Контакт

Македонија

Обвинение против Рашковски и шест други лица, со нелегално стекнатите пари си ги исплатил кредитите

Објавено пред

По неколкумесечна истражна постапка, надлежен јавен обвинител од Основното јавно обвинителство за гонење организиран криминал, денеска поднесе обвинение против поранешниот генерален секретар на Владата, Драги Рашковски, сопственикот на фирмата која ги продавала спорните софтвери и ангажирани во Владата, односно вкупно против седум лица.

Како што информираат од Обвинителството, првообвинетиот се товари дека сторил кривично дело злоупотреба на службената положба и кривично дело перење пари и други приноси од казниво дело, второ и трето обвинетите се товарат за помагање во извршување на кривичното дело злоупотреба на службената положба, додека останатите лица се обвинети дека помагајќи исто така ги злоупотребиле своите овластувања.

„Во периодот од јуни 2017 година до февруари 2021 година, во Генералниот секретаријат на Владата, првообвинетиот, како службено лице, со умисла помогнат од второ и трето обвинетите, надворешни соработници, извршиле повеќе временски поврзани нелегални дејствија. Првообвинетиот не ги извршил своите службени должности при спроведување на четири постапки за јавна набавка за Систем за биометриска идентификација, јавна набавка на Софтвер за определување на просечна брзина на возила во сообраќајот и изрекување казни, набавка на стоки – ANPR камери за препознавање на регистарски таблички за возила и јавна набавка на работи – метални кабини за потребите на системот за биометриска идентификација и системот за автоматско препознавање на регистарски таблички. Во една од постапките за јавна набавка, со умисла во сторувањето на кривичното дело му помогнал и четвротообвинетиот, сопственик и управител на економски оператор.

Првообвинетиот, јавните набавки ги спровел спротивно на начелото за економичност при користење на јавните средства, дал насоки за изготвување на техничка спецификација за јавната набавка во консултации со подизведувач и со учесници во постапката, во текот на постапката за јавната набавка комуникацијата не ја вршеле со користење електронски средства, туку лично, дефинирал технички спецификации што упатуваат на конкретен патент, не извршил имплементирање и обуки на она за што биле склучени договорите за јавни набавки, ​со што за четирите економски оператори прибавил корист – право да учествуваат во постапките за јавни набавки и да склучат договори за истите и им овозможил да се стекнат со имотна корист во вкупен износ од 17.474.137 денари“, се наведува во соопштението.

Воедно, првообвинетиот (Рашковски), како службено лице, го искористил службеното овластување – да склучува авторски договори со физички лица, иако знаел дека шесто и седмообвинетите воопшто не ги извршувале своите работни задачи согласно склучените договори, сепак им исплаќал месечни хонорари.

Второобвинетиот и шесто и седмообвинетите согласно договорот што го имале со генералниот секретар на Владата за поделба на паричните средства, подигнувале дел од исплатените средства во готовина со цел да му ги предадат на првообвинетиот. Со овие дејствија е нанесена штета на државниот буџет во вкупен износ од 1.320.000 денари.

Во временскиот период од 5 јуни 2017 година до 5 мај годинава, во Скопје, Рашковски, пуштил во оптек пари во вкупен износ од 5.378.319 денари, за кои знаел дека потекнуваат од кривично дело, па со намера да го прикрие потеклото на средствата во повеќе наврати, откако ќе ги добиел парите од кривичното дело, ги пуштал во промет вршејќи готовинска уплата на сопствените сметки и банкарски картички и на сметките на членовите на своето семејство, а исто така предвремено ги исплатил претходно земените кредити.

Ценејќи дека околностите врз основа на кои на првообвинетиот и четвртообвинетиот им е определен куќен притвор се непроменети, предметниот обвинител доставил и посебен предлог за продолжување на куќниот притвор.

Исто така, со обвинителен акт е предложено да биде определена привремена мерка за обезбедување на имотно-правно барање на износ од 5.050.000 денари, за сторената штета во вкупен износ од 18.794.137 денари што настанала поради извршување на кривичното дело.​

Македонија

Вархељи повика на итно решавање на спорот со Бугарија до крајот на годината

Објавено пред

Еврокомесарот за проширување, Оливер Вархељи, очекува зелено светло за преговорите со Северна Македонија и Албанија и повика на итно решавање на спорот со Бугарија до крајот на годината.

