Наместо да помогнат во справување со кризата, Мицкоски и ВМРО-ДПМНЕ работат против здравствениот систем, велат од СДСМ преку соопштение.

„Христијан Мицкоски и ВМРО-ДПМНЕ глумат загриженост за здравјето на граѓаните и ја злоупотребуваат сериозната здравствена ситуација за дневнополитички поени.

Од ВМРО-ДПМНЕ од почетокот на кризата не видовме ништо друго освен неконструктивно дејствувањее, опструкции и критики за сите кои се борат со невидливиот непријател.

Свесни дека Министерството за здравство добро ја менаџира кризата, наместо да помогнат, Мицкоски и ВМРО-ДПМНЕ прават сè за да одмагаат.

Кадарот на Мицкоски во техничката Влада го кочеше заемот од Светска банка со чии средства требаше да се опремат ковид-болници. Да не беа таквите блокади, сега во државата веќе ќе имаше опремени нови 16 ковид-болници, уште поподготвени за есенскиот бран на коронавирусот.

ВМРО-ДПМНЕ во Собранието го кочеше и Законот за заштита на населението од заразни болести, условувајќи го со формирање на некаква паралелна комисија за заразни болести.

Додека сите се посветени во борбата против пандемијата, ВМРО-ДПМНЕ преку нивниот Вело Марковски со лажни вести и ставови дека коронавирусот не опасен ги саботира мерките за заштита на јавното здравје и ги збунува граѓаните.

Самиот Мицкоски не ги почитуваше мерките за заштита од коронавирусот, одеше во вежбалници и седеше во кафеани кога тоа беше забрането, а сега оранизира собири со кои го загрозува здравјето на граѓаните, само за да ја сочува партиската фотелја во белиот дворец.

ВМРО-ДПМНЕ и Мицкоски не знаат за ништо друго освен деструкција и дејствување спротивно на интересите и здравјето на граѓаните“, наведе СДСМ во соопштението.