Бране Петрушевски, пратеник од редовите на ВМРО-ДПМНЕ се обрати на денешната Комисија за финансирање и буџет во Собранието каде се осврна на опозициската СДСМ, при што истакна дека истата нема јасен став за линеарното зголемување на пензиите, со оглед на тоа што еден ден го поддржуваат, друг ден го критикуваат.

,,Очигледно е молчењето на СДСМ, кое што е стратегија откако влетаа во офсајт. Дали СДСМ и пратениците на СДСМ, го поддржуваат линеарното зголемување на пензиите кое што го направи оваа Влада, или не го поддржуваат? Затоа што доаѓаа какафонични изјави. Еден ден излегуваат и велат дека тоа е добро, друг ден доаѓа пратеник и објаснува како тоа не било добро, како тоа била дискриминација на оние кои што земале поголеми пензии“, рече Петрушевски.

Петрушевски побара некој од партијата да излезе и да каже јасен и официјален став.

,,Убаво е да излезе некој и да одговори кој е ставот на СДСМ, со оглед на актуелноста на темата и она кое што овој период се случува во Уставниот суд, а тоа е преиспитување на уставноста на оваа одлука. Замислете, почитувани граѓани пред се, преиспитувањето на одлуката е дали било дискриминација на оние пензионери кои што земале големи пензии, затоа што не добиле процентно поголеми суми, а овие биле повластени со маливе пензии, затоа што добиле два пати по 5000 денари“, кажа Петрушевски.

Според него, апсурдно е што Уставниот суд преиспитува дали постои дискриминација, а и како што вели, постојат повеќе врски меѓу СДСМ и оваа одлука за приспитување.

,,Замислете го апсурдот на ова, преиспитување на ова, преиспутвање на одлука, која што патем речено е директно поврзано со СДСМ од неколку апсекти. Прво, видовме овде како пратеници на СДСМ, ја бранеа Кацарска, која што е судија известител, а меѓу другото, позната е по тоа што се изучува на меѓународни факултети како не треба да се суди еден предмет, и која што молсаквично напредуваше во својата кариера за време на СДСМ после оние монтирани случаи“, истакна Петрушевски и додаде:

,,Неколку врски има меѓу СДСМ и оваа одлука за преиспитување од страна на Уставниот суд. Така што мора да знаеме дали СДСМ мисли дека ова зголемување на пензиите не е добро“.

Претседателот на Собранието на Република Северна Македонија, Африм Гаши, заедно со претседателот на Глобалниот совет за толеранција и мир, Ахмед Бин Мохамед Алџарван, го потпишаа Меморандумот за соработка помеѓу нашето Собрание и Меѓународниот парламент за толеранција и мир (IPTP).

„Овој Меморандум претставува важна институционална рамка која има за цел: продлабочување на меѓународната парламентарна соработка во областите на толеранцијата, мирот и демократскиот дијалог; редовно учество на Собранието на седниците, комитетите и иницијативите на IPTP; континуирана размена на информациите за активностите, документите и парламентарните проекти на оваа организација и координација на можностите за спроведување на заедничките настани, конференциите и проектите од заеднички интерес“, соопштија од Собранието.

Инаку, Глобалниот совет за толеранција и мир е меѓународна организација основана во 2017 година во Малта, врз основа на дипломатскиот договор со Владата на Малта, кој ѝ дава дипломатски привилегии и имунитети.

„Овој Меморандум претставува важен чекор во унапредувањето на улогата на Собранието на меѓународната арена и значаен придонес во промовирањето на вредностите на дијалогот, меѓусебното почитување и глобалниот мир“, се наведува во соопштението.

Претседателот на Комисијата за надворешна политика и надворешна трговија, Муса Џафери, оствари средба со казахстанскиот амбасадор Сатибалди Буршаков.

Двајцата соговорници изразија задоволство од првата меѓусебна средба во годината кога се одбележуваат 30 години од воспоставувањето на дипломатските односи со Казахстан и овогодинешното отворање на Амбасадата на Република Казахстан во Скопје.

Амбасадорот Буршаков информира за политичкиот и општествениот живот во Казахстан, за огромните ресурси со кои располагаат и за трговската размена со соседните, но и другите земји, вклучувајќи ја и Европската Унија. Во овој контекст стана збор за конкретни идеи и иницијативи во насока на зголемување на економската соработка со нашата земја во области од двостран интерес.

Како битен натамошен фокус беше потенцирано што поскоро воведување безвизен режим, со цел олеснето патување на граѓаните, развој на туризмот и зближување на народите.

Исто така, беше предложено зајакнување на парламентарните односи преку двонасочни посети на Комисиите за надворешни работи и трговија, но и Пратеничките групи за соработка, што беше едногласно прифатено од двете страни.