Контакт

Македонија

Поповска од ДОМ остро го критикува францускиот предлог во отворено писмо до Европските Зелени

Објавено пред

Поранешна претседателка на првата парламентарна зелена партија во Македонија, ДОМ – Демократска обнова на Македонија, Лилјана Поповска напиша отворено писмо до Европските Зелени во кое бара помош за нормализација на процесот на отворање преговори со ЕУ за Македонија и за исправање на неправдата.

dobivaj vesti na viber

Во посмото вели дека во моментов на Македонија и се нуди целосно неприфатлив предлог, диктиран од Бугарија, напишан од Франција, а во преговарачката рамка е вградена целата негаторска политика на поголемиот дел од бугарската политичка елита за јазикот, идентитетот и историјата на Македонците и македонската држава.

Целото писмо на Поповска во прилог:

„Ви се обраќам како поранешна претседателка на првата парламентарна зелена партија во Македонија, ДОМ – Демократска обнова на Македонија, која е и Ваша полноправна членка. Долги години соработувавме како соборци за демократија, човекови права, заштита на климата и животната средина, културен диверзитет и социјална правда. Овде, во Македонија, со Ваша помош се собираа зелените партии од целиот Балкан, кога другите политички фамилии не можеа да најдат заеднички јазик. Ние, пак, заеднички го сонувавме зелениот европски сон, покажувајќи дека зеленото е моќна обединувачка идеја која надминува граници и предрасуди. Како што знаете, се повлеков од политиката целосно и трајно, дејствувајќи сега како граѓански активист за истите вредности во кои верувам.

Во свое лично име Ви се обраќам за да побарам помош за нормализација на процесот на отворање преговори со ЕУ за Македонија и за исправање на една голема неправда. Токму зборот НЕПРАВДА стана синоним за Македонија, зашто изгледа како секоја држава да добива право да си поигрува со нас, со нашата иднина и среќа. Премногу долго сме третирани како монета за поткусурување на интересите на „поголемите“ од нас. Веќе три децении сме под разни блокади, од кои две се во официјалната чекална на ЕУ, а сме имале неброени позитивни оценки за почеток на преговорите.

Во моментов на Македонија и се нуди целосно неприфатлив предлог, диктиран од Бугарија, напишан од Франција, а официјално поддржан од ЕУ. Се претставува како „компромисно решение за дигање на бугарското вето за почеток на преговорите со ЕУ“, иако е само грда уцена и измама, која не може дури ни да се реализира, и по цена некој да се обиде да ги исполнува бесмислените диктати од предлогот. Во преговарачката рамка е вградена целата негаторска политика на поголемиот дел од бугарската политичка елита за јазикот, идентитетот и историјата на Македонците и македонската држава. Од нас се очекува да „признаеме“ дека сме всушност Бугари со бугарски јазик, на кои Тито им го „свртел умот“, па се декларирале како Македонци од 1945 наваму. Ова треба потоа да го внесеме во учебниците, што ќе биде под строга „вето контрола“ на нашите соседи. А пред да почнат воопшто преговорите, треба да ги внесеме Бугарите во нашиот устав, но не како малцинска заедница, туку како конститутивен народ, за да можеле, како што велат, „да ги освестуваат“ заблудените Македонци одвнатре, како вградена мина во државната структура. Само да потсетам, истата држава не признава малцинства во својот устав и жестоко ги прогонува и забранува тамошните Македонци и нивните здруженија. За ова сте добро информирани, со оглед на тоа што Европските Зелени се со години особено активни во Советот на Европа со поддршка на нивните права, со што се издејствувани 16 пресуди на Европскиот суд за човекови права во нивна полза. Ниедна од овие пресуди не е реализирана!

Се разбира, целиот пакет со условувања во преговарачката рамка е спротивен на критериумите од Копенхаген, но и на сите повелби на ОН за човековите права и правото на самоизјаснување. Сепак, во овој миг, европските структури застанале зад ваквиот предлог и се прави непримерен притисок врз Владата и пратениците да го прифатат, во состојба на масовна огорченост и револт на граѓаните, кои се на улица. Не повикуваат да бидеме рационални, а не емотивни. Но токму во името на разумот не можеме да прифатиме уцени кои го засегаат идентитетското чувство. Исто така, не можеме да не бидеме емотивни кога сме понижени и загрозени, зашто ни е реално затворен патот за кој верувавме дека води кон подобро, поправедно и понапредно општество.

Само да потсетам, нашиот од по маките започна со блокадата од Грција и забрана на самиот збор Македонија во нашето име! ЕУ со Лисабонската декларација од 1992 првин го прифати ова, за да се повлече по наша реакција и на многу разумни личности од меѓународната сцена. Но грчкото вето за НАТО и ЕУ продолжи со долги и мачни преговори за името, во кои беше гмечено нашето достоинство, чувство за реалност и шанси за демократски и економски напредок. И за ова сте добро информирани, зашто Европските Зелени беа речиси единствените доследни борци за заштита на човековите права и европските принципи, инсистирајќи на деблокада на Македонија и невнесување на билатералните спорови во европската агенда. Преку Вашите претставници во Европскиот парламент и нивните амандмани, Македонија имаше свои претставници и заштитници на правата на обесправените!

