Македонија
Поддршка во борбата со рак на дојка – Сигурност во најпотребните животни моменти со „Халк осигурување“
Секојдневно три од четири случаи се дијагностицираат со рак на дојка, повеќе од 250 жени заболуваат месечно, додека 90 од нив ја губат битката. Со овие статистики ракот на дојка претставува најчест облик на тумор кај жените. Периодот на ковид-пандемијата го отежна пристапот до медицинска услуга и до третман, а уште повеќе и до одложување на дијагностицирањето на заболувањата. Затоа, повеќе од кога и да било, потребни се, пред сè, самопрегледите, превенцијата и раното детектирање на состојбите.
Во вакви вонредни состојби најмногу размислуваме на она кое е за нас највредно: семејството, родителите, децата, здравјето. Од тие причини „Халк осигурување“ креираше Доброволно приватно здравствено осигурување (ДПЗО) кое го адаптира во согласност со индивидуалните потреби на клиентите. Покрај обезбедувањето на најдобрите услови за своите клиенти, „Халк осигурување“ секогаш се труди да обезбеди квалитетна услуга и брза информација за своите осигуреници. Во овој случај, Ирена Младеновска-Анастасовски, помошник-директор на дирекцијата за продажба и продажна мрежа на „Халк осигурување“, разговараше со специјалист радиологот д-р Билјана Божиновска, сè со цел да се поттикнат превентивните прегледи.
- Зошто се важни превентивните и редовните прегледи на дојка кај жените и на колкав временски период треба да бидат?
Кај жените најчеста причина за смрт од малигни неоплазми, според направени истражувања во периодот 2010-2017 година, е малигната неоплазма на дојка. Стапката на морталитет се движи од 30 жени во 2010 година до 27 жени во 2017 година на 100 000 жени.
Извор: Институт за јавно здравје.
Се смета дека секоја четврта жена која ќе добие некаков тип на малигном во телото, ќе го има токму малигномот на дојка.
Воедно знаеме дека со рана детекција на ракот на дојка се зголемува и можноста за негово излекување. Ова е основна причина за да се препорача преглед на дојките кај секоја жена, започнувајќи од 18-годишна возраст, еднаш годишно, со ехо. Над 40-годишна возраст се препорачува секоја втора година и мамографија, додека кај ризичната група на пациентки (стерилитет, хормонална терапија, пушење) секоја трета година и магнетна резонанца на дојки.
- Дали е потребно жените, покрај редовни преглeди на доктор, да прават самопреглед и кој е начинот?
Да! Многу е важно секоја жена да прави самопреглед на дојките и тоа од 7. до 10. ден, броејќи од првиот ден на менструалниото крвавење.
Вовлечени брадавици, секрет, изглед на кожата како кора од портокал се некои од знаците за кои треба да реагирате. Доколку палпирате некоја формација, без разлика на големината и дали е болна или не, исто така треба да се јавите на доктор. Важно е да се напомене дека не сите промени можат да се палпираат или да се видат и затоа е најсигурен прегледот од доктор.
- Кој е соодветниот лекарски третман на луѓето заболени од рак?
Планирањето на третманот кај лицата заболени од рак е секогаш резултат на добра соработка на соодветени доктори – онколог и хирург. Секој пациент е индивидуален, секој доктор прави сè што е во негова моќ за да обезбеди соодветен третман на пациентот.
Вербата во самите себеси кај пациентите и вербата во докторот се најдобриот третман за луѓето заболени од рак.
- Што покрива Доброволното приватно здравствено осигурување на „Халк осигурување“ АД Скопје поврзано со оваа болест?
Бројките на годишно ниво на заболени од рак на дојка фрапантно се зголемуваат од година во година и ова е навистина комплексна и чувствителна тема. Поддршката и сигурноста во верен партнер кој стои со вас во борбата е дополнителен поттик за „Халк осигурување“ да ја доработува полисата на своето Доброволно приватно здравствено осигурување. Полисата за Доброволно приватно здравствено осигурување на „Халк осигурување“ АД Скопје, меѓу другото, има покритие на целокупниот процес на лекување на ракот на дојка и тоа од моментот на детекција и дијагностицирање, односно на: сите потребни дијагностички постапки, второ мислење, хируршка интервенција, како и хемотерапија. „Халк осигурување“ АД Скопје соработува со голем број медицински установи, а сè со цел да им обезбеди на своите осигуреници најдобра и најбрза услуга. Ваш е изборот каде ќе го извршите лекувањето и третманот.
