Македонија

Пендаровски на средба со амбасадорите на Јапонија и на Холандија

Објавено пред

1 година

- 17 мај, 2019

Од

Претседателот на Република Северна Македонија, Стево Пендаровски, денеска ја прими амбасадорката на Јапонија, Кеико Ханеда и го прими амбасадорот на Кралството Холандија, Вилем Вaутер Пломп.

Двајцата амбасадори му упатија честитки на претседателот Пендаровски за стапувањето на функцијата, му посакаа успешна работа и изразија уверување за унапредување на односите на Република Северна Македонија со нивните држави во периодот што претстои.

На средбата со амбасадорката Кеико Ханеда, претседателот Пендаровски го истакна значењето на Јапонија за стабилноста, просперитетот и развојот на Република Северна Македонија и на поширокиот регион. Како земја која е докажан пријател на Република Северна Македонија, претседателот Пендаровски изрази очекување за натамошно продлабочување на односите меѓу двете земји во сите сфери од заеднички интерес, особено на економски план.

На средбата со холандскиот амбасадор Пломп, претседателот Пендаровски ја истакна значајната улога што Кралството Холандија ја има преку директно помагање на процесите на европска трансформација на Република Северна Македонија. Двајцата соговорници оценија дека меѓу двете земји постои континуирана и тесна соработка во повеќе области од заемен интерес, што е во полза на граѓаните на двете држави.

Пендаровски изрази очекување за валоризација на постигнувањата на Република Северна Македонија преку одредување датум за почеток на преговори со Европската Унија во јуни, истакнувајќи дека поддршката на Кралството Холандија е клучна, како земја основач на Европската Унија.

©Makfax.com.mk Доколку преземете содржина од оваа страница, во целост сте се согласиле со нејзините Услови за користење.

Поврзани Артикли:

Следно

Три месеци условна казна затвор за Тони Михајловски за заканата кон Тричковски

Претходно

Жерновски на министерска сесија во Хелсинки

Македонија

(Видео) Програмата на СДСМ и Коалицијата Можеме објавена на знаковен јазик

Објавено пред

20 минути

- 7 јули, 2020

Од

Макфакс

СДСМ и Коалицијата „Можеме“ шесте клучни столба од Програмата ги објавија на знаковен јазик.

На овој начин, како што истакнуваат од партијата, најважните, клучните ветувања и заложби на СДСМ и коалицијата „Можеме“ сега се достапни и за лицата со оштетен слух и за лицата со оштетен вид.

Прикажи повеќе...

Македонија

(Видео) Јанушев: Намалување на персоналниот данок на доход и данокот на добивка на 8%

Објавено пред

38 минути

- 7 јули, 2020

Од

Макфакс

„Само држава со силен приватен сектор е силна држава. Се обврзуваме на намалување на данокот на добивка и персоналниот данок на доход на 8%, повеќе средства за инвестиции во нови технологии и линии на производство,царинска гилотиња и подобри услови при извоз и увоз,реформи во инспекцискиот систем. Приватниот сектор ќе биде стожер на државата“, вели Игор Јанушев, генерален секретар на ВМРО-ДПМНЕ и носител на Изборна Единица 3.

Прикажи повеќе...

Македонија

Ибрахим: Ќе создадеме нови работни места за да ги задржиме младите во земјава

Објавено пред

46 минути

- 7 јули, 2020

Од

Макфакс

Под мотото „Продолжуваме кон целта”, Партијата за движење на Турците (ТХП) продолжува со предизборната кампања за престојните предвремени парламентарни избори.

На предизборната трибина организирана во Кичево се обрати Претседателот на ТХП, Енес Ибрахим, кој воедно е и кандидат за пратеник во 5-та изборна единица. Ибрахим во својот говор се осврна на долгогодишната принципиелна борба на ТХП, која беше препознаена од страна на граѓаните од турската етничка заедница и заеднички се собори режимот. Ибрахим додаде дека ТХП и во следните години ќе продолжи да работи за демократско и праведно општество, чии темели се поставија во изминативе три години.

„Нашата цел е Република Северна Македонија континуирано да се развива во сите полиња, а нашите граѓани да имаат поквалитетен живот со европски стандарди. Покажавме дека државата може и треба да пружи рака на секој граѓанин без разлика на етничка, верска, политичка припадност. Со вашата поддршка и во следните 4 години ќе продолжиме да создаваме нови работни места, да обезбедиме повисоки примања, да ги зголемиме странските инвестиции, но и да ги задржиме младите во нашата татковина”, кажа Ибрахим, навестувајќи голема победа на коалицијата „Можеме” на 15-ти јули.

На трибината учествуваше и генералниот секретар на ЛДП, Боби Мојсоски, кандидат за пратеник од 5-та изборна единица.

Прикажи повеќе...