Контакт

Македонија

Од вечерва ќе бидат затворени повеќе улици во Скопје поради маратонот

Објавено пред

Министерството за внатрешни работи информира дека од вечерва во 19 часот до утре до 18 часот, поради одржување на „Визер скопски маратон 2019“, кој ќе почне утре во 8:30 часот, ќе биде воведен посебен сообраќаен режим по должина на трите тркачки патеки во рамки на манифестацијата.

За трката од 5 000 метри за сообраќај времено ќе бидат затворени следните сообраќајници: од стартната точка на ул. Димитрие Чуповски  право по ул. 11 Октомври во правец кон Градска болница, право кон Црвен крст, кај Тутунски комбинат лево по бул. Крушевска Република, па десно по бул. 3  Македонска бригада, право по бул. 3 Македонска бригада  до крстосница со ул. Црвена Вода 7, каде што се врти полукружно па право по бул. 3 Македонска бригада, десно по ул. Фрањо Клуз , лево по спротивната насока на движење на бул. Кузман Јосифовски Питу , лево по бул. Кочо Рацин  десно по ул. 11 Октомври до целта – Собрание на Р Северна Македонија;

Втората траса за трката на 21 километар, полумаратон: стартот е преку Порта Македонија, плоштад Македонија, преку Камени мост, лево на ул. Иљо Војвода, лево по мост Гоце Делчев, право по бул. Илинден  лево по ул. Љубљанска, право по ул. Московска, десно по ул. Војвода Васил Чакаларов, на крајот на улицата се врти полукружно назад и се продолжува право по ул. Митрополит Теодосиј Гологанов, право по ул. Димитрие Чуповски, право по ул. 11 Октомври, лево по бул. Крушевска Република , десно по бул. 3 Македонска бригада, лево по ул. Фрањо Клуз , десно по бул. Јане Сандански  до крајот пред семафорот со бул. Србија  се врти назад по бул. Јане Сандански , лево по ул. Фрањо Клуз , десно по бул.  3 Македонска бригада, лево по бул. Крушевска Република , десно по ул. 11 Октомври, право до пред Собрание на Р Северна Македонија, каде што е и целта;

И третата траса за маратонот на 42 километра/штафетен маратон: тој ќе се трча по истите улици како и полумаратонот, но по првиот круг кога натпреварувачите ќе дојдат пред Собрание на Р  Северна Македонија продолжуваат уште еден круг право по ул. Димитрие Чуповски , десно по бул. Св. Климент Охридски , лево по бул. Илинден  и се трча истата рута како од првиот круг.
За таа цел МВР апелира до граѓаните да ги почитуваат наредбите што ги издаваат полициските службеници по сообраќајниците каде што ќе се одвива настанот.

Македонија

(Видео) Заев за новата рамка за соработка со ООН: Имаме стратешки документ за изградба на едно просперитетно и инклузивно општество

Објавено пред

Како дел од активностите по повод Денот на Обединетите нации и 75-годишнината од потпишувањето на Повелбата на ОН, претседателот на Владата, Зоран Заев, заедно со министерот за внатрешни работи, Оливер Спасовски, министерот за животна средина и просторно планирање, Насер Нуредини, министерот за земјоделство, шумарство и водостопанство, Арјанит Хоџа, и постојаната координаторка на Обединетите нации, Росана Дуџак, како и со високите претставници на агенциите на ОН во нашата земја, учествуваше во засадувањето 75 млади садници во околината на велешкото езеро „Младост“, што беше зафатена од пожар пред повеќе од една година.

Акцијата е организирана како симболична заложба за позелена, подобра и одржлива иднина на сите луѓе во Северна Македонија како еден од националните предизвици и приоритети вклучени во новата рамка за соработка за одржлив развој 2021 – 2025 за соработка меѓу нашата земја и ОН, што денеска ја потпишаа постојана координаторка на Обединетите нации, Росана Дуџак, и министерот за надворешни работи, Бујар Османи.

„Рамката е наш стратешки документ што ја насочува работата на сите агенции на ОН што работат во земјата во наредните пет години, како и со сите засегнати страни вклучени во процесите. Во оваа пригода сакам да истакнам дека нашата држава останува посветена на спроведувањето на препораките на оваа меѓународна организација, како и на глобалните милениумски цели за одржлив развој“, истакна премиерот Заев во изјавата за медиумите од настанот.

