На граничниот премин Табановце со Србија се чека по 20 минути за влез во државата, информира АМСМ.

„Интензитетот на сообраќај на патните правци надвор од градските средини е зголемен. На ГП Табановце се бележи зголемена фреквенција на возила, времето на чекање за влез во државата е околу 20 минути“, информира АМСМ.

На останатите гранични премини, од македонска страна, нема подолги задржувања.

АМСМ препорачува прилагодена брзина на движење, почитување на поставената сообраќајна сигнализација и внимателно управување со возилата, особено на патиштата низ котлините, речните долини и клисурите, каде има можност од појава на одрони. Ова посебно се однесува за делниците Катланово – Велес, Маврово – Дебар – Струга, Виница – Берово и Кочани – Делчево.

Регионалниот пат Ресен – Охрид (преку Галичица) е отворен за сообраќај. Препорака до возачите да пристапуваат внимателно на овој патен правец поради можната појава на помали одрони.

Од вторник под влијание на многу топла воздушна маса од југ, времето ќе биде стабилно и многу топло со натпросечни температури за овој период од годината, информира УХМР.

Времето утре ќе биде сончево и топло со мала до умерена облачност. Попладне на повеќе места ќе биде нестабилно со пороен дожд, грмежи и засилен ветер, информира УХМР.

Минималната температура ќе биде во интервал од 11 до 19 а максималната од 27 до 36 степени.

Вредноста на УВ-индексот ќе биде 8.

Во Скопје, претпладне сончево со мала до умерена облачност. Попладне ќе има развој на нестабилна облачност со краткотраен пороен дожд и грмежи. Ќе дува слаб до умерен северозападен ветер. Минималната температура ќе биде околу 16, а максималната ќе достигне до 33 степени.

Во следните денови, под влијание на многу топла воздушна маса од југ, времето ќе биде стабилно и многу топло со натпросечни температури за овој период од годината. Во вторник насекаде ќе бидат над 30, а во следните денови во повеќе места над 35, додека во најтоплите делови од земјата ќе достигнат околу 40 степени.

Потпретседателот на ВМРО-ДПМНЕ Александар Николоски по денешната посета на Општина Гази Баба на новинарско прашање зошто нема обрасци за лични документи и зошто граѓаните не можат да дојдат до пасоши, лични карти, возачки истакна дека ситуацијата е таква бидејќи Владата е неспособна и корумпирана. Тој посочи дека образци има за криминалци и за луѓе со сомнително досие, но не и за обичните граѓани на Македонија.

„ Во се се обидуваат да најдат личен интерес и затоа доцнат процесите. Пасоши нема за македонските граѓани, ама има за најголемите светски нарко босови и криминалци. Обичен човек не може да извади пасош ама Седат Пекер извади македонски пасош“, рече Николоски.

На тоа дно е донесена државата изјави Николоски да родителите треба да плаќаат за печатење на свидетелствата на нивните деца.

„ Родителите ќе си платат за свидетелствата на децата од една страна, а од друга страна оваа влада говори за некои големи проекти, за дигитализации, таблети, компјутери и така натака. Во услови кога едно обично свидетелство не можат да издадат на децата тие најавуваат дигитализација. Што ја покажува целосната неспособност и корумпираност на оваа Влада, изјави за медиумите Николоски.