Македонија
Петмина починати и 87 нови случаи на Ковид-19

Министерството за здравство информира дека во последните 24 часа се направени 1.156 тестирања, а регистрирани се 87 нови случаи на Ковид-19 во Скопје-34, Куманово-13, Тетово-8, Струга-1, Битола-1, Кавадарци-4, Гостивар-20, Струмица-2, Берово-1 и тројца во Кичево.
Институтот за јавно здравје денеска регистрира 51 оздравен пациент од Скопје-35, Куманово-1, Штип-4, Тетово-1, Гостивар-1, Пробиштип-2, Свети Николе-6 и еден од Кратово.
Во изминатите 24 часа починати се петмина пациенти, тројца од Скопје (49, 72 и 74 години), пациентка од Струга (53) и пациентка од Берово (57). Сите пациенти се починати во болнички услови.
Вкупната бројка на ковид дијагностицирани во нашата земја од почетокот на епидемијата изнесува 12.739, бројката на оздравени пациенти е 9.174, на починати е 544, а во моментов бројот на активни случаи изнесува 3.021. Денес се евидентира еден контролен тест. Во согласност со новите податоци, статистиката на активни случаи по градови е следна:
• Неготино 35, активни 11 (*10 лица од ПЕ Неготино се жители на Демир Капија)
Досега во земјата се направени вкупно 126.284 тестирања на Ковид-19. Денеска нема тестирања во рамките на скринингот.
На Инфективната клиника во изминативе 24 часа примени се 6 лица, а вкупно се хоспитализирани 80 пациенти. На кислородна поддршка се 43 пациенти.
Во болницата во Козле се хоспитализирани 19 возрасни пациенти позитивни на Ковид-19 и 7 деца позитивни на вирусот, а еден пациент е суспектен на вирусот.
Во болницата „8 Септември“ примени се 7 нови, а вкупно хоспитализирани се 78 пациенти. На респираторна машина се три лица.
Во болницата во Битола се хоспитализирани 18, а во болницата во Штип се хоспитализирани 40 пациенти. На инфективните одделенија во Тетово, Охрид, Велес, Куманово, Прилеп, Гостивар, Струмица и Струга се хоспитализирани 116 пациенти – позитивни и сомнителни на Ковид-19.
Статистиката за активни случаи по скопските општини денеска е следна:
©Makfax.com.mk Доколку преземете содржина од оваа страница, во целост сте се согласиле со нејзините Услови за користење.

Македонија
На Табановце за излез од државата се чека околу 30 минути

Сообраќајот на државните патишта се одвива непречено, по суви коловози. Интензитетот на сообраќајот на патиштата надвор од градските средини е зголемен, извести АМСМ.
Поради летните одмори, се бележи зголемена фреквенција на возила, на ГП Табановце времето на чекање за излез е околу 30 минути. На останатите гранични премини од македонска страна нема подолги задржувања при влез или излез од државата.
Македонија
Дел од Аеродром денеска без струја

Регионалниот центар за управување со кризи на Град Скопје, по добиеното известување од ЕВН Македонија АД, информира дека: поради технички зафати во електродистрибутивната мрежа денеска, без електрична енергија ќе останат:
· од 08:30 до 15:30 часот, корисниците на улица Филип Богдански, општина Аеродром;
· од 09.00 до 13.00 часот, корисниците од дел од улицата Црноризец Храбар, од бр. 2 до бр. 20., општина Аеродром.
Македонија
Сончево со мала до умерена локална облачност, температурата до 32 степени

Времето денеска ќе биде сончево со мала до умерена локална облачност. Ќе дува слаб до умерен ветер претежно од југозападен правец. Попладне во планинските региони ќе има услови за локален слаб дожд.
Минималната температура ќе биде во интервал од 8 до 17, а максималната ќе достигне од 25 до 32 степена.
Во Скопје, сончево со мала до умерена облачност. Ќе дува слаб до умерен југозападен ветер. Минималната температура ќе се спушти до 14, а максималната ќе достигне до 31 степен.
Времео во наредните денови
Во вторник претежно во планинските региони ќе има услови за локален слаб дожд. Дневните температури ќе бидат малку под просекот за овој период од годината. Од средината на следната седмица времето ќе биде сончево и потопло со пораст на дневната температура.