Вархељи пред новинарите изјави дека се сретнал со лидерите на Бугарија и Северна Македонија. Еврокомесарот нагласи дека е свесен за изборите во двете земји, но испорачувањето датум е многу поважно од прашањето за изборите.

„Одложувањето датум за преговори за Скопје и Тирана има негативно влијание врз кредибилноста на Унијата. Двете земји го испорачаа она што се бараше од нив“, рече тој.

Повтори дека Албанија и Северна Македонија не треба да се двојат откога бугарскиот европратеник Андреј Ковачев предложи почеток на преговорите со Албанија место да ја чекаат Северна Македонија да го реши спорот.

„Големо мнозинство земји членки не сакаат одвојување, така што сакаме да најдеме решение“, изјави Вархељи.

Вархељи ги повика европарламентарците да влијаат на своите земји да овозможат напредок за ова прашање со цел и самата ЕУ да оди напред.

Прикажи повеќе...

Македонија

Регистрирани нови 472 случаја на коронавирус, починаа 8 лица

Објавено пред

Денес се регистрирани 472 нови лабораториски позитивни случаја на коронавирус, со што вкупната бројка на дијагностицирани лица со Ковид-19 од почетокот на пандемијата изнесува 197.669 лица.

Оздравени се 498 пациенти, а пријавени се 8 починати лица во изминатите 24 часа.

Министерството за здравство информира, во согласност со податоците од Институтот за јавно здравје, дека во последните 24 часа:

• Направени се 3.431 тестирање, а регистрирани се 472 нови случаја на Ковид-19: Скопје – 222, Куманово – 47, Прилеп – 30, Велес – 23, Битола – 22, Кавадарци и Кочани – по 16, Штип – 15, Гевгелија – 9, Тетово, Охрид и Крива Паланка – по 8, Кичево – 7, Ресен – 6, Делчево и Виница – по 4, Гостивар, Струмица, Радовиш, Берово и Пробиштип – по 3, Неготино, Свети Николе и Дебар – по 2, Валандово, Кратово, Богданци, Крушево, Демир Хисар и Македонска Каменица – по 1.

• Регистрирани сe 498 оздравени пациенти од: Скопје – 255, Куманово – 58, Велес – 28, Охрид – 19, Струмица – 18, Прилеп – 17, Битола – 15, Кавадарци и Штип – по 14, Струга – 9, Кичево – 7, Крива Паланка – 5, Тетово, Кочани, Гевгелија, Неготино и Радовиш – по 4, Свети Николе, Кратово и Македонска Каменица – по 3, Ресен, Делчево и Пробиштип – по 2, Виница, Богданци, Демир Хисар и Македонски Брод – по 1.

• Во текот на изминатите 24 часа регистрирани се 8 починати лица: 5 од Скопје (86, 77, 77, 68 и 43), 2 од Кочани (85 и 68) и едно починато лице од Виница (47). Сите пријавени лица се починати во болнички услови.

Дополнително, во согласност со регистарот на умрени лица со дијагноза Ковид-19 од „Мој термин“, пријавени се уште 6 починати лица со датум на смрт од 18.9.2021 до 12.10.2021 година. Регистрирани се двe починати лица од Скопје и по едно починато лице од Тетово, Крива Паланка, Куманово и од Кавадарци на возраст од 51 до 80 години. Од пријавените лица, 4 се починати во болнички услови, а 2 во домашни услови.

• Направени се 3.431 теста преку: ИЈЗ – 312, ЦЈЗ Скопје – 51, ЦЈЗ Битола – 86, ЦЈЗ Прилеп – 49,
ЦЈЗ Тетово – 44, ЦЈЗ Куманово – 55, Клиника за инфективни болести и фебрилни состојби – 0, Судска медицина – 0, лабораторија во болницата во Козле – 0, УК Пулмологија со алергологија – 0, ГОБ „8 Септември“ – 0, Институт за микробиологија – 14, „Жан Митрев“ („Филип Втори“) – 54, „Авицена“ – 164, „Биотек“ – 238, „Систина“ – 97, лабораторија „Лаор“ – 150, „Синлаб“ – 19, „Ремедика“ – 20, „Плодност“ – 44, „Генеа“ – 9, „Никоб лаб“ – 344, „ВФВ медикал“ – 46, „Ели медика“ – 42, „Ројал медика“ – 12, „Спектра-ММ“ – 5, „Рапид лаб“ – 1, ЈЗУ и ПЗУ (рапид-тест) – вкупно 1.575.

