Македонија
Мицкоски: Ќе поднесам тужба за монструозните обвинувања на Петровска
![](https://makfax.com.mk/wp-content/uploads/2024/07/slavjanka1.jpg)
Премиерот Христијан Мицкоски истакна дека со жалање го прочитал статусот на поранешната министерка Славјанка Петровска во кој таа упати обвинувања на негова сметка.
„Не е прв пат госпоѓицата Славјанка Петровска да нанесува удар врз мене и моето семејство на ваков подмолен начин, со многу лаги, измислици и конструкции. Таа за жал мене монструозно ме обвини, но јас тоа го оставам на нејзината чест и совест. Не би сакал да навлегувам во длабочината на нејзината мисла додека го креирала и го објавила овој пост. Се консултирав со мојот правен тим и ќе покренам тужба, затоа што би сакал органите, судот, до крај да го расветлат ова и да видат со какви докази располага госпоѓицата Петровска, дека јас сум нарачувал и охрабрувал убиства.
Сепак јас имам семејство, моето семејство функционира низ градот и не би сакал да се најде во непријатна состојба.“, одговори Мицкоски на новинарско прашање.
Тој посочи дека Петровска се обидува политички да спечали напаѓајќи го него лично и преку тоа и неговото семејство и најави дека во деновите кои следат ќе биде поднесена тужбата.
©Makfax.com.mk Доколку преземете содржина од оваа страница, во целост сте се согласиле со нејзините Услови за користење.
![](https://makfax.com.mk/wp-content/uploads/2022/08/makfax_logo_350px.jpg)
Македонија
На Богородица спречен обид за шверц на цигари, македонски државјанин се обидел да избегне плаќање давачки од 113 илјади денари
![](https://makfax.com.mk/wp-content/uploads/2024/09/zaplena-bogorodica-1.jpg)
Спречен шверц на 72 штеки цигари што македонски државјанин, без да ги пријави, сакал да ги внесе во Македонија преку граничниот премин Богородица. Вкупната вредност на штеките цигари изнесува 167.588 денари, при што вкупните давачки што лицето сакало да ги избегне изнесуваат 113.228 денари, извести Царинската управа.
Царинските службеници ги открија штеките цигари во кабината на камионот со кој управувало лицето. Цигарите биле скриени зад тапацирот во фабричката шуплина наменета за изолација на кабината.
Штеките со цигари се одземени, а против лицето се води соодветна постапка.
Царинската управа во рамките на своите надлежности спроведува активности за заштита на финансиските интереси на државата и сузбивање на нелегалната трговија.
Македонија
(Видео) Филипче: Законот за бранители излегува во пресрет на потребите на луѓето, нема етничка димензија
![](https://makfax.com.mk/wp-content/uploads/2024/09/filipce-pres-2.jpeg)
Законот за бранители излегува во пресрет на реалните потреби на преживеаните бранители, на тие со инвалидитет и на семејствата кои што имаат загинати бранители, изјави претседателот на Социјалдемократскиот сојуз на Македонија и пратеник, Венко Филипче, во одговор на новинарско прашање на денешната прес- конференција.
„Овој Закон е со цел да им се излезе во пресрет на реалните потреби и на барањата и тие луѓе кои имаат инвалидитет, на преживеаните и на семејствата коишто имаат загинати бранители. Сметам дека се што може да направиме во интерес на граѓаните и задоволување на нивните реални потреби ние го правиме и ќе го правиме и понатаму. Тука воопшто нема никаква димензија на некаква меѓуетничка поделба или подгревање на меѓуетнички тензии“, потенцираше претседателот на СДСМ и пратеник Венко Филипче.
На прашање во врска со реакциите на албанскиот политички блок дека Законот не задоволува и потреби на граѓаните Албанци и Филипче посочи дека пратеничката група на СДСМ и коалицијата е подготвена да разговара за сите аспекти, ако има потреба да се отвори и дебата на комисиската расправа со цел да се расчистат сите дилеми и доколку има потреба да се преземат дополнителни чекори за потребите на граѓаните.
