Контакт

Македонија

Неделен извештај на ИЈЗ: Намален бројот на нови случаи и на починати од коронавирус

Објавено пред

Според неделниот извештај на Институтот за јавно здравје, во периодот од 28 декември 2020 до 3 јануари тестирани се вкупно 10.778 материјали во лабораториите во кои се спроведува молекуларно тестирање и антигенско тестирање за присуство на SARS-CoV-2, со намалување од 17,9 проценти во однос на минатата недела.

Регистрирани сe 2.329 нови позитивни случаи од 33 града во државата со намалување од 30,9 отсто во однос на минатата недела, а повеќето од регистрираните случаи се од Скопје – 46,6 отсто.

Во периодот на известување процентот на позитивни од тестирани случаи на SARS-CoV-2 изнесува 21,6 % намалување од 4,1 % во однос на минатата недела.

Регистрирани се заболени лица во сите возрасни групи. Најзастапена е возрасната група на лица на возраст над 60 (n=688, 29,5 %). Голем број заболени се регистрира и кај лицата во возрасните групи од 50 до 59 (n=440; 18,9 %), 40-49 (n=404; 17,3 %), 30-39 (n=392; 16,8 %) и 20-29 (n=263; 11,3 %). Најмал број е регистриран кај децата од 0 до 9 (n=38; 1,6 %) и од 10 до 19 години (n=104; 4,5 %).

По добиени 2 негативни теста за присуство на SARS-CoV-2 или со употреба на новиот алгоритам, како оздравени се водат 3.884 лица, кои биле хоспитализирани или се на домашно лекување.

Пријавени се 93 смртни случаи од 22 града, со намалување од 27,9 % во однос на минатата недела. Во однос на возраста, 77 лицa биле над 60 години, 11 лица на возраст од 50 до 59 години, 4 лица на возраст од 40 до 49 години и еден смртен случај е пријавен од возрасната група 30-39 години.

Детаљниот извештај на Институтот за јавно здравје за состојбата со Ковид-19 за периодот од 28 декември 2020 до 3 јануари 2021 година, како и кумулативната состојба со Ковид-19 во Република Северна Македонија, се објавува на веб-страницата на Институтот за јавно здравје: http://iph.mk/.

Македонија

(Видео) Мицкоски побара поддршка и од Пленковиќ: Граѓаните заслужуваат стабилност

Објавено пред

Претседателот на ВМРО-ДПМНЕ, Христијан Мицкоски, и потпретседателот на партијата, Александар Николоски, денеска, во Загреб, имаа средба со премиерот на Република Хрватска, Андреј Пленковиќ, и со министерот за надворешни и европски прашања на Хрватска, Гордан Грлиќ – Радман.

На средбата Мицкоски побара од Хрватска да го поддржи деблокирањето на европските интеграции на државата посочувајќи дека, покрај ветото од источниот сосед, граѓаните не заслужуваат да бидат заложници на неспособната влада на чело со Зоран Заев, која не може да испорача резултати.

„Ветувањата наспроти делата покажуваат дека Македонија се соочува со растечка сиромаштија, пропадната бизнис-клима и галопирачка корупција. Додека регионот и светот се рекордери по успеси и достигнувања, Македонија е рекордер по украдени избори, попис, кој е фалсификат во најава, потрошени пари за поткуп, партизирано судство и селективна правда. Сето ова граѓаните ги прави несреќни и е јасен показател дека мора да се променат работите“, истакна Мицкоски, кој додаде дека граѓаните заслужуваат стабилност и големи чекори напред.

Мицкоски му се заблагодари на Пленковиќ за поддршката најавувајќи дека Македонија е подготвена за промени, за борба за обезбедување на иднината и за рестартирање на општеството.

Лидерот на ВМРО-ДПМНЕ, Христијан Мицкоски, со ова ја заокружува дипломатската регионална посета, при што за четири дена се виде и оствари значајни средби со тројца премиери: премиерот на Хрватска – Андреј Пленковиќ, премиерот на Словенија – Јанез Јанша и премиерот на Унгарија – Виктор Орбан.

Прикажи повеќе...

Македонија

Наставниците ѝ даваат зелено светло на реформата

Објавено пред

Новата концепција за основно образование што ја нуди Министерството за образование и наука ни дава можност да ја покажеме нашата креативност и да се докажеме како наставници преку поголемата слобода во изведување на воспитно-образовниот процес. По години назадување, на реформата гледаме како можност за промена на образовниот систем и приближување до најдобрите образовни системи во Европа и светот, рекоа наставниците по средбата со Министерството за образование и наука, Бирото за развој на образованието и членовите на работната група во рамките на широкиот консултативен процес за предложените реформи во основното образование.

Професорката Елена Масторидис од ОУ „Лазо Трповски“ во Карпош рече дека првпат по 30 години работно искуство, се појавила министерка која овозможила да се чуе гласот на наставниците и тие да дадат придонес врз основа на искуството за да може новата концепција успешно да почне во септември 2021.

Ставот на наставницитe е дека промените се прават во најдобар интерес како на наставниците така и на учениците.

