Контакт

Македонија

Нова патна инфраструктура и решавање на децениски проблем е во фокусот на градоначалниците од Вардарскиот регион

Објавено пред

На денешната трибина „Промени што носат иднина во вардарскиот регион“ на отчетот за сработеното на политичкиот саем, „Саем на промени што носат иднина”, градоначалникот на општина Неготино, Горан Стојанов истакна дека во изминатата година се реализирани бројни проекти меѓу кои и решавање на проблемот со загубата на вода со што се реконструирани повеќе улици.

dobivaj vesti na viber

Во изминатата година општина Неготино реализираше бројни проекти со единствена цел подобрување на севкупните услови на живеење на граѓаните. Општина Неготино беше позната како општина каде имаше најмногу рестрикции за вода во изминатите неколку години проектите кои што беа започнати од нашите градоначалници без основ беа стопирани од претходната локална самоуправа па така со самото назначување мое решивме да го подобриме водоснабдувањето и да ги реконструираме и преостанатите улици каде што има проблем со губењето на вода. Во изминатиот период покрај 9 те улиците успеавме да реконструираме и 3 улици во вкупна должина од 500 метри и имаме уште проекти за 2 улици. За наредната година ќе имаме 14 улици кои што ќе бидат целосно реконструирани и ќе обезбедиме приклучоци за самите нив. Со што долгогодишниот проблем со загубата на вода и рестрикции на вода ќе биде оставен во минатото. Целиот тој проект ќе чини околу 9 милиони денари. Како регионална соработка општина Неготино ќе добие едно противпожарно возило што ќе ги замени старите возила. Неготино годинава од областа на културата за прв пат направи и фестивал за дуодрама насловен „Бранко Ѓорчев“, нагласи Стојанов.

Градоначалникот на општина Неготино, Горан Стојанов истакна дека следни проекти се реконструкција на градскиот плоштад, што веќе е започнато со планската документација, како и изградбата на кружниот тек на излезот кон Кавадарци.

Иако Неготино се наоѓа во центарот на Македонија сепак немам доволно инвестиции во општината. Како совет донесовме одлука за стимулација на инвеститори кои што ќе сакаат да инвестираат во општина Неготино за ослободување на дел од даноците кои што треба да ги плаќаат. За наредната година проекти се: реконструкција на градскиот плоштад, што веќе е започнато со планската документација, како и изградбата на кружниот тек на излезот кон Кавадарци. Во изработката на следниот буџет нема да биде изоставена ниту културата ниту спортот. Се планира и изградба на детски катчиња во сите урбани места во сите урбани единици, нагласи Стојанов.

Општина Лозово во изминатиот период вложи многу во образованието. За многу краток период од идеја до реализација успеавме да реализираме бројни проекти, денес со гордост можеме да се пофалиме дека основното општинско училиште Методи Митевски – Брицо во Лозово е едно од најдобро опремените училишта. Успеавме да обезбедиме лап топ компјутери за децата од прво и четврто одделение, таблети за децата од одделенска настава како во централното така и во сите подрачни училишта. Успеавме да обезбедиме интерактивни панели и смарт табли со ЛЦД проектори, рече градоначалникот на Општина Лозово, Бошко Цветковски на денешниот даден отчет на саемот на промените што носат иднина.

Цветковски посочи дека на тој начин генерално се заокружува оваа набавка на опремата во првиот дел од нашата година од владеење и во натамошниот период продолжуваме и понатаму да реализираме вакви проекти во делот на образованието.

Тој додаде дека во изминатиот период општина Лозово излезе на терен и на дело ја спроведе праксата граѓаните да креираат буџет.

Ако во изминатиот период се случувало да дојдат граѓаните и да наидат на затворена врата во општината, денес таа врата е широко отворена и заедно со целиот тим од општинската администрација излегуваме на терен и го посетуваме секој дом. Она што е исклучително важно дека во креирањето на програми ќе може да учествува секој граѓанин заедно со тим од општинската администрација го посетуваме секој дом се со цел граѓаните директно да можат да ни пренесат своите идеи и да дадат свои предлози кои понатаму можеме да го имплементираме во буџетот“, потенцираше Цветковски.

Градоначалникот на општина Свети Николе, Дејан Владев денес на трибината истакна дека Свети Николе ја има една од најмодерните противпожарни станици во Република Македонија. Тој појасни дека кога тој дошол како градоначалник во октомври месец 2021 година наишол на тоа дека старата противпожарна станица била комплетно урната, а пожарникарите биле сместени во еден објект под кирија каде што немале никакви услови, и немало простор каде да стојат противпожарните возила. Се смогнале напори и се стапило во контакт со одговорните чинители и за многу кратко време од страна на американската амбасада и изведувачот, на први февруари била започната изградбата, а завршила до 2-ри август. Од 2-ри август Свети Николе има комплетно нова противпожарна станица со сите модерни услови кои што ги заслужуваат вработените.

