Контакт

Македонија

МТСП: Креираме активни мерки за вработување в година според потребите на регионите и бизнисот

Објавено пред

Министерството за труд и социјална политика, Агенцијата за вработување, бизнис-заедницата, локалниот економско социјален совет и останатите засегнати страни денеска во Битола ја одржаа втората регионална средба за креирање на новиот оперативен план за активни мерки за вработување за 2020 година.

Конкретните предлози се очекува да произлезат од локалниот економско социјален совет и стопанствениците од Битола, Ресен, Кавадарци, Велес, Демир Хисар и Прилеп, кои треба да ги дадат своите сугести за реалните потреби на пазарот на труд.

„Сметам дека овој тип дебати на локално ниво се клучни. Мерките се успешни кога се креираат според потребите на даден регион и за тоа веќе имаме успешен пример од минатата година. Во овој регион минатата година 700 лица ги користеле активните мерки за вработување. Верувам дека со добро планирање и сугестиите што ќе ги добиеме од бизнис-секторот можеме да го зголемиме бројот на вработувањата, но и да го обезбедиме потребниот кадар што недостига на компаниите и тоа ќе биде во интерес на сите“, рече Царовска.

Директорката на Агенцијата за вработување, Билјана Јовановска, истакна дека улогата на АВРСМ е да биде вистински сервис за невработените, но и за бизнис-заедницата.

„Министертвото за труд и социјална политика ги креира мерките за оперативниот план со цел истите да бидат успешно имплементирани. Имаме успешна релизација во 2018 година којашто е над 95 проценти. Ваква висока реализација очекуваме и годинава. Во овој регион во моментот имаме над 350 работодавачи коишто ги користат услугите за вработување и над 700 лица.

Истовремено работиме на враќање на довербата на Агенцијата. Се насочуваме кон нов начин на работење. Во моментот течат обуки за наши колеги кои ќе станат советници на работодавачите и тие треба да даваат директна стручна поддршка на бизнисот. Исто така, од нова година планираме да воведеме целосно нов концепт на работење“, рече Јовановска.

Градоначалничката на Битола, Наташа Петровска, ја поздави идејата за организирање на регионалниот состанок во Битола истакнувајќи дека само преку консултација може да се надмине проблемот со недостиг на кадар во Битола и во останатите општини од Пелагонсикиот и Вардарскиот Регион.

„Во Битола и во регионот недостига квалификувана соодветна работна сила и на овој проблем треба соодветно да се одговори. Годинава МТСП и Владата со четирикратно зголемените средства што ги има би можела да ви дадат соодветен импут во бизнисот преку овие мерки“, истакна градоначалничката Петровска.

Денешната средба во Битола беше органиизрана со поддршка на проектот за Зајакнување на социјалниот дијалог , кој го финасира ЕУ а го спроведува Меѓународната организација на трудот. Претходно регионална средба за ОП 2020 се одржа во Тетово, а до крајот на месецот ќе се одржат уште два регионални настани во Скопје и Струмица.

Македонија

(Видео) Митрески: ВМРО-ДПМНЕ е единствена опозиција што ги тргна итерпелациите што самата ги поднесе

Објавено пред

Координаторот на пратеничката група на СДСМ, Јован Митрески, истакна дека ВМРО-ДПМНЕ се однесува незрело и дека таа е единствена опозиција што тргнала итерпелации од дневен ред што самата ги поднела.

„Благодарам на можноста, прво, во врска со процедуралниот дел и членовите од Деловникот, член 45 и 48, да дадете да ги прочита студент од Правен факултет во прва година ќе ви каже што е уредено со Деловникот и како се постапува по поднесени интерпелации. Тие се разгледуваат на првата наредна седница по одредувањето на рокот за да одговорат министрите кон која е дадена интерпелацијата и тој дел е јасен и правно нема никакви дилеми и нема ништо поинакво од она што го кажа претседателот Џафери, а тоа го знаат и другите координатори на пратенички групи“, рече Митрески.

Сакам да се осврнам на фамозната 36. седница, на која вие бевте сведоци кои беа условите за да се одржи седницата, односно да биде изгласана потребата од скратена постапка на законите од петтиот пакет-мерки. Условите на кои и ние инсистиравме да не бидат така, меѓутоа опозицијата инсистира да се тргнат како точки од дневен ред, беа интерпелациите што тие ги поставија, истакна координаторот на пратеничката група на СДСМ.

