Контакт

Македонија

Одбележан Светскиот ден на борба против дијабетесот

Објавено пред

„Дијабетесот не е само инсулин и боцкање. Дијабетесот е главна причина за срцеви заболувања, инфаркти, слепило, откажување на работата на бубрезите и ампутација на долните екстремитети. Еден од двајца заболени од дијабетес е недијагностициран. Раната дијагностика и лекување се клучни моменти во спречувањето или одложувањето на животнозагрижувачките компликации.“

Ова се само мал дел од заклучоците што се донесоа на денешното одбележување на Светскиот ден на дијабетесот, во организација на Сојузот на здруженија на дијабетичари, со поддршка од Министерство за здравство, здруженија, институции и компании. Настанот се одржа во Деканатот на Медицинскиот факултет во присуство на голем број директори на здравствени установи, медицински лица и поддржувачи на заболените од дијабетес.

„Веќе немаме инсулинска криза, имаме и најнови генерации инсулин, имаме игли со различни димензии, кои, за жал, несоодветно се распределуваат низ инсулинските аптеки. Ова мора да го решиме. Воведовме нови ГЛП-1 агопнисти и ДПП-4 инхибитори. Очекуваме да се прошири листата на орални антидијабетици со нови терапии, како превенција од дијабетес. Добивме зголемен број инсулински пумпи, но немаме доволно обучен медицински кадар за истите пумпи да ги вградат на пациентите. Светските статистики велат дека еден од пет здравствени работници не се доедуцирани за дијабетес. Листата на пациенти што чекаат инсулински пумпи е огромна. И тоа не само деца, пумпи заслужуваат и малку повозрасните, како и оние што планираат да формираат семејства, а имаат потреба од инсулинска пумпа и сензори. Најголем проблем и понатаму ни остануваат глукометрите. Се обидовме заеднички да ги дефинираме стандардите и критериумите за глукометрите. Нема да се откажам од борбата додека не добијам глукометар што навистина ќе ги задоволува светските стандарди, кои се движат во правец на дигитална самоконтрола во домашни услови, преку која ќе им се олесни работата и на нашите доктори“, се осврна на проблематиката Бојан Киров, претседател на Сојузот на здруженија на дијабетичари на Македонија.

Како признание за континуираната поддршка на лицата со дијабетес и придонесот кон унапредување на квалитетот и достапноста на третманот, пациенти кои живеат со дијабетес цели педесет години му доделија посебна Плакета со благодарност за континуирана поддршка за лицата со дијабетес на министерот за здравство, доц. д-р Венко Филипче.

Тој во своето кратко обраќање потенцираше дека Министерството за здравство е целосно посветено на обезбедување најквалитетен третман за сите пациенти со дијабетес мелитус и сите лица на инсулинска терапија се соодветно снабдени со инсулин, нагласувајќи дека грижата за лицата со дијабетес и обезбедувањето соодветна инсулинска терапија е врвен приоритет на Министерството за здравство.

„Ова е еден значен сегмент од нашиот здравствен систем. Ние во овој изминат период се обидовме да започнеме да имплементираме процеси кои ќе значат превенција, рано откривање, соодветно третирање на дијагнозите, согласно светските здруженија. Еден сегмент од реформата во здравството, во периодот што следи, како дел од обврските на матичните лекари, што ќе им биде вметнат дури и во договорите, е рано препознавање на симптоми кај деца, доколку има сериозна индикација и дијагностички постапки за рано откривање на дијабет. А во следните нивоа на лекување. Мислам дека навистина заеднички постигнавме многу во изминатиот период, посебно со оригиналните инсулини, ги нема веќе тие проблеми за контролата на гликемијата, на компликациите што произлегуваа од дијабетесот. Се зголеми буџетот на програмата и се донесоа три нови инсулини, два нови анализи, значајно е подобрена контролата на третманот кај дијабетот како болест. Сега веќе зборуваме за поставување европски стандарди, нешто што не беше претходно замисливо. Во таа насока се водевме и при изработувањето на Стратегијата за дијабет. Планираме да почнеме со ревитализација на сите центри за дијабет ширум државата, со огромна поддршка од фармацевтскиот сектор“, потенцираше министерот Филипче.

Меѓу присутните беа и претставници од Клиниките за ендокринологија, Очни болести, Кардиологија, Нефрологија, како и претставници на повеќе агенции за лекови и медицински помагала.

„За дијабетесот кажани се многу вистини, но крајниот заклучок е дека сите ние, целата заедница, треба да се ангажира и да делува превентивно од најрана возраст на нашите деца, преку различните начини на превенција, посебно во начинот на исхрана и во начинот на живеење, преку многу физички активности. Соработката на Фондот за здравствено осигурување и ‘Малмед’ и секако лекарите кои го поврзуваат овој синџир, може да ги даде посакуваните резултати“, изјави Висара Риза, директорка на Агенцијата за лекови и медицински помагала „Малмед“ – Скопје, добитничка на специјална благодарница за поддршката и посветеноста во обидите за унапредување третманот на лицата со ова заболување.