„Ние како локална самоуправа, ние со наши средства го опремивме внатре комплетно од смисла на сместување, кревети, мебел ентериер, и сите работи кои што се потребни за нашите пожарникари за да ги имаат основните услови за работа и за престој“, заклучи Владев.

Тој посочи дека имале три противпожарни возила што биле во функција, а некаде после новогодишните празници добиле донација од страна на доброволно противпожарно друштво уште едно возило. А, некаде кон крајот на ноември месец и почеток на декември се очекува од Вардарско плански регион уште едно ново противпожарно возило кое што треба да ги опслужува општините Свети Николе и Лозово.

„Сета работа и сет труд го насочивме во она што го нема Свети Николе, тоа е изградба на улици, асфалтирање на улици, канализации, водоводи, образование, спорт итн. Можам да кажам во претходната година имаме сработено или започнато околу 39 проекти. Од кои што како посебно задоволство ми е тоа што асфалтиравме во огромни потези во Свети Николе, од населбата Бел Камен до населба Рудина тоа е се некаде 8 – 9 улици со краци каде што има комплетно изградено два слоја на асфалт, комплетно сменета канализациона и атмосферска канализација, и поставување на тротоари. Исто така претходно направивме и нови асфалтирани улици, зборуваме за две улици со два крака во место викано Лозов Расадник, каде што има нови населби со нови куќи кои што во претходниот период го немало тоа. Не смееме да ги заборавиме и селата, еве можам да кажам дека во овој момент веќе се градат улици во село Градилиште, во село Ерџелија, и треба да почне во овој период во село Горовинци. А, паралелно се работи на комплетна реконструкција на улица Пиринска која што е во централното градско подрачје од Комуналното претпријатие до Пензионерскиот дом“, нагласи градоначалникот на општина Свети Николе.

Тој рече дека покрај промена на неколку километри на канализација на самото градско подрачје, е завршено и комплетно поставување на канализација во село Пеширово.

„Сите основни училишта и средното училиште се комплетно реновирани“, нагласи тој.

Градоначалникот на општина Велес, Марко Колев на денешната трибина за отчет на градоначалниците од вардарскиот регион истакна дека во Велес изминатата година се работи макотрпно, тоа што посочи дека е важно е да се има одлична соработка со советот, општинската администрација како и отворена општина за граѓаните, но како што додаде Велес како град на култура за една година во оваа област направи сериозен напредок.

Оваа година покажавме дека можеме, затоа покрај сите манифестации кои беа згаснати воведовме и нови, така ќе биде и во наредните три години. За прв пат воспоставивме театарски фестивал Петре во чест на големиот великан Петре Прличко, покрај тоа се одржа и интернационален фолклорен фестивал со претставници од многу земји, за прв пат воспоставивме фестивал ја џез и современа музика, продолжи скулптурската колонија, фестивалот за античка драма и секако фестивалот на велешка пита и вино го вративме по три години. Процесот на легализација 2000 предмети кои беа држени во фиока и не беа сработени и тоа ми беше едно од ветувањата, решивме голем број од нив. Вложивме многу патната инфраструктура, над 20 улици, подобрување на хигиена, зелени површини, субвенции за првачиња, поддршка на спортски манифестации и подобрување на спортска инфраструктура, рече Колев.

Колев потенцираше дека тоа што е ветено мора да се реализира, предизвици се енергетската криза, понатаму поддршката на изработка на документација за инвестиции во подобрување на патна инфраструктура со проекти од Светска банка, а општината ќе се фокусира и на подобрување во високите зони, проекти за спортско рекреативни комплекси, нови зелени површини, поддршка за спортски клубови, и се што се ветило да се реализира.

Киро Нацков градоначалник на општина Градско, во своето обраќање тој истакна дека со домаќинско работење можно е да се работи во интерес на граѓаните. За разлика од неговиот претходник кој според Нацков средствата на општината ги трошел по кафани, Нацков ги реализирал следните проекти:

Ние сме единствени во државата по тоа што имаме бесплатна градинка за сите деца во Градско, тоа го ветивме пред една година и го отпочнавме од први јануари оваа година, иако навидум кога го ветивме изгледаше за некој научна фантастика, дека не е возможно да се реализира и каде ќе најдете пари сега за тоа. Беше многу лесно да решам ние драстично ги намаливме трошоците од претходната власт која ги имаше за репрезентација, односно за трошење по кафани и парите ги пренаменивме за децата.

