Управниот одбор на јавното претпријатие „Градски паркинг“ – Скопје, денес донесе одлука за намалување на цената за паркирање во Скопје од 1.3.2022.

Со ова, велат од таму, се исполнува едно од главните ветувања на новото раководство за граѓаните на Скопје.

„Со оваа одлука се предвидува намалување на цените на услугите на ЈП ‘Градски паркинг’, со што цената за паркирање се намалува во зонското паркирање – во зона А0 од 100 се намалува на 75 денари, во зона А од 50 се намалува на 40 денари, во зона Б од 40 на 30 денари, а во зоните Ц и Д паркирањето ќе се намали од 30 на 25 денари за 1 час“, пoтенцираат во писмениот допис.

„Со усвојување на оваа одлука на УО на ЈП ‘Градски паркинг’ се потврдува и реализира ветувањето за поевтин паркинг за скопјани“, додаваат од „Градски паркинг“ – Скопје.

Членувањето во меѓународните организации, кои практично треба да бидат гарант за еднаквоста помеѓу земјите членки, покажа исклучителна неприменливост во пракса. Интеграциските процеси за членување во овие организации е преобразено во фази што го разнебитуваат македонскиот идентитет, велат од Левицата.

Процесот на разнебитување на македонската држава, народ и нација, сметаат од оваа партија, практично почнал уште по прогласувањето на независноста. Историјата покажа, додаваат од Левицата, дека првата отстапка направена со цел регистрација (зачленување) на државата во ООН претставува слабост, преточена во традиција при секоја идна интеграција.

Тогаш, појаснуваат од таму, политичките елити прифатиле промена на државно знаме и привремена референца како име на држава, со што, како што велат, била создадена подлога за соседните земји непрекинато да бараат парче од сложувалката на македонскиот идентитет.

„Разнебитувањето продолжи преку Охридскиот рамковен договор, перипетијата се случи во Нивици со ставањето на потписот на преспанскиот договор, а кулминацијата зад затворени врати ја најавува Димитар Ковачевски преку прифаќањето на бугарското барање за тргање на ветото и деблокирање на интеграциските процеси со ЕУ. Бугарскиот премиер пред пратениците во бугарското собрание го кажа она што делегитимираната власт на СДСМ и ДУИ го спроведува зад грбот на македонскиот народ. Односно, сподели дека Ковачевски продолжува по стапките на Заев и прифатил Бугарите да бидат внесени во македонскиот Устав најавувајки преговори на заедничката историска комисија, која веќе има изготвени текстови и дека разговори за македонското малцинство во Бугарија се недопустливи“, истакнуваат од Левицата.

Според нив, ваквите барања се неприфатливи за Македонијa.

„Квазиполитичката елита, без нималку знаење и умешност, влегува во дипломатска игра без реципроцитет, дозволува екватантно мешање во внатрешните работи, што го загрозува уставниот поредок на државата. Власта на СДСМ и ДУИ непрекинато работи Македонија да стане дејтонизирана држава, а македонската нација како конститутивен елемент на државата – да се сведе на етничка заедница! По ниту еден основ не е дозволиво надворешен фактор да одлучува за промена во сопствениот Устав! Власта мора да застане во одбрана на државниот суверенитет и врз основа на ратификуваните меѓународни договори и веќе добиени пресуди да се избори за правата на Македонците во Бугарија“, нагласуваат од оваа партија.

Поради ова, додаваат од таму, Левицата инсистира итно да се прекинат преговорите со Бугарија од страна на, како што ја нарекуваат, делегитимираната македонска Влада.

„Доколку откажувањето од македонското име, знаме, народ, историја, јазик и идентитет се условите за зачленување во Европската Унија, тогаш тоа не ни треба!“, потенцираат од Левицата.

Второто полугодие во училиштата ќе почне со физичко присуство, изјави министерот за здравство, Беким Сали, и според него, епидемиолошката состојба го дозволува тоа, а Министерството за здравство ќе прави скрининг меѓу учениците по случаен избор.

Министерот најави дека ќе бидат преземени мерки доколку се појави ширење на коронавирусот во одреден регион, општина или град.

„Според нашите податоци, нема потреба од онлајн-учење во овој момент затоа што епидемиолошката состојба се менува секоја недела и врз основа на тие податоци ние ги носиме одлуките. Тоа значи дека од 1 февруари ќе се почне со физичко присуство во училиштата и како Министерство ќе преземеме превентивни мерки со случаен скрининг и во зависност од регионот, градот или општината, ако се појави епидемија, ќе се преземат мерки“, најави Сали.

Вчера, Синдикатот за образование, наука и култура побара од Владата да ја преиспита одлуката за почеток на второто полугодие со физичко присуство. Од таму оценуваат дека во ситуација кога расте бројот на новозаболени, треба да се почне со онлајн-настава во првите две недели, а потоа да се согледа епидемиолошката ситуација за да се почне со физичко присуство.