- Како компанија која се грижи за своите осигуреници, што друго овозможува вашиот продукт во врска со оваа болест?
За жал, бројките покажуваат дека сè почесто оваа болест се појавува, освен кај повозрасната женска популација, и кај помладата женска популација и реално сè повеќе влијае психолошки врз нив. За таа цел Доброволното приватно здравствено осигурување на „Халк Оосигурување“ АД Скопје во своето покритие има и покритие за психијатриски услуги во случај на дијагностицирано малигно заболување кое, на некој начин, би им помогнало на нашите осигуреници полесно да ја прифатат новонастанатата ситуација во која се наоѓаат.
- Соработката меѓу „Халк осигурување“ и „Оне хоспитал“ за корисниците на Доброволно приватно здраствено осигурување е секако некаков индикатор дека дала плод и дека сте постигнале резултати. Колку сте задоволни од оваа соработка, но и од фидбекот на јавноста?
Бидејќи во фокусот на двете компании е здравјето и грижата на корисниците и осигурениците, соработката меѓу „Халк осигурување“ АД Скопје и „Оне хоспитал“ е одлична. Желбата да се спаси живот, да се помогне и брзо да се реагира се адут на двете компании, а за тоа зборуваат и многубројните позитивни пораки кои ги добиваме.
Нашата порака е:
Не одложувајте! Ако се појават здравствени проблеми, посетете го вашиот лекар што побрзо.
Повеќе за Доброволното приватното здравствено осигурување можете да прочитате на веб-страницата на Халк осигурување www.halkinsurance.com.mk, на е-поштата со адреса [email protected] или на телефонскиот број (02) 155 66 или +389 (0) 2 3122 385
(ПР текст)
©Makfax.com.mk Доколку преземете содржина од оваа страница, во целост сте се согласиле со нејзините Услови за користење.
Македонија
(Видео) Работници од Индија кои никогаш не виделе снег, за прв пат му се радуваат овде во Македонија
Работниците од Индија кои работат на автопатот Прилеп-Битола и се сместени во кампот на “Бехтел и Енка”, за прв пат гледаат снег во Македонија, па одлично се забавуваа и уживаа во белата покривка.
Македонија
Левица обвинува за злоупотреби со земјоделски субвенции во Кавадарци
Поранешниот началник на подрачната единица на Министерството за земјоделство во Кавадарци, Митко Керов, член на СДСМ, со години злоупотребувал лични податоци на граѓани за незаконско осигурување на земјоделски поседи и прибирање државни субвенции, обвинија денеска од ПП Левица.
Според партијата, Керов во соработка со осигурителни компании осигурувал поседи во сопственост на граѓани, најчесто возрасни лица кои не користат електронски услуги на Министерството, без нивно знаење и без нивно присуство при склучување договори.
„Таргет на поранешниот началник биле возрасни граѓани кои вообичаено не пристапуваат на софтверите за услугите на Министерството, со што тие воопшто не би дознале дека нивните поседи се осигурани“, велат од Левица.
Од партијата наведуваат дека Керов ги осигурувал поседите, аплицирал за субвенции за покривање на осигурителните премии и од тие средства добивал лична корист, а за граѓаните станало јасно што се случува дури откако нивните поседи биле оштетени од мраз во изминатите неколку сезони.
„Земјоделците, при аплицирање за обештетување преку јавните повици во општините, биле одбиени со образложение дека нивните поседи се веќе осигурани, иако тие никогаш самите не аплицирале“, посочуваат од Левица.
Според наводите, во обид да ја прикрие ситуацијата, Керов преку физичко лице – неговиот татко И. Керов – уплаќал симболични суми на сметките на дел од оштетените земјоделци, со опис на дознаката „Штета за 2024 година“.
„Очигледна е ноторната злоупотреба на службената положба и овластување, како и злоупотреба на државни средства за субвенционирање“, нагласуваат од партијата.