Тој рече дека имало инвестиции и во самото опремување на градинката како креветчиња, постелнини и нов систем за затоплување со кои условите се далеку подобри. Дополнително тој потенцираше дека во општина Градско се воведени стипендии за најдобрите студенти и ученици, за првачињата се обезбедил прибор и ранчиња, а во школите се поставени смарт табли во секоја училница.

Во формирањето на буџетот по преземањето на општините Нацков посочи дека се соочил со една карактеристична ситуација каде што затекнал не довршени улици за кои неговиот претходник немал обезбедено средства.

Се наоѓаш во една ситуација каде што или треба да ги оставиш така или да ги изработиш и притоа да обезбедиш финансиски средства кои што претходно општината ги немала и оваа ситуација да бидам искрен сите тие работи ги исплаќавме во оваа година, немавме и проекти кои беа оставени како готови, затоа самите на себе си дадовме еден вид на задача да изработиме нови проекти и го направивме тоа во изминатиот период. Имаме нов проект за партерно уредување во централното подрачје на Градско, имаме проект за изработка на сите улици во Виничани, проект за изработка на сите улици во Ногаевци, на дел од улиците во Водоврати, потоа имаме проект за осветлување на влезот на Виничани од излезот на селото до регионалниот пат, имаме проект за реконструкција на старата општинска зграда. Најголем дел од нив ќе се реализираат во наредната година и сами ќе си правиме буџетот кој ќе следи, рече тој.

 

Македонија

Љутков: Руралниот туризам приоритет на Министерството за култура и туризам

Објавено пред

Во пресрет на Саемот за рурален туризам, кој ќе се одржи на 31 јануари и 1 февруари во Центарот „Јавна соба“ во Скопје, министерот за култура и туризам Зоран Љутков се обрати на денешната прес-конференција што се одржа по тој повод.

dobivaj vesti na viber

Во своето обраќање, министерот истакна дека руралниот туризам ќе биде еден од стратегиските приоритети на Министерството, при што вакви настани ќе бидат сè почести во текот на 2026 година, а уште поинтензивни во 2027 и 2028 година.

„Преку проектот Е-75, активно работиме на развој на транзитниот туризам. Нашата цел е просечниот престој на туристите долж оваа траса, кој во 2026 година изнесува околу 24 часа, до 2028 година да достигне најмалку 72 часа“, изјави Љутков.

За 2026 година, Министерството за култура и туризам предвидува 36 милиони денари за програмски активности, како и дополнителни 150 милиони денари за субвенции во туризмот. Како што нагласи министерот, овие средства ќе се зголемуваат секоја година, имајќи предвид дека секој вложен денар во туризмот носи четирикратен економски поврат.

Љутков посочи дека руралните домаќинства и малите производители претставуваат клучен двигател на локалниот економски развој и дека токму во нив ќе се инвестира континуирано и стратешки, особено по спојувањето на ресорите култура и туризам.

На Саемот, претстојниов викенд, ќе учествуваат околу 50 излагачи од целата земја, а се реализира во организација на Министерството за култура и туризам, во партнерство со Амбасадата на Словенија, Швајцарската амбасада преку програмата ИМЕ, Земјоделскиот институт и Центарот „Јавна соба“.

Министерот Љутков упати благодарност до сите партнери и информираше дека на Саемот ќе присуствуваат и туристички агенции за дојдовен туризам, со цел остварување директни средби и можност за склучување договори со руралните домаќинства. За посетителите ќе бидат обезбедени и ваучери за попуст за да се поттикне поголема посетеност од домашната публика.

„Ги поканувам граѓаните да дојдат, да ги запознаат автентичните вредности на Македонија, да вкусат локални деликатеси и да ги доживеат руралните убавини на Македонија“, порача министерот Љутков на крајот од денешната прес-конференција.

Прикажи повеќе...

Македонија

Заврши мониторингот за Македонија од страна на Советот на Европа, за Мицкоски тоа е историски момент и признание за нивото на демократија

Објавено пред

Премиерот Христијан Мицкоски денеска одговарајќи на новинарско прашање во однос на тоа дека заврши мониторингот за Македонија од страна на Советот на Европа и дали можеме да го цениме ова како напредок, изјави дека тоа е историски момент.

dobivaj vesti na viber

„Ова е историски момент, би рекол рамо до рамо со денот кога се прогласи независноста. Односно, Македонија веќе не е опфатена со пост мониторинг од страна на Советот на Европа. За разлика од нас, сите овие фронтранери во регионов, нели имаме фронтранери во европските интеграции или се во мониторинг или се во пост мониторинг. Пред само три-четири месеци, земја членка на ЕУ, како Бугарија, излезе од овој пост мониторинг, сега и ние излегуваме. Тоа е само признание за нивото на демократија во државата.

