Македонија
Нов земјотрес oд 4,5 степени ја стресе Битола
Попладнево во Грција е регистриран нов земјотрес со интензитет од 4,5 степени според Рихтеровата скала, што беше почувствуван во Битола.
Епицентарот на земјотресот е на 8 километри од Лерин (Флорина), на длабочина од 2 километра.
По овој земјотрес, следуваше уште еден од 3 степени според Рихер.
Map of felt reports received so far following the #earthquake M4.5 in Greece 41 min ago pic.twitter.com/t4RM9M86MZ
— EMSC (@LastQuake) January 11, 2022
©Makfax.com.mk Доколку преземете содржина од оваа страница, во целост сте се согласиле со нејзините Услови за користење.
Македонија
СДС лаже за политички прогон, судиите и обвинителите во случајот „Сокол“ се кадар и мрежа на Заев, велат од ВМРО-ДПМНЕ
Кога СДС обвинува за политички прогон од ВМРО-ДПМНЕ, во случајот со криминалот на Филип Андонов Сокол треба да кажат дека судијата кој го осуди е поврзан со судиите и обвинителите кои го замрзнуваа имотот на ВМРО-ДПМНЕ и се изживуваа со наши членови со години додека СДС беше власт, велат од ВМРО-ДПМНЕ.
„Судијата која изрече пресуда за Филип Андонов Сокол е син на Јавната обвинителка, Елизабета Јосифовска, која беше дел од СЈО и го замрзна имотот на ВМРО-ДПМНЕ.
Истиот овој судија е поставен од кадарот на Заев, Иван Џолев, со само една година стаж во одделот за организиран криминал во Кривичниот суд.
Додека обвинителка во предметот на Сокол е Валентина Беслимовска истата што го повлече обвинението за Зоран Заев и го амнестираше“.
Од партијата на власт прашуваат, како овие судии и мрежа обвинители се дел од мрежа на ВМРО-ДПМНЕ.
„Луѓето кои хараа со Заев и Филипче можат да бидат само дел од системот на СДС и никако поинаку“.
Македонија
Следната ќе биде година на темелни реформи, отворање на портите на Европската унија за Македонија, велат од Демократскиот сојуз
Следната година ќе биде година на темелни реформи, отворање на портите на Европската унија за Македонија и врвни резултати, велат од Демократскиот сојуз.
„Ќе ја афирмираме потребата од темелни реформи во судскиот систем, донесување на закон за борба против организираниот криминал и формирање на независна Агенција против тешките облици на криминал, департизација на институциите, донесување на нов Изборен законик со кој Македонија ќе биде една изборна единица и услови за рамноправен изборен натпревар без трошење на пари од Буџетот, како и имплементација на конкретни програми за заштита на животната средина и дефинирање на минимална пензија.
За младите ќе иницираме тие да одлучуваат за својата иднина за да создаваат и творат овде во нашата татковина“.
Македонија
Остатоци од смрзнат снег на планинскиот превој Ѓавато
Сообраќајот на државните патишта се одвива непречено, по наместа влажни коловози.
На планинскиот превој Ѓавато има остатоци од смрзнат снег.
Од 15.11.2025 година започна законската обврска за задолжително поседување на зимска опрема во возилата, без оглед на моменталната временска состојба. Оваа обврска ќе трае до 15.03.2026 година. Повеќе информации може да прочитате на овој линк.
Интензитетот на сообраќај на патните правци надвор од градските средини е умерен. На граничните премини од македонска страна, нема подолги задржувања за влез и излез од државата.
АМСМ препорачува прилагодена брзина на движење, почитување на поставената сообраќајна сигнализација и внимателно управување со возилата, особено на патиштата низ котлините, речните долини и клисурите, каде има можност од појава на одрони. Ова посебно се однесува за делниците Катланово – Велес, Маврово – Дебар – Струга, Виница – Берово и Кочани – Делчево.

