Во текот на изминатото деноноќие, по однос на мерката за неносење лична заштита на лице регистрирани се 415 прекршоци.

Министерството за внатрешни работи апелира до граѓаните да ги почитуваат мерките и протоколите донесени од Владата со цел справување со Ковид -19.

„Ние сме генерација политичари која храбро и одговорно се зафати да го реши тоа што никој досега не го решил, за да не губиме време. Затоа што оваа земја нема време за да губи повеќе генерации. Затоа храбро ги донесовме сите одлуки. За само две и пол години од раб на граѓанска војна и крв во Собранието, стигнавме да седиме на иста маса со Америка, Германија, Франција и најголемите светски сили. Денеска ви давам збор нашето мото ќе биде да ги вратиме Македонците тука на Истокот, а да извезуваме макаедонски производи. Тоа ќе го постигнеме затоа што го вративме достоинството, затоа што за младите обезбедуваме преспектива, затоа што отвораме нови работни места“, порача Љупчо Никоовски, генераен секретар на СДСМ и носител на ИЕ 3 на Коалицијата „Можеме“, од синоќешната трибина во Делчево.

Тој потсети дека во 2016 година кога СДСМ барало доверба од граѓаните со конкретни проекти, а Никола Груевски, Илија Димовски, Игор Јанушев оделе низ Истoчниот регион и ги лажеле и манипулирале граѓаните дека ќе има кантонизација, федерализација.

„Ништо нема од тоа, освен реализација на конкретни мерки, враќање на парите кај граѓаните. Укинување на радиодифузната такса, решавање на проблемите на стечајците, покачување на минималната плата и на просечната плата, раст платите во сите други сектори, раст на пензиите. Тие ниту се радуваа кога се креваше македонското знаме пред седиштето на НАТО во Брисел, ниту аплаудираше Мицкоски кога станавме членки на НАТО. Две и пол години сакаат да не туркаат назад. За да се спасат од криминалот и за да не одговараат. Ги блокираа сите закони, гласаа против зголемувањето на минималната плата. Од мизерни 9.000 денари покажавме дека може да биде 14,500 денари. Го штитиме работникот, правата на работниците се светост“, рече Николовски.

Тој пред делчевци даде збор дека минималната плата до крајот на следниот мандат ќе биде 20.000 денари, а просечната плата ќе биде 34.000 денари, но и ќе се изгради и четврт експресен пат кој ќе го поврзува Кочани со Делчево, до граничниот премин.

Комисијата за заразни болести утрово одржа состанок на кој донесе одлука да достави предлог до Владата од утре при влез во нашата земја за сите граѓани од Србија, Косово, Босна и Херцеговина и Црна Гора да биде задолжително да достават ПСР тест не постар од 72 часа.

Препораката на Комисијата е донесена по разгледување на актуелната епидемиолошка состојба во наведените земји и согласно информациите добиени од медицинските власти во овие земји.

Оваа препорака Комисијата за зарaзни болести ќе ја поднесе до Владата за понатамошно постапување.