Ќе ве потсетам, дел од вас бевте присутни пред неколку дена, кога ми беше поставено прашање, дали Владата влијае на слободата на говорот. Еве еден најголем демант, ова е најголемиот демант за квалитетот на демократијата во Македонија и слободата на говорот, владеењето на правото и сите процеси коишто ги мониторира Советот на Европа“.

Според него, тоа е уште една добра вест, покрај онаа каде Европската Унија го препозна проблемот со камионџиите.

„Тоа е уште една добра вест, покрај онаа со којашто Европската Унија го препозна проблемот со, не само камионџиите, би рекол, со друмските превозници, зборувам тука и на товарниот и на патничкиот сообраќај, не е само тоа случај кај превозниците со камиони. Но, во периодот што следи ќе има уште многу добри вести. Така што сите оние невистини, лаги од страна на опозицијата коишто беа кажувани изминатиов период и злоупотребувани, полека се распрснуваат како меур од сапуница. Но, и на оние нивни перјаници во медиумите коишто ги засилуваат лагите на опозицијата, мислејќи дека на тој начин ќе ми наштетат мене и на Владата. Еве нема поголем демант од овој којшто дојде директно од Стразбур, од Советот на Европа. Којшто вели Македонија како држава е зрело демократско општество, владее правото, нема замолкнување на слободна новинарска мисла, се почитува слободата на говорот и дека таа држава е зрела, да понатаму ја гледаме како навистина зрела демократија, за разлика од другите земји од Западен Балкан. Сите се или во пост мониторинг или во мониторинг, вклучително тука зборам и фронтранерите Црна Гора, Албанија и така натаму.“

Прикажи повеќе...

Македонија

СДСМ во Собранието го поднесе Законот за минимална плата од 600 евра за работниците

Објавено пред

Пратеничката група на СДСМ денеска во Собранието го поднесе предлог Законот за изменување и дополнување на Законот за минимална плата, соопштија од оваа партија.

dobivaj vesti na viber

„Согласно потребите на работниците и барањата на синдикатите, со измените вистината на минималната плата се одредува на 36.960 денари односно 600 евра.

Во образложението се наведува дека во текот на 2025 година е евидентиран континуиран пораст на инфлацијата, при што индексот на трошоците на живот бележи значително зголемување. Особено кај основните прехранбени производи, енергенсите, комуналните услуги и здравствените трошоци, кои имаат директно и најсилно влијание врз месечните трошоци на домаќинствата.

Поскапувањата кај храната и основните животни намирници, како и растот на цените на електричната енергија, греењето и услугите, реално ја намалуваат куповната моќ на работниците, особено на оние кои примаат минимална плата“.

Ова, како што велат, особено се одразува врз најранливите категории на работници, кај кои минималната плата претставува единствен или доминантен извор на приходи.

Дополнително, според СДСМ,синдикатите, како легитимни претставници и заштитници на правата на работниците, во континуитет укажуваат на потребата од дополнително зголемување на минималната плата, со цел ублажување на ефектите од инфлацијата, обезбедување достоинствен животен стандард и зголемување на социјалната сигурност на работниците и нивните семејства.

„Финансиските импликации за овој закон се во износ од 7.500.000.000 денари.

СДСМ е на страна на работниците. Очекуваме поддршка од сите парламентарни партии.

Ајде да обезбедиме достоинствена плата за работниците. Време е“.

Прикажи повеќе...

Најново

Македонија48 минути

Заврши мониторингот за Македонија од страна на Советот на Европа, за Мицкоски тоа е историски момент и признание за нивото на демократија

Премиерот Христијан Мицкоски денеска одговарајќи на новинарско прашање во однос на тоа дека заврши мониторингот за Македонија од страна на...

Македонија2 часа

ССМ следната недела ќе го блокира Собранието: Пратениците ќе мораат на работа пеш и без патни трошоци, ќе ги удриме по џебот како тие нас

Прва институција која ќе ја блокираат работниците како продолжение на протестот за 600 евра минимална плата и зголемување од 100...

Свет5 часа

Кремљ: Путин се согласи на привремен прекин на огнот

Кремљ соопшти дека рускиот претседател, Владимир Путин, се согласил да ги запре нападите врз украинските градови до 1 февруари. Портпаролот...

