Контакт

Македонија

Отворена е првата неформална групна пракса по семејна медицина во поликлиниката „Букурешт“

Објавено пред

Првата неформална групна пракса по семејна медцина СеМед е отворена во поликлиниката Букурешт, во Скопје.

Групната пракса e нов модел на организација на општата или семејната медицина која овозможува подобрување на услугите кои се даваат на пациентите.

Семејната медицина е медицинска специјалност која овозможува здравствена заштита на лицата од сите возрасти. Таа се однесува на примарната здравствена заштита и овозможува континуирана и севкупната заштита на индивидуите и фамилиите без разлика на возраст, пол, нарушувања и болести. Таа е базирана на пациентот во контекст на фамилијата и општеството, каде се вклучени превенција на заболувањата и промоција на здравјето. Според Светската организација на фамилијарни доктори, целта на семејната медицина е да овозможи персонална, сеопфатна и континуирана грижа на индивидуата во контекст на фамилијата и општеството.

Во рамките на групната пракса СеМед работат четири тимови од лекари и сестри кои ќе даваат услуги на пациенти од сите возрасти. Пацинетите ќе ги добиваат сите услуги покриени од страна на ФЗОМ.

Дополнително се организираат групни едкуации за пациенти за превенција , промоција и менаџирање на хроничните болести. Стручниот тим во СеМед се наведува дека работи според најновите протоколи за работа и медицината базирана на докази. Oд СеМед истакнуваат и дека имаат и отворена листа за избор на матични лекари.

Македонија

Османи: Сметајте на Северна Македонија како на партнер во остварувањето на европските перспективи на Балканот

Објавено пред

Министерот за надворешни работи, Бујар Османи, на првиот ден од работната посета на Брисел имаше средба со високиот претставник за надворешна и безбедносна политика на ЕУ и потпретседател на Европската комисија, Жозеп Борел.

За време на средбата Османи го поздрави активниот ангажман на високиот претставник на ЕУ, Борел, за поддршката на европската перспектива на регионот, како и за преземените иницијативи за обезбедување мир, стабилност и просперитет помеѓу земјите од Западен Балкан. Во таа смисла Османи се заблагодари за неговиот придонес кон усвојувањето на одлуката за отворање на преговорите со Северна Македонија од страна на Советот на ЕУ и потоа потврдена од Европскиот совет во март оваа година.

„Зеленото светло за почеток на преговорите со Северна Македонија беше демонстрација на подготвеноста на ЕУ да презема стратешки и визионерски одлуки, дури и во предизвикувачките и тешки времиња на соочување со кризата предизвикана со Ковид-19. Како Европејци заедно се соочуваме со предизвикот на вирусот и високо ја цениме итната ЕУ-помош дадена за нашата земја, како и за целиот регион. Ова е вистинското време ЕУ и земјите кандидати сериозно да ги разберат значењето и важноста на солидарноста и меѓусебната соработка и заедно рака под рака да ги надминат социо-економските последици од пандемијата“, истакна Османи посочувајќи дека одржувањето на првата меѓувладина конференција со Северна Македонија до крајот на годината ќе биде охрабрувачка порака и кон другите земји од регионот да направат сè што е во нивна моќ и што е потребно во исполнување на реформите и постигнување компромиси за надминување на билатералните спорови.

Во оваа насока Османи со Борел разговара и за заедничките напори што високиот претставник ги прави заедно со специјалниот пратеник на ЕУ, Мирослав Лајчак, за нормализирање на односите помеѓу Србија и Косово.

„Успехот на дијалогот Приштина – Белград, кој се одвива во Брисел, ќе придонесе во надминување на разликите и создавање стабилен и безбеден регион како основа за зголемување на регионалната економска соработка. Можете да сметате на Северна Македонија како на стабилен партнер во регионот, земја што е секогаш подготвена во рамките на своите можности да ги помогне ваквите напори“, потенцира Османи на средбата пренесувајќи му ги притоа на високиот претставник приоритетите на надворешната политика, со особен осврт кон добрососедските односи и поддршката на регионалните иницијативи.

„Убеден сум дека Вашето ценето политичко искуство и ангажман ќе придонесе за натамошно зајакнување на улогата на ЕУ на глобалната сцена. Дозволете ми исто така да Ве уверам дека особено по зачленувањето на Северна Македонија во НАТО како нејзина 30-та членка, целосно сме подготвени и посветени да ги поддржиме Вашите напори во оваа насока, за натамошно зајакнување на европската и трансатлантската безбедност. Што и да ни носи иднината, Северна Македонија цврсто реши да биде упорна во целта да стане европска демократија управувана од вредности и принципи, како што се владеењето на правото и почитувањето на човековите права“, беа пораките на Османи на средбата со Борел.

Средбата Османи – Борељ се случува во исклучително динамично време за европските аспирации на Северна Македонија во пресрет на усвојувањето на преговарачката рамка и закажувањето на првата меѓувладина конференција за време на германското претседателство како официјален почеток на преговорите за полноправно членство во ЕУ.

