Македонија
Потребата од прочистувачи во Македонија и кои се придобивките од нивното користење

Затворениот простор во кој престојуваат луѓето неретко е исполнет со застоен воздух и прашина. Без разлика дали се работи за просториите во домот или на работното место, проблемот настанува при собирањето на нечистотиите во воздухот. По многу кратко време, бактериите и вирусите почнуваат да се множат и шират во таквото опкружување.
Иако често се дискутира за ова, луѓето ретко преземаат нешто за да го заштитат својот дом и работно место со цел да се подобри квалитетот на воздухот. Со напредокот на технологијата, постои решение за овој проблем. Веќе по пристапни цени во продажните салони на Нептун ширум Македонија може да ги набавите овие апарати и да добиете до 97% почист воздух во вашиот простор на живеење и/или деловен простор.
Кога се говори за загадениот воздух, обично не мислиме на воздухот во затворен простор, односно на воздухот во нашите домови. Но, со оглед на тоа дека поголем дел од луѓето околу 90 проценти од времето го поминуваат во затворено, каде што воздухот е дури два до пет пати позагаден од воздухот што го вдишуваме на отворено, грижата за квалитетот на воздухот би требало да биде високо на листата приоритети! Можеби не можете да влијаете на квалитетот на воздухот на работа или во некои други јавни објекти, но секако можете да направите поздраво опкружување во домот.
Ако сакате да се потпрете на модерните куќни уреди и да обезбедните почист воздух во домот, можете да посегнете по прочистувачите на воздух, посебно ако имате проблеми со алергии.
Прочистувачите на воздухот го отстрануваат загадениот воздух во вашиот дом!
Прочистувачот на воздухот е уред кој го отстранува загадувањето на воздухот во просторијата. Прочистувачите на воздух филтрираат полен, нечистотии, издувни гасови, алергени од домашните миленици, чад од цигарите, пареа и мириси од готвењето, пареа од бои и лакови и слично.
Секој прочистувач на воздух доаѓа со одреден рејтинг за стапката на чист воздух на метар квадратен (CADR). Затоа пред да купите прочистувач, треба да проверите колку метри квадратни може да прочисти и да биде соодветен за вашата просторија (дом или работен простор).
Исто така, уредот кој на многумина во зимскиот период им го олеснува животот, бидејќи спречува затнување на носот и појава на сува кожа, е навлажнувачот на воздухот.
Одвлажнувачи наспроти навлажнувачи на воздухот
Навлажнувачот се користи ако нивото на влажност е под 30%, додека одвлажнувачот се користи доколку нивото на влажност е поголемо од 50%. Препорачаното ниво на влажност во просторијата е помеѓу 30% и 50%. Апаратите кои ги има во Нептун, имаат мерачи на влажност на воздухот за да знаете кога е препорачливо да ги вклучите.
Во продажба се и комбинирани уреди – чистачи на воздухот со интегриран навлажнувач, кои обезбедуваат и доволна влажност на воздухот во домот, што е посебно важно во зимските месеци кога ги грееме просториите во кои престојуваме и кога воздухот во нив е сув. Денешните уреди се многу тивки и без проблеми можат да се користат и ноќно време во спалните соби, а во принцип не се големи потрошувачи на енергија.
Доколку имате влага и мувла во собата, набавете ОДВЛАЖНУВАЧ
Доколку вашата соба е постојано со влага, мувла, набавете одвлажнувач на воздухот за да го намалите нивото на влажност и со тоа да спречите ширењето на мувлата. Високото ниво на влажност е совршена средина за мувла.
Дознајте повеќе за уредите за квалитет на воздух и погледнете ги одличните понуди во сите Нептун продажни салони ширум Македонија и на овој ЛИНК.
©Makfax.com.mk Доколку преземете содржина од оваа страница, во целост сте се согласиле со нејзините Услови за користење.

Македонија
Билатералните прашања да останат билатерални, а не пречка за ЕУ, рече австриската министерка која е во посета на земјата