Сериозните прашања отворени на оваа манифестација своето заокружување го имаа со еден сосема симпатичен гест, кога човек од публиката стана и изјави дека со децении живее со дијабетес, а потоа со прстен ја побара за сопруга  својата партнерка, која педесет години живее со оваа состојба.

Овогодишните активности, покрај централниот настан вклучија и рекреативен сегмент во кој лицата со дијабаетес, но и многу пријатели и поддржувачи се вклучија и беа дел од рекреативното искачување до средно Водно.

(ПР текст)

Македонија

И попладнево на „Богородица“ и „Табановце“ се чека до 45 минути за влез и излез oд државата

Објавено пред

Во текот на целиот ден збележано е раздвижување на граничните премини Богородица и Табановце.

Автомотосојузот во најновиот извештај за состојбата на патиштата информира дека на овие гранични премини задржувањето за влез и излез е од 30 до 45 минути со можност за зголемување во наредните часови.

На останатите гранични премини, од македонска страна, нема подолги задржувања за влез и излез од државата.

И утрово времето за чекање на границите беше до 45 минути.

Прикажи повеќе...

Македонија

Заев: Одлуката на УНЕСКО е предупредување дека сите мораме да го штитиме Охридскиот регион

Објавено пред

Македонија и Албанија ќе ја засилат  соработката за управување со светското и културно наследство во Охридскиот регион. Откако со консензус беше донесена одлуката на Комитетот за светско наследство на УНЕСКО, Охридскиот Регион да не биде впишан на листата на светско наследство во опасност премиерот Зоран Заев се огласи на социјалните мрежи.

Вели дека одлуката е признание за напредокот за зачувување на вредностите на Охридскиот Регион, но и најсилно предупредување дека сите мораме да се вложуваме и постојано да го штитиме охридското, македонското, светското наследство.

„Во периодот што претстои, заедно со Албанија, ќе ја засилиме соработката и координацијата со Центарот за светско наследство и советодавните тела на УНЕСКО, како и со Европската Унија и другите стратешки партнери, со цел соодветна рехабилитација и за бескомпромисна имплементација на Планот за управување со светското природно и културно наследство во Охридскиот Регион.
Северна Македонија продолжува со исполнување на препораките на УНЕСКО и одлуките на Комитетот за светско наследство и во соработка со општинските власти во Охрид, Струга и Дебрца и со граѓаните, ќе продолжиме да работиме посветено во таа насока“, потенцира Заев.

Додаде дека нашето природно и културно наследство треба да го предадеме и на идните генерации, па затоа мора да биде заштитено. Премиерот е дециден дека со заштитата според највисоките стандарди од препораките на УНЕСКО за Охридско-струшкиот Регион се подобрува и квалитетот на живот на граѓаните и се афирмира владеењето на правото.

Прикажи повеќе...

Македонија

Алијансата за Албанците до ДУИ: Не можете да покривате луксузни автомобили со тротинети за вработените

Објавено пред

Грдоста на ДУИ не може да биде покриена ниту со пудра, ниту со боја или ниту со лаги. Не можете да покривате луксузни автомобили со некои тротинети за вработените, наведе Алијансата за Албанците откако претходно денеска Министерството за надворешни работи, на чело со министерот Бујар Османи соопшти дека набавиле електрични тротинети за вработените.

Според Алијансата, набавката на тротинетите е само обид да се покрие луксузот на функционерите на ДУИ.

„Во пресрет на локалните избори, Бујар Османи сака да фрли пепел во очите на граѓаните, додека неговите сопартијци, градоначалниците на Дибра, Струга, директори на јавни претпријатија, како и на самата Влада, трошат милиони денари на скапи автомобили. Сега кога министерот не успеа во секоја област на одговорност и ја доведе нашата дипломатија и процесот на интеграција во состојба на колапс, време е залудно да направи ПР со тротинети од 200 евра. Би сакале тој барем да ги купеше по пазарна цена, со оглед на неговото минато полно со коруптивни сомневања кога станува збор за јавните тендери“, наведе Алијансата во реакцијата.

Прикажи повеќе...

Најново

Македонија12 часа

Охридското Езеро засега го задржува статусот на УНЕСКО

Комитетот за светско наследство на УНЕСКО на својата 44 сесија, која се одржува во Фуџу, Кина, донесе одлука Природното и...