„Сметам дека апсолутно треба да ја поддржиме, да ја прифатиме, да ѝ дадеме зелено светло на новата концепција кшто ја нуди Министерството, на кој начин ќе можеме да се докажеме и ние како наставници, нашата креативност, и сè она што досега ни било ограничено, а имаме поголема слобода во изведување на тој воспитно-образовен процес и во остварување на нашите цели“, рече Марина Видикова од ОУ „Тоде Хаџи Тефов“ од Кавадарци.

И Рухи Демири од ОУ „Луиѓ Гаракуќи“ од Желино ги поддржува промените во образовниот систем бидејќи „со нив добиваат учениците, наставниците и сите директно вклучени во системот на образование“. Тој очекува со новата концепција подобра и поквалитетна настава, а со тоа и подобра иднина.

Реформата на основното образование ќе придонесе за враќање на изгубената вредност на професијата наставник, ќе ги мотивира најдобрите ученици да сакаат да бидат наставници, а оние што веќе се во образованието добиваат можност за напредок и развој.

За наставниците, целосно е прифатливо фокусирањето на професионалниот развој, што значи напредок во кариерата, повисоки примања и подобри услови за работа. Рекоа дека овие промени наставниците ги бараат со години и сега, со реформата, конечно ќе се реализираат. Сметаат дека промените ќе значат квалитативен исчекор, токму затоа што наставниците се вклучени од самиот почеток во подготвување на реформата и што нивните мислења се целосно имплементирани.

Наставниците истакнаа дека за нив е клучно што сите наставници по сите предмети продолжуваат со работа, но на еден поинаков начин, преку соработка меѓу себе и заедничко оценување. Ќе следат тримесечни темелни обуки со цел успешно имплементирање на реформата.

Прикажи повеќе...

Македонија

Филипче: Првите вакцини од „Фајзер“ и од Србија ќе стигнат со интервентен увоз

Објавено пред

Не постои законска пречка за прием на вакцините против Ковид-19 во нашата земја. Првите дози на вакцината од „Фајзер“, која е договорена во директни преговори со производителот, како и 8.000 дози што од Република Србија треба да пристигнат во нашата земја, ќе бидат со интервентен увоз. Измената на Законот за лековите е поради глобалната политика на „Фајзер“, од каде што инсистираа апликант за регистрацијата на вакцината да биде нивното претставништво кое е со седиште во Холандија, одговорно за овој дел на Европа, вели министерот за здравство, Венко Филипче.

„Србија е единствената земја во целиот регион каде што има локално претставништво на ‘Фајзер’ и тоа на некој начин им ги забрза работите. Но, и тоа не е пречка, свесни дека е таква нашата законска регулатива, производителот ‘Фајзер се согласи првите количини вакцини што ќе дојдат во нашата земја и преку директниот договор, но и преку помошта од Србија, да дојдат со интервентен увоз за што има законска регулатива и за тоа не треба регистрација“, истакна Филипче.

Тој додава дека „Фајзер“ на нашата земја ѝ излезе во пресрет не сакајќи да се забави динамиката на пристигнување на вакцините.

„Со оглед на тоа што инсистираат регистрацијата да се биде кога-тогаш, не сакајќи да ја забават динамиката на пристигнување на вакцините, се согласија тоа да биде за следните количини во следните месеци поради тоа што ние поднесовме измена на Законот за лековите во Собранието за да овозможиме оваа конкретна вакцина да се регистрира преку апликант што не е регистриран како компанија во нашата земја“, објаснува Филипче.

Што се однесува до испораката на вакцините од Република Србија, Филипче појасни дека во моментот се чека одобрување од компанијата „Фајзер“ за интервентен увоз.

„Во интензивна комуникација сме со компанијата изминатите два дена, паралелно на нашите разговори во врска со нашиот директен договор, сега се чекаат и фајловите за да се дозволи таа количина од Србија да биде пратена во нашата земја. Тоа значи дека компанијата ‘Фајзер’ води сметка за буквално сите количини што ги дистрибуира во земјите дали и на кој начин евентуално се препраќаат во некои други земји“, додава министерот.

Во врска со измените на Законот за лековите, министерот изминатиов период имаше средби со пратеници на опозицијата, кои во разговор со него изразија поддршка и конструктивност за измените на законот.

Што се однесува до вакцините што во земјата треба да стигнат преку Ковакс-механизмот, министерот Филипче на 29 јануари ќе има состанок со претставниците од тој систем кога се очекува да добие информации кога и во кои количини вакцините ќе стигнат во нашата земја.

Тој нагласи дека здравствениот систем и сите други институции во државата се подготвени за процесот на вакцинација.

„Ние сме целосно спремни. Утрово имав состанок со директорот за Агенцијата за лекови МАЛМЕД, тамошните служби се целосно спремни да ги пречекаат документите, да ги издадат потребните административни формулари. Му укажавме на директорот на Царината и во таа служба се спремни вработените сите постапки да се завршат во најкус временски рок. Ние сме спремни со нашата инфраструктура, фрижидерите веќе се инсталирани, може тука да се складира огромна количина вакцини. Подготвен е и планот за вакцинација, секако здравствените работници се први, така што во моментот кога ќе пристигнат вакцините, имаме план по кој ќе се постапува“, изјави министерот.