Македонија5 часа

Левица: ДПМНЕ со 2,2 милиони денари ја почестиле фирмата на синот на антикорупционерката Ристовска

Само во 2024 година, во рамки на изборната кампања за претседателските избори, една од фирмите на синовите на Цвета Ристовска...

Македонија5 часа

Утре посебен сообраќаен режим во Скопје поради протестниот марш „Стоп за Цементара“

Утре, со почеток во 12:00 часот ќе се одржи протестен марш „Стоп за Цементара“ со траса на движење од пред...

Македонија5 часа

Изгласана Резолуцијата за затворање на постмониторинг дијалогот со Македонија: „Ова е потврда за напредокот на државата“

Во текот на јануарската сесија на Парламентарното собрание на Советот на Европа, на која учествуваат пратениците Иванка Василевска, Беким Ќоку...

Свет6 часа

Мишел го критикува Руте: Престани да бидеш американски агент и обедини го НАТО

Генералниот секретар на НАТО, Марк Руте, треба да престане да биде „американски агент“ и да го обедини расцепканиот воен сојуз...

Топ7 часа

Кривична пријава за „проневера во службата“ против претседател на ловечко друштво од Струмица

СВР Струмица до Основното јавно обвинителство Струмица поднесе кривична пријава против 41-годишниот Д.Р. од Струмица, поради постоење на основи на...

Свет9 часа

Стармер ја посети Кина, односите меѓу двете земји се зајакнуваат; Трамп: Она што го прават е многу опасно

Американскиот претседател Доналд Трамп изјави дека е „многу опасно“ за Велика Британија да соработува со Кина, додека британскиот премиер Кир...

Свет9 часа

САД се закануваат со царини за увозниците на нафта за Куба: „Очекувам Куба наскоро да пропадне“

Американскиот претседател Доналд Трамп се закани со нови царини за земјите што испорачуваат нафта на Куба, засилувајќи го притисокот врз...

Свет10 часа

Нова анкета: Довербата во Трамп опадна, поддршката губи и кај републиканците

Една година по неговиот втор мандат, ставовите на Американците за претседателот Доналд Трамп, кои и претходно беа повеќе негативни отколку...

Македонија10 часа

Голем одрон кај село Ратево, магла на патниот правец Тетово – Гостивар

На патниот правец Р-1302 Берово – Струмица (кај село Ратево) поради поголем одрон сообраќајот се одвива по направена девијација во...

Европа10 часа

(Видео) Русите се предадоа на украински вооружен робот

Додека руската инвазија на Украина влегува во својата четврта година, далечински управуваните копнени роботи стануваат вообичаена глетка на бојното поле....

Македонија23 часа

Мицкоски: Ако заѕиданите пари биле од продажба на нива, што би барале во ѕидот?

Којзнае колку илјадници евра биле заѕидани, изедени и потрошени, ова е последица на антиуставниот имплант СЈО, вели премиерот Христијан Мицкоски....

Македонија1 ден

Грипот стивнува, намалени бројките на новозаболени, но остануваат препораките за маска во простории со многу лица

Институтот за јавно здравје и оваа недела пријави помал број новозаболени од грип и заболувања слични на грип. Директорката Марија...

Македонија1 ден

Брисел ги прифати барањата, возачите се признаени како професионалци, го решаваме проблемот со превозниците, објави Николоски

Вицепремиерот и министер за транспорт и врски Александар Николоски соопшти дека од Брисел пристигнале, како што вели, „одлични вести“ во...

Македонија1 ден

(Видео) Филипче: Техничката влада мора да остане, не се созреани условите за укинување

Претседателот на СДСМ, Венко Филипче истакна дека техничката влада мора да остане затоа што не се созреани условите за нејзино...

Македонија1 ден

Бислимоски и РКЕ очекуваат расчистување на случајот со „Тритерол Петрол“: Постапено е согласно закон

Регулаторната комисија за енергетика, водни услуги и услуги за управување со комунален отпад (РКЕ) и претседателот Марко Бислимоски се отворени...

Топ1 ден

Мицкоски: Нема да има уставни измени без загарантираните права на Македонците во Бугарија и без гаранции дека нема да се соочуваме со блокади од субјективни причини

На денешната собраниска седница за пратенички прашања премиерот Христијан Мицкоски одговарајќи на пратеничко прашање на пратеникот Скендер Реџепи околу уставните...

Македонија1 ден

Силувале 13-годишно девојче, ја удирале и навредувале: осомничени четири лица од Неготинско

Јавен обвинител од Основното јавно обвинителство Кавадарци донесе Наредба за спроведување истражна постапка против четири лица за кои постои основано...