Премиерот Заев во изјавата потенцира дека нашата држава во соработка со ОН и натаму ќе работи во насока на јакнењето на принципите на одржлив развој и изградба на едно просперитетно и инклузивно општество.

„Во сите овие глобални превирања Обединетите нации преку принципот на дијалог и почитување работеа во насока на превенирањето и решавањето на отворените конфликти. Преку начелата на соработка и солидарност оваа организација поттикна клучни иницијативи за надминување горливи светски проблеми, каква што е пандемијата на Ковид-19. Таа ја имаа централната улога во справување со оваа најголема закана за човештвото по Втората светска војна дејствувајќи преку Светската здравствена организација. Ги координира научноистражувачките работи, меѓународните активности за заштитата, развојот на тестови, лекови и вакцини“, нагласи претседателот на Владата, Зоран Заев.

Рамката за соработка е главен стратешки документ што ја насочува работата на сите агенции на ОН што работат во земјата во наредните пет години. Развиена е во блиска соработка со Владата по опсежен консултативен процес со организации и индивидуалци од разни сфери на дејствување и интерес.

„Новата рамка за соработка е повеќе од заложба. Тоа е обврска што ја преземавме и претставува јасна определба да се работи кон подобрување на животот и иднината на сите луѓе во оваа прекрасна земја, а при тоа никој да не заостане“, истакна во својата изјава постојаната координаторка на Обединетите нации, Росана Дуџак, на настанот по повод Денот на Обединетите нации и 75-годишнината од потпишувањето на Повелбата на ОН.

Прикажи повеќе...

Македонија

(Видео) Николовски назначен за претседавач на Антикорупциската деловна коалиција

Објавено пред

Заменик-претседателот на Владата задолжен за борба против корупцијата и криминалот, одржлив развој и човечки ресурси, Љупчо Николовски, денеска беше назначен за претседавач на Антикорупциската деловна коалиција за борба со корупцијата. Оваа платформа, која дејствува по примерот на Кралството Холандија и воспоставени позитивни практики во Албанија, ќе дејствува во насока на постигнување реални резултати в година. Со назначување на вицепремиерот Николовски на претседавачката функција ќе се постигне подинамична борба против корупцијата, а преку воведување успешни меѓународни практики.

Николовски посочи дека Антикорупциската деловна коалиција има цел да промовира атрактивна деловна клима преку добро управување, застапување и одобрување на најдобрите меѓународни практики за интегритет и зајакнување на капацитетите меѓу јавните и приватните институции во Република Северна Македонија, кои се клучни во градењето на одговорно деловно однесување.

„Оваа Влада покажа силна заложба за борба против корупцијата токму со воведувањето на новата функција во Владата, на која сум поставен јас, а што е резултат на нашата силна определба за воведување систем што генерира и испорачува правда, правна држава ред и поредок. Отворивме фронт против криминалот и корупцијата во секоја сфера од општеството. Во целиот процес важни ни се сите – институциите, бизнис-секторот, медиумите, невладиниот сектор, односно сите алки во општеството за да обезбедиме редот и законот да важат за сите. Во антикорупциската деловна коалиција за која релевантните фактори ме избраа и назначија како нејзин претседавач заеднички ќе работиме на создавање услови за атрактивна деловна клима преку добро управување, застапување и одобрување на најдобрите меѓународни практики за интегритет и зајакнување на капацитетите меѓу јавните и приватните институции во државата, кои се клучни во градењето на одговорно деловно однесување“, изјави вицепремиерот Николовски.

Претставникот од Антикорупциската бизнис-коалиција, Габриела Кулебанова, истакна дека коалицијата има цел заедничка акција на надлежните институции и спроведување мерки и активности за унапредување на доброто владеење и јакнење на културата на интегритет.

„Денешниот настан има цел да ја официјализира поддршката на Владата со цел интензивирање на активностите на Антикорупциската деловна коалиција во борбата со корупцијата. Очекуваме активностите да добијат интензитет, а меѓународните клаузули и практики, кои имаат голема улога во спречување на корупцијата, ќе станат дел од нашата пракса во креирање на договорите. Како клучни стратешки чекори, кои е потребно да се реализираат, е препораката од страна на Владата за употреба на ICC-антикорупциската клаузула во договорите за јавните набавки, како и воспоставување институционална поддршка за упатствата на ОЕЦД. Силно веруваме дека резултатите што биле посакувани со децении, но не биле постигнати на национално ниво, со заеднички сили многу бргу ќе ги постигнеме“, изјави Кулебанова.