Агонијата со името само формално заврши со Преспанскиот договор, зашто додавката пред нашето име ја мразиме и не сакаме ни да ја изговориме, а посебно не боли кога некој сака од неа да прави именки и придавки за идентитетот и јазикот. Освен приемот во НАТО што беше една од стратешките цели и кохезивен елемент меѓу македонските граѓани, добивме длабока граѓанска поделеност, но и ново вето од Франција заради нова методологија на прием, па уште едно вето од Бугарија поради идентитетски и историски причини. ЕУ, која беше гарант на договорот, не измами и остана затворена за нас.

Почитувани зелени пријатели, ова обраќање е молба да и помогнете на Македонија повторно и на Ваш начин, во името на правдата и вистинските европски вредности да го издејствувате невозможното – нова дебата во Европскиот парламент за отворањето на преговорите со Македонија. Европа се бори за правда во Украина, против присвојувањето на јазикот, идентитетот и територијата од страна на Русија. Зошто тогаш дозволува истото тоа да и го прави Бугарија на Македонија? Зарем правото на правда зависи од големината на земјата и од моменталните геостратешки интереси?

Молам за правда за Македонија, подеднаква како и за Украина и за секоја онеправдана земја! Помогнете ни да се одбраниме од империјалистичкото наметнување услови за тоа кои сме, кој е нашиот јазик, како ќе се нарекуваме и каква ќе биде нашата колективна меморија! Со Ваше заземање како најавтентични Европејци меѓу Европејците, ќе застанете и во одбрана на вербата дека Европската унија не е само нереален сон за целиот Балкан и пошироко.

Со почит и надеж,

Лилјана Поповска“.

Македонија

Димитров: Зачести употребата на терминот „северномакедонци“, мора редовно да се реагира на секоја погрешна употреба

Објавено пред

Во последно време зачести употребата на непостоечкиот термин “северномакедонци” од страна на претставници на земји – наши пријатели, кои го поддржуваат Преспанскиот договор, вели поранешниот министер за надворешни работи, Никола Димитров.

dobivaj vesti na viber

„ Но, еден од двата клучни столба на компромисот на Преспанскиот договор, е токму самоопределувањето како Македонци кои зборуваат македонски јазик, нешто што самиот Договор го гарантира. Со други зборови “Северна Македонија” е можна само доколку во неа живеат Македонци, заедно со своите сограѓани и тоа така мора да се почитува.

Затоа секоја употреба на терминот “северномакедонци” освен што е навреда за Македонците е и подривање на Преспанскиот договор. Очигледно е потребен далеку посериозен фокус на нашата дипломатија за овој недвосмислен наратив да се промовира во меѓународните односи и да се превенира оваа појава бидејќи се чини дека во последниве месеци тоа никој не го работи. Тоа е недозволиво.

Особено имајќи предвид дека во овој период една земја членка на ЕУ и наш сосед директно го негира токму македонскиот идентитет и јазик.
Мора да се работи и проактивно, но и редовно и ажурно да се реагира на секоја погрешна употреба без исклучок се’ додека меѓународната пракса не биде целосно на линија со одредбите на Договорот“ напиша Димитров на Фејсбук.

Прикажи повеќе...

Македонија

Утре сончево и топло, во попладневните и вечерните часови дожд и грмежи

Објавено пред

Вардар, Скопје, МТВ

Времето утре ќе биде сончево со мала до умерена облачност. Ќе дува умерен до засилен ветер од североисточен правец. Во попладневните и вечерните часови ќе има услови за локална нестабилност проследена со краткотраен пороен дожд и ретки грмежи. Минималната температура ќе биде во интервал од 12 до 21, а максималната ќе достигне од 30 до 37 степени. УВ=8

dobivaj vesti na viber

Во Скопје сончево со мала до умерена облачност. Ќе дува умерен, повремено засилен ветер од североисточен правец. Попладне во делови од котлината ќе има услови за краткотраен пороен дожд и ретки грмежи. Минималната температура ќе се спушти до 18, а максималната ќе достигне до 34 степени.

Во следните денови во претпладневните часови времето ќе биде сончево со мала до умерена облачност, а во попладневните и вечерните ќе има развој на локална нестабилност проследена со пороен дожд, грмежи и засилен ветер.

Прикажи повеќе...

Македонија

Подољак ѝ се заблагодари на Македонија за донацијата од тенкови: Пријателот се познава во неволја

Објавено пред

Советникот на украинскиот претседател Михаил Подољак се заблагодари на донацијата што Украина ја доби од Македонија.

dobivaj vesti na viber

Донацијата што Македонија ѝ ја испрати на Украина се состои од тенкови Т-72.

Подољак на Твитер се заблагодари на украински и на македонски јазик.