Македонија
(Видео) Филипче: На чело си ја напишавте корупцијата со носењето на законот за кредит по скратена постапка
![](https://makfax.com.mk/wp-content/uploads/2024/09/filipce-pratenici.jpeg)
„Предлог законот, што веќе влезе во собраниска процедура во скратена постапка, и со кој Владата на ДПМНЕ ќе ги задолжи граѓаните со 500 милиони евра кај Унгарската експорт – импорт банка е одлука без преседан. Во услови кога за прв пат државата се задолжува директно кај друга држава, кога не постојат јасни критериуми и механизми за распределба на позајмените пари“, рече претседателот на СДСМ Венко Филипче, на прес-конференцијата заедно со пратеничката група на СДСМ и коалицијата.
„Kога не постои јасно утврден систем за контрола на трошењето на парите. Kога нема јасни одредби во законот кои тоа го гарантираат, кога има точки каде се кријат скриени трошоци кои не се јасно изразени за нас како СДСМ е недозволиво и крајно неодговорно да се носи овој закон во скратена постапка.
Со носење на овој Закон во скратена постапка целта на Владата е јавноста и граѓаните да бидат лишени од можноста детално да слушнат што се крие зад ова задолжување. ВМРО-ДПМНЕ го скрати правото на дебата и вклчување на експертската јавност во процесот на носење на самиот закон.
Ова јасно упатува на заклучок дека Владата има многу што да скрие во овој закон.
Сите овие постапки го потврдуваат ставот кој јас лично и СДСМ го кажавме по однос на ова задолжување, а тоа е дека е коруптивно и ја носи државата во должничко и политичко заложништво на Унгарија.
Самиот предлог Закон изобилува со нелогичности, недоречености и многу непознаници и истиот мора апсолутно да биде предмет на широка јавна расправа, прецизно утврдување на секој детал од овој договор и секој денар кој треба да го платат граѓаните како камата. Во самиот закон постојат јасно видливи членови и елементи со кои се потврдува огромната корупција“, изјави претседателот на СДСМ.
Би сакале да посочиме неколку клучни точки од законот со кој се потврдува договорената корупција и бизнис со овие пари.
Најважно, ова задолжување e договорено уште кога ВМРО-ДПМНЕ беше во опозиција, вонинституционално и во четири очи.
Како што тогаш бил договорен законот, надвор од сите процедури, така и сега Владата сака да го изгласа надвор од секаква дебата или анализа. Ова СДСМ го смета за скандал!
Затоа, информирам дека СДСМ кој ја води Комисијата за финансирање и буџет нема да го стави овој закон на расправа. Ја повикуваме власта да се вразуми, да го повлече Законот и да го стави во редовна процедура.
Да организираме јавна експертска дебата а законот да ги помине сите филтри. Да се прецизира секој аспект на задолжувањето, да се расчистат сите дилеми и да се гарантира дека граѓантие ќе бидат заштитени. Доколку ова не го направи ВМРО-ДПМНЕ тогаш јасно потврдува дека има сосема други скриени намери на кои предупрдувавме.
Еве му на Мицкоски шанса, да ја реалзира платформата која помпезно ја најави. Му подаваме рака во име на транспарентноста, правната држава, отчетноста, отвореноста. Вредности за кои тој вели дека се залага.
Еве му шанса да докаже дека сака заеднички да работи во интерес на граѓаните. Уште еднаш апелираме, срамно и недозволиво овој закон да се донесе во скратена постапка.
СДСМ бара да се искористат сите механизми на Собранието за јавна расправа по овој овој закон.
СДСМ бара да се свика јавна расправа на која ќе учествуваат експерти и стручната јавноста, за граѓаните да може да слушнат каков закон се планира и кои ќе бидат последиците од ова задолжување.
Ако го поминете законот вака, на чело ќе си ја напишете сами на себе корупцијата која ja правите. Немате оправдување за овој начин на носење на законот освен да ја скриете вистината и корупцијата која ja спремате“, изјави претседателот на СДСМ Венко Филипче.