На покана на министерот за надворешни работи и надворешна трговија, Тимчо Муцунски, денес во официјална посета на земјава престојува министерката за европски и меѓународни работи на Република Австрија, Беате Мајнл-Рајсингер. Ова е прва нејзина посета на Скопје по преземањето на функцијата на 3 март годинава.
Главен фокус на разговорите беше ставен на натамошното унапредување на билатералните односи и реафирмирањето на австриската поддршка за евроинтегративниот процес на државата. Беше заеднички констатирано дека односите меѓу двете земји се одлични – политички стабилни, економски силни и исполнети со заемна почит и доверба.
Посебен акцент беше ставен на економската соработка. Министерот Муцунски ја истакна улогата на Австрија како најголем странски инвеститор и нејзиниот значаен придонес за економскиот развој. Во таа насока, ја потврди подготвеноста на Министерството и Владата активно да придонесуваат кон зголемување на трговската размена, промоција на нови соработки и привлекување австриски инвестиции, особено во областите на инфраструктурата, туризмот и енергетиката.
„Односите меѓу нашите две земји се одлични – политички стабилни, економски силни и исполнети со доверба и заемна поддршка. Австрија е најголем странски инвеститор во нашата држава, што зборува за длабочината на економската соработка и довербата во нашите институции. Особено ја цениме принципиелната и континуирана поддршка што Австрија ја дава на европската перспектива на нашата држава и на целиот регион. Како носител на групата земји „Пријатели на Западен Балкан“, Австрија игра клучна улога во држењето на проширувањето високо на агендата на ЕУ“, истакна министерот Муцунски во обраќањето пред медиумите.
Значаен дел од разговорите беше посветен на евроинтегративниот процес, при што министерот Муцунски се заблагодари за континуираната и гласна поддршка од страна на Австрија. Соговорниците се согласија дека проширувањето на Европската Унија претставува геополитичка неопходност за безбедноста и стабилноста на континентот.
Министерката Мајнл-Рајсингер, во рамки на заедничката прес-конференција, подвлече дека земјата е важен дел од Европа и дека Австрија силно ја поддржува нејзината европска перспектива.
„Гледаме колку е направено од ваша страна и колку отстапки сте направиле. Поминаа 20 години од почетокот на овој пат, и сега сме должни билатералните прашања да останат билатерални, а не да стануваат пречка во процесот“, истакна таа.
На средбата oд страна на министерот Муцунски беше изразена благодарност за австриската помош и солидарност по трагичниот настан во Кочани, кога повредените беа згрижени во болници во Виена и Грац – гест што уште еднаш го потврдува пријателството и блискоста меѓу народите на двете земји.
Министрите разменија мислења и за актуелните меѓународни случувања, при што заеднички констатираа дека во време на глобални предизвици е неопходна силна координација меѓу партнерите. Потврдија дека двете држави стојат заедно на страната на мирот, почитта кон меѓународното јавно право и одбраната на основните демократски вредности.
Македонија
Муртезани на балканскиот економски самит во Скопје: Македонија нуди стабилност, пазарна предвидливост и европска перспектива

Овој Самит претставува уште една потврда на силните и пријателски врски кои ги поврзуваат Република Северна Македонија и Република Турција. Овие односи, кои се длабоко вкоренети во нашата заедничка историја и култура, денес се манифестираат преку интензивна соработка во многу области, вклучувајќи ја и економијата, истакна министерот за европски прашања, Орхан Муртезани.
„Односите помеѓу Северна Македонија и Турција се искрени, динамични, стратешки и ориентирани кон иднината. Не станува збор само за добри односи, туку за заедничко разбирање на регионалниот контекст, за заемна поддршка во клучни моменти и за координирани чекори во иницијативите од заемен интерес. Нашата билатерална соработка опфаќа широк спектар: од висока политика и одбрана, преку економија и трговија, до образование и културна размена. Турција е еден од најзначајните странски партнери во економскиот развој на нашата земја, но уште поважно, таа е партнер кој вложува долгорочен интерес во стабилноста и напредокот на целиот регион“.
Во време кога глобалната економија се соочува со непредвидливи предизвици, според него настани како денешниот Самит имаат посебна тежина.
„Тие се можност не само за анализа, туку и за поставување конкретни цели. За нас, продлабочувањето на економската соработка со Турција, особено во делот на инвестиции, дигитална економија, зелени технологии и инфраструктурно поврзување, е од клучно значење. Веруваме во принципот на меѓусебна комплементарност, не како реторика, туку како модел за конкретни резултати. Северна Македонија нуди стабилност, пазарна предвидливост и европска перспектива. Турција пак од друга страна, носи искуство, капитал и регионална мрежа. Оваа комбинација е наша заедничка шанса и таа треба да биде искористена“.
Додаде дека тие како министерство се посветени на креирање на поволна бизнис клима и на унапредување на европските стандарди во нашата економија.
„Работиме на подобрување на регулаторната рамка, намалување на бирократијата и обезбедување транспарентност и предвидливост за инвеститорите. Северна Македонија е цврсто на патот кон европската интеграција, а економската соработка и странските инвестиции се клучни за постигнување на оваа стратешка цел“, нагласи Муртезани.
Македонија
Ексдиректорите осудени на една година и шест месеци затвор за пожарот во модуларната болница во Тетово

Ексдиректорите на Клиничката болница во Тетово, Флорин Бесими и Артан Етеми, се осудени на 1 година и 6 месеци затвор за пожарот во модуларната болница.
Болницата ќе треба да плати 1 милион денари.
Ова е втора пресуда за случајот, откако во првата беше досудена условна казна за директорите Бесими и Етеми која беше поништена од Апелациониот суд во Гостивар. Обвинителството повторно побара затвор, нагласувајќи ја одговорноста на директорите за непочитување на противпожарните прописи.
Пожарот во модуларната болница се случи на на 8 септемврри 2021 година при што животот го загубија 14 луѓе.