Прикажи повеќе...

Македонија

(Видео) Митева: СДСМ направи целосен колапс на образовниот систем, Националната платформа не издржа ни 30 минути

Објавено пред

Владата на СДСМ направи целосен колапс на образовниот систем, Националната платформа не издржа ни 30 минути, обвини Марија Митева од ВМРО-ДПМНЕ.

„Владата на СДСМ на два дена пред и така одложениот почеток на учебната година направи целосен колапс на образовниот систем. Денешното тестирање на Националната платформа на Министерството за образование за одвивање онлајн-настава не издржа ни 30 минути. Ваквиот колапс предизвикува премногу конфузија кај наставниот кадар, но и кај самите родители и ученици. Кога учениците и наставниците ги добија своите насоки за работа на платформата, таа се покажа целосно нефункционална“, рече таа.

Најпрвин, додаде Митева, учениците и наставниците не можеа да воспостават пристап до платформата, а потоа воопшто немаа можност за вклучување.

„Исто така, како една од главните причини поради нефункционалноста на платформата е и големата преоптовареност од корисници. Се поставува прашањето како за два дена ќе се обезбеди непрекинат пристап и целосна достапност на платформата, која, како што ја најавија, има цел да обедини 270 илјади ученици?
Иако, Министерството за образование и наука претходно ги информира родителите какви спецификации треба да имаат компјутерите со кои учениците би ја следеле наставата, кои воедно ги оптовари родителите за дополнителни речиси 20 илјади денари од семејниот буџет за обезбедување соодветен компјутер, сепак Националната платформа се покажа нефункционална“, рече Митева.

И покрај проблемите со користењето на Националната платформа, рече Митева, сепак над 40 илјади деца во државата нема да може да следат онлајн-настава бидејќи немаат компјутер со потребните спецификации.

„Владата имаше цели 8 месеци да подготви издржано решение, а ние денес на неколку дена пред почетокот на учебната година имаме огромен неуспех. Наместо институционални одговори и решенија, имавме политичка кампања“, изјави таа.

Прикажи повеќе...

Македонија

Османи во Брисел: Очекувам навремено усвојување на преговарачката рамка

Објавено пред

Министерот за надворешни работи, Бујар Османи, од Европскиот парламент ја почна интензивната агенда во Брисел на средби со влијателни европратеници, претставници на разни политички групи. Во рамките на посетата на Парламентот, Османи се сретна со Клара Добрев, потпретседател на Европскиот парламент од Социјалдемократската партија, Михаел Гахлер, германски европратеник и член на Европската народна партија, Ана Фотига, член на АФЕТ и координатор на европските конзервативци и реформатори, Рајнхард Бутихофер, член на АФЕТ и координатор на зелената партија.

Османи на средбите ги реафирмира заложбите на Република Северна Македонија за евроинтегративниот процес, но ги презентира и приоритетите на својата мандатна мисија како предводник на дипломатијата на Северна Македонија.

„Очекувам навремено усвојување на преговарачката рамка, притоа запазувајќи ги принципите на новата методологија во преговарачкиот процес. Ни претстои период на позитивна клима, многу работа, но и мотив за испорачување резултати од реформите на домашен план. Мојот фокус е продлабочување на добрососедските односи не само како наша автентична придобивка, туку и како активен придонес во регионалната соработка како клучна политика за одржување на европската идеја на Балканот“, истакна Османи.

Од пратениците беше истакната силната поддршка за европската перспектива на Северна Македонија, непречен тек на европската агенда на земјата, усвојување на преговарачката рамка и организација на првата меѓувладина конференција. Тие ја нагласија важноста за континуитет на реформите за создавање позитивна атмосфера за почнувањето преговори, при што беше најавено и продолжување на дијалогот „Жан Моне“ со цел интензивирање на соработката помеѓу политичките партии во насока на инклузивност на процесот на преговорите. Беше истакнато дека концептот на мултиетничка и мирољубива држава, посветена преку компромис и дијалог да доаѓа до решенија, се препознава како голем успех и претставува пример не само за регионот туку и пошироко. Нагласувајќи го геополитичкиот аспект за важноста на проширувањето на ЕУ со регионот, беше едногласно констатирано дека Западен Балкан е важен не само за безбедноста и стабилност на ЕУ туку и за севкупниот економски, политички и општествен напредок на континентот.

На средбите стана збор и за парламентарната соработка, подготовките за следниот мешовит парламентарен комитет меѓу Северна Македонија и Европскиот парламент, а воедно се разговараше и за плановите и временската рамка за подготовка на наредната резолуција на Европскиот парламент за земјата.

Османи во текот на денот ќе се сретне ѝ со високиот претставник за надворешна и безбедносна политика и потпретседател на Европската комисија, Жозеп Борел; а во агендата за денеска се наоѓа ѝ средбата со Мирослав Лајчак, посебен претставник на ЕУ за Западен Балкан и за дијалогот Белград – Приштина.

