Во Собранието за денеска во 14 часот се закажани две пленарни седници на кои би требало да бидат донесени повеќе закони.

Претседателот Талат Џафери за денеска ги закажа 32. и 36. седница. Најпрво да се донесат законите од 32-рата, а потоа следува 36-тата.

На 32. седница имаше расправии во собранието во четвртокот вечерта, кога пратениците од ВМРО-ДПМНЕ ја напуштија салата, и не сакаа да се одржи таа седница, туку бараа да се премине на 36. во која требаше да бидат донесени 5. сет мерки за граѓаните и стопантството.

За денеска исто така има најава дека пратениците од ВМРО-ДПМНЕ нема да учествуваат, за да не се обезбеди кворум. Албанската опозиција, пак, најави дека ќе биде во Собранието.

Од владеачкото мнозинство, пак, најавија дека ако не биде обезбеден кворум, тогаш заразените пратениците ќе бидат донесени со скафандери за да гласаат за законите од 32. седница.

Времето денеска ќе биде променливо облачно, од утринските часови со повремени врнежи од дожд, а од пладне на места нестабилно со локален пороен дожд и ретки грмежи. Ќе дува слаб до умерен ветер со променлив правец. Минималната температура ќе биде во интервал од 4 до 9, а максималната ќе достигне од 12 до 18 степени.

Во Скопје, променливо облачно со повремени врнежи од дожд и со слаб до умерен ветер од северозападен правец. Минималната температура ќе се спушти до 6, а максималната ќе достигне до 14 степени.

Во следните денови ќе преовладува променливо облачно време со повремени врнежи од дожд со променлив интензитет. До утре на места врнежите ќе бидат повремено поројни и проследени со грмежи и засилен ветер (локално над 15л/м2 за 24 часа). На планините врнежите повремено ќе бидат од снег. Од вторник врнежите ќе бидат од локален карактер и со помал интензитет, а времето постепено ќе се стабилизира и температурите ќе бидат во пораст.

Здружението за надворешна и меѓународна политика „Совет на Амбасадори“ одржа Годишно собрание на кое беше усвоен Ивештајот за двогодишнната работа на оваа невладина организација под претседателство на амбасадорот Љупчо Арсовски.

За нов претседател е избран амбасадорот Мухамед Халили, а за потпретседатели – амбасадорките Елеонора Петрова и Александра Наќева Ружин. Во Извршниот одбор влегуваат и амбасадорите Љупчо Арсовски, Ѓорѓи Филипов, Азис Положани, Тихомир Илиевски, Ѓорѓи Спасов и Зоран Јолевски.

Едногласна оценка на амбасадорите е дека со голема поддршка на македонските медиуми, Советот на амбасадори, за релативно кус период се промовира во јавноста со објективност, јасни гледишта и ставови низ принципиелен пристап за да информира непосредно во еден простор кој досега не бил соодветно и на ваков начин презентиран.