Од „ЕВН Македонија“ инфрмираат дека се планирани технички зафати во дистрибутивната електромрежа во град Скопје поради што без електрична енергија ќе останат делови на Чаир, Кисела Вода, Сарај и Ѓорче Петров.

Во периодот од 8.30 до 15 часот без струја ќе бидат корисниците од улиците Орадан Чопела, Аврам Писевски, Менделеева и дел од улицата 1.664 (општина Чаир); во периодот од 8.30 до 10 часот корисниците со парни броеви од улицата Зеленгора во населбата Пржино (општина Кисела Вода); од 9.30 до 13.30 часот корисниците од улицата Иван Козаров, броевите 43 и 45,(општина Кисела Вода).

Од 9 до 14 часот струја ќе немаат корисниците од село Чајлане (општина Сарај), а во
периодот од 9 до 15 часот корисниците од село Волково, подулиците: 20, 22 и 84 во населбата Црквиште (општина Ѓорче Петров).

Министерката за надворешни работи на Бугарија, Екатерина Захариева изјави дека е можно до октомври да биде донесена одлуката за почеток на преговорите за влез во Европската Унија на Северна Македонија и Албанија.

„Сите држави, дури и оние, кои се скептични кон проширувањето, поддржаа европска перспектива за земјите од Западен Балкан, како еден од најголемите двигатели за реформите и демократизација во регионот, како и безбедноста и стабилноста“ рече Захариева.

Таа вели деке не може да биде сигурна дали ќе биде донесена одлуката за двете земји заедно.

„Решението е не подоцна од октомври, Советот да се врати на дискусија на оваа тема и да се препорача да започнат преговорите“ дополни Захариева.

Таа, сепак, подвлекува дека ќе биде историска грешка ако сега не започнат преговори и двете земји.

Министерството за образование ги објави резултатите од доставените прегледи на јавните средни училишта за бројот на пријавени и запишани ученици во првото пријавување, како и бројот на слободни места за второто пријавување (24 и 25 јуни 2019 година). Според нив, во првото пријавување вкупно се запишаа 11 826 ученици од кои 9 061 ученик за настава на македонски наставен јазик, 2 604 ученици за настава на албански наставен јазик, 130 ученици за настава на турски наставен јазик и 31 повторувач.

Според видот на образованието, најмногу ученици избрале стручно образование или 7000, додека 4 464 ученици се запишале во гимназиско образование.

Слободни места за второто пријавување има за вкупно 23 410 ученици и тоа во гимназиско образование 5 983 слободни места и во стручно образование 17 275 слободни места.

Второто пријавување и запишување на учениците ќе се врши на 24 и 25 јуни, а резултатите од запишувањето и слободните места ќе се објават на 26 јуни 2019 година.