На работениот состанок, кој се одржа во услови приспособени на пандемијата, присуствуваа и Данела Арсовска, претседавач на Интернационалната стопанска комора, Роберт Декер, заменик-амбасадор на Амбасадата на Кралството Холандија во Скопје, претседателката на Државната комисија за борба со корупција, Билјана Ивановска, директорката на Академијата за обука на судии и јавните обвинители, Наташа Габер-Дамјановска, и главниот државен ревизор на Државниот завод за ревизија, Максим Ацевски.

Во изминатиот период во рамките на Коалицијата воспоставена е комуникација и се презедоа активности со релевантните институции, кои се важни алки во синџирот и секоја од свој аспект може да даде придонес во борбата со корупцијата.

Прикажи повеќе...

Македонија

Царовска на дигитален самит за Западен Балкан: Учењето на далечина е успешен одговор на предизвиците од пандемијата

Објавено пред

Министерството за образование и наука и Бирото за развој на образование продолжуваат да инвестираат во подобрување на дигиталните вештини и компетенции за да може секое девојче и момче да добие еднакви шанси за квалитетно образование, рече министерката за образование и наука, Мила Царовска, во обраќањето на третиот дигитален самит за Западен Балкан во Тирана (Албанија), кој, поради пандемијата, се одржува онлајн.

„Пандемијата донесе дополнителни предизвици во организирањето учење на далечина нагласувајќи ја потребата за понатамошна и побрза дигитализација на училиштата и образовниот процес. Aко не инвестираме во дигитализацијата, затворањето на училиштата може да резултира со огромна загуба во развојот на човечки капитал и да донесе долгорочни економски и социјални импликации. Затоа, иако кризата е силен стрес-тест за образовните системи, таа е исто така и можност за брзо приспособување и развивање на образованието во чекор со современите трендови. Во Северна Македонија успешно се реализира учење на далечина и 88 проценти од учениците без проблеми следат онлајн-настава“, рече Царовска.

Со цел да се обезбеди развој на дигиталните вештини потребни во 21 век и дигитална трансформација, во Република Северна Македонија креирани се неколку политики, како што е воведувањето задолжително учење информатика во основното образование во шесто и седмо одделение и во осмо и деветто одделение како изборен предмет. Царовска истакна дека за поддршка на дигиталните вештини во нашата земја се реализира програмата „Училишта на 21 век“, со поддршка на британскиот совет.

Програмата се спроведува регионално и учениците на возраст од 10 до 15 години од Западен Балкан стекнуваат вештини за критичко размислување, решавање проблеми и кодирање. Тоа им овозможува на учениците да развијат клучни вештини за размислување и решавање проблеми на забавен, интерактивен и иновативен начин и тие имаат можност да ги применат овие вештини во пракса.

Mинистерството за образование и наука и Бирото за развој на образование, следејќи го новиот дигитален акционен план на ЕУ, подготвуваат нови наставни планови и програми, кои ќе обезбедат дигитално образование со високи перформанси преку висококвалитетни содржини, подобрување на инфраструктурата, како и на вештините и компетенциите на наставниците.

Третиот дигитален самит, кој се одржува во рамките на Берлинскиот процес, е насочен кон регионалната соработка и размена на искуство за дигитална трансформација на највисоко ниво. Дигиталниот самит WB6 има цел да ги прикаже добрите практики на Западен Балкан, да ги потенцира достигнувањата и резултатите од дигиталната агенда и да ги истражи можностите за градење партнерства со приватниот сектор во контекст на процесот на дигитална трансформација.

Самитот ја промовира дигиталната перспектива на Западен Балкан во контекст на интеграцијата во ЕУ истовремено трасирајќи ја дигиталната агенда со цел да им се даде приоритет на клучните цели за регионот.

Прикажи повеќе...

Најново

Македонија2 часа

Филипче: Коморбидитетите и доцното доаѓање во болница се причина за зголемената смртност

Министерот за здравство, Венко Филипче, вели дека зголемениот процент на смртност од Ковид-19 се должи на коморбидитетите и доцното доаѓање...

Македонија3 часа

Караџовски: Ја разгледувавме и опцијата да се прават тестови преку Фондот во приватните лаборатории

Комисијата за заразни болести ја разгледува одлуката граѓаните да може да се тестираат на Ковид-19 во приватните лаборатории, а на...

