Македонија
Почувствуван земјотрес во Скопје

Телеметриската сеизмолошка мрежа на Република Северна Македонија, на сеизмолошките станици инсталирани на нашата територија, одржувани од Сеизмолошката опсерваторија при Природно-математичкиот факултет во Скопје, утринава во 5.49 часот регистрираше земјотрес, чиј епицентар припаѓа на скопското епицентрално подрачје со Рихтерова локална магнитуда ML 2.2.
Според досегашните податоци со кои располага Опсерваторијата, земјотресот е почувствуван од населението на градот Скопје и околината со интензитет од III-IV степени според Европската макросеизмичка скала.
©Makfax.com.mk Доколку преземете содржина од оваа страница, во целост сте се согласиле со нејзините Услови за користење.

Македонија
Злоупотребиле податоци од изгубена лична карта за да си исплатат добивка, а на сопственикот на личната карта му била укината социјалната помош

Тетовската полиција поднесе кривична пријава против Д.И.(22) од Тетово и К.К.(38) од Скопје поради постоење основи на сомнение за злоупотреба на лични податоци и несовесно работење во службата.
„На 15.03.2024, првопријавениот Д.И. – вработен во правен субјект од Скопје и второпријавениот К.К. – управител на правниот субјект, злоупотребувајќи ги личните податоци на лице од Тетово, кој ја изгубил личната карта, извршиле исплата на остварена добивка од 4.800 денари во правното лице, по што во август лицето примило решение од Јавната установа Меѓуопштински центар за социјална работа Тетово за престанок на правото на социјалната сигурност за стари лица“, соопшти МВР.
Македонија
Со фалсификати две лица пререгистрирале ловечко друштво, па издавале дозволи за лов без печат и потпис

Полицијата поднесе кривична пријава против И. А. (52) од струшкото село Лабуништа и против А. Џ. (35) од селото Подгорци поради фалсификување исправа и измама.
Од МВР велат дека во текот на 2024 година, со намера да пререгистрираат и присвојат ловечко друштво од Вевчани, пријавените почнале да собираат потписи и изготвиле лажни изјави од лица од околните села, набавиле фалсификувана исправа и печат на непостојно здружение и фалсификувале потписи на негови членови.
Истите документи, како што информираа од полицијата, без да бидат заведени на нотар, ги приложиле во Централниот регистар во Тетово, каде што без да се изврши преглед на доставената документација и спротивно на законот било издадено решение за промена на статутот по што го пререгистрирале ловечкото друштво.
Потоа пријавените почнале да управуваат и да издаваат дозволи за лов, без печат и потпис.
Македонија
(Видео) Крадец снимен како го ограбува манастирот „Успение на Пресвета Богородица”

Непознато лице го ограбило манастирот „Успение на Пресвета Богородица“ во село Обрштани, Кривогашатани. На снимката од безбедносните камери се гледа машко лице со маска на главата како краде пари од манастирот.
„Во текот на ноќта манастирот ‘Успение на Пресвета Богородица’ е ограбен. Секој што ќе го препознае сторителот да ги извести членовите на манастирскиот одбор“, повикаа од манастирот.