Прикажи повеќе...

Најново

Македонија3 часа

Одбраната на Јанакиески: Ако бил близок соработник на Груевски, немало да биде прислушуван

Адвокатот Димитар Дангов во завршните зборови посочи дека обвинението против Миле Јанакиески за „Насилство во Центар“ треба да биде повлечено...

Македонија3 часа

Четири лица починаа, потврдени 48 нови случаи на коронавирус во Македонија

Во последните 24 часа потврдени се 48 нови случаи на коронавирус од 387 теста, а починаа четири лица, соопшти Министерството...

Македонија4 часа

МОН: Во тек се тестирањата на Националната платформа за онлајн-настава

Во тек се тестирањата на платформата, се работи на нејзина оптимизација, велат од Министерството за образование и наука по реакциите...

Регион4 часа

Црна Гора го враќа полицискиот час во некои градови

Со оглед на екстремно распространетиот локален пренос на коронавирус, големиот број случаи во болниците и огромниот притисок врз здравствениот систем,...

Свет4 часа

(Видео) Жестоки борби во Нагорно-Карабах, светските лидери бараат прекин на огнот

Голем судир меѓу Ерменија и Азербејџан избувна во регионот Нагорно-Карабах. ООН повика на итен прекин на огнот. Москва, Вашингтон и...

Свет5 часа

Kина: Запрете го увозот на замрзната храна од загрозените земји, преку неа се пренесува короната

Властите во Пекинг апелираа до увозниците да престанат да увезуваат замрзната храна од земјите погодени од епидемијата Ковид-19 бидејќи примероците...

Македонија6 часа

Притвор за десеттемина дрвокрадци кои претепаа полицајци

Судот определи мерка притвор од 30 дена за десет осомничени лица кои биле вклучени во претепувањето на полициските службеници во...

Регион7 часа

Трамп: Лидерите на Србија и Косово се прегрнаа во Белата куќа, прекрасно беше да се види тоа

На предизборен митинг во сојузната држава Пенсилванија, Трамп повторно зборуваше за неговото посредување меѓу Србија и Косово, како и меѓу...

Економија7 часа

Усвоен четвртиот пакет економски мерки – 470 милиони евра за поддршка на граѓаните и стопанството

Владата на вчерашната редовна седница ја разгледа информацијата за четвртиот сет економски мерки за ревитализирање на економијата во услови на...

Македонија8 часа

Седум града со над 100 активно заразени од коронавирус

Во моментот во земјата како активни се водат 2.323 случаи на заразени од коронавирус. Од нив, во седум македонски града...

Економија20 часа

Субвенции и за казината – ќе плаќаат само една третина од износот за лиценца

Во четвртиот сет мерки Владата предвиде субвенции за приредувачите на игри на среќа за месеците октомври, ноември и декември. Тие...

Македонија20 часа

Заев и Борисов разговараа телефонски: Историските комисии треба да најдат решенија прифатливи за двете страни

Премиерите на Република Северна Македонија и Република Бугарија, Зоран Заев и Бојко Борисов, денеска телефонски разговараа за повеќе области на...

Регион21 час

Серија земјотреси кај Атос

Серија земјотреси, од кои најсилниот од 5,2 степени според Рихтеровата скала, ја погодија областа Атос во Грција во последните 24...

Свет22 часа

(Видео) Борбите околу Нагорно-Карабах траат со часови, има мртви и ранети војници и цивили

Парламентот на Азербејџан прогласи воена состојба и полициски час во неколку региони по вооружениот конфликт со Ерменија околу Нагорно-Карабах, јавува...

Свет23 часа

Папата Франциско повика на мир меѓу Ерменија и Азербејџан

Папата Франциско денеска апелираше до Ерменија и Азербејџан да ги решат „нивните недоразбирања“ преку преговори по конфликтот за отцепениот регион...

Топ1 ден

Шестгодишно дете почина од струен удар во Скопско

Шестгодишно дете почина од струен удар во Скопско. Како што информира МВР, вчера во 14.25 часот во СВР Скопје, од...

Македонија1 ден

Tројца починати и 148 новозаразени од Ковид-19

Министерството за здравство информира дека во последните 24 часа се направени 1.224 тестирања, а регистрирани се 148 нови случаи на...

Економија1 ден

Викенд без ДДВ од 10 до 12 октомври

Викендот без ДДВ ќе биде за време на празничниот продолжен викенд од 10-12 октомври. Државата ќе врати ДДВ на секој...

Топ1 ден

Малолетник од Струмица осомничен за 13 тешки кражби и разбојништва

Струмичката полиција до надлежното Основно јавно обвинителство ќе поднесе пријава против 13-годишник од Струмица, поради сомнение дека извршил 13 кривични...

Европа1 ден

Брисел – ново европско жариште на вирусот

Дневниот просек на новоинфицирани со коронавирусот во последната недела во Брисел е 2.305, односно 340 заразени на 100 илјади жители....

Досие