Утре претпладне се очекува облачно време со повремени врнежи кои и на некои пониски места ќе преминуваат во снег.

Во западните делови ќе се формира нова снежна покривка. Повремени слаби врнежи од снег се очекуваат и во делови од Скопската котлина.

Попладне врнежите ќе престануваат и ќе настапи постепено разведрување. Ќе дува засилен ветер од северен правец, особено вдолж Повардарието. Минималната температура ќе биде во интервал од -1 до 5, а максималната 3 од 9 степени.

Во Скопје наутро променливо облачно со повремен дожд кој во повисоките делови од котлината ќе преминува во снег. Потоа облачноста ќе се намали. Минималната температура ќе се спушти до 2, а максималната ќе достигне до 5 степени.

Поради продор на студена воздушна маса во текот на ноќта и утре претпладне ќе дува засилен северен ветер, а врнежите од дожд ќе преминат во снег и во некои од пониските места.

Во западните делови ќе се формира нова снежна покривка. Поради разведрувањето во среда и четврток утринските температури насекаде ќе бидат негативни.

Министерот за внатрешни работи, Оливер Спасовски, заедно со дел од раководството на Министерството, оствари работна средба со делегација на македонскиот Полициски синдикат, предводена од претседателот Марјан Кицев.

На средбата, како што посочуваат од кабинетот на Спасовски, тој го информирал раководството на Синдикатот за предлог-буџетот на Министерството за 2022 година и го потенцирал планираното зголемување на платите од 5 % за вработените во Министерството.

Ги потенцирал и досегашното реновирање на 63 полициски објекти и планот в година да се реновираат други полициски станици, како и почетокот на градба на ПС Аеродром, реконструкција на Центарот за обука во Идризово и реконструкција на Одделот за граѓански работи.

При реконструкциите особено се запазени и еколошката и штедливата компонента на користење енергетски ефикасни материјали, така што веќе ниту еден објект на МВР од в година нема да користи цврсти горива за затоплување, а генерирана е и заштеда само на електрична енергија од пет милиони денари.
Министерот Спасовски го информира раководството на Синдикатот за поделбата на новите униформи за повеќе оддели во МВР, како и за опремата (чевли, чизми, јакни и др.), која се очекува да стигне и да биде поделена до јануари 2022, објаснуваат надлежните.

Претседателот на македонскиот Полициски синдикат, Марјан Кицев, се заблагодари за соработката на Министерството со Синдикатот, за посветеноста кон унапредување на работните, материјално-техничките и оперативните услови за полициските службеници.

Министерот Спасовски и претседателот Кицев разговараа и за други теми важни за полициските службеници, како за условите од колективниот договор и листата на плати, решавање на проблемот со дневниците на полициските службеници настанат од Законот за извршување на буџетот и се сложија за најбрзо можно решавање на овие тековни проблеми, е нагласено во соопштението.

Министерството за здравство информира, согласно податоците од Институтот за јавно здравје,дека во последните 24 часа: Направени се 1.245 тестирања, а регистрирани се 118 нови случаи на Ковид-19: Скопје – 93, Кавадарци – 11, Битола – 5, Прилеп и Струга – по 2, Куманово, Велес, Крива Паланка, Кратово и Богданци – по 1.

Регистрирани сe 396 оздравени пациенти од: Скопје – 175, Битола – 37, Прилеп – 26, Кавадарци – 16, Штип – 15, Куманово – 13, Кочани – 12, Тетово – 11, Крива Паланка, Гевгелија и Берово – по 10, Велес – 9, Кратово и Делчево – по 8, Демир Хисар – 6, Охрид и Неготино – по 5, Валандово – 4, Свети Николе и Пробиштип – по 3, Струмица, Радовиш и Демир Капија – по 2, Струга, Гостивар, Кичево и Пехчево – по 1.

Во текот на изминатите 24 часа регистрирани се 18 починати лица: 6 починати лица од Скопје (63 г, 68 г, 70 г, 71 г, 72 г и 89 г), 3 починати лица од Струмица (71 г, 73 г и 87 г), по 2 починати лица од Пробиштип (60 г и 67 г) и Неготино (66 г и 90 г) и по едно починато лице од Битола (81 г), Демир Хисар (87 г), Кочани (78 г), Кратово (79 г) и Штип (65 г). Сите пријавени лица се починати во болнички услови.

Дополнително, согласно Регистарот на умрени лица со дијагноза Ковид-19 од Мој термин, се пријавени 4 починати лица со датум на смрт од 03.11.2021 до 26.11.2021. Регистрираните починати лица се од Скопје (2), Куманово (1) и Пехчево (1). Починатите лица се на возраст од 61г до 88г. Две од пријавените лица се починати во болнички услови и две лица во домашни услови .

Направени се 1.245 тестови преку: ИЈЗ-43, ЦЈЗ Скопје-45, ЦЈЗ Битола-0, ЦЈЗ Прилеп-0, ЦЈЗ Тетово–0, ЦЈЗ Куманово-0, Клиника за инфективни болести и фебрилни состојби-0, Судска медицина-0, лабораторија болница Козле-0, УК Пулмологија со алергологија –0, ГОБ 8-ми Септември-0, Институт за микробиологија–0, Жан Митрев (Филип Втори)-70, Авицена-75, Биотек-88, Систина-33, лабораторија Лаор-0, Синлаб-0, Ремедика-0, Плодност–0, Генеа-0, Никоб лаб-182, ВФВ Медикал-22, Ели Медика-21, Ројал Медика–0, Спектра-ММ-0, Рапид Лаб–0, Жан Митрев Струмица–0, Нова Лаб Дијагностика–0, ЈЗУ и ПЗУ (рапид тест) – вкупно 666.

Досега во земјата се направени вкупно 1.468.996 тестирања на Ковид-19. Вкупната бројка на ковид-дијагностицирани лица во нашата земја од почетокот на епидемијата изнесува 215.125, бројот на оздравени пациенти е 199.460, на починати е 7.569, а бројот на активни случаи изнесува 8.096.

Според епидемиолошки анализи во моментов, дистрибуцијата по градови е следна:

Дистрибуција по градови Заболени (вкупно), Активни случаи (вкупно)
Скопје 94103, Активни 3851
Куманово 12855, Активни 252
Тетово 11310, Активни 150
Прилеп 10156, Активни 401
Битола 8609, Активни 635
Гостивар 8059, Активни 29
Велес 7276, Активни 331
Кавадарци 6928, Активни 300
Штип 6563, Активни 177
Охрид 6435, Активни 295
Струмица 6089, Активни 159
Кичево 4221, Активни 81
Кочани 3982, Активни 181
Струга 3900, Активни 65
Гевгелија 2781, Активни 129
Неготино 2553, Активни 60
Свети Николе 2112, Активни 81
Крива Паланка 1877, Активни 133
Ресен 1734, Активни 107
Радовиш 1711, Активни 61
Дебар 1455, Активни 1
Берово 1422, Активни 82
Делчево 1382, Активни 133
Виница 1151, Активни 42
Пробиштип 1110, Активни 24
Валандово 926, Активни 50
Кратово 760, Активни 45
Богданци 642, Активни 40
Демир Хисар 608, Активни 78
Крушево 582, Активни 29
Македонски Брод 490, Активни 10
Демир Капија 423, Активни 6
Македонска Каменица 412, Активни 67
Пехчево 347, Активни 9
Дојран 161, Активни 2