Македонија
Сирија Рашиди: Сега е време за чисто владеење
![](https://makfax.com.mk/wp-content/uploads/2020/07/WhatsApp-Image-2020-07-05-at-16.19.22-2.jpeg)
На централниот митинг на коалицијата Алијанса/Алтернатива, синоќа во Струга зборуваше носителот на списокот за пратеници во петтата изборна зона Сирија Рашиди, кој рече дека точно во Струга пред 6 години започна процес кој се претвори во моќно политичко движење, што според него годинава заедно со Алтернатива ќе донесе сигурна победа за Албанците.
„Ние стружаните исто така сме и огорчени. Огорчени сме што пред 3 години со помош на Љубе Бошкоски, со помош на државата и службите, на иницијатива на екстремен шовинист, ја нарушија апсолутната политичка волја на албанските стружани. Дами и господа, сега е време за различна влада. Сега е време за чиста влада, сега е време за еднаквост, сега е време за правда. Сега е време за оригинални реформи во образованието и здравството, сега е време за инвестирање во секое албанско село, сега е време за развој, сега е време да се врати надежта, сега е време да се запре егзодусот“, рече Рашиди.
Тој додаде дека е лицемерно да се слушне ДУИ да зборува за правдата.
„Кога корумпираните Албанци и крадци се на слобода, а чесни и невини Албанци се внатре. Затворите се полни со обични Албанци, дури и невини, и оние што имаат место во затвор, денес прават политика“, додаде Сирија Рашиди.
Рашиди истакна и дека се свесни дека на граѓаните во ова време им се закануваат и уценуваат со цел да купат гласови од нив, но тој им вети на граѓаните дека заокружувањето на бројот 5 на 15 јули ќе стави крај на овие практики кои им наштетија со години на Албанците.
©Makfax.com.mk Доколку преземете содржина од оваа страница, во целост сте се согласиле со нејзините Услови за користење.
![](https://makfax.com.mk/wp-content/uploads/2022/08/makfax_logo_350px.jpg)
Македонија
Мицкоски: Kако нација имаме две големи цели, да го победиме разочарувањето и да го сузбиеме криминалот
![](https://makfax.com.mk/wp-content/uploads/2024/09/Micko.jpg)
Тогаш битката беше како ќе се исправиме на нозе, денеска битката е како ќе направиме големи чекори напред, истакна премиерот Христијан Мицкоски во обраќањето на свечената академија по повод Денот на независноста – 8 Септември под слоганот „Заедно се бориме, заедно ќе успееме!“.
На Свечената академија во организација на Владата, Мицкоски рече дека овој ден нѐ потсетува на нашето долго патување до слободата.
– Денеска сме исправени пред нова борба, еднакво значајна како создавањето на татковината. Тогаш владееше ентузијазам и голема енергија и одобрување на референдумот. Триесет и три години подоцна, многу работи се изменети, а сите ние повеќе искусни. Многу порази, многу неупсеси, потфрлања во системот. Битката не смее престане затоа што патриотизмот постои и денеска, посочи премиерот.
Запрашаша дали после децениските разочарувања, битката треба да престане. -Одговорот е никако. И тоа не е опција. Затоа што патриотизмот постои и денес, и денес со оваа генерација битката мора да се извојува. Патриотизмот е ист, но целите и работите кои мора да ги победиме се различни, истакна Мицкоски.
Тој потенцираше дека како нација имаме две големи цели – да го победиме разочарувањето на секој еден човек напластено од сите неуспеси, а втората, да го сузбиеме криминалот и корупцијата која метастазира во сите делови од општеството.
Нагласи дека, како што рече „ќе се борам со секој атом да докажам дека сме поразлични од сѐ досега и дека го менуваме работите“.
Свечената академија започна со изведба на македонската химна од страна на детски хор во Македонската филхармонија. Беше прикажан видео спотот „Везилка“ која вклучува оригинална изведба на песната од Блаже Конески, како и изведби на дела од македонски автори поврзани со оваа тематика од страна на државниот џез оркестар.
Како што соопштија претходно од владината прес-служба, настанот е дел од пошироката иницијатива на Владата за подигање на свеста за значењето на независноста и заедничката борба на граѓаните за подобра иднина.
Македонија
СДСМ оддаде почит и положи цвеќе на вечните почивалишта на Глигоров и Трајковски
![](https://makfax.com.mk/wp-content/uploads/2024/09/SDSM-delegacija.jpg)
Во рамки на официјалното одбележување на Денот на независноста – 8 септември, делегација на СДСМ составена од пратеникот Митко Трајчулески, претседателот на СДММ Трајче Стојчевски и Викторија Мадиќ денеска оддаде почит и положи свежо цвеќе на вечното почивалиште на првиот Претседател на Република Македонија, Киро Глигоров, на вечното почивалиште на Претседателот Борис Трајковски, на почивалиштето на првиот премиер Никола Кљусев и на споменикот на борците од НОБ.
Нивната големина и значаен придонес е вграден во државотворниот процес на осамостојувањето и градењето на независноста на македонската држава. Вечна им слава и почит.
Македонија
Делегација на Левица положи свежо цвеќе по повод 8 Септември
![](https://makfax.com.mk/wp-content/uploads/2024/09/Levica.jpg)
На денешен ден 1991 година е одржан Референдумот за независност на Македонија, а на Референдумот позитивно се изјасниле 1.079.308 граѓани, односно 95,26% од оние кои гласале биле „за“ суверена и независна држава Македонија.
По тој повод, денес на 33 – годишнината од независноста на Mакедонија, делегација на Левица составена од членовите на Централниот комитет, Андреа Јанков, Гордана Ивановска и Марјан Димитриев, положи свежо цвеќе на споменикот на паднатите борци на НОБ во Алејата на великаните во Бутел.
„И овој 8 Септември потсетуваме дека Уставното име на државата е Република Македонија! Референдумот одржан на 30 септември 2018 година, за промена на уставното име беше неуспешен. Оттука, промената на уставното име на државата, како последица на Преспанскиот договор, којшто насила го склучи тогашната квислингшка власт (без потпис од претседателот) е ништовен! Левица останува доследна на правото за самоопределување на народите и како партија не ги признава империјалистички наметнатите договори, спротивни на повелбата на ООН, коишто го нарушија суверенитетот на државата и угледот на Македонците! Сметаме дека овие нелегитимни договори не треба да се почитуваат! Секоја наредна Влада која ги почитува истите, слободно, може да се смета за соучесник во најголемото предавство направено на македонскиот народ од тогашната влада на СДСМ“, порачуваат од Левица.