Од Левица дополнително обвинуваат дека за случајот биле информирани структури од ДПМНЕ, но наместо да постапат, свесно молчеле и вршеле притисок скандалот да не излезе во јавност.
„Наместо институционална реакција, се прават обиди за релативизирање и заташкување на случајот, со цел да не се отвори поширока истрага која би ја разоткрила целата мрежа на корупција“, велат од Левица.
Партијата го повикува Јавното обвинителство да отвори истрага, да ги провери сметките на членовите на семејството Керови, сопствениците на осигураните поседи, како и да ги испита наводите од граѓани од Кавадарци и Росоман.
„Доколку има потреба, истрагата треба да се прошири и во други локални самоуправи и да се преземат соодветни мерки“, порачуваат од Левица.
Македонија
ССМ повикува на масовен протест за плати: „Ова е борба за достоинството на работниците“
Сојузот на синдикатите на Македонија најави масовен работнички протест што ќе се одржи на 28 јануари во 17 часот во Скопје, со главно барање зголемување на работничките плати и покачување на минималната плата на 600 евра. Протестот ќе започне пред Работничкиот дом, а потоа ќе продолжи пред Собранието, Стопанската комора и Владата.
Во отворено писмо до работниците, претседателот на ССМ, Слободан Трендафилов, порачува дека протестот не е прашање на избор или удобност, туку егзистенцијална борба.
„Овој протест не е за ‘ако имаш време ќе дојдеш’, туку за твојата плата, затоа што истата не стигнува од први до први. А кој да протестира за твојата плата ако не прво ти, па сите ние заедно“, наведува Трендафилов.
Тој обвинува дека работниците се потценети и од работодавачите и од власта, при што едните профитираат од ниски плати, а другите ја користат економската несигурност за политичка контрола.
„На газдите им е важно со ниски плати да им го создавате капиталот, а на властите со ниски плати да ве владеат – сиромашен, но послушен народ“, се наведува во писмото.
Според ССМ, над 200 илјади работници во државата земаат плата под 31.200 денари, што е под прагот на сиромаштија, додека функционерите добиваат значителни покачувања.
„Неправдата е во тоа што за нив има зголемувања од 250 евра и 78 проценти, а за работниците – ништо. Истите тие на кои им ја давате моќта и платата, не водат грижа за вас и вашите семејства“, посочува Трендафилов.
Во писмото се предупредува и на, како што се наведува, обидите работниците да бидат заменети со поевтина работна сила од странство, како и на непочитувањето на колективните договори, поради што дел од вработените се принудени правдата да ја бараат на суд.
„Тие мислат дека не ви треба зголемување на платата затоа што не барате. Ако молчите, тие мислат дека ви е доста“, се наведува во пораката.
Трендафилов потенцира дека протестот е и за оние кои се плашат да излезат јавно, но и за сите граѓани, бидејќи зголемувањето на платите ќе значи и зголемување на пензиите.
„Господата ви личат големи затоа што им клечите. Станете со нас и ќе видите колку се всушност мали“, порачува тој.
ССМ информира дека протестот ќе се одржи по работно време за да можат да присуствуваат што поголем број работници, а ќе биде обезбеден и коридор за итни случаи.
„Јас и луѓето што ги знам ќе бидеме таму. Можеби сами не можеме да промениме многу, но заедно можеме да промениме сè. Овој протест е само почеток“, порачува Трендафилов.
Главното барање на протестот е зголемување на платите за најмалку 6.000 денари преку покачување на минималната плата на 600 евра.
„Изговор да не протестираат за плата може да имаат само газдите и избраните и именуваните. Време е“, завршува Трендафилов.
Ризик по животот: Човекот кој се искачи на Тајпеј 101 без заштита земал половина милион евра
Американскиот алпинист Алекс Хонолд изјави дека му е платен „смешно мал“ надомест за да се искачи на облакодер од 488...
Се претставил како инспектор, изнудил пари од жена за наводна сообраќајка, па бил фатен на граница
СВР Битола, во координација со Одделот за криминалистичка полиција при Бирото за јавна безбедност, поднесе кривична пријава до Основното јавно...