Прикажи повеќе...

Најново

Македонија55 минути

Филипче: Првите вакцини од „Фајзер“ и од Србија ќе стигнат со интервентен увоз

Не постои законска пречка за прием на вакцините против Ковид-19 во нашата земја. Првите дози на вакцината од „Фајзер“, која...

Македонија3 часа

Собранието го изгласа законот за попис

По 19 години, во април ќе се одржи попис на населението во земјата. Собрането денеска со 62 гласа „за“, без...

Македонија4 часа

Брнабиќ: Ќе помогнеме вакцините на „Фајзер“ да се регистрираат во Северна Македонија

Српската премиерка Ана Брнабиќ за ТВ „Хепи“ изјави дека земјата е подготвена да испрати 8.000 вакцини во Северна Македонија и...

Свет4 часа

(Видео) Избувна пожар во индискиот Институт за серуми, најголемиот светски производител на вакцини

Пожар избувна во производствен капацитет што му припаѓа на најголемиот светски производител на вакцини, Институтот за серуми во Индија (СИИ),...

Македонија4 часа

Фетаи за „Монструм“: Овој чин не заслужува ништо помалку од доживотен затвор

Обвинителката Фатиме Фетаи, која го застапува случајот „Монструм“, преку анализа на доказите, односно вештачењата и сведочењата, му докажуваше на судот...

Македонија5 часа

Матурантите ја бојкотираат наставата

Матурантите го бојкотираат почетокот на второто поллугодие. Тие бараат да полагаат два наместо четири предмети од државната матура. „Сојузот на...

Македонија6 часа

Обвинение за двајцата насилници што во автобус на ЈСП се закануваа дека ќе стават патници во киселина

Скопското Обвинителство поднесе обвинение за двајцата насилници што во автобус на ЈСП се закануваа дека ќе стават патници во киселина....

Македонија6 часа

Министерството за здравство: Состојбата со коронавирусот е стабилна

Во согласност со неделните извештаи на Институтот за јавно здравје за изминатиот месец се бележи стабилизација на епидемијата во земјата,...

Европа7 часа

Научниците од „Оксфорд“ подготвуваат вакцина против новите видови коронавирус

Научниците од Универзитетот „Оксфорд“ се подготвуваат што побргу да произведат нови верзии на вакцина, кои ќе може да се борат...

Свет7 часа

По 10 години, демократите ја презедоа контролата и над Сенатот на САД

Тројца нови американски сенатори вчера положија заклетва непосредно по преземањето на претседателската функција на Џозеф Бајден давајќи ѝ на Демократската...

Македонија8 часа

Угостителските објекти од денеска ќе работат до 21 часот

Рестораните и другите угостителски објекти од денеска, наместо до 18, ќе работат до 21 часот. Во согласност со одлуката на...

Свет19 часа

Кина воведе санкции кон 28 лица од администрацијата на Трамп

Кина воведе санкции за 28 лица од Америка, вклучително и официјални лица од поранешната администрација на Трамп, обвинувајќи ги за...

Свет21 час

(Видео) По силната експлозија во Мадрид, една зграда е уништена, три лица загинаа

Една зграда е уништена, а околните згради се оштетени од силната експлозија којашто се случи недалеку од туристичката атракција Пуерта...

Свет22 часа

(Видео) Бајден положи заклетва: Победи демократијата

„Ова е ден на Америка, ден на демократија. Денес го славиме триумфот не на кандидатот, туку на пораката. Се слушна...

Македонија22 часа

Заев: Пописот е статистички процес неопходен за креирање на долгорочни развојни економски политики

„Остануваме целосно посветени на успешното спроведување на пописот, на неговата афирмација во делот на спроведување и поддршка на самиот попис....

Спорт24 часа

Финишот на полувремето кобен за Македонија, пораз од Словенија со 21-31

Добрите две третини од првиот дел од мечот меѓу Македонија и Словенија во рамки на главната фаза од ракометниот Мундијал...

Економија24 часа

Стратешкиот чешки инвеститор Групацијата АРИКОМА најавува продолжување на инвестициите во ИТ- експерти во Северна Македонија

На денешната прес-конференција присуствуваа претседателот на Владата на Република Северна Македонија, г. Зоран Заев, амбасадорот на Република Чешка во Република...

Македонија1 ден

72 нови случаи на Ковид-19, починаа 13 лицa

Министерството за здравство информира дека во последните 24 часа се направени 793 тестирања, а регистрирани се 72 нови случаи на...

Свет1 ден

(Видео) Трамп го одржа својот последен говор како претседател: Ќе се вратиме во некоја форма

Трамп последен пат ѝ се обрати на јавноста во својство на претседател на САД во воздухопловната база „Ендрус“, каде што се...

Македонија1 ден

Заев: Од функционерите прв треба да се вакцинира Филипче, па по него – јас

Премиерот Зоран Заев најави дека ќе ја прими вакцината за заштита од Ковид-19 веднаш по министерот за здравство, Венко Филипче,...

Досие