Македонија
СДСМ смета дека Мицкоски и Силјановска се кријат зад Комисијата за помилување која поднесе колективна оставка
Оставката на Комисијата за помилување е само уште една потврда за одговорноста која Силјановска треба да се одважи и да ја преземе, велат од Социјалдемократскиот сојуз по колективната оставка.
„Повеќе од јасно е дека таа ги дава помилувањата и последната одлука е токму нејзина. Наместо да се кријат таа и Мицкоски зад комисијата, треба да излезат и да кажат во каков договор се со помилуваните нарко босови. Нарко босовите лично и се заблагодарија на Силјановска за помилувањата и ниедна оставка не може да ја спаси од одговорност. Обидот на Мицкоски да ја префрли вината на СДСМ пак е доказ за манипулациите и лагите на кои е спремен премиерот кога е фатен во тесно.
Од Мицкоски одговорност и чесно признание на криминалите во кои е фатен граѓаните нема никогаш да видат. Станува збор за човек кој нема чуство за лидерство и правда и ова е само најава дека за секој следен случај тој ќе ја обивнува СДСМ. Ова е одлика на слабите лидери и лоши политичари каков што е Мицкоски. Со вакво однесување ниту правда, ниту одговорност ќе има во државата и владините функционери.
Јавно ги повикуваме Мицкоски и Силјановска – излезете признајте ја вината и извинети им се на граѓаните што ослободивте опасни криминалци, ако веќе немате намера да признаете кој е договорот со нив“, се вели во соопштението.
©Makfax.com.mk Доколку преземете содржина од оваа страница, во целост сте се согласиле со нејзините Услови за користење.
Македонија
Православните верници денес ја празнуваат Света Петка
Празникот посветен на Света Петка се слави денес, 27 октомври.
На иконите на кои е прикажана оваа светица, најчесто стои натписот: „Верувам во еден, единствен Бог и во Светото тројство“.
Таа се смета за заштитничка од разни несреќи, но и од многу болести поради што народот ја нарекува уште и мајка Параскева. Именден празнуваат: Петко, Петкана, Параскева, Пенка.
Кога и умреле родителите Параскева заминала во Јорданската пустина каде што долго живеела во молитви, пост и плач. Се хранела со пустинска растителна храна, само еднаш во денот, и тоа навечер. Според верувањата, долго време ѓаволот се обидувал да ја одврати од приврзаноста кон Бога. Се преправал во разни форми па и како ѕвер ја напаѓал, но таа не се поколебала.
Еден од обичаите кои се практикуваат на празникот на Света Петка е „петолебие“, кога луѓето носат пет лепчиња во црквата, во спомен на настанот од Библијата, кога Исус Христос со пет леба нахранил 5.000 луѓе. Притоа, петте лепчиња се осветуваат, при што едно му се дава на верникот, а четири остануваат во црквата.
Македонија
Сончево време со мала облачност и температура до 25 степени
Времето утрово по одделни котлини и речни долини е со услови за појава на магла. Преку денот, според најавите на УХМР, ќе биде сончево со мала до умерена локална облачност.
Ќе дува слаб ветер од јужен правец. Минималната температура ќе биде во интервал од -1 до 7, а максималната ќе достигне од 19 до 25 степени.
Во Скопје сончево со мала облачност и со слаб ветер од југоисточен правец. Минималната температура ќе се спушти до 6, а максималната ќе достигне до 23 степени.
Во наредните денови продолжува периодот на стабилно и сончево време со мала до умерена облачност, освен во среда кога ќе има услови за повремен локален дожд. По одделни котлини ќе има појава на утринска магла или ниска облачност, а дневната температура ќе биде без значителни промени.
Македонија
Членовите на Комисијата за помилување поднесоа колективна оставка
Членовите на Комисијата за помилување поднесоа колективна оставка, соопшти професорот Гордан Калајџиев.
„Ја известуваме јавноста за нашата колективна оставка од позициите членови на Комисијата за помилување. Оваа одлука ја донесовме во согласност со нашите лични и професионални принципи“, се вели во објавата на која стојат потписите на проф. д-р Методија Каневчев, Проф.д-р. Гордан Калајџиев, Проф.д-р. Арлинда Кадри Шахиновиќ, д-р. Зора Митиќ, М-р Ана Ѓорѓиева Ивановска, Ајтен Шаќири.
Oставките се случуваат откако помилувањата кои ги потпиша претседателката Гордана Сиљановска-Давкова предизвикаа бројни реакции во јавноста.
Меѓу помилуваните, најмногу прашина крена името на Акиф Бејадин Равмановски, за кого се пишуваше дека е припадник на скопскиот нарко клан Барон, но и еден од групата која само една седмица претходно, учествуваше во пукање во скопската населба Чаир, кога повреден беше скопјанец. Равмановски беше повторно приведен по објавата на помилувањата, и тоа на излегување од „Идризово“ за случајот со пукањето.
Meѓу помилуваните е и поранешниот градоначалник на Битола, Владимир Талевски, кој беше во затвор обвинет во случајот Транспортер и Маријан Ефремов првоосомничен во аферата Шпион. На листата се најде и Шенол Маслани од Арачиново, брат на познатиот Шенки Версаче, кој беше уапсен во голема акција кога полицијата заплени пушки, пиштоли, луксузни автомобили, пари и дрога.
Одлуките за помилување на осуденици, претседателот на државата ја носи по препорака на Комисијата за помилување, која е постојано работно тело во служба на претседателот.
Премиерот Христијан Мицкоски, претходно денес, одговарајќи на новинарски прашања ја обвини претходната владејачка гарнитура за случајот со Акиф Равманоски, коментирајќи дека тој е случај е од минатото, од претходната Влада, снесен како кукавичко јајце, коешто треба да имплодира во овој период. За опозициската СДСМ изјавата на Мицкоски е комична и во стилот „јас не сум од тука“.