Досега во земјата се направени вкупно 1.347.969 тестирања на Ковид-19.

Вкупната бројка на ковид-дијагностицирани лица во нашата земја од почетокот на епидемијата изнесува 197.669. бројката на оздравени пациенти е 183.972, на починати е 6.978, а бројот на активни случаи изнесува 6.719.

Прикажи повеќе...

Македонија

Северна Македонија продолжува да ги исполнува условите за преговори за членство во ЕУ, се наведува во новиот извештај

Објавено пред

Северна Македонија продолжува да ги исполнува условите за отворање на преговорите за членство и властите ја демонстрираа јавно својата цврста заложба да продолжат по европскиот пат.

Земјата задржа постојан и одлучен тек во напредувањето во делот на ЕУ-реформите и ги зголеми своите напори за испорачување конкретни резултати и натаму. Ова се наведува во извештајот за реформскиот напредок за Северна Македонија, кој е објавен во Стразбур. Еврокомесарот за проширување, Оливер Вархељи, денеска го презентира извештајот пред пратеници од Комисијата за надворешни работи на Европарламентот, пренесе „Дојче веле“.

Европската комисија предупредува дека одлагањето на официјалниот почеток на преговорите за членство има негативни последици врз кредибилитетот на ЕУ. Поради тоа, како што се наведува во извештајот, билатералните прашања меѓу Софија и Скопје мора приоритетно да бидат решени. Комисијата ја истакнува важноста од постојано имплементирање на договорот од Преспа и договорот за пријателство, добрососедство и соработка со Бугарија од сите страни.

Во извештајот се препорачува земјата да го зајакне капацитетот за парламентарен надзор над разузнавачките служби, а Владата треба да го задржи реформскиот импулс и да се фокусира на имплементација на постојната правна рамка. Наведено е дека е постигнат одреден напредок во финализирањето на хоризонталната функционална ревизија на државната администрација. Важно е ревизијата да биде усвоена од Владата. Во извештајот се додава дека треба да се направи повеќе за да се подобри ефикасноста на спроведувањето на законот во борбата против одредени форми на криминал, како што се перење пари и финансиски криминал. Во него се нотира и дека е постигнат одреден напредок и во борбата против тероризмот и спречувањето насилен екстремизам. Во однос на економските критериуми, се оценува дека Северна Македонија постигнала одреден напредок и е на добро ниво на подготовка во развојот на функционална пазарна економија. Понатаму, се наведува дека е потребен поголем напредок в година во однос на внатрешниот пазар, имено слободното движење на стоки, услуги и капитал, интелектуална сопственост и политика за конкуренција бидејќи е релевантен за подготовките на Северна Македонија да ги исполни барањата на внатрешниот пазар на ЕУ и за развојот на заедничкиот регионален пазар.

Комисијата очекува првата меѓувладина конференција да се одржи што побргу, штом се усвои преговарачката рамка од страна на Советот и пред крајот на оваа година.

Прикажи повеќе...

Најново

Македонија2 часа

Вархељи повика на итно решавање на спорот со Бугарија до крајот на годината

Еврокомесарот за проширување, Оливер Вархељи, очекува зелено светло за преговорите со Северна Македонија и Албанија и повика на итно решавање...

Македонија2 часа

Регистрирани нови 472 случаја на коронавирус, починаа 8 лица

Денес се регистрирани 472 нови лабораториски позитивни случаја на коронавирус, со што вкупната бројка на дијагностицирани лица со Ковид-19 од...

Македонија2 часа

Северна Македонија продолжува да ги исполнува условите за преговори за членство во ЕУ, се наведува во новиот извештај

Северна Македонија продолжува да ги исполнува условите за отворање на преговорите за членство и властите ја демонстрираа јавно својата цврста...