Регион13 часа

Возачот на косовскиот автобус признал дека задремал зад воланот, загина и неговиот колега

Хрватската полиција го уапси возачот на косовскиот автобус кој денеска излета од автопатот кај Славонски Брод, Хрватска. Најмалку 10 лица...

Македонија15 часа

МНР купи електрични тротинети за вработените, набавката била дел од проектот „Зелена дипломатија – новото нормално“

Министерот за надворешни работи, Бујар Османи, ги промовираше електричните тротинети, набавени за користење од страна на вработените во министерството, образложувајќи...

Свет18 часа

(Видео) Невреме повторно ја погоди Белгија, поплавата носеше возила

Силно невреме повторно ја погоди Белгија и предизвика штета, десет дена по поплавите во кои загинаа 36 лица. Возилата во...

Македонија18 часа

Скопје добива легални ѕидови за слободно користење на уличните уметници

Како дел од активностите на кандидатурата на Град Скопје за „Европска престолнина на културата за 2028 година“, назначени се две...

Македонија18 часа

Мал процент на граѓани се заразиле со Ковид по две дози вакцина, од утре вакцинација и дома

Само 0,02 отсто од македонските граѓани се заразиле со коронавирус по вакцинацијата. Конкретно, од вкупно 330.320 граѓани со примени две...

Македонија18 часа

Гужви на Богородица и Табановце, за влез и излез во државата се чека и до 45 минути

Големо раздвижување на граничните премини има утрово. Автомотосојузот на Македонија соопшти дека на граничните премини Богородица и Табановце задржувањето за...

Македонија1 ден

Силно сме спротивставени на корупцијата, велат од Владата по извештајот на Стејт Департментот

Силно сме спротивставени на корупцијата – за разлика од претходната, оваа Влада сериозно ги зема предвид и постапува по меѓународните...

Македонија1 ден

Заев: Во првиот круг секој ќе настапи со свој кандидат, а во вториот ќе коалицираме со ДУИ, БЕСА и ДПА

Бидејќи сме коалициони партнери со ДУИ, БЕСА и со ДПА, заедно ќе настапиме за локалните избори, изјави премиерот и претседател...

Македонија2 дена

Регистрирани 37 нови случаи на коронавирус, најмногу во Тетово и Скопје

Во последните 24 часа се направени 4.264 тестирања, а регистрирани се 37 нови случаи на Ковид-19: Тетово – 13, Скопје...

Свет2 дена

(Видео) Илјадници луѓе излегоа на протест во Австралија поради карантинот

Илјадници луѓе се собраа денес во Сиднеј и другите австралиски градови во знак на протест против воведените рестриктивни мерки поради...

Македонија2 дена

Од понеделник почнува вакцинирање во домашни услови

Министерството за здравство ја информира јавноста дека од понеделник граѓаните кои поради здравствени причини не се во можност да дојдат...

Македонија2 дена

Мицкоски: Советничка на Заев е предложена за член на Судски совет, ете зошто Македонија не е правна држава

Советник на Заев, финансиер на СДСМ, владин член на бордот на Телеком – Тања Чачарова Илиевска, сега е претставена за...

Европа2 дена

За исчезнати се водат 150 лица по поплавите во Германија

Во поплавите што ја зафатија западна Германија на 14. и 15 јули загинаа 180 лица, а околу 150 се уште...

Свет2 дена

ЕМА ја одобри вакцината на „Модернa“ за деца над 12 години

Вакцината против коронавирус од американскиот производител Модерна може да се инјектира и на деца и адолесценти на возраст од 12...

Македонија2 дена

Димитров: Влогот е огромен, ЕУ да нѐ третира со достоинството што го заслужуваме

Заменик-претседателот на Владата задолжен за европски прашања Никола Димитров денеска, на вториот ден од неформалниот состанок на министри за европски...

Македонија2 дена

И Катица Јанева е спроведена во „Идризово“

Поранешната специјална јавна обвинителка Катица Јанева е спроведена од домашен притвор кој го издржуваше во Гевгелија во затворот „Идризово“, каде...

Македонија2 дена

Регистрирани нови 36 случаи на Ковид-19

Министерството за здравство информира дека во последните 24 часа се направени 3.569 тестирања, а регистрирани се 36 нови случаи на...

Спорт2 дена

Македонското знаме се развиори на олимпискиот стадион во Токио

Македонската олимписка експедиција со осум спортисти и се претстави на светската спортска јавност при претставувањето на свеченоста на отворањето на...

Македонија3 дена

(Видео) Горан Стефановски, Зафир Хаџиманов, Ремзи Несими и Живко Мукаетов одликувани со Орден за заслуги

Претседателот Стево Пендаровски ги одликува Горан Стефановски, Зафир Хаџиманов, Ремзи Несими, постхумно, и Живко Мукаетов со Орден за заслуги за...

Досие