Пешак се бори за живот на Ургентен во Скопје , малолетник го удрил со автомобил
Малолетник со возило удрил во автомобил и пешак, кој се бори за живот во Ургентен цнетар во Скопје, информираа денеска...
Најдено тело на четиригодишно дете кое паднало oд брод со мигранти
Крајбрежната стража на Грција вчеравечер уапси маж кој со брод се обидел да избега додека криумчарел мигранти, додека пак пред...
Киев е без греење на минусни температури, Зеленски бара поддршка за воздушна одбрана додека
Украинскиот претседател Володимир Зеленски побара од сојузниците поголема поддршка за воздушна одбрана, бидејќи стотици згради во Киев се без греење...
Безбеден град ќе казнува по 500 евра и една година без возачка за брзо возење
Министерството за внатрешни работи денеска во рамки на проектот „Безбеден град“ ќе спроведува активности за тестирање, калибрација и верификација на...
Да беше жив Тоше Проески денес ќе полнеше 45 години
На денешен ден, 25 јануари 1981 година, е роден Тоше Проески, македонски пејач чиј музички опус и хуман ангажман го направија...
АХВ за една година спровела над 125 илјади контроли и наплатила 618 илјади евра
Над 125 илјади инспекциски контроли од областа на безбедноста на храната и храната за животни, здравствената заштита и благосостојбата на...
Денес може да се дарува крв во чест на хуманоста на Тоше Проески
Во рамките на традиционалните крводарителски акции на Црвениот крст на град Скопје и оваа година ќе се реализира крводарителска акција...
Адвокатката на газда Деко од „Пулс“ бара надлежните да реагираат откако родителите на загинатите деца ја ставија на транспарент
Адвокатката Ивана Коцевска, која е бранител на прво и на третообвинетиот во процесот „Пулс“ денеска излезе со реакција, поради употреба...
Семејствата на загинатите во „Пулс“ со порака: Правдата што доцни не е правда
„Правдата што доцни не е правда“ – ова беше пораката што денеска повторно одекна во Кочани, од блиските на загинатите...
Зеленски: Трилатералните разговори беа конструктивни
Украинскиот претседател Володимир Зеленски денеска изјави дека трилатералните разговори меѓу делегациите на Украина, Русија и САД во Абу Даби биле...
86-годишна жена од Виница измамена за 30.000 евра, лажен лекар ја довел во заблуда дека ќерката е повредена
Осумдесет и шестгодишна жена од Виница пријавила дека била жртва на телефонска измама во која останала без 30.000 евра, откако...
Завршија преговорите меѓу делегациите на Москва, Вашингтон и Киев во Абу Даби
Во Абу Даби предмалку завршија преговорите за безбедноста на Украина меѓу делегациите на Москва, Вашингтон и Киев, јавијха руските медиуми....
Државата наплати данок од над 2 милиони денари од донациите за настраданите во пожарот во Кочани
Иницијативата „Супорт Кочани“ ја реализираше третата распределба на средства собрани преку заедничката наменска сметка за донации. На лица директно погодени...
На минусни температури, 6.000 згради во Киев останаа без греење по синоќешниот руски напад
Речиси 6.000 згради во украинската престолнина Киев останаа без греење по синоќешниот руски напад, изјави градоначалникот на градот, Виталиј Кличко,...
Крвава ноќ во Калуѓерица, маж по расправија со девојка се прободел со кујнски нож
Д.Г. (40) се повредил со нож во пределот на стомакот по расправија со девојка. Инцидентот се случил во белградската населба...
Со понудени куќи, булдожери и милионска гаранција конзулот Марковски излезе од притвор
Куќа со двор и 3 стана во Битола, 25 булдожери и камиони, се гаранцијата која ја дал сопственикот на „Марковски...
По денешните протести, Синдикатот на „Македонска пошта“: Надминати се сите проблеми, декемвриската плата е исплатена
Незадоволството на вработените во Македонска Пошта денеска прерасна во организиран протест низ целата држава, а причина за ваквата реакција и...
(Видео) Се појавија првите снимки од денешната средба: разговорите меѓу САД, Украина и Русија во Абу Даби ќе продолжат утре
Трилатералните разговори меѓу САД, Украина и Русија, што се одржаа денес во Абу Даби, беа оценети како продуктивни и ќе...