Македонија4 часа

Димитриевски: Лица од МВР три недели нè следат мене и мојот тим, тоа е вршење притисок поради изборите

Градоначалникот на Куманово, Максим Димитриевски, кого утрово полицијата го сопре и го прaти со возилото на технички преглед, на прес-конференција...

Македонија5 часа

Се укинува ограничувањето на бројот на гости на една маса во угостителските објекти

Владата на денешната редовна 113. седница, меѓу другото, во согласност со моментната епидемиолошка состојба во државата усвои измени и дополнувања...

Македонија6 часа

(Видео) Мицкоски ја повика цела опозиција зa уривање на Владата

Претседателот на ВМРО-ДПМНЕ, Христијан Мицкоски, упати повик до Левица и сите опозициски партии, но и до владините кои се во...

Македонија6 часа

За една недела од коронавирус починале 26 вакцинирани лица, од кои најголем дел примиле „синофарм“

Во периодот од 8 до 14 октомври од коронавирус починале 105 пациенти, а 75 % од нив не биле вакцинирани....

Македонија7 часа

МВР не ја наведува причината за запирањето на Максим Димитриевски и најави истрага за случајот

Од Министерството за внатрешни работи по сопирањето на градоначалникот на Куманово, Максим Димитриевски, велат дека за случајот е вклучен Одделот...

Македонија8 часа

Уште 27 Авганистанци заминаа од земјава

Група од 27 граѓани на Авганистан кои привремено престојуваа во земјава изутрината од Меѓународниот аеродром Скопје, со членови на нивните...

Македонија9 часа

35 проценти од популацијата во државата примиле две дози вакцина

Во текот на вчерашниот ден аплицирани се вкупно 3.475 дози вакцини, од кои 917 се аплицирани како прва доза, 2.509...

Македонија9 часа

Симовски: Резултатите од пописот најдоцна до март

Директорот на државниот завод за статистика, Апостол Симовски, информира дека обработката на податоците од пописот е почната веднаш по неговото...

Европа12 часа

Турција нареди нови апсења, 33 војници се меѓу 158 осомничени во врска со Ѓулен

Турското обвинителство нареди апсење на 158 осомничени, вклучително и 33 припадници на војската, во опсежна операција насочена против лица наводно...

Регион12 часа

Извештајот за напредокот на Македонија ќе биде објавен денеска во Стразбур

Се очекува денеска во Стразбур да биде усвоен Пакетот за проширување на земјите од Западен Балкан. Пакетот за проширување вклучува...

Свет13 часа

Северна Кореја лансираше ракета во морето

Северна Кореја лансираше неидентификувана ракета во морето, соопшти јужнокорејската војска. Ракетата е лансирана во морето источно од полуостровот, соопшти армијата...

Македонија23 часа

По првиот круг градоначалници се избрани во 34 општини

По првиот круг од локалните избори избрани се градоначалници во 34 општини, покажуваат првичните податоци на Државната изборна комисија. Во...

Македонија23 часа

ДИК: Арсовска освои 7.805 гласа повеќе од Шилегов во првиот круг

Според податоците што вечерва ги соопшти претседателот на Државната изборна комисија (ДИК), Александар Даштевски, скопјани во вториот круг за челник...

Македонија1 ден

19 починати и 107 заболени од Ковид-19 во последните 24 часа

Министерството за здравство информира дека во последните 24 часа направени се 1.668 тестирања, а регистрирани се 107 нови случаи на...

Македонија1 ден

Шилегов очекува победа во вториот изборен круг

Петре Шилегов, кандидатот на СДСМ за Град Скопје, вели дека влегува во изборната трка во втор круг, со изедначен број...

Македонија1 ден

Арсовска: Во вториот круг влегувам со голема предност, време е за модерно и современо Скопје

Независната кандидатка за градоначалничка на Скопје Данела Арсовска со повик до скопјани и во вториот круг да ја поддржат на...

Македонија1 ден

Поткуп на гласачи, изнуда, дошол пијан да гласа – Јавното обвинителство постапува по изборните нерегуларности

Во текот на организирањето и спроведувањето на локалните избори заклучно со првиот круг на гласање одржан на 17 октомври 2021...

Досие