Европа3 часа

Австриски инфектолог: Секој од нас, порано или подоцна, ќе се зарази со коронавирус

Австрискиот инфектолог Франц Алербергер не верува дека коронавирусот ќе се искорени и верува дека секој од нас ќе се зарази...

Свет3 часа

Во Мелбурн нема нови случаи на коронавирус по повеќе од четири месеци

По повеќе од четири месеци во Мелбурн денес не се пријавени нови случаи на коронавирус. Владата на австралиската држава Викторија...

Економија3 часа

Бензините поевтинуваат

Од вечерва на полноќ малопродажните цени на бензините и на екстра-лесното масло за домаќинство се намалуваат половина денар, а цената...

Свет4 часа

Мадуро тврди дека венецуелските научници создале лек против Ковид-19 без несакани ефекти

Претседателот на Венецуела, Николас Мадуро, рече дека неговата земја дизајнирала високоефективен антивирусен лек, што го десеткува коронавирусот без никакви несакани...

Топ5 часа

(Видео) Пронајдени речиси 100 килограми хашиш во Охрид – пресечен меѓународен транспорт на дрога

Полицијата вчера пресече меѓународен транспорт на хашиш во количина од речиси 100 килограми. Уапсен е турски државјанин, кој дрогата требало...

Македонија5 часа

Домашните слави да се празнуваат исклучиво во кругот на семејството, апелира Комисијата за односи со верските заедници

Комисијата за односи со верските заедници во пресрет на периодот во кој голем број семејства во државата ги чествуваат домашните...

Регион6 часа

Словенија ги заострува мерките, од вечерва нова забрана за движење – се затвораат општините

Поради големиот пораст на инфекции со коронавирус, Словенија ги заострува мерките, така што од вечерва стапува во сила забраната за...

Економија7 часа

Пандемијата ќе фрли во стечај дури 6.000 австриски фирми

Пандемијата на коронавирусот силно ја погоди австриската економија, па в година се очекува да доведе до банкрот на шест илјади...

Европа8 часа

Италија ги затвора баровите и рестораните во 18 часот

Италијанските власти издадоа одредба со која се бара сите барови и ресторани да се затворат до 18 часот, а спортските...

Топ8 часа

Стејт департментот: Стапува во сила примирје во Нагорно-Карабах

Стејт департментот и владите на Ерменија и Азербејџан во заедничко соопштение наведоа дека стапува во сила хуманитарно примирје во судирот...

Свет8 часа

Над 8.000 новозаразени од коронавирус во Германија

Во последните 24 часа во Германија се потврдени 8.685 случаи на коронавирус. Според Институтот за заразни болести „Роберт Кох“, починале...

Економија8 часа

Од полноќ нови цени на горивата

Регулаторната комисија за енергетика денеска ќе ги објави новите цени на нафтените деривати, кои ќе важат од полноќ. Минатата недела...

Македонија19 часа

Во моментов активни над 7.000 случаи на заразени со коронавирус

Бројот на активни случаи во Македонија изнесува 7.408 лица, откако вечерва беа потврдени нови 561 заразени. Најмногу активни случаи има...

Свет20 часа

СЗО: Три дена по ред бројките на новозаразени во светот се рекордни

Светската здравствена организација (СЗО) објави дека во саботата е соборен новиот рекорд во светот кога станува збор за бројот на...

Македонија21 час

Починаа 22 лица, регистрирани 561 новозаразени

Денеска се регистрирани 561 нови случаи на Ковид 19. Оздравени се 197 пациенти, а починати се 22 лица. Министерството за...

Македонија23 часа

(Видео) Членството ќе избира претседател на СДСМ, црвената боја стана партиска

Конгресот на СДСМ ги усвои измените и дополнувањата на статутот на партијата, информираше партискиот претседател, Зоран Заев на прес-конференција по...

Регион23 часа

Борисов позитивен на коронавирус

Бугарскиот премиер Бојко Борисов на својот Фејсбук профил објави дека е позитивен на коронавирусот. „Иако РЗИ официјално го укина мојот...

Регион1 ден

Жртвите се скриле во „контејерот на смртта“ во Србија, планирајќи да стигнат до Италија или Белгија

Жртвите кои беа пронајдени во контејнер кој од Србија стигнал во Парагвај се скриле таму со цел да заминат во...

Досие