„Ветениот поврат на ДДВ заврши како фијаско. Наместо ветените 500 евра од поврат на ДДВ, граѓаните добиваат по 1.000 денари и тоа не сите, и тоа ќе го добијат помалку од 10% од потенцијалните корисници на оваа мерка на владата на СДСМ“, се вели во реакцијата на ВМРО-ДПМНЕ.

Според партијата, милиони евра завршуваат во џебовите и сметките на функционерите од власта чии фирми добиваат тендери, јавни набавки, грантови и слични повластици од народните пари.

„Додека ја замајуваат јавноста со 1.000 денари од поврат на ДДВ и слични популистички мерки, кланот Заеви стана најбогатиот клан не само на Балканот, туку и пошироко. Граѓаните јасно гледаат дека од ден во ден се потешко се живее обичниот човек, ама затоа цветаат бизнисите со марихуана, градежните, транспортните и многу други фирми кои ги поседуваат Заеви“, се додава во соопштението.

„ВМРО-ДПМНЕ соочена со убедлив и извесен пораз на претстојните парламентарни избори кулминира со нервозни соопштенија и страв дека вистината за нивниот најнов криминал ќе излезе на виделина. Молкот на опозицијата за незаконскиот долг од 400.000 евра за кампањата на Сиљаноска е гласен индикатор дека ВМРО-ДПМНЕ прикрива голем скандал, голема афера“, соопшти СДСМ.

Партијата прашува што финансирале фирми на Орце Камчев, осомничен во неколку предмети на СЈО?

„Дали има врска со рекет во самата ВМРО-ДПМНЕ?Овие одговори треба да ги даде истрагата.Фактите се јасни, ВМРО-ДПМНЕ должи 400.000 евра за кампањата на Гордана Сиљановска.Тоа е спротивно на член 71 од Изборниот законик каде е наведено дека сите трошоци за кампањата исклучиво треба се покријат од средствата на таа сметка.Наместо да штанцаат нервозни соопштенија од симболот на криминал и расипништво, нивниот бел дворец, Мицкоски и ВМРО-ДПМНЕ да одговорат на јавно поставените прашања.Одговорност за оваа афера мора да има“, се додава во соопштението.

Сараево, Белград и Скопје изутринава се меѓу најзагадените градови во светот. Главниот град на Босна и Херцеговина, утрово е второрангиран на листата на најзагадени места во светот според мерењето „AirVisual“.

Според оваа листа, на табелата која беше објавена изутринава на прво место е Бишкек, Киргистан, на второ место е Сараево, додека на третата позиција е Делхи во Индија.

Во однос на регионот, загадени градови се Белград, Скопје и Приштина. Белград е на шестото место на листата, пред Скопје кое што е на седмото место.

AQI го подготвува Индексот за квалитет на воздухот и се фокусира на најопасните честички, вклучувајќи ги и оние помалку од 2,5 микрометри и помеѓу 2,5 микрометри и 10 микрометри.