„ Пријателот се познава во неволја. Не е важно со каква големина е твојата земја, важно е какво е срцето. Многу народи денес ќе покажат повеќе храброст од половина од Г20, како Северна Македонија, која ѝ пружи помош на Украина Ние никогаш нема да го заборавиме ова“ напиша Подољак.

Прикажи повеќе...

Најново

Македонија5 часа

Димитров: Зачести употребата на терминот „северномакедонци“, мора редовно да се реагира на секоја погрешна употреба

Во последно време зачести употребата на непостоечкиот термин “северномакедонци” од страна на претставници на земји – наши пријатели, кои го...

Регион6 часа

Објавени првите резултати од увидот: Возачот изгубил контрола над автобусот од Полска

Увидот за сообраќајната несреќа во која загинаа 12 луѓе на автопатот кај Брезница, Хрватска, утврди дека возачот изгубил контрола над...

Македонија9 часа

Подољак ѝ се заблагодари на Македонија за донацијата од тенкови: Пријателот се познава во неволја

Советникот на украинскиот претседател Михаил Подољак се заблагодари на донацијата што Украина ја доби од Македонија. Донацијата што Македонија ѝ...

Топ9 часа

Жена изгоре во пожар во куќа во Стар Дојран

Утрово во пожар во куќа на улицата „Маршал Тито“ во Стар Дојран, изгоре жена. Пожарот бил изгаснат од екипа на...

Регион10 часа

Ердоган откри за што се разговарал со Путин: Повторно му понудив средба со Зеленски

Турскиот претседател Реџеп Таип Ердоган изјави дека му предложил на рускиот претседател Владимир Путин да ја организира неговата средба со...

Топ15 часа

Обид за убиство на затвореник во „Идризово“, во тешка состојба е однесен во болница

Неколку минути по полноќ, обид за убиство на затвореник имало во затворот „Идризово“. Со две рани и во тешка состојба,...

Свет15 часа

Ентони Блинкен: Кина се оддалечува од мирно решавање на проблемот

Последните дејствија на Кина во Тајван се поблиску до принуда и употреба на сила отколку до практиката на мирно решавање...

Свет16 часа

Пекинг: Меѓународната заедница мора да одговори на притисокот на САД

Кинеските власти сметаат дека е неопходно меѓународната заедница да се обедини против „непромислениот“ притисок на САД и нивното мешање во...

Свет17 часа

Израелскиот премиер по нападот: Операцијата ќе трае онолку колку што е потребно

Јаир Лапид, премиерот на Израел, зборуваше откако израелската армија изврши ракетни напади врз цели во Појасот Газа, при што беше...

Регион18 часа

Најмалку 11 лица загинаа во автобуска несреќа во Хрватска

Автобус со полски регистерски таблички излетал од патот на автопатот А4 во правец кон Загреб и според првичните информации има...

Свет18 часа

Воени вежби за можен кинески напад – Тајван подигна авиони и ги активира ракетните системи на островот

Тајванските власти утринава објавија дека во саботата во Тајванскиот теснец биле откриени голем број кинески авиони и воени бродови кои...

Свет18 часа

Се преврте чамец на Флорида, две лица се удавија

Најмалку две лица се удавија, а осум се извлечени од морето откако денеска се преврте чамец во близина на Флорида...

Свет1 ден

Гутереш: Невозможно е да се решат светските проблеми без дијалог меѓу САД и Кина

Генералниот секретар на ОН, Антонио Гутереш, рече дека е невозможно да се решат горливите прашања, како што е глобалното затоплување,...

Македонија1 ден

Нови 739 позитивни случаи на коронавирус, починало едно лице

Во согласност со податоците од Институтот за јавно здравје, Министерството за здравство информира дека во последните 24 часа направени се...

Регион1 ден

Мал авион слета на автопат во Словенија

Помал авион принудно слетал на автопатот кај Брежје во правец кон Јесеница во Словенија, јавуваат словенечките медиуми. Како што соопштила...

Топ1 ден

Убиен маж, пронајден застрелан во автомобил во Скопје

Триесет и деветгодишен маж е пронајден мртов ноќеска во автомобил на самата крстосница помеѓу с. Радуша и с. Свиларе, Скопско....

Култура1 ден

Почина актерот Митко Апостоловски

Македонскиот актер Митко Апостоловски почина на 67-годишна возраст. „Денеска нѐ напушти доајенот на македонското глумиште, долгогодишниот член на НТБ, актерот со...

Топ2 дена

Уште 30 дена притвор за Габриел Бајрам, судот се сомнева на реална опасност од бегство

Додека Габриел Бајрам се жали на осумдневниот притвор, кривичен суд одлучи дека осомничениот за насилство треба да остане уште 30...

Свет2 дена

Секој осми човек заразен со Ковид-19 има долготрајни симптоми

Еден од осум луѓе кои страдаат од коронавирусот развива барем еден долгорочен симптом на ковид, според една од најобемните студии...

Европа2 дена

Кина воведува санкции против Ненси Пелоси

Пекинг има намера да воведе санкции против претседателката на Претставничкиот дом на САД, Ненси Пелоси, јавуваат медиумите во регионот. Санкциите...