-годишен скопјанец (Е.А.) бегал од полициски службеник. Полицаецот вршел обезбедување врз Е.А. кому...

Македонија8 часа

Денеска се регистрирани 136 нови случаи, починаa 6 лица

Министерството за здравство информира дека во последните 24 часа се направени 991 тестирања, а регистрирани се 136 нови случаи на...

Свет11 час

Унгарија воведува нови мерки за влез од ризични земји како Македонија

Унгарија воведува нови рестрикции за патници на граничните премини поради спречување на ширењето на коронавирусот, најави унгарскиот премиер Виктор Орбан....

Топ14 часа

Се удави скопјанец во езерото Младост

Дваесет и осумгодишен скопјанец вчера се удави во водите на езерото Младост во Велес. Според информациите од МВР, М.С. влегол...

Регион14 часа

Ребиќ: Странски служби ја рушат Србија

Директорот на српската полиција, Владимир Ребиќ истакна дека зад насилните протести во Србија, стојат странски разузнавачки служби. Според него, тие...

Топ14 часа

Приведени и казнети „диви тркачи“ од скопските улици

Секторот за сообраќајни работи при Бирото за јавна бебзедност во координација со Одделението за безбедност на сообраќајот при Секторот за...

Свет15 часа

Турист во Шпанија загинал по пад од тераса, а усмртил уште еден човек

Турист во Шпанија починал откако паднал од тераса на хотелот каде бил сместен, а усмртил и друг маж, кој во...

Свет15 часа

Во Бразил над 35 илјади нови случаи, сопругата и ќерките на Болсонаро негативни на ковид-19

Во Бразил во последните 24 часа се регистрирани нови 35.512 случаи на ковид-19, а починале уште 1.071 пациент. Од почетокот...

Свет15 часа

Трамп првпат во јавност се појави со заштитна маска

Американскиот претседател Доналд Трамп ја посети воената болница во предградие на Вашингтон и првпат во јавност носеше маска поради пандемијата...

Македонија16 часа

Мицкоски со писмо до народот: Ви ветувам макотрпна работа и обнова на државата

Кус е периодот во кој можевте да ме запознаете, да стекнете впечаток за мене и за она што го преставувам...

Регион1 ден

(Видео) Петти ден протести во Србија, демонстрантите во Нови Сад ја блокираа полициската станица

И вечерва граѓаните на Нови Сад излегоа на протест на улиците и на половина час ја блокираа полициската станица „Стар...

Македонија1 ден

Од коронавирус почина 24-годишна пациентка од Тетово, немала хронични заболувања

Вчера на Инфективната клиника почина 24 годишна пациентка од Тетово од Ковид-19. Таа е еднa од најмладите пациенти во земјава...

Македонија1 ден

Нови 199 заболени и осум починати од коронавирус во земјата

Министерството за здравство информира дека во последните 24 часа се направени 1545 тестирања, а регистрирани се 199 нови случаи на...

Топ1 ден

Мaж нападнал четири лица во авто-кампот „Градиште“, има повредени

Доцна синоќа во полицијата било пријавено насилство кое се случило во авто-кампот „Градиште“ во Охрид. Според пријавеното, А.К.(32), кој претходно...

Регион1 ден

Хрватска, Албанија и БиХ бележат рекордни бројки на новозаразени од појавата на пандемијата

Во регионот деновиве забележан е пораст на бројот на заболени од ковид-19. Во Хрватска, Албанија и БиХ денеска е регистриран...

Македонија1 ден

Пендаровски за геноцидот во Сребреница: Идеите за етнички чисти територии секогаш водат кон трагедии

Претседателот, Стево Пендаровски, упати порака по повод 25-годишнината од геноцидот во Сребреница. „Пред 25 години се случи геноцидот во Сребреница...

Регион1 ден

Грција бара санкции за Турција: „Ердоган направи историска грешка“

Атина ќе изврши притисок врз меѓународните организации и ЕУ да воведат санкции кон Турција, поради промената на статусот на музејот...

Македонија2 дена

Уште два дена кампања

Уште два дена ќе трае предизборната кампања за парламентарните избори кои ќе се одржат в среда. Денеска и утре политичките...

Досие