„Јас досега во 30-годишната работа на Собранието, односно од кога постои Собранието, никогаш не сме виделе опозиција или кој било друг пратеник да достави интерпелации и да бара таа да биде тргната од дневен ред. На координациите и јавно од пленарната сала укажав на последиците од тоа што бараат тие да се случи за денес да бидеме обвинети дека сакаме да ја замолчиме опозицијата. Ќе повторам, денес нека поднесат пак интерпелации како што е по Деловникот и ќе бидат ставени на седница и за нив ќе дискутираме на ден што тие ќе го одредат. Јавно сум кажал на координации и секаде нека определат тие ден кога сакаат да ги разгледуваме интерпелациите, досега во овој мандат имаше една интерпелација на министерот Димитров, што беше поставена на една од седниците. Денот за гласање и дискусија по интерпелациите беше ден избран од опозцијата, поради пратеник што бил на патување, чекавме за да можел да говори пратеникот од опозицијата“, рече Митрески.

Прикажи повеќе...

Македонија

Утре променливо облачно со сончеви периоди

Објавено пред

Во текот на утрешниот ден времето ќе биде променливо облачно со сончеви периоди почести во источните делови. Во текот на денот облачноста ќе се зголемува и кон крајот на денот во западните делови ќе има врнежи од дожд, информира УХМР.

Ќе дува слаб до умерен ветер од јужен правец. Минималната температура ќе биде во интервал од 0 до 7, а максималната ќе достигне од 14 до 22 степена.

Во Скопје претпладне ќе биде променливо облачно со сончеви периоди. Ќе дува слаб до умерен јужен ветер. Минималната температура ќе се спушти до 3, а максималната ќе достигне до 21 степен.

Од УХМР најавуваат дека уште утре утринските температури на места ќе се спуштат до нула степени, а дневните и понатаму ќе бидат во пораст.

Од утре кон крајот на денот до сабота, под влијание на нов влажен бран, ќе има врнежи од дожд, кои на места ќе бидат пообилни и во тој период дневните температури ќе бидат за неколку степени пониски.

Прикажи повеќе...

Македонија

Министерката Шахпаска на онлајн-форумот за Западен Балкан, повика на еднакво општетсво за сите

Објавено пред

Министерката за труд и социјална политика, Јагода Шахпаска, денеска учествуваше на онлајн-форумот за Западен Балкан: „Дијалог на високо ниво за социо-економското влијание на пандемијата врз ранливите Роми во Западен Балкан и Турција“, во коорганизација на Европската комисија, Светската банка, Советот на Европа и УНДП и на која учество зедоа претставници на овие институции и министри од земјите од Западен Балкан.

Министерката Шахпаска посочи дека Владата и Министерство за труд и социјална политика имаат заедничка цел – еднакво општество за сите. Сите мерки и секоја политика, додаде таа, е креирана во насока на овозможување еднаква шанса за сите, со посебен акцент на најранливите категории граѓани, како што се Ромите, со цел да добијат еднаква можност за напредок и интеграција во општеството.

„Ромите се дел од сите владини мерки што беа донесени со цел справување со кризата предизвикана од пандемијата на Ковид-19. Конкретно, со последниот петти пакет антикризни мерки се предвидува финансиска поддршка за Ромите претприемачи преку креирање „мечинг-фонд за претприемаштво за Ромите“. Вредноста за оваа мерка е 123 милиони денари за 2021 година, а пред сѐ, е наменета за микро и малите компании, кои имаат ризици во работењето. Исто така, намерата е голем дел од оваа ранлива категорија граѓани да добие финансиска поддршка со цел формализирање на нивната дејност“, истакна Шахпаска.

Таа посочи дека Агенцијата за вработување на Република Северна Македонија презема низа активности за зголемување на вработувањето на невработените лица Роми како една од ранливите категории на пазарот на трудот.

Притоа била истакната соработката со УНДП како клучна и била посочена програмата „Ацедер“, која се реализира втора година по ред, а е фокусирана на поддршка на припадниците на ромската заедница за пристап до вработување со главна цел да се подобри социјалната инклузија и еднаквоста на Ромите во земјата.

„Досега постигнавме одлични резултати, од 2007 година со поддршка на УНДП над 210 нови бизниси се основани од ромски претприемачи во рамките на програмата за самовработување, заеднички спроведена со УНДП и националните партнери“, рече Шахпаска.

Притоа таа ја истакна важноста од активното и рано ангажирање на локалните власти и локалните невладини организации во кодизајнирање на локалните програми, имплементирање на интервенциите на локално ниво.

Прикажи повеќе...

Најново

Македонија3 часа

Рашковски, од куќен притвор, ќе оди во затворот во Шуто Оризари, одлучи Кривичниот совет

Кривичниот совет ја преиначи одлуката и, наместо куќен притвор, на ексгенералниот секретар на Владата, Драги Рашковски, и на сопственикот на...

Македонија4 часа

Нови 627 случаи на Ковид-19, починати се 47 лицa

Министерството за здравство информира, во согласност со податоците од Институтот за јавно здравје, дека во последните 24 часа, од направени...

Македонија5 часа

Инспекторите утврдија дека немало прекршувања за гласањето во скафандери

Не се констатирани неправилности и протоколите се обезбедни од страна на Собранието, извести Државниот инспекторат за труд по направениот вонреден...

Македонија6 часа

Владата за комплексот спроти „Холидеј ин“: Ќе се гради ако е во согласност со Законот за градење

Одобрението за градба се издава доколку се исполнети сите услови пропишани во Законот за градење, изјави владиниот портпарол Душко Арсовски, прашан...

Македонија7 часа

Шилегов: Го остваруваме 40 години стариот сон на скопјани за трамвај, обезбедувајќи систем подобар од трамвајот

Со денешното потпишување на договорот за заем меѓу Град Скопје, Министерството за финансии и Европската банка за обнова и развој...

Топ8 часа

(Видео) 12-годишно девојче тепа врснички во Велес, во полиција повикан и родителот

Малолетничка од Велес нападна врсничка, а настанот беше снимен со мобилен телефон и објавен на социјалните мрежи. Видеото на кое...

Македонија9 часа

Филипче: Иако бројките на заразени се намалуваат, периодов мора да бидеме претпазливи

Мерките даваат резултати, оцени министерот за здравство, Венко Филипче, по редовната утринска координација со директорите на клиниките. На состанокот се...

Македонија9 часа

Обвинeние за Вера Иванова, за аферата со дијализа

До кривичниот суд во Скопје поднесено е обвинение против Вера Иванова поради сторени кривични дела перење пари и злоупотреба на...

Македонија10 часа

(Видео) ВМРО-ДПМНЕ обвинува дека Богдановиќ седел во кафеана додека сите се под клуч, тој демантира

Саша Богдановиќ вчера беше во кафеана, го служеа келнери, додека сите останати се под клуч и полициски час, обвини денеска...

Регион11 час

Рама: Мини шенгенoт е можност за отстранување на границите меѓу Албанија и Косово

Албанскиот премиер Еди Рама го гледа мини шенгенoт како можност за, како што рече, отстранување на границите меѓу Албанија и...

Топ12 часа

Детали за убиството во Струга: Ја избол сопругата до смрт додека биле на гости кај пријатели

Дежурен јавен обвинител од Основното јавно обвинителство Струга синоќа изврши увид во стан во Струга каде што маж си ја...

Свет12 часа

(Видео) Дерек Човин прогласен за виновен за убиството на Џорџ Флојд, ова е моментот на изрекување на пресудата

Поротата синоќа донесе пресуда во врска со убиството на Афроамериканецот Џорџ Флојд. Полицаецот Дерек Човин е виновен по сите точки...

Свет12 часа

Зеленски му предложи на Путин да се сретнат во Донбас

Претседателот на Украина, Володимир Зеленски, преку видеопорака го повика рускиот претседател Владимир Путин да се сретнат каде било во Донбас....

Топ23 часа

Стружанец си ја убил сопругата со нож и се обидел да се самоубие

Стружанец ја убил својата 34-годишна жена по расправија. Убиството се случило доцна вечерва. Според првичните информации од увидот на полицијата,...

Македонија23 часа

Продолжени мерките за ограничување на движењето до 27 април

Владата донесе одлука со која постојните мерки за ограничување на движењето и за другите рестрикции и мерки за примена на...

Македонија24 часа

Бесплатни ковид-тестови за туристи што ќе престојуваат во државата

Со мерката 7 од шестиот антиковид-пакет на Владата ќе бидат обезбедени бесплатни ковид-тестови за странски туристи што ќе престојуваат во...

Спорт1 ден

Навивачите на Челси ја добија битката – клубот подготвен да ја напушти Суперлигата?

Дел од навивачите на Челси јасно го кажаа своето мислење за новата Европска Суперлига, откако го блокираа автобусот на својот...

Македонија1 ден

Филипче: Капацитетот на производство на Институтот „Торлак“ е милион дози на месечно ниво

Министерот за здравство, Венко Филипче, во рамките на денешната посета на Белград имаше предвидено и посета на Институтот „Торлак“, каде...

Македонија1 ден

Нови 766 заболени и 31 починат од Ковид-19

Во последните 24 часа се направени 3.171 тестирање, а регистрирани се 766 нови случаи на Ковид-19, и тоа во: Скопје...

Македонија1 ден

„Ќе можете ли да ни помогнете?“ – угостителите, игротеките и туристичките агенции на протест побараа финансиска помош

Континуирана финансиска поддршка за спас на туристичко-угостителскиот сектор побараа попладнево на протест угостителите, претставници на ноќните клубови, рестораните за свадби,...

Досие